मंगलवार 31 जनवरी 2023 की दैनिक मुरली

31-01-2023 praatahmurli om shanti "baapdaada"' madhuban

“meethe bachche - tum ho most lucky bachche kyonki tumhaare sammukh svayan baap hai, woh tumhein suna rahe hain''

prashn:- bhakti maarga ka kaun sa sanskaar abhi tum bachchon mein nahin ho sakta? kyon?

uttar:- bhakti maarga mein jis bhi devi ya devta ke paas jaayenge usse kuchh na kuchh maangate hi rahenge। kisi se dhan maangenge, kisi se putra maangege। yeh maangane ke sanskaar abhi tum bachchon mein nahin ho sakte kyonki baap ne sangam par tumhein kaamdhenu banaaya hai। tum baap samaan sabki manokaamnaayen poorn karne vaale ho। tum svayan ke prati koi aasha nahin rakh sakte। tum jaante ho phal dene vaala ek hi daata baap hai, jise yaad karne se sab praaptiyaan ho jaati hain isliye maangane ke sanskaar samaapta ho jaate hain।

geet:- om namo shivaae…

om shanti। bhagvaanuvaach। ab achhi reeti samajhkar phir samjhaane ke liye ek geeta shaastra hi hai। shaastra to banaaya hai manushyon ne। parantu raajayog manushya nahin sikhaate। baap kehte hain mainne hi 5 hajaar varsha pahle bhi tum bhaaratvaasi sikeeldhe bachchon ko raajayog sikhaaya tha। sikeeldhe ka arth to samjhaaya hai ki tum hi poore 84 janma lekar phir aae mile ho। 5 hajaar varsha pahle bhi tum mile the aur tum aakar brahma mukh vanshaavli arthaat brahman braahmani bane the। baap direct bolte hain। woh geeta paathi aadi yeh baaten nahin karenge। baap direct samjhaakar gaye the phir bhakti maarga se shaastra banaate hain। ab drama poora hota hai। phir baap aaya hai kehte hain bachchon ko, kaun se bachche? kehte hain khaas tum aur aam saari duniya। tum abhi sammukh ho। tumko baith baba ne apna parichay diya hai। yeh raajayog tumko aur koi sikhla na sake। baap ne hi pahle yog sikhlaaya tha, ab sikhla rahe hain jisse tum phir raajaaon ka raaja banenge aur koi svarga ka maalik bana na sake। main tumhaara baap aaya hoon phir se tumko raajayog sikhlaane। achha ab baba tumko jhaad par samjhaate hain। yeh samjhaani bhi bahut zaroori hai। inko kalpa-vriksha kaha jaata hai। baap kehte hain yeh manushya srishti roopi jhaad kalpa vriksha hai। woh geeta sunaane vaale kahenge bhagwan ne yeh kaha tha aur tum kahenge bhagwan kah raha hai। yeh hai manushya srishti ka jhaad। ismen koi phal fruit aam aadi nahin hain। us phal fruit ka jhaad jo hota hai unka beej neeche, jhaad oopar mein hota hai। inka beech oopar aur jhaad neeche hain। kehte bhi hain eeshvar ne hamko paida kiya hai arthaat baap ne bachche diye hain। baap ne dhan diya hai। baba aap hamaare sab duhkh door karo। baba, baba kehte rehte hain। lakshmi-naaraayan ke aage jaate hain, unse bhi maangate hain, mahaalakshmi hamko dhan do। yeh sab maangane ke sanskaar hain। jagat amba se koi putra maangenge to koi kahenge hamaari beemaari door karo। lakshmi ke aage aisi aashaayen nahin rakhenge, unse sirf dhan maangate hain। yeh to tum jaante ho - jagat amba so lakshmi, so phir 84 janmon ka chakra lagaakar phir jagat amba banti hai। jhaad mein dekho jagat amba baithi hai। yahi phir mahaaraani banengi zaroor, tum bachche bhi raajdhaani mein aayenge। tum kalpa vriksha ke neeche baithe ho। sangam par foundation laga rahe ho। kaamdhenu ke tum bachche hi sabki manokaamna poorn karne vaale ho। tum bhaarat maata shakti sena ho, ismen paandav bhi hain।

bachchon ko samjhaaya gaya hai ki yaad ek baap ko hi karna hai। dene vaala ek baap hai। bhal tum kiski bhi bhakti karo, kisko bhi yaad karo parantu phal dene vaala phir bhi ek hi daata hai। vahi sab kuchh deta hai। bhakti maarga mein tum shreenaaraayan ki, shreekrishna ki pooja karte ho, krishna ko jhulaate bhi ho, pyaar karte ho। unse tum kya maangenge। tum chaahte ho ham unki raajdhaani mein jaayen athva hamko shreekrishna jaisa bachcha mile। gaate hain bhajo raadhe govinda chalo vrindaavan। jahaan raajya bhaagya karte the vaikuntha mein। us samay koi bhi apraapti nahin hoti। shreekrishna ke raajya ko yaad to bahut karte hain। bhaarat mein jab shreekrishna ka raajya tha to aur koi raajya nahin tha। ab baap aaye hain kehte hain chalo krishnapuri mein, chalkar shreekrishna ki patni bano ya raadhe ka pati bano। baat ek hi hai। vahaan vish nahin milega। woh hai hi sampoorn nirvikaari duniya। abhi tum student ho, padh rahe ho nar se naaraayan, beggar se prince banne ke liye। yahaan bhal koi karod-pati hain, 50 karod hain lekin tumhaari bhent mein woh gareeb hain kyonki yeh sab unka dhan mitti mein mil jaana hai। kuchh bhi saath nahin chalega। haath khaali jaayenge। tum to haath bhartu karke jaate ho 21 janmon ke liye। abhi tum raajayog seekh rahe ho। phir satayug mein aakar raajya karenge। tum punarjanma lete varno mein aate rehte ho। satayug mein hain 16 kala, treta mein hain 14 kala। phir bhakti maarga shuru hota hai phir ibraaham, buddha aate hain। Christ ke 3 hajaar varsha pahle devi-devtaaon ka raajya tha। ab saara jhaad jadajdeebhoot avastha ko paaya hua hai। abhi tum kalpavriksha ke neeche sangam par baithe ho, isko kaha jaata hai kalpa ka sangam athva kaliyug aur satayug ka sangam। satayug ke baad treta, phir treta ke baad dvaapar aur kaliyug ka sangam। kaliyug ke baad phir satayug zaroor aayega। beech mein sangam zaroor chaahiye। kalpa ke sangamayuge baap aate hain। unhonne kalpa akshar badal sirf yuge-yuge likh diya hai। baap kehte hain main niraakaar parampita paramatma gyaan ka saagar hoon। bhaarat mein hi shiv jayanti gaai jaati hai। shreekrishna to gyaan de na sake। tum kehte ho ham svarga mein shreekrishna ke saath milenge। baap kehte hain bhakti mein shreekrishna ka saakshaatkaar main tumko karaata hoon। krishna jayanti par bahut prem se unko jhoola jhulaate hain, pooja karte hain। unko jaise sach-sach shreekrishna dikhaai padta hai। saakshaatkaar hoga, krishna ka chitra hoga to unko bhi uthaakar bhaaki pahnenge। bhakti maarga mein main hi madad karta hoon। daata main hoon। lakshmi ki pooja karte hain, ab woh to hai hi patthar ki moorti। woh kya degi? dena phir bhi mujhe hi padta hai। saakshaatkaar bhi main hi karaata hoon। yeh bhi drama mein noondh hai। jaise kehte hain parampita paramatma ke hukm se patta-patta hilta hai kyonki woh samajhte hain patte-patte mein paramatma hai। kya paramatma baith patte ko hukm karega kya! yeh to drama bana hua hai। abhi tum jaisi act kar rahe ho, woh kalpa ke baad bhi tum aise hi karenge। jo kuchh shooting mein shoot hua vahi chalega। usmein kuchh farka nahin pad sakta। drama ko bhi achhi reeti samajhna hai। baap samjhaate hain behad ka sukh kalpa-kalpa bhaarat ko hi milta hai। parantu jo brahman bante hain vahi varnon mein aate hain। 84 janma lete hain। phir auron ke janma nambarvaar kam hote jaayenge। kitne chhote-chhote math panth hain। bhal unhon ki mahima hai - kyonki pavitra hain। svarga ka rachayita to hai baap, aur koi manushya thode hi svarga rachega। phir raajayog bhi koi sikhlaave?

abhi tum shreekrishnapuri mein jaane ke liye raajayog seekh rahe ho। purushaartha hamesha ooncha karna chaahiye। tum kehte ho shreekrishna jaisa bachcha mile, shreekrishna jaisa pati mile। shreekrishna hi shreenaaraayan banta hai phir shreekrishna jaisa kyon kehte! tumko to kehna chaahiye naaraayan jaisa pati mile। naarad ne bhi kaha ham lakshmi ko varen। raadhe ke liye nahin kaha। baap samjhaate hain tumko krishnapuri chalna hai to khoob purushaartha karo, woh hai shreekrishna ka daivi kul। kans ka hai aasuri kul। tum abhi ho sangam par। shoodra sampradaay to brahman braahmani kahla na saken। jo brahman na kahlaayen woh shoodra varna ke hain। bhaarat ki hi baat hai। bhaarat hi svarga banta phir bhaarat hi narka ban jaata hai। lakshmi-naaraayan ko bhi 84 janma le rajo tamo mein aana hi hai। jabki woh bhi chakra mein aate hain to buddha aadi vaapis nirvaandhaam mein kaise ja sakte। koi to kah dete krishna sarvavyaapi hai, jidhar dekho krishna hi krishna hai। raam ke bhakta kahenge raam sarvavyaapi hai। woh krishna ko nahin maanenge। baba ke paas ek raadhaapanthi aaya tha kehta tha raadhe hi raadhe... raadhe haaziraahzoor hai। tere mein mere mein raadhe hi raadhe hai। ganesh ka pujaari kahega tere mein mere mein ganesh hi ganesh hai। Christian phir kehte Christ god ka san (bachcha) hai। are Christ san tha to tum kiske san (bachche) ho? anek mat mataantar hain। raasta koi ko bhi milta nahin। sirf maatha tekte, bhatakte rehte hain। mukti aur jeevanmukti bhagwan hi denge na! unse ham kya maangen! koi ko pata hi nahin। baap ko na jaanne kaaran nidhanke ban gaye hain। phir dhani aakar dhanka banaate hain। manushya kitne dhakke khaate hain, samajhte hain bhakti se bhagwan milega। baap kehte hain main aata hi hoon apne samay par। bhal koi kitna bhi pukaare parantu main aata hoon sangam par। ek hi baar bhaarat ko svarga banaae sabko shanti mein bhej deta hoon। phir nambarvaar apne-apne samay par aate hain। jo devi-devta the woh bhi sab aatmaayen baithi hui hain। phir se apna raajya bhaagya le rahe hain। abhi to devi-devta dharma hi nahin hai। sab apne ko hindu kahlaane lag pade hain। drama anusaar phir bhi aisa hoga। jo kuchh ho chuka hai woh phir repeat hoga। phir aise ham chakra mein aayenge, itne janma lenge। hisaab nikaalo। har ek dharma vaale peechhe kitne janma lenge? jhaad par samjhaana bahut sahaj hai। aapehi manushyon ko touch hoga ki koi ki prerna se yeh vinaash jvaala ki taiyaari ho rahi hai। yooropvaasi yaadav bombs banaate hain। woh bhi kehte hain hamko koi prerna dene vaala hai। ham jaante hain ki isse ham apne hi kul ka vinaash karte hain। na chaahte hue bhi yeh maut ka saamaan banaate hain। dheere-dheere prabhaav padega। dheere dheere jhaad badhta hai na। koi kaante se kali, koi phool bante hain। koi koi phoolon ko bhi toofaan lagta hai to murjha jaate hain। baba ne kalpa-kalpa kaha tha aashcharyavat sunanti, kathanti... ab phir baba khud kah rahe hain, hamaare paas aavanti, brahmaakumaar kumaari bananti, kathanti phir bhi aho mam maaya achhe-achhe bachchon ko khaavanti (kha gai) aage chalkar dekhna kaise achhe-achhe bachche bhi khatma ho jaate hain।

jo past ho gaya so phir ab present mein baap samjhaate hain। phir bhakti maarga mein shaastra banaayenge। yeh drama aisa bana hua hai। ab baap aakar brahma dvaara sabhi vedon shaastron ka saar samjha rahe hain। jo dharma sthaapan karte hain unke naam par hi shaastra banaate hain। usko dharma shaastra kaha jaata hai। devi-devta dharma ka shaastra ek hi geeta hai। harek dharma ka ek shaastra hona chaahiye। shreemat bhagvad geeta theek hai। bhagvaanuvaach hai। bhagwan ne aadi sanaatan devi-devta dharma ki sthaapna ki। yeh hai sabse praacheen dharma। harek dharma ka apna-apna shaastra hai aur padhte rehte hain। abhi tum devta bante ho lekin tumko shaastra padhne ki darkaar nahin, vahaan shaastra hota hi nahin। yeh sab khatma ho jaayenge phir geeta kahaan se aai? dvaapar mein baith manushyon ne banaai, jo geeta abhi hai phir bhi vahi geeta khojkar nikaalenge। jaise kalpa pahle banaai hai vaise phir yeh shaastra banenge। bhakti maarga ki saamagri banti hi jaayegi।

baap samjhaate hain sikeeldhe bachche mujh baap ki shreemat par chal shreshtha bano। tum abhi sangamayug par raajayog seekh rahe ho, jabki kaliyug ko satayug banaana hai। unhonne kalpa ki aayu lambi bataae sabhi ko ghor andhiyaare mein daal diya hai। manushya to moonjhe hue hain, drama anusaar tum bachchon ko hi behad ke baap se varsa lena hai। baba ne bahut yuktiyaan bataai hain sirf baba ko yaad karo, chart rakho। bhojan banaane samay bhi yaad karo। bhojan banaane samay pati, bachcha yaad padta hai to shivbaaba kyon nahi pad sakta! yeh tumhaara kaam hai। baba buddhi ki seedhi dete hain phir chadho na chadho, yeh hai tumhaara kaam। jitna yaad karenge utni seedhi chadhte jaayenge। nahin to itna sukh nahin milega। achha!

meethe-meethe sikeeldhe arthaat 5 hajaar varsha ke baad phir aae mile hue bachchon ko nambarvaar purushaartha anusaar maat-pita baapdaada ka yaadapyaar aur good morning। meethe-meethe roohaani baap ka roohaani bachchon ko namaste।

dhaarna ke liye mukhya saar:-

1) krishnapuri mein chalne ke liye purushaartha bahut achha karna hai। shoodra pan ke saskaaron ko parivartan kar pakka brahman banna hai।

2) buddhibal se yaad ki seedhi par chadhna hai। seedhi chadhne se hi apaar sukh ka anubhav hoga।

vardaan:- attention aur checking ki vidhi dvaara vyartha ke khaate ko samaapta karne vaale ma. sarvashaktimaan bhav

brahman jeevan mein vyartha sankalp, vyartha bol, vyartha karma bahut samay vyartha ganva dete hain। jitni kamaai karne chaaho utni nahin kar sakte। vyartha ka khaata samartha banne nahin deta isliye sada is smriti mein raho ki main master sarvashaktimaan hoon। shakti hai to jo chaahe vo kar sakte hain। sirf baar-baar attention do। jaise class ke samay va amritvele ki yaad ke samay attention dete ho, aise beech-beech mein bhi attention aur checking ki vidhi apna lo to vyartha ka khaata samaapta ho jaayega।

slogan:- raajarishi banna hai to brahman aatmaon ki duaaon se apni sthiti ko nirvighna banaao।