बुधवार 4 जनवरी 2023 की दैनिक मुरली

04-01-2023 praatahmurli om shanti "baapdaada"' madhuban

“meethe bachche - tum moti chugne vaale hans ho, tumhaari hai hansamandali, tum lucky sitaare ho, kyonki svayan gyaan soorya baap tumhein sammukh padha rahe hain''

prashn:- baap ne sabhi bachchon ko kaun si roshni di hai, jisse purushaartha teevra ho gaya?

uttar:- baap ne roshni di, bachche ab is drama ki ant hai, tumhein nai duniya mein chalna hai। aise nahin jo milna hoga woh milega। purushaartha hai first। pavitra bankar auron ko pavitra banaana, yeh bahut badi seva hai। yeh roshni aate hi tum bachchon ka purushaartha teevra ho gaya।

geet:- tu pyaar ka saagar hai…

om shanti। bachche jaante hain ki pyaar ka saagar, shanti ka saagar, aananda ka saagar behad ka baap sammukh baith hamko shiksha de rahe hain। kitne lucky sitaare hain, jinko sammukh gyaan soorya baap padha rahe hain। ab jo bagula mandali thi, woh hans-mandali ban gai hai। moti chugne lag gaye hain। yeh bhaai-behen sab hain hans, inko hans mandali bhi kaha jaata hai। kalpa pahle vaale hi is samay, is janma mein ek do ko pahchaante hain। roohaani paarlaukik maa baap aur bhaai behen aapas mein ek do ko pahchaante hain। yaad hai ki 5 hajaar varsha pahle bhi ham aapas mein isi naam roop se mile the? yeh tum abhi kah sakte ho, phir kabhi bhi koi janma mein aise kah nahin sakenge। jo bhi brahmaakumaar kumaariyaan bante hain, vahi ek do ko pahchaanenge। baba aap bhi vahi ho, ham aapke bachche bhi vahi hain, ham bhaai-behen phir se apne baap se varsa lete hain। abhi baap aur bachche sammukh baithe hain phir yeh naam-roop aadi sab badal jaayega। satayug mein lakshmi-naaraayan aise thode hi kahenge ki ham vahi kalpa pahle vaale lakshmi-naaraayan hain va praja thode hi kahegi ki yeh vahi kalpa pahle vaale lakshmi-naaraayan hain। nahin। yeh sirf is samay tum bachche hi jaante ho। is samay tum bahut kuchh jaan jaate ho। pahle to tum kuchh nahin jaante the। main hi kalpa ke sangamayuge aakar apni pahchaan deta hoon। yeh sirf behad ka baap hi kah sakte hain। nai duniya ki sthaapna to puraani duniya ka vinaash bhi zaroor hona chaahiye। yeh hai donon ka sangamayug। yeh bahut kalyaankaari yug hai। satayug ko va kaliyug ko kalyaankaari nahin kahenge। tumhaara yeh abhi ka jeevan amoolya gaaya hua hai। isi jeevan mein kaudi se heere jaisa banna hai। tum bachche sachche-sachche khudaai khidmatgaar ho। eeshvareey salvation army ho। eeshvar aakar maaya se tumko liberate karte hain। tum jaante ho ki hamko inparticular (khaas) aur duniya ko in general (aam) maaya ki janjeeron se chhudaate hain। yeh bhi drama mein noondh hai। ab badaai kisko deven? jiski acting achhi hoti hai, unka hi naam hota hai। to badaai bhi parampita paramatma ko hi di jaati hai। ab dharti par paapaatmaaon ka bahut bojh hai। sarson misal kitne dher manushya hain। baap aakar bojh utaarte hain। vahaan to kuchh laakh hi hote hain, to kya quarter percent bhi nahin hua। to is drama ko bhi achhi reeti samajhna hai। paramatma ko sarvashaktimaan kehte hain। yeh bhi unka drama mein part hai। baap kehte hain main bhi drama mein baandha hua hoon। yada yadaahi dharmasya... likha hua hai। ab vahi dharma ki glaani bhi bhaarat mein barobar hai। meri bhi glaani karte hain, devtaaon ki bhi glaani karte hain, isliye bahut paap aatma ban pade hain। yeh bhi unhon ko banna hi hai। sato, rajo, tamo mein aana hi hai। tum is drama ko samajh gaye ho। buddhi mein chakra phirta rehta hai। baap ne aakar roshni di hai। abhi is drama ki ant hai। ab tum phir nai duniya ke liye purushaartha karo। aise nahin jo milna hoga woh milega। nahin। purushaartha first। saari taakat pavitrata mein hai। pavitrata ki balihaari hai। devtaayen pavitra hain tab apvitra manushya unhon ke aage jaakar maatha jhukaate hain। sannyaasiyon ko bhi maatha tekte hain। marne ke baad unhon ka yaadgaar banaaya jaata hai kyonki pavitra bane hain। koi-koi jismaani kaam bhi bahut karte hain। hospital kholte hain va college banaate hain to unhon ka bhi naam nikalta hai। sabse bada naam unka hai jo sabko pavitra banaate hain aur jo unke madadgaar bante hain। tum pavitra bante ho, us ever-pure ke saath yog lagaane se। jitna tum yog lagaate jaayenge utna tum pavitra bante jaayenge, phir ant mati so gati। baap ke paas chale jaayenge। vo log yaatra par jaate hain to aise nahin samajhte hain ki baap ke paas jaana hai। phir bhi pavitra rehte hain। yahaan to baap sabhi ko pavitra banaate hain। drama ko bhi samajhna kitna sahaj hai। bahut points samjhaate rehte hain। phir kehte hain sirf baap aur varse ko yaad karo। marne samay sab bhagwan ki yaad dilaate hain। achha bhagwan kya karega? phir koi shareer chhodte hain to kehte hain svargavaasi hua। goya paramatma ki yaad mein shareer chhodne se vaikuntha mein chale jaayenge। vo log baap ko jaante nahin। yeh bhi kiski buddhi mein nahin hai ki ham baap ko yaad karne se, vaikuntha mein pahunch jaayenge। woh sirf kehte hain paramatma ko yaad karo। angreji mein god father kehte hain। yahaan tum kehte ho parampita paramatma। vo log pahle god phir father kehte। ham pahle parampita phir paramatma kehte। woh sabka father hai। agar sabhi father hon to phir O god father kah na saken। thodi si baat bhi nahin samajh sakte। baap ne tumko sahaj karke samjhaaya hai। manushya jab duhkhi hote hain to paramatma ko yaad karte hain। manushya hain deh-abhimaani aur yaad karti hai dehi (aatma) agar paramatma sarvavyaapi hai to phir aatma (dehi) kyon yaad kare? agar aatma nirlep hai phir bhi dehi athva aatma kya yaad karti hai? bhaktimaarga mein aatma hi paramatma ko yaad karti hai kyonki duhkhi hai। jitna sukh mila hai utna yaad karna padta hai।

yeh hai padhaai, em-object bhi clear hai। ismen andhashraddha ki koi baat nahin। tum sabhi dharma vaalon ko jaante ho - is samay sabhi maujood hain। ab phir devi-devta dharma ki history-repeat honi hai। yeh koi nai baat nahin। kalpa-kalpa ham raajya lete hain। jaise woh had ka khel repeat hota hai vaise yeh behad ka khel hai। aadhaakalpa ka hamaara dushman kaun? raavan। ham koi ladaai kar raajya nahin lete hain। na koi hinsak ladaai ladte hain, na koi jeet pahanne ke liye lashkir lekar ladte hain। yeh haar jeet ka khel hai। parantu haar bhi sookshm to jeet bhi sookshm। maaya se haare haar hai, maaya se jeete jeet hai। manushyon ne maaya ke badle man akshar daal diya hai to ulta ho gaya hai। yeh drama mein khel bhi pahle hi bana hua hai। baap khud baith parichay dete hain। rachayita ko aur koi manushya jaante hi nahin, to parichay kaise de sakte। rachayita hai ek baap, baaki ham hain rachna। to zaroor hamko raajya-bhaagya milna chaahiye। manushya to kah dete paramatma sarvavyaapi hai to sab rachta ho gaye। rachna ko uda diya hai, kitne pattharbuddhi, duhkhi ho gaye hain। sirf apni mahima karte hain ki ham vaishnav hain, goya ham aadha devta hain। samajhte hain devtaayen vaishnav the। vaastav mein vegetarian ka mukhya arth hai ahinsa parmodharma। devtaaon ko pakke vaishnav kaha jaata hai। aise to apne ko vaishnav kahlaane vaale bahut hain। parantu lakshmi-naaraayan ke raajya mein vaishnav sampradaay pavitra bhi the। ab us vaishnav sampradaay ka raajya kahaan hai? ab tum brahman bane ho, tum brahmaakumaar kumaariyaan ho to zaroor brahma bhi hoga, tab to naam rakha hua hai shivvanshi prajaapita brahma ki aulaad। gaaya bhi jaata hai ki shivbaaba aaya tha, usne brahman sampradaay rachi, jo brahman phir devta bane। ab tum shudra se brahman bane ho tab brahmaakumaar kumaari kahlaate ho। viraat roop ke chitra par bhi samjhaana achha hai। vishnu ka hi viraat roop dikhaaya hai। vishnu aur uski raajdhaani (santaan) hi viraat chakra mein aate hain। yeh sab baba ke vichaar chalte hain। tum bhi vichaar saagar manthan ki practice karenge to raatri ko neend nahin aayegi। yahi chintan chalta rahega। subah ko uth dhandhe aadi mein lag jaayenge। kehte hain subah ka saani.... tum bhi kisko baith samjhaayenge to kahenge - oho! yeh to hamko manushya se devta, beggar se prince banaane aaye hain। pahle alaukik seva karni chaahiye, sthool service baad mein। shauk chaahiye। khaas maataayen bahut achhi reeti service kar sakti hain। maataaon ko koi dhikkaarenge nahin। sabji vaale, anaaj vaale, naukar aadi sabko samjhaana hai। koi rah na jaae jo ulhana deve। service mein dil ki sachchaai chaahiye। baap se poora yog chaahiye tab dhaarna ho sake। vakkhar (saamagri) bharkar phir port par steamer delivery karne jaayen। unko phir ghar mein sukh nahin aayega, bhaagta rahega। yeh chitra bhi bahut madad dete hain। kitna saaph hai - shivbaaba brahma dvaara vishnupuri ki sthaapna kara rahe hain। yeh hai roodra gyaan yagya, krishna gyaan yagya nahin। is roodra gyaan yagya se vinaash jvaala prajjavlit hui hai। shreekrishna to yagya rach nahin sakte। woh 84 janma lenge to naam-roop badal jaayega aur koi roop mein shreekrishna ho na sake। shreekrishna ka part to jab usi roop mein aaye tab hi repeat kare। achha-

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sachche-sachche khudaai khidmatgaar athva eeshvareey salvation army ban sabko maaya se liberate karna hai। is jeevan mein kaudi se heere jaisa banna aur banaana hai।

2) jaise baba vichaar saagar manthan karte hain, aise gyaan ka vichaar saagar manthan karna hai। kalyaankaari ban alaukik seva mein tatpar rehna hai। dil ki sachchaai se seva karni hai।

vardaan:- chhoti-chhoti avagyaaon ke bojh ko samaapta kar sada samartha rahne vaale shreshtha charitravaan bhav

jaise amritvele uthne ki aagya hai to uthkar baith jaate hain lekin vidhi se siddhi ko praapta nahin karte, sweet silence ke saath nidra ki silence mix ho jaati hai। 2-baap ki aagya hai kisi bhi aatma ko na duhkh do, na duhkh lo, ismen duhkh dete nahin hain lekin le lete hain। 3- krodh nahin karte lekin rob mein aa jaate hain, aisi chhoti-chhoti avagyaayen man ko bhaari kar deti hain। ab inhen samaapta kar aagyaakaari charitra ka chitra banaao tab kahenge sada samartha charitravaan aatma।

slogan:- sammaan maangane ke bajaae sabko sammaan do to sabka sammaan milta rahega।