शनिवार 18 मार्च 2023 की दैनिक मुरली

18-03-2023 praatahmurli om shanti "baapdaada"' madhuban

“meethe bachche - most beloved baap ka yathaartha parichay dene ki yuktiyaan nikaalni hain, accurate shabdon mein alpha ka parichay do to sarvavyaapi ki baat khatma ho jaayegi''

prashn:- avinaashi gyaan ratna chugne vaale bachchon ka farja kya hai?

uttar:- gyaan ki har baat par achhi reeti vichaar saagar manthan kar ek baap ki sabko sahi pahchaan dena। punya aatma banaane vaale ke saath-saath paapaatma kisne banaaya - yeh samajh dena, tum bachchon ka farja hai। sabko raavan ke ber chugne se bachaae gyaan ratna chugaane hain। service ki bhinna-bhinna yuktiyaan nikaalni hain। service mein busy rahne se hi apaar khushi rahegi।

geet:- preetam on milo…

om shanti। baap parampita ko hamesha rachayita kaha jaata hai। manushya kah dete yeh pashu pakshi aadi saari rachna woh rachte hain। parantu samjhaana chaahiye pahle-pahle manushya ki baat to samjho। parampita jo rachta hai woh manushya srishti kaise rachte hain। manushya hi unko baap kah bulaate hain kyonki duhkhi hain। sabhi us ek rachayita ko yaad karte hain। to pahle-pahle yeh samjhaana hai ki manushya srishti ka rachayita kaun hai। woh rachayita hi sabka baap thahra। pahle-pahle baap ka parichay dena hai। aatma ko na apna, na baap ka parichay hai। agar aham aatma ka parichay ho to samjhen ki ham kiski santaan hain! ham parampita paramatma ki santaan hain। woh baap rachayita hai to zaroor pahle-pahle manushya srishti rachte honge, woh nai duniya athva svarga hogi। baap zaroor svarga hi rachenge। baap duhkh ke liye rachna rachen, yeh ho nahin sakta। jabki ham us baap ke bachche hain, jo baap svarga rachta hai to ham bhi vahaan hone chaahiye ya paramdham mein hone chaahiye। parantu hamko yahaan part bajaane aana padta hai। yeh hai vichaar saagar manthan karne ki yuktiyaan। jitna samay mile to yahi vichaar saagar manthan karna hai। saadhu santa aadi koi bhi yathaartha reeti baap ko jaante nahin hain। rachayita zaroor svarga hi rachenge to phir sab aatmaayen nirvaandhaam mein honi chaahiye। woh nirvaan-dhaam hai ham sab aatmaon ka ghar, jahaan baap bhi rehte hain। tum bachchon ko behad ke baap se buddhiyog jodne liye mehnat karni padti hai। yog na hone ke kaaran hi phir manushya se paap hote hain ya dhaarna nahin ho sakti hai। baap ko yaad nahin karte। bhagwan to ek hi hai। woh hai most beloved svarga ka rachayita। vahaan bahut sukh hai। yahaan duhkh hone ke kaaran hi bhagwan ko yaad karte hain। baap bachchon ko sukh ke liye hi janma dete hain। satayug treta ko kaha hi jaata hai sukhdhaam। abhi hai kaliyug। inke baad phir satayug aana hai। to zaroor baap ko bhi aana chaahiye। aise-aise vichaar saagar manthan kar phir koi ko baith samjhaana chaahiye। yahaan tumko baap ka parichay milta hai baap dvaara। manushya us most beloved baap ko jaante nahin। baap ko jaante hi nahin to apne ko uske bachche bhi samajhte nahin। hamne baap ko jaana hai to unko yaad karte hain। woh behad ka baap hai sabhi aatmaon ka। woh niraakaar is saakaar prajaapita dvaara rachna rachte hain। prajaapita brahma hai, brahman braahmaniyaan bhi hain। zaroor prajaapita brahma ka baap parampita hi hoga, jisko creator kaha jaata hai। koi bhi aate hain to pahle-pahle baap ka parichay dena hai। jab alpha yaad pade tab phir aage samajh saken। alpha bigar kuchh bhi samajh nahin sakenge। woh bhi samjhaana aise hai jo manushya samjhen inhon ki samjhaani to badi accurate dikhaai padti hai। aise aur to koi nahin samjhaayenge ki woh behad ka baap svarga ka rachayita hai। zaroor narka ka bhi rachayita koi hoga। paavan banaane vaala ek baap hai to zaroor patit banaane vaala bhi koi ek hoga। yeh achhi reeti samjhaana hai। baap kaun hai jisko ham yaad karte hain। raavan ko to yaad nahin karenge। manushya to na paavan banaane vaale raam paramatma ko jaante, na patit banaane vaale raavan ko jaante, bilkul hi anjaan hain। form bharaane samay bhi pahle baap ka parichay dena hai। tumhaari aatma ka baap kaun hai, yeh prashn aur koi poochh na sake। aatma to har ek manushya mein hai। jeev aatma, paap aatma, punya aatma kaha jaata hai na। punya aatma to baap hi banaate hain phir inko paap aatma kaun banaate hain? yeh zaroor samjhaana pade। baap jo svarga ka rachayita hai, jiske ham sabhi bachche hain unko tum jaante ho? woh to zaroor paavan duniya hi rachte honge? abhi hai patit duniya, isliye manushya gaate bhi hain he patit-paavan aao। itne sab patit manushyon ko paavan kaun banaaye? sarvavyaapi hai phir to yeh baat nahin uthti ki parampita paramatma aao। sarvavyaapi hai phir to usko yaad karne ki bhi darkaar nahin। abhi ham aapko bahut achhi raay dete hain। brahma ki raay to mashhoor hai na। ham brahma mukh vanshaavli brahman braahmaniyaan hain। brahma ko bhi raay dene vaala zaroor oonch hoga। brahma valda parampita paramatma shiv। woh hai aatmaon ka pita। woh hai prajaapita। tum bachche service ke liye aise-aise vichaar saagar manthan karenge to tumko bahut khushi rahegi। koi aaye to unko gyaan ratna dene hain। baap aakar avinaashi gyaan ratna chugaate hain, jisse ham vishwa ke maalik bante hain। phir raavan aakar ber chugaate hain। shiv ka chitra, devtaaon ke chitra sab patthar ke hi hain। patthar ko poojte-poojte pattharbuddhi ban jaate hain। shiv ka bhi patthar ka chitra hai। zaroor koi samay shivbaaba chaitanya mein aakar padhaate honge। prajaapita brahma bhi hoga। brahmaakumaari sarasvati bhi hogi। ab practical mein hai। inke liye gaayan hai sabki manokaamna poori karne vaali। avinaashi gyaan ratna daan karne vaali goddess aaph knowledge। unhonne phir sarasvati ko banjo de diya hai। yeh sab baaten buddhi mein aani chaahiye, jisko bhaashan karna hai to vichaar saagar manthan karna hota hai। pahle bhaashan likh refine karna chaahiye। bade-bade speakers jo hote hain woh bahut khabardaari se bolte hain। bilkul accurate sunaate hain। jara bhi hichka to aabru (ijjat) chali jaayegi। pahle se hi poori practice karte hain। yahaan bhi itna buddhi mein rehna chaahiye jo kisko baap ka parichay de sako। service karni hai। vikaari gurooon ki janjeeron mein bahut phase hue hain। woh koi ki sadgati to kar nahin sakte। patit-paavan niraakaar bhagwan ko hi kaha jaata hai। sarvavyaapi ke gyaan se to koi ki sadgati hui nahin hai। patit-paavan hai ek shivbaaba unko roodra bhi kaha jaata hai। roodra yagya bhi mashhoor hai। itna bada yagya aur koi rach na sake। roodra gyaan yagya kitne varsha chalta hai? gyaan sunaate hi rehte hain। yagya jab rachte hain to usmein shaastra bhi rakhte hain। raamaayan, bhaagvat aadi ki katha sunaate hain, usko roodra yagya kehte hain। vaastav mein roodra yagya yeh hai। yeh yagya to bahut samay chalta hai। unhon ka to karke maas bhar yagya chalega। yeh to dekho kitna samay chalta hai। ismen jo bhi sab puraani cheejen hain woh khatma honi hain। yeh saari puraani duniya ismen bhasma honi hai। kitna bada yagya hai, khyaal to karo। jab sabke shareer svaaha ho tab sabhi aatmaayen vaapis paramdham jaayen। jab tak baap na aaye to patit se paavan kaise banen, maaya ki janjeeron se liberate kaun kare? koi to hona chaahiye naaislie khud maalik hi aate hain। aise nahin sarvavyaapi ho baithkar gyaan dete hain, woh to aate hain। ham unki santaan potre hain। vaastav mein ho tum bhi। ab woh baap aaya hua hai, apna parichay de rahe hain। svarga ki sthaapna ho rahi hai। ham hain raajayog rishi, woh hain hathayog rishi। is par shaayad ek kahaani bhi sunaate hain ki phalaane rishi ka vajan bhaari hai ya raajarishi ka vazan bhaari hai। woh hain sab bhakti maarga ki baaten aur yeh hai gyaan maarga। bhakti aur gyaan ke taraaju ki kuchh katha hai। ek taraph hain sab bhakti ke shaastra, doosre taraph hai ek gyaan ki geeta। to bhaari ek geeta ho jaati hai। geeta hai raajarishiyon ki, hathayogiyon ke to bahut shaastra hain। ek taraph woh sab daalo doosre taraph geeta daalo। vaastav mein woh bhi koi hamaari hai nahin। hamaari to hai hi gyaan ki baat। geeta ka bhagwan aata hi hai sadgati karne ke liye। to bachchon ki buddhi mein yeh sab rehna chaahiye। phir koi samjhe na samjhe, apna farja hai har ek ko samjhaana। maut ke samay sabhi ki aankhe khulengi। is gyaan yagya se hi yeh vinaash jvaala nikli hai। ab tum paandavon ka pati hai parampita paramatma। patiton ko paavan banaane vaala hai hi ek paramatma na ki shreekrishna। woh to prince hai। unko koi god father nahin kahenge। father tab kaha jaata hai jab bachche paida karte hain। shreekrishna to khud hi bachcha hai to usko father kaise kaha jaae। law nahin kehta। shreekrishna ke saath phir jodi chaahiye। unke bachche chaahiye tab father kaha jaae। woh to phir grihasthi ho gaya। yahaan to niraakaar baap baith gyaan dete hain। woh kabhi grihastha mein aate nahin, sada pavitra hain। shreekrishna to maata ke garbha se janma lete hain to unko patit-paavan kaise kahenge। abhi tum bachche jaante ho parampita paramatma ko prajaapita brahma ke tan mein hi aana hai। prajaapita to zaroor yahaan hi hona chaahiye na, isliye unka naam brahma rakh kehte hain main is saadhaaran tan mein pravesh karta hoon। yeh 84 janma bhog abhi antim janma mein hai aur vaanaprastha avastha mein poora anubhvi rath hai। arjun ke liye bhi kehte hain na bahut guru kiye the। shaastra aadi padhe the to samjhaana bhi aise chaahiye। prajaapita brahma ka naam kabhi suna hai? brahma hai to zaroor pahle brahman chaahiye। varna bhi mukhya hain। chakra mein bhi varna dikhaate hain। brahman kul hai sabse chhota। unhon ke gyaan lene ka samay bhi thoda hai। kitne thode brahman hain। phir unse jaasti devtaayen, unse jaasti kshatriy, unse jaasti vaishya, shoodra। to tum brahman kitne thode ho। in thodon mein bhi woh bahut thode hain, jinko sadaiv khushi ka paara chadha rehta hai। baap ne samjhaaya hai khushi ka paara chadhega amritvele। din ko aur raat ko vaayumandal bahut ganda rehta hai, us samay yaad mushkil rehti hai। amritvele ka samay gaaya hua hai। usi samay sabhi aatmaayen thak kar shareer se detach hokar so jaati hain। woh hai shubh mahoorta। yoon to baap ki yaad chalte phirte dil mein rahni chaahiye। baaki hath se ek jagah baith yaad karenge to thahregi nahin। rishi muni bhakta log bhi amritvele uth keertan aadi karte hain kyonki us samay shuddh vaayumandal rehta hai। to koi bhi aaye unko samjhaana hai ki ham padh rahe hain। ismen koi andhashradha ki to baat hi nahin। niraakaar baap teacher ke roop se hamko sahaj raajayog sikha rahe hain। to manushya aashcharya khaayenge ki inhon ko niraakaar kaise padhaate hain। bhagvaanuvaach bhi barobar hai to zaroor shareer mein aakar raajayog sikhaaya hoga। koi shareer ka loan liya hoga to pahle yukti se baap ka parichay dena chaahiye। sarvavyaapi kahne se varsa kya milega। jab tak bhagwan ke mahaavaakya kaanon par na pade tab tak koi samajh na sake। bhagwan hai niraakaar, brahma hai saakaar prajaapita, tum ho brahmaakumaar kumaariyaan। niraakaar paramatma brahma tan se padhaate hain। hamaara em object hai manushya se devta banna। baap ka parichay denge to baap ki yaad rahegi। koi-koi likhte hain bhagwan niraakaar hai, to unko samjhaana chaahiye। koi phir likhte hain ki ham jaante hi nahin, are tum baap ko nahin jaante ho? parampita paramatma kehte ho to zaroor koi to hoga na! bachche to jaante hain ham parampita paramatma se bhavishya janma-janmaantar ke liye aajeevika praapta karte hain। ismen jo vighna daalte hain un par kitna paap chadhta hoga। so bhi samajhkar vighna daalte hain! besmajh par to koi dosh nahin। woh to saari duniya besmajh hai। achha!

meethe-meethe sikeeldhe bachchon prati maat-pita baapdaada ka yaadapyaar… iske ek-ek akshar ka arth tum bachche jaante ho। pahle-pahle maat-pita phir baapdaada। maat-pita unko kaha jaata jo svarga ka maalik banaate hain। phir yeh ho gaye baapdaada। phir kehte jagdamba, yeh badi guhya baaten hain। sabse guhya paheli yeh hai, jisko samajhne se manushya ko bahut faayda ho jaae। phir kehte hain sikeeldhe, yeh hai doosri paheli। phir kehte hain brahman kul bhooshan, svadarshan chakradhaari - yeh bhi nai paheli hai। ek-ek baat mein paheli hai। achha!

svadarshan chakradhaari noore ratnon prati yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) amritvele ke shubh mahoorta mein baap ko bahut pyaar se yaad kar khushi ka paara chadhaana hai। chalte-phirte bhi yaad ka abhyaas karna hai।

2) paap karmon se bachne va gyaan ki achhi dhaarna karne ke liye ek baap se buddhiyog jodne ki mehnat karni hai।

vardaan:- bindu roop mein sthit rah saarayukta, yogayukta, yuktiyukta swaroop ka anubhav karne vaale sada samartha bhav

question mark ke tedhe raaste par jaane ke bajaae har baat mein bindi lagaao। bindu roop mein sthit ho jaao to saarayukta, yog-yukta, yuktiyukta swaroop ka anubhav karenge। smriti, bol aur karma sab samartha ho jaayenge। bina bindu bane vistaar mein gaye to kyon, kya ke vyartha bol aur karma mein samay aur shaktiyaan vyartha gavaan denge kyonki jangal se nikalna padega isliye bindu roop mein sthit rah sarva karmendriyon ko order pramaan chalaao।

slogan:- “baba'' shabd ki diamond chaabi saath rahe to sarva khajaanon ki anubhooti hoti rahegi।