सोमवार 30 जनवरी 2023 की दैनिक मुरली

30-01-2023 praatahmurli om shanti "baapdaada"' madhuban

“meethe bachche - tum eeshvareey santaan ho, tumhaara yeh amoolya jeevan hai, tumhaara eeshvareey kul bahut hi shreshtha hai। svayan bhagwan ne tumhein adopt kiya hai, isi nashe mein raho''

prashn:- shareer ka bhaan toot jaae - uske liye kis abhyaas ki aavashyakta hai?

uttar:- chalte phirte abhyaas karo ki is shareer mein ham thode time ke liye nimitta maatra hain। jaise baap thode samay ke liye shareer mein aaye hain aise ham aatma ne bhi shreemat par bhaarat ko svarga banaane ke liye yeh shareer dhaaran kiya hai। baap aur varsa yaad rahe to shareer ka bhaan toot jaayega, isko hi kaha jaata hai second mein jeevanmukti। 2- amritvele uth baap se meethi-meethi baaten karo to shareer ka bhaan khatma hota jaayega।

geet:- om namo shivaae…

om shanti। bhagwan hota hi hai ek jo baap bhi hai, bachchon ko samjhaaya gaya hai - aatma ka roop koi itna bada ling nahin hai। aatma to bahut chhoti star misal bhrakuti ke beech mein hai। koi itna bada jyortilingam nahin hai, jaise mandiron mein rakha hua hai। nahin। jaise aatma vaise paramatma baap hai। aatma ka roop manushya jaisa nahin hai। aatma to manushya tan ka aadhaar lene vaali hai। aatma hi sab kuchh karti hai। sanskaar sab aatma mein hain। aatma star hai। aatma hi achhe va bure sanskaaron anusaar janma leti hai। to in baaton ko achhi reeti samajhna hai। mandiron mein ling rakha hua hai isliye samjhaane ke liye ham bhi shivling dikhaate hain। iska naam shiv hai, bigar naam ke koi cheez hoti nahin। kuchh na kuchh aakaar hai। baap hai paramdham mein rahne vaala। paramatma baap kehte hain jaise aatma shareer mein aati hai vaise mujhe bhi aana padta hai, narka ko svarga banaane। baap ki mahima sabse nyaari hai। abhi tum bachche jaante ho, tum aatmaayen aai ho yahaan part bajaane। yeh behad ka anaadi avinaashi drama hai, inka kabhi vinaash nahin hota। yeh phirta hi rehta hai। baap rachta bhi ek hai, rachna bhi ek hai। yeh behad srishti ka chakra hai। 4 yug hain। doosra hai kalpa ka sangamayug, jismen hi baap aakar patit duniya ko paavan banaate hain। yeh chakra phirta rehta hai। tum bachchon ko ab smriti aai hai ki ham sab aatmaayen paramdham mein rahne vaali hain। is karmakshetra par part bajaane aai hain। is behad ke drama ko repeat hona hai। baap hai behad ka maalik। us baap ki aparmaapaar mahima hai। aisi mahima aur koi ki nahin hai। woh manushya srishti ka beej-roop hai। sabka father hai। baap kehte hain main paraai raavan ki duniya mein aata hoon। ek taraph hai aasuri gunon vaali sampradaay। doosri taraph hai daiveegunon vaali sampradaay, inko kansapuri bhi kehte hain। kans asur ko kaha jaata hai। shreekrishna ko devta kaha jaata hai। ab baap aaye hain devta banaane aur sabko vaapis le jaane, aur koi ki taakat nahin। baap hi baith bachchon ko shiksha de daivi gun dhaaran karaate hain। yeh baap ki hi farjaadaai hai। baap kehte hain jab sabhi tamopradhaan ho jaate hain, mujhe bhool jaate hain, na sirf bhool jaate hain parantu mujhe patthar thikkar mein thok dete hain, itni glaani kar dete hain tab to main aata hoon। mere jaisi glaani kiski nahin karte, tab to main aakar tumhaara liberator banta hoon। sabko machchharon sadrishya le jaaoonga। aur koi aise kah na sake ki manamnaabhav, mujh apne parampita paramatma ko yaad karo to tumhaare vikarma vinaash honge। shreekrishna to kah na sake। paramatma ki mahima to bachche jaante hain। woh gyaan ka saagar, sukh ka saagar hai। phir second number mein hai brahma, vishnu, shankar। brahma dvaara sthaapna kaun karega? kya shreekrishna? parampita paramatma shiv baith samjhaate hain ki pahle-pahle hamko chaahiye brahman। to brahma dvaara brahman mukh vanshaavli rachta hoon। woh hain kukh vanshaavli। tum ab sangam mein brahma ki santaan ho। baap aakar shoodra se brahman banaate hain। abhi tum ho eeshvareey kul ke। eeshvar hua niraakaar, brahma hua saakaar। baap pahle-pahle brahman phir devta banaate hain। devta ke baad kshatriy...yeh chakra phirta rehta hai। phir inse aur dharma nikle hain। mool hai bhaarat, yeh bhaarat avinaashi khanda hai, jahaan baap aakar svarga banaate hain। woh baap bhi hai, teacher bhi hai, tumhaara satguru bhi hai। unko phir sarvavyaapi kaise kah sakte। woh to tumhaara baap hai। is duniya mein sivaae tum braahmanon ke koi trikaaldarshi ho nahin sakta। tum bachche samajhte ho parampita paramatma ke saath ham paramdham ke rahne vaale hain। phir nambarvaar karmakshetra par aate hain। phir pichhaadi mein ham hi jaate hain। 84 janma poore lene hain।

baap samjhaate hain - tumne kitne janma liye aur kaise varno mein aaye। yeh chakra chalta rehta hai। abhi tum ho eeshvareey sampradaay, yeh tumhaara amoolya jeevan hai jabki tum eeshvareey santaan bane ho। brahma dvaara baap aakar adopt karte hain। baap hai svarga ka rachayita to khud hi aakar svarga ka maalik bhi banaate hain। ab saare vishwa mein shanti sthaapan karna - yeh baap ka hi kaam hai। baap kehte hain mera part hai, main tumko phir se raajayog sikhlaata hoon, jisse tum ever healthy banenge। jaise devta bane the, phir ab repeat hota hai। yeh sapling lag raha hai। baap baagvaan hai, in dvaara kalam laga rahe hain। baap sammukh baith samjhaate hain - mere sikeeldhe bachche, bahut samay se bichhude hue bachche, yaad hai na - mainne tumko svarga mein bheja tha। phir tum 84 ka chakra lagaakar ab aakar mile ho। ab apne ko aatma samajh mujh baap ko yaad karo। tumko vaapis zaroor le jaana hai। tum chaaho na chaaho le zaroor jaana hai। pahle aadi sanaatan daivi raajya chala phir aasuri raajya chala। daivi raajya ke baad pavitrata to chali gai phir single taaj ho gaya, ab to praja ka praja par raajya hai phir daivi raajya ki sthaapna ho rahi hai। aasuri raajya ke vinaash ke liye is roodra yagya se yeh vinaash jvaala prajvalit hui hai। tum patit srishti par thode hi raajya karenge। abhi hai sangam। satayug mein to aise nahin kahenge। abhi tum bachche purushaartha kar rahe ho। karaane vaala kaun hai? shreemat dene vaala samartha, shreshtha te shreshtha hai hi ek baap। vahi brahma dvaara sthaapna kara rahe hain। baap kehte hain main bhaarat ka most obedient servant hoon। bhaarat ko svarga banaata hoon। vahaan yatha raaja raani tatha praja sab sukhi rehte hain। natural beauty rehti hai। lakshmi-naaraayan ko dekho kitne sundar hain। heavenly god father hai heaven sthaapan karne vaala। saari duniya mein geeta ke liye kehte hain shreekrishna bhagvaanuvaach। parantu shreekrishna to kah na sake manamnaabhav, maamekam yaad karo to vikarma bhasma hon। aur koi upaay bhi nahin hai। ganga to patit-paavni hai nahin। woh thode hi kahegi ki maamekam yaad karo। yeh to ek baap hi baith samjhaate hain। baap aatmaon se baat karte hain। baap hi sabka sadgati daata hai। unke mandir bhi hain। dvaapar se sab yaadgaar banna shuru hote hain। somnaath ka mandir hai, parantu woh kya karke gaye hain - yeh koi nahin jaante। woh shiv shankar ko mila dete hain। ab kahaan shiv paramdham ke nivaasi aur kahaan shankar sookshm vatan ke vaasi। kuchh bhi samajhte nahin। baap kehte hain kitne bhi ved shaastra aadi koi padhe, jap tap kare parantu mere se mil nahin sakte। bhal main bhaavna ka bhaada sabko deta hoon, parantu woh to akhanda jyoti brahm ko hi paramatma samajh lete hain। brahm ka saakshaatkaar ho parantu usse kuchh bhi haansil nahin hoga। koi ko hanoomaan ka, koi ko ganesh ka saakshaatkaar karaata hoon, woh to main alpakaal ke liye manokaamna poorn karta hoon। alpakaal liye khushi to rehti hai। parantu phir bhi sabko tamopradhaan to banna hai। chaahe saara din ganga mein jaakar baith jaaen to bhi tamopradhaan to sabko banna hi hai।

baap kehte hain bachche pavitra bano to pavitra duniya ka 21 janma ke liye maalik banenge। aur koi satsang nahin jahaan itni praapti ho। baap hi aakar raajayog sikhlaate hain to kitna shreemat par chalna chaahiye। padhaai par dhyaan dena chaahiye। baap shreshtha te shreshtha mat dete hain। shreemat se bhaarat ko svarga banaana hai। tumhein drama ke raaz ko achhi tarah se samajhna hai aur purushaartha karna hai। purushaartha kar aisa laayak banna hai। tum bachchon ko nasha hona chaahiye ki ham baap ke saath svarga ki sthaapna karne aaye hain। ham vahaan ke rahvaasi hain। is shareer mein ham nimitta maatra hain thode time ke liye। baba bhi thode time ke liye aaye hain, is shareer ka bhaan toot jaana chaahiye। apne baap aur varse ko yaad karo, isko hi second mein jeevanmukti kaha jaata hai। baap kehte hain main aaya hoon sabko vaapis le jaane। ab tum apne ko aatma samajh savere uthkar baba ko yaad karo। unse baaten karo। tum jaante ho hamaare 84 janma poore hue। ab ham eeshvareey santaan bane hain। phir daivi santaan, phir kshatriy santaan banenge। baba hamko vishwa ka maalik banaate hain। baba ki baith mahima karo। baba aapne to kamaal ki hai। kalpa-kalpa aakar hamko padhaate ho। baba aapka gyaan bada wonderful hai। svarga kitna wonderful hai। woh hain jismaani wonders, yeh hai roohaani baap ka sthaapan kiya hua wonder। baap aaye hain shreekrishnapuri sthaapan karne। in lakshmi-naaraayan ne yeh praalabdha kahaan se paai? baap dvaara। jagat amba aur jagat pita ke saath bachche bhi honge। woh hain brahman, jagat amba to braahmani thi। woh hai kaamdhenu। sabki manokaamnaayen poorn kar deti hai। yeh jagat amba hi phir svarga ki mahaaraani banti hai। kitna wonderful raaz hai। yeh baap apni avastha ko jamaane ke liye bhinna-bhinna yuktiyaan bataate rehte hain। raat ko jaago। baba ko yaad karo to ant mati so gati ho jaayegi। agar poora purushaartha hoga to yaad thahregi। paas with honour ho jaana hai। 8 ko hi scholarship milti hai। sab kehte hain - ham lakshmi-naaraayan ko varen, to paas hokar dikhaana hai। apne ko dekhna hai ki mere mein koi bandarapna to nahin hai? usko nikaalte jaao। dekho, saare din mein kisko duhkh to nahin diya? baap hai sabko sukh dene vaala। bachchon ko bhi aisa banna hai। vaacha, karmana se koi ko bhi duhkh nahin dena hai। sachcha-sachcha raasta bataana hai। woh hai had ke baap ka varsa। yeh hai behad ke baap ka varsa, so to jisko milta hoga vahi bataayenge। jo apne dharma ke honge unhon ko jhat touch hoga।

baap kehte hain phir se daivi dharma sthaapan karne main brahma ke tan mein aata hoon। tum bachchon ki buddhi mein hai ki abhi ham brahman hain phir devta banna hai। pahle sookshm vatan mein jaakar phir shantidham mein jaayenge। vahaan se phir nai duniya mein, garbha mahal mein aayenge। yahaan garbhajel mein aate hain। inko kehte hain jhoothi maaya, jhoothi kaaya... baap kehte hain kitni dharma glaani ki hai, shiv jayanti manaate hain parantu shiv kab aaya, kismen pravesh kiya, yeh koi ko pata nahin hai। zaroor koi shareer mein aakar narka ko svarga banaaya hoga na। baap bachchon ko bahut achhi reeti samjhaate hain aur raay dete hain apna chart banaao। saare din mein kitna samay baap ko yaad kiya! savere uthkar baap ko, varse ko yaad karo। ham behad ke baap ke saath aaye hain। guptavesh mein bhaarat ko svarga banaane। ab hamko vaapis jaana hai। jaane se pahle apni raajdhaani zaroor sthaapan karni hai। ab tum ho sangam par। baaki saari duniya hai kaliyug mein। tum sangamayugi brahman ho। baap bachchon ke liye saugaat le aate hain - mukti aur jeevanmukti ki। satayug mein bhaarat jeevanmukta tha, baaki sab aatmaayen muktidhaam mein thi। baap hatheli par bahishta le aate hain to zaroor uske liye laayak bhi khud hi banaayenge। achha!

meethe meethe sikeeldhe bachchon prati maat pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada is nashe mein rehna hai ki ham baap ke saath svarga ki sthaapna ke nimitta hain। baap humein vishwa ka maalik banaate hain।

2) baap samaan sukh dene vaala banna hai। kabhi kisi ko duhkhi nahin karna hai। sabko sachcha raasta bataana hai। apni unnati ke liye apna chart rakhna hai।

vardaan:- nimitta aur namrachit ki visheshta dvaara seva mein fast aur first number lene vaale saphaltaamoorta bhav

seva mein aage badhte hue yadi nimitta aur namrachit ki visheshta smriti mein rehti hai to saphalta swaroop ban jaayenge। jaise sevaaon ki bhaag-daud mein hoshiyaar ho aise in do visheshtaaon mein bhi hoshiyaar bano, isse seva mein fast aur first ho jaayenge। brahman jeevan ki maryaadaaon ki lakeer ke andar rahkar, svayan ko roohaani sevaadhaari samajhkar seva karo to saphaltaamoorta ban jaayenge। mehnat nahin karni padegi।

slogan:- jo buddhi dvaara sada gyaan ratnon ko dhaaran karte hain vahi sachche holeehans hain।