शुक्रवार 17 फ़रवरी 2023 की दैनिक मुरली

17-02-2023 praatahmurli om shanti "baapdaada"' madhuban

“meethe bachche - tumhein ghar baithe bhagwan baap mila hai to tumhein apaar khushi mein rehna hai, vikaaron ke vash khushi ko daba nahin dena hai''

prashn:- tum bachchon mein lucky kisko kahenge aur unlucky kisko kahenge?

uttar:- lucky woh hai jo bahuton ko aap samaan banaane ki seva karte, sabko sukh dete hain aur unlucky woh hain jo sirf sote aur khaate hain। ek do ko duhkh dete rehte hain। purushaartha mein kami hone se hi unlucky ban jaate hain।

prashn:- jin bachchon ke teesre netra ka operation successful hota hai, unki nishaani kya hogi?

uttar:- woh maaya ke toofaanon mein ghadi-ghadi girenge nahin, thokar nahin khaayenge। unki daivi chalan hogi। dhaarna achhi hogi।

geet:- chhod bhi de aakaash sinhaasan…

om shanti। shiv bhagvaanuvaach va aise bhi kah sakte hain ki geeta ke bhagwan shiv bhagvaanuvaach। geeta ka naam liya jaata hai kyonki geeta ko hi khandan kiya gaya hai। saara madaar is par hai ki geeta shreekrishna saakaar devta ne nahin gaai hai arthaat shreekrishna ne raajayog nahin sikhaaya hai va shreekrishna dvaara aadi sanaatan devi-devta dharma ki sthaapna nahin hui hai। shreekrishna ko niraakaar bhagwan to nahin kah sakte। shreekrishna ka chitra hi alag hai। niraakaar ka roop alag hai, woh hai param aatma। unka koi shareer nahin hai। pukaarte hi hain he bhagwan roop badalkar aao। woh koi jaanvar ka roop to nahin dharega। manushyon ne to jaanvar ka bhi roop de diya hai। kachchha machchha avtaar, vaaraah avtaar.. parantu khud kehte hain mainne yeh roop dhare hi nahin hai। mujhe to nai srishti rachni hai। shreekrishna ko srishti nahin rachni hai। brahman kul ko rachne vaala brahma। brahma aur shreekrishna mein to bahut pharka hai। brahma ke mukh se brahman rache gaye। shreekrishna ke mukh se devtaayen rache gaye - aise to kahaan bhi nahin likha hua hai। abhi tum bachche jaante ho duniya mein aisa koi nahin jiski buddhi mein yeh ho ki niraakaar paramatma saakaar mein aakar aatmaon ko gyaan dete hain। gyaan lene vaali bhi aatma hai to dene vaali bhi aatma hai। ab aadhaakalpa se bhinna-bhinna roop se maat-pita, guru gosaai aadi sab dehdhaari ek do ko kuchh na kuchh mat dete aaye hain। abhi is samay tvamev maataashcha pita.... par samjhaaya jaata hai। yeh mahima ek ki hi gaai jaati hai। baap kehte hain tumhaare jo bhi laukik maa baap bandhu guru gosaai hain, in sabhi ki mat ko chhodo। main hi aakar tumhaara baap teacher guru bandhu aadi banta hoon। meri mat mein sabhi ki mat samaai hui hai isliye mujh ek ki mat par chalna achha hai। parampita paramatma zaroor abhi hi mat denge na। yeh param aatma tum aatmaon ko mat dete hain aur woh sabhi manushya mat dete hain। vaastav mein to woh bhi aatmaayen organs dvaara mat deti hain parantu manushya naam roop mein phanse hue hain to is raaz ko nahin jaante hain। jaise kehte hain buddha paar nirvaan gaya। ab buddha to shareer ka naam ho gaya। woh shareer to kahaan jaata nahin va kahenge phalaana vaikuntha gaya, woh naam shareer ka lenge। aise nahin kahenge ki woh shareer chhod unki aatma gai। aise koi jaate hi nahin। tum samajhte ho aatma ko hi svarga mein jaana hai। aatma koi svarga se yahaan nahin aati, aate sab paramdham se hain। yeh knowledge tum bachchon ki buddhi mein hai। tum jaante ho is srishti par pahle devi-devtaaon ki aatmaayen thi, jinhonne satayug mein part bajaaya। tumhaari buddhi mein aatma aur paramatma ka poora parichay hai। bhal tum ghadi-ghadi bhool jaate ho, deh-abhimaan mein aa jaate ho, poori reeti koi se mehnat hoti nahin। maaya aisi hai jo purushaartha karne nahin deti। khud bhi susta hain to maaya aur hi susta bana deti hai। vishwa ka maalik khud baith padhaate hain, jismen maat-pita, bandhu sakha, guru aadi sabhi sambandhon ki taakat aa jaati hai। yeh mahima hai hi ek niraakaar paramatma ki, parantu manushya samajhte nahin। lakshmi-naaraayan aadi sabke aage jaakar mahima gaate rehte hain।

tum jaante ho ham aatmaayen 84 janmon ka chakra lagaakar aai hain। ab yeh antim janma hai। yeh ghadi-ghadi buddhi mein yaad rehna chaahiye। yeh knowledge badi khushi ki hai। aisa behad ka baap svayan tum bachchon ke aur koi ko milta nahin hai। vivek bhi kehta hai parampita paramatma ka jo bachcha bana hai unki khushi ka paaraavaar nahin hona chaahiye। parantu lobh moh aadi vikaar aane se khushi ko daba dete hain। in vikaaron ne hi saari duniya ki khushi ko daba diya hai। tumko to ghar baithe baap aakar mila hai। bhaarat mein aaye hain। bhaaratvaasiyon ka to bhaarat ghar hai na। parantu aayenge to zaroor ek ghar mein। aise to nahin ghar-ghar mein aayenge। phir to sarvavyaapi ho gaya। woh aayenge to zaroor aakar patiton ko paavan banaayenge। duniya to samajhti hai shreekrishna aayega। parantu tum jaante ho parampita paramatma aaya hua hai, jo patit-paavan, gyaan ka saagar hai, unka naam vaastav mein roodra hai। yeh bade se badi bhool hai। jab yeh samjhen ki woh behad ka baap saari srishti ka rachayita hai to khushi ka paara chadh jaaye। aise baap se to zaroor varsa milega। shreekrishna se to varsa mil na sake। in baaton par bhi kiski buddhi nahin chalti। duniya to saari shoodra sampradaay hai। brahman bhi sirf kahlaane maatra hain। tum brahman jab vichaar saagar manthan karo tab auron ko bhi parichay de sako। shreekrishna ko to sab jaante hain। sirf koi kehte raadhe-krishna svarga ke hain, koi phir dvaapar mein thok dete, yeh bhi moonjh kar di hai। eeshvar to gyaan ka saagar hai। tum eeshvareey sampradaay mein hi gyaan aa sakta hai। aasuri sampradaay mein gyaan kahaan se aaya? bhal gaate bhi hain patit-paavan.. parantu apne ko patit samajhte nahin। svarga ko to bilkul jaante hi nahin। sirf naam maatra kehte hain, yeh bhi nahin samajhte hain ki devtaayen svargavaasi hain। tum jab samjhaate ho tab aankhe khulti hain। maaya ne aankhen hi banda kar di hain। praacheen bhaarat svarga tha। lakshmi-naaraayan ka raajya tha yeh bhi nahin jaante। ham bhi nahin maante the। yeh to samajh sakte hain ki anya dharma to baad mein aaye hain। devtaaon ke samay yeh dharma nahin the। to zaroor vahaan sukh hi sukh hoga। baap bachchon ko rachte hi hain sukh ke liye। aise nahin sukh duhkh donon dete hain। laukik baap bhi bachcha maangata hai to unko dhan sampatti dene liye, na ki duhkh dene liye। yeh to abhi ham samjhaate hain ki dvaapar se lekar laukik baap bhi duhkh hi dete aaye hain। satayug treta mein to duhkh nahin dete। yahaan maa baap pyaar to bahut karte hain, parantu unko phir kaam kataari neeche daal dete hain। to duhkh aarambha ho jaata hai। satayug mein to aise nahin hota। vahaan to duhkh ki baat nahin। yeh baap baith samjhaate hain। tumhaare mein bhi nambarvaar samajhte hain। tumhaara yeh gyaan yog se operation ho raha hai। parantu koi ka successful hota hai, koi ka nahin hota hai। jaise aankhon ka operation karaate hain to koi ki theek ho jaati hain, koi mein thodi kharaabi rah jaati hai, koi ki aankhen bilkul kharaab ho jaati hain। tumko bhi abhi gyaan ka teesra netra mil raha hai। to buddhi roopi netra khul jaata hai to achha purushaartha karne lag padte hain। koi ka poora nahin khulta hai, dhaarna nahin hoti, daivi chalan bhi nahin hoti। maaya ke toofaan mein ghadi-ghadi girte rehte hain। ek taraph hai 21 janmon ka sukh dene vaala ustaad, doosre taraph hai duhkh dene vaala raavan। use bhi ustaad kahenge। baap kehte hain main to koi ko duhkh nahin deta। main to sukh dene vaala naameegraami hoon। satayug treta mein sab sukhi hain, sukh dene vaala aur hai। yeh bhi kisko pata nahin hai ki raavan raajya kab aarambha hota hai। aadha-kalpa raamraajya, aadhaakalpa raavan raajya। yeh hai raam raajya aur raavan raajya ki kahaani। parantu yeh bhi koi ki buddhi mein mushkil baithta hai। koi to bilkul jadajdeebhoot avastha mein hain, jo kuchh bhi nahin samajhte। jitna manushya padhte hain utna manners bhi aate hain। dabadba rehta hai। hamaara phir gupta dabadba hai। aantarik naaraayni nasha chadha hoga to varnan bhi karenge, auron ko samjhaayenge। yeh padhaai to raajaaon ka raaja banaane vaali hai। kaangresi log to raajaaon ka naam sunkar garam ho jaate hain kyonki pichhaadi ke raajaayen aishi ban gaye the। parantu yeh bhool gaye hain ki aadi sanaatan devi-devtaayen raaja raani the। abhi tum phir baap se shakti le 21 peedhi raajya bhaagya lo। yeh satya naaraayan ki katha to mashhoor hai। parantu vidvaan, aachaarya bhi nahin jaante। geeta ka kitna aadambar banaaya hai। laakhon sunte hain, parantu samajhte kuchh bhi nahin hain। ab in vichaaron ko kaun sujaag kare। yeh tum bachchon ka kaam hai। parantu bahut thode bachche hain jo auron ko sujaag kar sakte hain, jo jitna aap samaan banaayenge utna pad bhi oonch paayenge। baap kehte hain beeti so beeti dekho। drama mein aise tha। aage ke liye purushaartha karo। apna chart dekho - itne samay mein kya dhaarna ki hai? koi 25-30 varsha ke hain। koi ek maas, koi 7 roz ke bachche hain। parantu 15-20 varsha vaalon se gallop kar rahe hain। wonder hai na। ya to kahenge maaya prabal hai ya to drama par rakhenge। parantu drama par rakhne se purushaartha thanda ho jaata hai। samajhte hain hamaare bhaagya mein nahin hai।

tum sab lucky stars ho। tumhaari bhent oopar ke stars se ki jaati hai। tum srishti ke sitaare ho। woh to sirf roshni dete hain। tum to manushyon ko jagaane ki seva karte ho। duhkhiyon ko sukhi banaate ho। manushya in sitaaron ko nakshatra devta kehte hain, sachche devta to tum bante ho। un sitaaron ko devta kehte hain kyonki woh oopar rehte hain। parantu devtaayen koi oopar nahin rehte। rehte to isi srishti par hain parantu manushyon se oonch zaroor hain। sabko sukh dete hain, jo ek do ko duhkh dete hain unko thode hi lucky star kahenge। lucky aur unlucky is samay hain। jo aap samaan banaate hain unhein lucky kahenge। jo sirf sote aur khaate hain unko unlucky kahenge। school mein bhi aise hote hain। yeh bhi padhaai hai। buddhi se kaam lena padta hai। raadhe-krishna ko 16 kala lucky kahenge। raam-seeta do kala kam ho gaye। sabse number one lucky lakshmi-naaraayan hain। woh bhi is padhaai se aise bane hain। purushaartha mein kami karne se unlucky ban padte hain। tumko to baap khud padhaate hain। tum student hi gop-gopiyaan ho। vaastav mein yeh akshar satayug se nikla hai। vahaan prince princess khelpaal karte hain to priy naam gop gopiyaan rakha hai। shreekrishna ke saath dikhaate hain। bade ho jaate hain to gop gopiyaan nahin kaha jaata hai। honge to sabhi prince na। koi daas daasiyaan va baahar ke gaanvade ke logon se to nahin khelenge। mahal mein baahar vaale to aa na saken। shreekrishna baahar jamuna aadi par nahin jaate hain। apne mahal mein hi andar khelte hain। bhaagvat mein to kai phaaltu baaten baith likhi hain। matki phodi aadi... hai kuchh bhi nahin। vahaan to bade kaayde hain। to baap kitna samjhaate hain, kehte hain shreemat par chalo। is samay tumko sukh hi sukh milta hai। unki kitni mahima hai। sabke duhkh cancel karaae sabhi ko sukh dete hain। kehte hain maamekam yaad karo। yeh baap aakar na padhaate to ham kya padh sakte? nahin। yeh most lovely baap hai। sabse achhi mat dete hain - manamnaabhav। mujhe yaad karo। svarga ko yaad karo, chakra ko yaad karo। ismen saara gyaan aa jaata hai। woh to sirf vishnu ko svadarshan chakra dikhaate hain, parantu arth ka pata nahin। ham abhi jaante hain ki shankh hai gyaan ka, jo niraakaar baap dete hain। vishnu thode hi dete hain। aur dete hain manushyon ko। jo phir devta athva vishnu bante hain। kitna meetha gyaan hai। to kitna khushi se baap ko yaad karna chaahiye। achha!

meethe-meethe sikeeldhe brahman kul bhooshan svadarshan chakradhaari bachchon ko yaadapyaar। parantu bachche svadarshan chakra chalaate bahut thoda hai। koi to bilkul nahin phiraate। baap to roz kehte hain svadarshan chakradhaari bachche.. yeh bhi aasheervaad milti hai। achha - meethe-meethe roohaani bachchon ko roohaani baap ki namaste।

dhaarna ke liye mukhya saar:-

1) ek baap ki mat mein baap, teacher, guru, bandhu aadi ki sab maten samaai hui hain, isliye unki mat par hi chalna hai। manushya mat par nahin।

2) beeti ko beeti kar purushaartha mein gallop karna hai। drama kahkar thanda nahin hona hai। aap samaan banaane ki seva karni hai।

vardaan:- shanti ki shakti dvaara sarva ko aakarshit karne vaale master shanti deva bhav

jaise vaani dvaara seva karne ka tareeka aa gaya hai aise ab shanti ka teer chalaao, is shanti ki shakti dvaara ret mein bhi hariyaali kar sakte ho। kitna bhi kada pahaad ho usmein bhi paani nikaal sakte ho। is shanti ki mahaan shakti ko sankalp, bol aur karma mein practical laao to master shanti deva ban jaayenge। phir shanti ki kirnen vishwa ki sarva aatmaon ko shanti ke anubhooti ki taraph aakarshit karengi aur aap shanti ke chumbak ban jaayenge।

slogan:- aatma-abhimaani sthiti ka vrat dhaaran kar lo to vrittiyaan parivartan ho jaayengi।