गुरुवार 23 फ़रवरी 2023 की दैनिक मुरली

23-02-2023 praatahmurli om shanti "baapdaada"' madhuban

“meethe bachche - tumhaara farja hai ek do ko baap aur varse ki yaad dilaakar saavdhaan karna, ismen hi sabka kalyaan samaaya hua hai''

prashn:- tum bachche kis ek guhya raaz ko samajhte ho jo koi saainsadaan bhi nahin samajh sakte?

uttar:- tum samajhte ho ki aatma ati sookshm star hai, usmein hi sab sanskaar bhare hue hain। vahi shareer dvaara apna-apna part baja rahi hai। shareer jad hai, aatma chaitanya hai। aise hi phir paramatma bhi star hai, usmein saari knowledge hai। woh manushya srishti ka beejroop hai, sat hai, chaitanya hai। woh koi hajaaron sooryon se tejomay nahin hai। yeh guhya raaz tum bachche samajhte ho। saainsadaan in baaton ko nahin samajh sakte। tumhein sabko aatma aur paramatma ki pahchaan pahle-pahle deni hai।

geet:- maata O maata tu sabki bhaagya vidhaata…

om shanti। baap bachchon prati kahe ki bachche svadarshan chakradhaari bhav। yeh baap ne bachchon ko saavdhaani di। bachchon ko bhi ek do ko saavdhaani deni hai। baap ko yaad karne se jhat woh nasha chadh jaata hai। smriti dilaane ke liye ek do ko saavdhaan karna hai। jaise aapas mein milte hain to namaste aadi karte hain na। parantu unse koi kalyaan nahin hota hai। kalyaan tab hoga jab tum bachche ek do ko saavdhaani denge। svadarshan chakradhaari akshar mein sab kuchh aa jaata hai। baap ka parichay, martabe ka parichay, chakra ka bhi parichay aa gaya। to ek do ko saavdhaani dena pahla farja hai। yaad karaane se khabardaar ho jaayenge। ghadi-ghadi ek do ko saavdhaan karna hai। baap aur varse ko yaad karte raho। svadarshan chakradhaari ho, apne ko ashareeri samajh, ashareeri baap ko yaad karte ho। yaad arthaat yog। yog se hi tumhaari nirogi kaaya banti hai। yeh abhi ka purushaartha hai। ant mein jab ekdam karmaateet avastha ho jaayegi tab nirogi banenge। abhi to purushaarthi hain। abhi baap baith bachchon ko samjhaate hain kyonki jaante hain sabhi besmajh hain। jab devtaaon aadi ki pooja karte hain, unhon ke occupation ka koi ko pata nahin hai, to tumko samjhaana hai - ham sabki biography bata sakte hain। pahle to mukhya parampita paramatma ko jaanna hai। usmein bhi bahut manushya moonjhate hain। kehte hain paramatma ka koi naam roop nahin hai। to pahli-pahli mukhya baat hai aatma paramatma ka bhed aur gyaan bataana। yeh to jaante hain sab aatma hain। punya aatma, paap aatma kaha jaata hai। paap paramatma nahin kahenge। patit duniya hai na। paramatma to patit nahin hota, isliye manushya ko pahle-pahle aatma ko jaanna hai kyonki aatma ka gyaan koi bhi manushya mein nahin hai। aatma hi sunti hai, aatmaayen khaati-peeti, sab kuchh karti hain in organs dvaara। aatma ka roop kya hai? kehte hain chamakta hai bhrakuti ke beej mein ajab sitaara। to aatma ka roop samjhaana pade na। aatma ka roop koi itna bada to nahin hai। aatma ati sookshm hai। aatma ka roop hai zero athva buri (bindi) bhi kehte hain। ab is par bhi vichaar karna chaahiye ki aatma kitni sookshm hai। manushya poochhte hain aatma shareer se kaise nikalti hai? kahaan se nikalti hai? koi kehte hain ki khopdi se nikalti, koi kehte aankhon se nikalti.... kyonki darvaaje to bahut hain na। parantu aatma hai kya cheez, yeh jaanna bada wonderful hai। to poochhte hain aatma nikalti kaise hai, yeh nahin kehte aatma aati kaise hai। parantu pahle to maaloom hona chaahiye ki aatma kya cheez hai। kitni chhoti si aatma mein 84 janmon ka part bhara hua hai। yeh baaten most wonderful hain। aatma hai to barobar star muaaphik। usko bada nahin kahenge। aeroplane oopar jaane se bahut chhota dikhaai padta hai। parantu aatma badi nahin hoti। unka to ek hi roop hai। to pahle-pahle aatma ko jaanna chaahiye। main aatma kaise is shareer mein pravesh karta hoon। bhal koi-koi ko saakshaatkaar hota hai, jaise star hai। us chhoti si aatma mein sab knowledge bhari hui hai। aatma hai ek hi। yeh bada wonder hai। paramatma ke roop ka bhi kisko pata nahin hai। vaastav mein jaisi aatma hai, vaise hi parampita paramatma hai। woh bhi baap hai। bhal yahaan baap aur bachcha chhota bada hota hai, parantu aatma chhoti-badi nahin ho sakti। aatma aur paramatma ke roop mein koi bhed nahin hai। baaki donon ke part mein, sanskaaron mein bhed hai। baap samjhaate hain mere mein kya sanskaar hain। tum aatmaon mein kya sanskaar hain? manushya aatma aur paramatma ke roop ko na jaanne kaaran aatma-paramatma ek kah dete hain। bada ghotaala kar diya hai। jaanna bahut zaroori hai। paramatma bhi hai, brahma vishnu shankar bhi hain, in sabmen aatma hai। jagat amba sarasvati ko goddess aaph knowledge kehte hain। to zaroor sarasvati ki aatma mein knowledge hogi। parantu unmein kaun si knowledge hai, yeh koi ko pata nahin hai। sirf kah dete hain goddess oph knowledge। akhbaaron mein articles aadi padte hain to us par samjhaana chaahiye। tum kehte ho sarasvati goddess oph knowledge parantu usne kaun si knowledge di? kab di? unko zaroor god se knowledge mili hogi na। god ka roop kya hai? goddess oph knowledge yeh naam kaise pada? knowledgeful to god hai। usne sarasvati ko knowledgeful kaise banaaya? ek hi baat par kisko sangam par khada kar dena chaahiye।

baba kehte hain ham samjhaate hain, baaki likhne ke liye to sanjay (jagdeesh bhaai nimitta rahe) hai। yeh hai number one mukhya actor। yeh to baba ke saath right-hand hona chaahiye। parantu drama ki bhaavi aisi hai jo inko dehli mein bhi rehna hota hai। kalpa pahle vaala part hai। arjun ka naam mukhya gaaya hua hai। ab tum bachche har baat ka arth samajhte ho। pahle-pahle to aatma aur paramatma ko samajhna hai।

baap ne bachchon ko samjhaaya hai - aatma star hai। usmein saari knowledge kaise bhari hui hai। yeh koi saainsadaan bhi samajh nahin sakenge। aatma mein hi sab sanskaar rehte hain। ab aatma to star hai। achha paramatma ka roop kya hai? woh bhi param aatma hi hai। farka nahin hai। yeh jo mahima gaate hain woh hajaaron sooryon se teekha hai, aisa nahin hai। baap kehte hain sirf tumhaari aatma mein knowledge nahin hai, main paramatma knowledgeful hoon - bas yeh farka hai। maaya ne tumhaari aatma ko patit bana diya hai। baaki koi deeva nahin hai, bujha hua। sirf aatma se knowledge nikal gai hai - baap aur rachna ki। so ab tumko knowledge mil rahi hai। baba mein knowledge hai, woh bhi aatma hai। koi badi nahin hai। unko bhi knowledgeful, sarasvati ko bhi knowledgeful kaha jaata hai। ab unko knowledge kab mili? sarasvati kiski bachchi hai? yeh koi jaante nahin hain। to dil mein aana chaahiye, unhon ko kaise samjhaayen। baap paramatma kaun hai, woh bhi samjhaana hai ki woh star hai, usmein saari knowledge hai। god father manushya srishti ka beejroop hai। sabka behad ka baap hai। woh sat hai, chaitanya hai, unmein sachchi knowledge hai। unko truth bhi kehte hain। aur koi mein sachchi knowledge hai nahin। rachayita ek baap hai। to saari rachna ki knowledge bhi unmein hi hai। jhaad ka beejroop hai na। aatma to chaitanya hain। shareer to jad hai। jab aatma aati hai tab yeh chaitanya hota hai। to baap samjhaate hain main bhi vahi hoon। aatma chhoti badi ho nahin sakti। jaise tum aatma ho vaise param aatma yaani paramatma hai, phir unki mahima sabse oonch hain। manushya srishti ka beejroop hai। manushya hi unko yaad karte hain। yeh to jaante hain baap oopar mein rehte hain। aatma in organs dvaara kehti hai he parampita paramatma। manushya yeh nahin jaante hain kyonki deh-abhimaani hain। tum ab dehi-abhimaani bane ho। apne ko aatma nishchay karte ho। tum jaante ho god to niraakaar ko hi kaha jaata hai। ham unki santaan hain। woh god hi aakar knowledge dete hain। unko knowledgeful, blissful kaha jaata hai। raham ka saagar, sukh ka saagar, shanti ka saagar.. yeh mahima di gai hai। to zaroor baap se bachchon ko varsa milna hai। unhonne koi samay aakar varsa diya hai tab mahima gaai jaati hai। devtaaon ki mahima alag hai। baap ki mahima alag hai। sab aatmaon ka woh baap hai। creator hone ke kaaran unko beejroop kaha jaata hai। pahle-pahle baap ka parichay dena hai। shaastron mein dikhaate hain - angushthe misal hai। ham kehte hain woh jyortibindu hai। chitra bhi banaaya hai। parantu itna bada to woh hai nahin। woh to ati sookshm hai। to kya samjhaayen? tumko kahenge chitra mein itna bada roop kyon dikhaaya hai? bolo nahin to kya rakhen। woh to ek bindi hai phir unki pooja kaise karenge? un par doodh kaise chadhaayenge? pooja ke liye yeh roop banaaya hua hai। baaki yeh samajhte hain ki woh hai parampita param aatma paramdham mein rahne vaale। woh paramdham hai hamaara sweet hom। niraakaari duniya, mool vatan, sookshm vatan phir sthoolavtan। baap niraakaari duniya mein rehte hain। aatma kehti hai ham nirvaandhaam mein jaaven। jahaan yeh organs na hon। aatma hi aakar shareer dhaaran karti hai। ab yeh kaise samjhaayen ki aatma kahaan se jaati hai। yeh to jaante hain pinda mein aatma pravesh hone se chaitanya ban jaati hai। cheez kitni sookshm hai। usi mein saare sanskaar bhare hue hain। phir ek-ek janma ke sanskaar pragat hote jaayenge। to baap samjhaate hain har ek baat ko achhi reeti samajhna hai। sarasvati ki baat par bhi samjha sakte hain। woh kiski bachchi hai? is samay tumko to goddess kah na saken। sarasvati hai brahma ki beti। to zaroor woh bhi god aaph knowledge thahra। brahma ke mukh kamal se dikhaate hain gyaan diya। to brahma ka bhi naam hai na। is samay tum ho brahman। bhal aatma pure hoti jaati hai parantu shareer to pure ho nahin sakta। yeh tamopradhaan shareer hai। to baap samjhaate hain - bachche ek do ko saavdhaan kar unnati ko paana hai। baap aur varse ko yaad karte ho? svadarshan chakra ko yaad karte ho? baba kehte hain ek bhi aise saavdhaani nahin dete honge। baap ko yaad karte-karte neend ko jeetne vaala banna hai, ismen to bahut kamaai hai। kamaai mein kabhi thakaavat nahin hoti hai। parantu sthool kaam bhi karne padte hain isliye thakaavat bhi hoti hai।

baap samjhaate hain raat ko bhi jaagkar baba se baaten karte, gyaan saagar mein dubki lagaani hoti hai। jaise ek jaanvar hota hai, paani mein dubki lagaata hai। to aise dubki maarne se, vichaar saagar manthan karne se dekhte hain ki bahut points aati hain। kahaan-kahaan se nikal aati hain। isko kaha jaata hai raat ko jaagkar gyaan ka vichaar saagar manthan karna। manushya bilkul hi nahin jaante hain, unhon ko samjhaana hai। baap gyaan ka saagar hai, unse varsa milna hai। jo aadi sanaatan devi-devta dharma vaale satayug mein the, unhon ko zaroor varsa mila hoga na। ab saari raajdhaani ko varsa kaise mila? kaliyug se satayug hone mein deri to nahin lagti। raat poori ho din hota hai। kahaan iron aged world duhkhadhaam, kahaan woh sukhdhaam। brahma ka din aur brahma ki raat - kitna pharka hai! abhi god father se tumko knowledge mil rahi hai। sarasvati kya karti thi? kisko pata nahin। bas goddess oph knowledge sarasvati ka chitra mila aur khush ho gaye। to unhon ko saavdhaan karna padta hai। paramatma ka parichay dena pade। phir brahma vishnu shankar ka bhi parichay dena hai। baap ne aakar yeh knowledge de nar se naaraayan banaaya hai। bada yukti se har ek ka occupation bataana hai। sarasvati bhi brahma mukh vanshaavli hai। to zaroor parampita paramatma aaya usne brahma dvaara mukh vanshaavli rachi। pahle-pahle knowledge kisko di? kehte hain kalash sarasvati ko diya। beech se brahma ko gum kar diya hai। yeh kisko pata nahin hai ki brahma tan mein aakar maataaon ko kalash diya hai to zaroor brahma bhi sunte honge na। brahma ke haath mein shaastra bhi dikhaate hain। brahma ki mat mashhoor hai। to woh bhi sabhi vedon shaastron ke saar ki mat deta hoga। brahma dvaara shivbaaba samjhaate hain। brahma kahaan se aaya? yeh rath kahaan se nikla? koi nahin jaante। baba ne abhi bataaya hai jo tum samjha sakte ho। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) raat ko jaagkar gyaan ka vichaar saagar manthan karna hai। gyaan saagar mein dubki lagaani hai। baap ko yaad karte neend ko jeetne vaala banna hai।

2) svadarshan chakra phiraate rehna hai। aapas mein baap aur varse ki yaad dilaate ek do ko saavdhaan kar unnati ko paana hai।

vardaan:- svayan ko sangamayugi samajh vyartha ko samartha mein parivartan karne vaali samartha aatma bhav

yeh sangamayug samartha yug hai। to sada yeh smriti rakho ki ham samartha yug ke vaasi, samartha baap ke bachche, samartha aatmaayen hain, to vyartha samaapta ho jaayega। kaliyug hai vyartha, jab kaliyug ka kinaara kar chuke, sangamayugi ban gaye to vyartha se kinaara ho hi gaya। yadi sirf samay ki bhi yaad rahe to samay ke pramaan karma svatah chalenge। aadhaakalpa vyartha socha, vyartha kiya, lekin ab jaisa samay, jaisa baap vaise bachche।

slogan:- jo sada eeshvareey vidhaan par chalte hain vahi brahma baap samaan master vidhaata bante hain।