सोमवार 20 फ़रवरी 2023 की दैनिक मुरली

20-02-2023 praatahmurli om shanti "baapdaada"' madhuban

“meethe bachche - sooryavanshi vijay maala ka daana banne ke liye shreemat par poora paavan bano, paavan banne vaale bachche dharmaraaz ki sajaaon se chhoot jaate hain''

prashn:- dehi-abhimaani banne ki mehnat mein lage hue bachchon ko kaun sa nasha rahega?

uttar:- main baba ka hoon, main baba ke brahmaanda ka maalik hoon, baba se varsa le vishwa ka maalik banta hoon। yeh nasha dehi-abhimaani rahne vaale bachchon ko hi rehta, vahi vaaris bante hain। unhein puraani duniya ke sambandh yaad nahin rehte। deh-abhimaan mein aane se hi maaya ki chamaat lagti hai। khushi gum ho jaati hai isliye baba kehte bachche dehi-abhimaani banne ki mehnat karo। apna chart rakho।

geet:- aane vaale kal ki tum takdeer ho …

om shanti। bachche jaante ho ki shivbaaba ne yahaan sangamayug par avtaar liya hai ya oopar se aaya hua hai aur tum shiv shaktiyaan ho, shiv ke vaaris। tumhaara naam vaastav mein hai shivshaktiyaan। shiv se paida hui shaktiyaan। shiv ne tumko apna banaaya hai aur tum shaktiyon ne phir shivbaaba ko apna banaaya hai। shiv ne aakar apne vaaris banaaye hain। tum shaktiyaan ho gai shiv-baba ke vaaris। abhi yeh to tum bachche jaante ho shivbaaba aaya hua hai, narka ko svarga banaane। ham unke vaaris unke saath madadgaar hain, unse varsa paane ke liye। baap aaya hua hai is patit duniya athva narka ko paavan banaane। patit srishti ko paavan banaane vaala niraakaar parampita paramatma ke sivaae aur koi ho nahin sakta। tum ho niraakaar shivbaaba ke bachche। woh yahaan jismen aaya hua hai woh hai saakaari tan। yoon to tum jab niraakaari duniya mein ho to bhi vaaris ho। sab aatmaayen us parampita paramatma ke bachche hain। parantu woh ho gaya niraakaari duniya mein। vahaan tum jab mere paas ho to mere hi bachche ho। phir mujhe bhi aana pada hai - patit srishti ko paavan banaane। aakar shareer dhaaran karna pada। ab us niraakaari duniya se baap aaya hua hai। tum bachchon ko vaaris banaaya hai varsa dene liye। shiv shaktiyaan to mashhoor hain, shivshaktiyaan arthaat shiv ki aulaad। duniya mein yeh koi nahin jaante hain ki patit-paavan kaun hai। patit duniya ko zaroor kaliyug kahenge, paavan duniya ko satayug। niraakaari duniya mein tum aatmaayen sadaiv paavan rehti ho। gaate bhi hain he patit-paavan aao.. bhinna-bhinna prakaar se yaad karte hain। parantu samajhte kuchh bhi nahin hain। yeh nahin samajhte ki paavan banaane ke liye zaroor kaliyug ke ant mein sangam par aayenge। baap kehte hain main kalpa-kalpa, kalpa ke sangamayuge aata hoon, aakar tum bachchon ko apna vaaris banaata hoon। goya tum double vaaris bante ho। vaise to tum shivbaaba ke bachche ho parantu apne ko bhool gaye ho। abhi tum jaante ho ham aatmaayen to vaastav mein shivbaaba ke nirvaan-dhaam ke vaaris hain। shivbaaba kehte hain tum sab vaaris ho na। brahmaanda mein rahne vaale bachche brahmaanda ke maalik ho। phir yahaan srishti par aakar part bajaana hai। baap ko sabhi yaad to bahut karte hain। jab bahut duhkhi hote hain to radiyaan maarte hain - he bhagwan raham karo। ajun to bahut duhkh aane vaala hai। jaise cheeni aadi par control rakhte, vaise anaaj par bhi rakhenge। manushyon ko anna to chaahiye na। phir bhookh marenge to maarpeet lootmaar karenge। jab duniya bahut duhkhi ho tab to baap aakar sukhi duniya sthaapan kare na। to ab baap ki shreemat par poora paavan ban dikhaana hai। poora paavan banne vaale hi sooryavanshi vijay maala ke daane bante hain। woh dharmaraaj ki sazaayen nahin khaayenge। baap har ek baat achhi reeti baith samjhaate hain। yeh to samjhaaya hai jagat pita hai to jagat amba bhi hai। parantu unka geeta mein kuchh varnan hai nahin। geeta ka connection saara bigda hua hai। bhakta bhagwan ko yaad karte hain। bhagwan hi sab manushyon ki manokaamnaaen poori kar sakte hain, isliye unko yaad karte hain। krishna to manokaamna poori kar na sake। ek hi bhagwan ko kaha jaata hai sabhi ki manokaamna poori karne vaala। doosra phir hai jagat amba, bhagavti, sab manokaamnaayen poori karne vaali। jagat amba kaun hai? poora vaaris brahma ki bachchi, shivbaaba ki potri। aur manushya bade-bade raajaaon aadi ke vaaris hote hain। yeh vaaris akshar family se lagta hai। sannyaasiyon se nahin lagta hai। tum jaante ho ham abhi shivbaaba ke vaaris bane hue hain। vahaan to baba ke saath rehte hain। vahaan varse ki koi baat nahin। yahaan to hamko varsa chaahiye। baap ki milkiyat hai svarga, vahaan duhkh ki baat hi nahin hoti। ab tum bachchon ko daade ki milkiyat milti hai, to unko yaad karna hai।

tum ho eeshvar ke vaaris, baaki sab hain raavan ke vaaris। raavan sampradaay gaaya jaata hai na। yahaan tum ho brahman sampradaay। woh hain aasuri raavan sampradaay। unko varsa mil raha hai raavan se। raavan raajya hai na। 5 vikaaron ka varsa mila hua hai, jis varse ko phir tum aakar shivbaaba ko daan karte ho। krishna ko thode hi 5 vikaaron ka daan denge। tum shivbaaba ko 5 vikaaron ka daan dete ho। devtaaon ko thode hi daan denge। krishna aadi devtaaon ne to vikaaron ka daan shivbaaba ko de aisa pad paaya hai। woh phir daan lenge kaise? shivbaaba kehte hain yeh 5 vikaaron ka daan do to chhoote grahan। grahan bhi aisa laga hua hai jo ek bhi kala nahin rahi hai। bilkul kaale ban pade hain। abhi humein daan de do phir vikaaron mein nahin jaana। daan dekar phir vaapis nahin lena hai। agar vikaar mein jaayenge to pad bhrashta ban padenge। so naaraayan banna hai to bhooton ko bhagaana hai। baap aate hi hain nar se naaraayan banaane। tum jaante ho baba ne hamko hakdaar banaaya hai - apne ghar ka aur jaaydaad ka। double varsa hua na। mukti aur jeevanmukti donon varsa baap dete hain। jo baap ke vaaris bachche hain ve ab mere ko yaad kar yog aur gyaan bal se vikarma vinaash karte hain। gyaan bhi bal hai na। knowledge hai, knowledge padhkar bada-bada darja paate hain। pulis ke bade officers aadi bante hain। manushya kitna pulis se darte hain। koi aisa kaam karte hain to pulis ka naam sun peela pad jaate hain। tum bachche abhi padhaai se oonch pad paate ho। baap ka bachcha bankar aur baap ko yaad nahin karenge to varsa kaise paayenge। woh to hai laukik baap। is paarlaukik baap ko to bahut yaad karna pade। bahut yaad karne se hi oonch pad paayenge। jitna mehnat karenge utna paavan ban paavan duniya ka raajya paayenge। vaapis mere paas aakar phir satayug mein jaae raajaai karni hai। sab bhagwan ko yaad karte hain ki phir se ham baap ke paas jaayen।

kehte hain amarnaath ne paarvati ko katha sunaai so to tum sab paarvatiyaan ho। shivbaaba ne sirf ek paarvati ko thode hi katha sunaai hogi। tum to bahut sunte ho na। sab yaad karte hain ki hamko patit se paavan banaao। paavan banaane vaala hai ek। kaise paavan banaate hain? pahle-pahle jagat amba paavan banti hai। phir unki shaktiyaan hain। svarga ka rachayita ek hi baap hai aur koi ho na sake। abhi tum anubhvi ban gaye ho। tum bachchon ko kitna nasha rehna chaahiye। shivbaaba tumko god mein le svarga ka maalik banne laayak banaate hain। tum samajhte ho ham eeshvar ki god mein aaye hain। zaroor eeshvar hamko vaapis apne saath le jaayenge। khaas tum bachchon ko vaaris banaaya hai। tumhaara part hai। abhi tumhaari buddhi kitni vishaal ho gai hai। samajhna chaahiye satayug mein hai hi devi-devtaaon ka raajya। zaroor bhagwan ne sthaapan kiya hoga। parantu kaise kiya? yeh koi nahin jaante। naam bhi hai yaadav, kaurav, paandav। paandavon mein sabhi males hi dikhaate hain। shakti sena ka naam kahaan? tum ho gupta। unko to pata hi nahin phir kehte jo ladaai mein marega woh svarga mein jaayega। parantu kaun si ladaai? yeh hai maaya par jeet paane ki ladaai, jo ek baap hi sikhlaate hain। jabki tum samajhte ho barobar shivbaaba ne hamko god mein liya hai, adopt kiya hai। to aur sab taraph se buddhiyog toot jaana chaahiye। raaja ki god mein jaayenge to raaja-raani ka hi bachcha apne ko samjhenge। prince-princess hi mitra-sambandhi honge। woh kul athva biraadri badal jaati hai। to yahaan bhi brahman kul ka banna hai। devtaaon athva shaktiyon ke saath naarad ko bhi bithaate hain। bhagwan ne naarad ko kaha tum apni shakla to dekho। naarad bhakti karta tha।

abhi tum bachchon ko achhi reeti purushaartha karna hai। tumhaare andar koi bhi bhoot nahin hona chaahiye। koi krodh kare to samjho inmen bhoot hai। paanch vikaaron ka yahaan daan dena hai, tab woh nasha chadh sake। phir tum bahut khush mijaaz rahenge। jaise devtaaon ke chehre rehte hain। tum roop-basanta ho na। jaise baba gyaan ratna deta hai, tumhaare mukh se bhi ratna nikalne chaahiye। purushaartha karte raho। manzil bahut badi hai, vishwa ka maalik banna hota hai। ham hi anek baar vishwa ke maalik bane hain। aise aur koi sannyaasi aadi kah na saken। baap kehte hain laadle bachche tum anginat baar vishwa ke maalik bane ho, phir haraaya hai। ab phir jeet pahno। hai saara purushaartha par madaar। bachchon ko badi khushi rahni chaahiye। ham vishwa ke maalik bante hain, to woh khushi sthaai kyon nahin rehti? puraani duniya ke sambandh yaad aa jaate hain। deh-abhimaan aa jaata hai। pahla-pahla dushman hai hi deh-abhimaan। deh-abhimaan aaya aur lagi maaya ki chamaat। main baba ka hoon, baba ke brahmaanda ka maalik hoon। baba se varsa le vishwa ka maalik banta hoon, yeh nasha rehna chaahiye। dehi-abhimaani banne ki mehnat karni chaahiye। kalpa mein ek hi baar baba aakar tumko dehi-abhimaani banna sikhlaate hain। kitna kehte hain baba ko yaad karo। phir bhi bhool jaate hain, chart likhne mein thak jaate hain। bachchon ko apna chart dekhna hai। ek baba itne bachchon ka chart kaho tak dekhenge। baba ko kitna kaam rehta hai। patron ke javaab likhne mein anguliyaan hi ghis jaati hain। parantu bachchon ko shauk rehta hai ki baba ke haath ka patra padhen। tumheen se baithoon, tumheen se likha padhi karun... likhte bhi hain shivbaaba care of brahma। phir baba javaab bhi dete hain। kitne patra likhne paden। haan, serviceable bachche service ka samaachaar denge to baap bhi khush hoga। achhi-achhi chitthi aayegi to naynon par rakhenge, dil par rakhenge। nahin to vesta paper box mein daal deni padti hain। serviceable bachchon ki bahut mahima karta hoon। service karne vaale bachche hi dil par chadh sakte hain। sapoot bachche maa baap ko follow karte hain। baap kitna achhi reeti samjhaate hain। bhakti maarga mein manushya mukti ke liye kitne dhakke khaate rehte hain। parantu woh jaante hi nahin ki mukti kahaan hai? kuchh nahin jaante। gyaan hai hi ek gyaan saagar ke paas। srishti ke aadi, madhya, ant ko jaanna, isko gyaan kaha jaata hai। jab tak srishti ke aadi madhya ant ko nahin jaana to blind hain। mahaabhaarat ladaai bhi saamne khadi hai। bahut takleeph hone vaali hai। yeh duniya badi gandi hai। baap bachchon ko phir bhi samjhaate hain bachche khabardaar rehna। koi bhoot hoga to tum gore kaise banenge? tum kehte ho baba ham aapki mat par chalenge to baba kehte hain bhooton ko bhagaao। is duniya se mamatva nahin rakhna hai। buddhiyog nai duniya mein chala jaana chaahiye। tum jaante ho hamaare liye svarga ki sthaapna ho rahi hai। to yaad karna pade na। baap ko, sweet hom ko aur raajdhaani ko yaad karo। shareer nirvaah arth service bhi karo। phir yeh eeshvareey service bhi karo। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roop-basanta ban mukh se sadaiv gyaan ratna nikaalne hain। devtaaon jaisa khushmijaaz banna hai।

2) gyaan aur yog bal se vikarma vinaash kar baap se double varsa (mukti-jeevanmukti ka) lena hai।

vardaan:- “chhodo to chhooto'' is paath dvaara number one lene vaale udta panchhi bhav

udta pachhi banne ke liye yeh paath pakka karo ki “chhodo to chhooto''। kisi bhi prakaar ki daali ko apne buddhi roopi paanv se pakadkar nahin baithna। isi paath se brahma baap number one bane। yeh nahin socha ki saathi mujhe chhode to chhootoon, sambandhi chhoden to chhootoon। vighna daalne vaale vighna daalne se chhoden to chhootoon - svayan ko sada yahi paath practical mein padhaaya ki svayan chhodo to chhooto। to number one mein aane ke liye aise follow father karo।

slogan:- jinke sankalpon mein ek baba hai unki mansa sada shaktishaali hai।