शुक्रवार 20 जनवरी 2023 की दैनिक मुरली

20-01-2023 praatahmurli om shanti "baapdaada"' madhuban

“meethe bachche - tum pees sthaapan karne ke nimitta ho, isliye bahut-bahut pees mein rehna hai, buddhi mein rahe ki ham baap ke adopted bachche aapas mein bhaai-behen hain''

prashn:- poora surrender kise kahenge, unki nishaani kya hogi?

uttar:- poora surrender woh, jinki buddhi mein rehta ki ham eeshvareey maa-baap se palte hain। baba yeh sab kuchh aapka hai, aap hamaari paalna karte ho। bhal koi naukri aadi karte hain lekin buddhi se samajhte hain yeh sab baba ke liye hai। baap ko madad karte rehte, usse itne bade yagya ki kaarobaar chalti, sabki paalna hoti… aise bachche bhi arpan buddhi hue। saath-saath pad ooncha paane ke liye padhna aur padhaana bhi hai। shareer nirvaah arth karma karte hue behad ke maat-pita ko shvaanson shvaans yaad karna hai।

geet:- om namo shivaae...

om shanti। yeh geet to hai gaayan। vaastav mein mahima saari hai hi oonche te oonche paramatma ki, jisko bachche jaante hain aur bachchon dvaara saari duniya bhi jaanti hai ki maat-pita hamaara vahi hai। ab tum maat-pita ke saath kutumba mein baithe ho। shreekrishna ko to maat-pita kah nahin sakte। bhal unke saath raadhe bhi ho to bhi unko maata pita nahin kahenge kyonki woh to prince-princess hain। shaastron mein yeh bhool hai। ab yeh behad ka baap tumko sabhi shaastron ka saar bataate hain। bhal is samay sirf tum bachche sammukh baithe ho। koi bachche bhal door haimparantu woh bhi sun rahe hain। ve jaante hain ki maat-pita hamko srishti ke aadi-madhya-ant ka raaz samjha rahe hain aur sada sukhi banaane ka raasta va yukti bata rahe hain। yeh hu ba hu jaisa ghar hai। thode bachche yahaan hain, bahut to baahar hain। yeh hai brahma mukh vanshaavli, nai rachna hai। woh ho gai puraani rachna। bachche jaante hain ki baba hamko sada sukhi banaane aaye hain। laukik maa-baap bhi bachche ko bada kar school mein le jaate hain। yahaan behad ka baap hamko padha bhi rahe hain, hamaari paalna bhi kar rahe hain। tum bachchon ko ab ek ke bigar doosra koi raha hi nahin hai। maa-baap bhi samajhte hain - yeh hamaare bachche hain। laukik kutumba hoga to 10-15 bachche honge, 2-3 shaadi ki hogi। yahaan to yeh sab baba ke bachche baithe hain। jitne bhi bachche paida karne hain so abhi hi brahma mukh kamal dvaara karne hain। peechhe to bachche paida karne hi nahin hain। sabhi ko vaapis jaana hai। yeh ek hi adopted maata nimitta hai। yeh badi wonderful baat hai। yeh to zaroor hai gareeb ka bachcha samjhega ki hamaara baap gareeb hai। saahookaar ka bachcha samjhega ki hamaara baap saahookaar hai। woh to anek maa-baap hain। yeh to saare jagat ka ek hi maata-pita hai। tum sabhi jaante ho ki ham unke mukh se adopt hue hain। yeh hamaara paarlaukik maa-baap hai। yeh aate hi puraani srishti mein hain, jab manushya bahut-bahut duhkhi hote hain। bachche jaante hain ki hamne is paarlaukik maat-pita ki god li hai। ham sab aapas mein bhaai-behen hain। doosra koi hamaara sambandh nahin hai। to bhaai behen ko aapas mein bahut meetha, royal, peaceful, knowledge-full, blissful banna chaahiye। jabki tum pees sthaapan kar rahe ho to tumko bhi bahut pees mein rehna chaahiye। bachchon ko yeh to buddhi mein hona chaahiye ki ham paarlaukik baap ke adopted bachche hain। paramdham se baap aaye hain। woh hai daada (grand father) yeh daada (bada bhaai) hai, jo poora surrender hain vo samjhenge ham eeshvareey maa-baap se palte hain। baba yeh sab kuchh aapka hai। aap hamaari paalna karte ho। jo bachche arpan hote hain unse sabhi ki paalna ho jaati hai। bhal koi naukri karte hain to bhi samajhte hain yeh sab kuchh baba ke liye hai। to baap ko bhi madad karte rehte hain। nahin to yagya ki kaarobaar kaise chale। raaja raani ko bhi maat-pita kehte hain। parantu woh phir bhi jismaani maat-pita hue। raaj-maata bhi kehte hain to raaj-pita bhi kehte hain। yeh phir hain behad ke। bachche jaante hain ki ham maat-pita ke saath baithe hain। yeh bhi bachche jaante hain ki ham jitna padhenge aur padhaayenge utna oonch pad paayenge। saath-saath shareer nirvaah arth karma bhi karna hai। yeh daada bhi bujurga hai। shivbaaba ko kabhi boodha va javaan nahin kahenge। woh hai hi niraakaar। yeh bhi tum jaante ho ki ham aatmaon ko niraakaar baap ne adopt kiya hai। aur phir saakaar mein hai yeh brahma। aham aatma kehti hain hamne baap ko apna banaaya hai। phir neeche aao to kahenge ham bhaai bahnon ne brahma ko apna banaaya hai। shivbaaba kehte hain - tum brahma dvaara hamaare brahma mukh vanshaavli bane ho। brahma bhi kehte hain tum hamaare bachche bane ho। tum braahmanon ki buddhi mein shvaanson shvaans yahi chalega ki yeh hamaara baap hai, woh hamaara daada hai। baap se jaasti daade ko yaad karte hain। woh manushya to baap se jhagda aadi karke bhi daade se property lete hain। tumko bhi koshish karke baap se bhi jaasti daade se varsa lena hai। baba jab poochhte hain to sabhi kehte hain ham naaraayan ko varenge। koi-koi naye aate the, pavitra nahin rah sakte to woh haath nahin utha sakte। kah dete maaya badi prabal hai। woh to kah bhi nahin sakte ki ham shri naaraayan ko va lakshmi ko varenge। dekho, jab baba sammukh sunaate hain to kitna khushi ka paara chadhta hai। buddhi ko refresh kiya jaata hai to nasha chadhta hai। phir kisi-kisi ko woh nasha sthaai rehta hai, kisi-kisi mein kam ho jaata hai। behad ke baap ko yaad karna hai, 84 janmon ko yaad karna hai aur chakravarti raajaai ko bhi yaad karna hai। jo maanne vaale nahin honge unko yaad nahin rahegi। baapdaada samajh jaate hain ki baba-baba kehte to hain parantu sach-sach yaad karte nahin hain aur na lakshmi-naaraayan ko varne laayak hain। chalan hi aisi hai। antaryaami baap har ek ki buddhi ko samajhte hain। yahaan shaastron ki to koi baat hi nahin। baap ne aakar raajayog sikhaaya hai, jiska naam geeta rakha hai। baaki to chhote mote dharmon vaale sab apna-apna shaastra bana lete hain phir woh padhte rehte hain। baba shaastra nahin padhe hain। kehte hain bachche - main tumko svarga ki raah bataane aaya hoon। tum jaise ashareeri aaye the, vaise hi tumko jaana hai। deh sahit sab in duhkhon ke karmabandhan ko chhod dena hai kyonki deh bhi duhkh deti hai। beemaari hogi to class mein aa nahin sakenge। to yeh bhi deh ka bandhan ho gaya, ismen buddhi badi saalim chaahiye। pahle to nishchay chaahiye ki barobar baba svarga rachta hai। abhi to hai narka। jab koi marta hai to kehte hain svarga gaya, to zaroor narka mein tha na। parantu yeh tum abhi samajhte ho kyonki tumhaari buddhi mein svarga hai। baba roz naye-naye tareeke se samjhaate hain। to tumhaari buddhi mein achhi reeti baithe। hamaara behad ka maat-pita hai। to pahle buddhi ekdam oopar chali jaayegi। phir kahenge is samay baba aabu mein hai। jaise yaatra par jaate hain to badreenaath ka mandir oopar rehta hai। pande le jaate hain, badreenaath khud to le chalne liye nahin aata hai। manushya panda bante hain। yahaan shivbaaba khud aate hain paramdham se। kehte hain he aatmaayen tumko yeh shareer chhod shivpuri chalna hai। jahaan jaana hai woh nishaana zaroor yaad rahega। woh badreenaath chaitanya mein aakar bachchon ko saath le jaaye, aise to ho nahin sakta। woh to yahaan ka rahvaasi hai। yeh parampita paramatma kehte hain main paramdham ka rahvaasi hoon। tumko lene liye aaya hoon। shreekrishna to aise kah na sake। rudra shivbaaba kehte hain, yeh rudra yagya racha hua hai। geeta mein bhi rudra ki baat likhi hui hai। woh roohaani baap kehte hain mujhe yaad karo। baap aisi yukti se yaatra sikhaate hain, jo jab vinaash ho to tum aatma shareer chhod seedha baap ke paas chale jaayenge। phir to shuddh aatma ko shuddh shareer chaahiye, so tab hoga jab nai srishti ho। abhi to sabhi aatmaayen machchharon sadrishya vaapas jaayengi, baba ke saath, isliye unko khivaiya bhi kaha jaata hai। is vishay saagar se us paar le jaate hain। shreekrishna ko khivaiya nahin kah sakte। baap hi is duhkh ke sansaar se sukh ke sansaar mein le jaate hain। yahi bhaarat vishnupuri, lakshmi-naaraayan ka raajya tha। ab raavanpuri hai। raavan ka chitra bhi dikhaana chaahiye। chitron se bahut kaam lena hai। jaise hamaari aatma hai vaise baba ki aatma hai। sirf ham pahle agyaani the, woh gyaan ka saagar hai। agyaani usko kaha jaata hai jo rachta aur rachna ko nahin jaante hain। rachta dvaara jo rachta aur rachna ko jaante hain unko gyaani kaha jaata hai। yeh gyaan tumko yahaan milta hai। satayug mein nahin milta। vo log kehte hain paramatma vishwa ka maalik hai। manushya us maalik ko yaad karte hain, parantu vaastav mein vishwa ka athva srishti ka maalik to lakshmi-naaraayan bante hain। niraakaar shivbaaba to vishwa ka maalik banta nahin। to unhon se poochhna pade ki woh maalik niraakaar hai ya saakaar? niraakaar to saakaar srishti ka maalik ho na sake। woh hai brahmaanda ka maalik। vahi aakar patit duniya ko paavan banaate hain। khud paavan duniya ka maalik nahin bante। unka maalik to lakshmi-naaraayan bante hain aur banaane vaala hai baap। yeh badi guhya baaten hain samajhne ki। ham aatma bhi jab brahm tatva mein rehti hain to brahmaanda ke maalik hain। jaise raaja raani kahenge ham bhaarat ke maalik hain to praja bhi kahegi ham maalik hain। vahaan rehte to hain na। vaise baap brahmaanda ka maalik hai, ham bhi maalik hi thahre। phir baba aakar nai manushya srishti rachte hain। kehte hain mujhe is par raajya nahin karna hai, main manushya nahin banta hoon। main to yeh shareer bhi loan leta hoon। tumko srishti ka maalik banaane raajayog sikhaata hoon। tum jitna purushaartha karenge utna pad ooncha paayenge, ismen kami mat karo। teacher to sabhi ko padhaate hain। agar imtahaan mein bahut paas hote hain to teacher ka bhi show hota hai। phir unko government se lift milti hai। yeh bhi aise hai। jitna achha padhenge utna achha pad milega। maa-baap bhi khush honge। imtahaan mein paas hote hain to mithaai baantate hain। yahaan to tum roz mithaai baantate ho। phir jab imtahaan mein paas ho jaate ho to sone ke phoolon ki varsha hoti hai। tumhaare oopar koi aakaash se phool nahi girenge parantu tum ekdam sone ke mahlon ke maalik ban jaate ho। yeh to koi ki mahima karne ke liye sone ke phool banaakar un par daalte hain। jaise darbhanga ka raaja bahut saahookaar tha, unka bachcha vilaayat gaya to party di, bahut paisa kharcha kiya। usne sone ke phool banaakar varsha ki thi। us par bahut kharcha ho gaya। bahut naam hua tha। kehte the dekho bhaaratvaasi kaise paise udaate hain। tum to khud hi sone ke mahlon mein jaakar baithenge to tumko kitna nasha rehna chaahiye। baap kehte hain sirf mere ko aur chakra ko yaad karo to tumhaara beda paar ho jaayega। kitna sahaj hai।

tum bachche ho chaitanya parvaane, baba hai chaitanya shama। tum kehte ho abhi hamaara raajya sthaapan hona hai। ab sachcha baba aaya hua hai bhakti ka phal dene। baba ne khud batlaaya hai main kaise aakar naye braahmanon ki srishti rachta hoon। mujhe zaroor aana pade। tum bachche jaante ho ham brahmaakumaar aur kumaariyaan hain। shivbaaba ke potre hain। yeh family hai wonderful। kaise devi-devta dharma ka kalam lag raha hai। jhaad mein clear hai। neeche tum baithe ho। tum bachche kitne saubhaagyashaali ho। most beloved baap baith samjhaate hain ki main aaya hoon tum bachchon ko raavan ki janjeeron se chhudaane। raavan ne tumko rogi bana diya hai। ab baap kehte hain mujhe yaad karo arthaat shivbaaba ko yaad karo isse tumhaari jyoti jagegi, phir tum udne laayak ban jaayenge। maaya ne sabke pankh tod daale hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi ko saalim banaane ke liye deh mein rehte, deh ke bandhan se nyaara rehna hai। ashareeri banne ka abhyaas karna hai। beemaari aadi ke samay bhi baap ki yaad mein rehna hai।

2) paarlaukik maat-pita ke bachche bane hain, isliye bahut-bahut meetha, royal, peaceful, knowledgeful aur blissful rehna hai। pees mein rah pees sthaapan karni hai।

vardaan:- roohaaniyat ke saath ramneekta mein aane vaale maryaada purooshottam bhav

kai bachche hansi-majaak bahut karte hain aur use hi ramneekta samajhte hain। vaise ramneekta ka gun achha maana jaata hai lekin vyakti, samay, sangathan, sthaan, vaayumandal ke pramaan ramneekta achhi lagti hai। yadi in sab baaton mein se ek baat bhi theek nahin to ramneekta bhi vyartha ki line mein gini jaayegi aur certificate milega ki yeh hansaate bahut achha hain lekin bolte bahut hain, isliye hanseemjaak achha woh hai jismen roohaaniyat ho aur us aatma ka faayda ho, seema ke andar bol hon, tab kahenge maryaada purushottam।

slogan:- sada svastha rehna hai to aatmik shakti ko badhaao।