रविवार 19 मार्च 2023 की दैनिक मुरली

19-03-23 praatahmurli om shanti ''avyakt-baapdaada'' revise 25-01-94 madhuban

braahmanon ki nature visheshta ki nature hai - ise natural smriti swaroop banaao

aaj baapdaada apne sarva vishwa ki vishesh aatmaon ko dekh rahe hain। draamaanusaar aap aatmaon ka kitna vishesh part noondha hua hai। aaj baapdaada har ek bachche ki visheshtaaon ko dekh harshit ho rahe hain। har ek bachche ko dekh ‘vaah bachche' yeh sneh ka geet dil mein baj raha tha। saath-saath yeh bhi dekh rahe the ki bachchon ke dil se ye ‘vaah-vaah' ka geet sada nikalta hai? har karma mein, har kadam mein, har sankalp mein ye shreshtha anubhav hota hai va kabhi-kabhi hota hai? saadhaaran jeevan se vishesh jeevan sada svatah rehti hai? va smriti laane se anubhav hota hai? jab jeevan hai to jeevan ka arth hi hai sada aur svatah rahe। smriti mein laaya to anubhav kiya aur smriti mein nahin laaya to visheshta ke bajaay saadhaaran jeevan anubhav ho - yeh aap vishesh aatmaon ki visheshta nahin hai। brahman janma hi vishesh janma hai। jiska janma hi vishesh hai uska jeevan kya hoga? vishesh hoga ya saadhaaran? brahman janma bhi shreshtha, brahman dharma bhi shreshtha aur brahman karma bhi shreshtha kyonki brahman janma daata, brahman dharma sthaapak, sarvashreshtha param aatma aur aadi aatma brahma baap hai। to jaise rachta sarvashreshtha to rachna bhi sarvashreshtha arthaat vishesh hai। braahmanon ka karma vishesh kyon hai? kyonki karma mein follow karne ke liye aap sabke saamne aadi aatma brahma baap sample hai। karma mein follow saakaar brahma baap ko karte ho isliye bhaagya vidhaata arthaat karma dvaara bhaagya ki rekha shreshtha banaane vaala brahma gaaya hua hai। bhaagya ki rekha ka kalam karma hai। to shreshtha karma ka sahaj symbol brahma baap hai isliye aap sabhi vishesh purushaartha ka shabd yahi varnan karte ho ki baap samaan banna hai।

is avyakt varsha mein sabhi ka lakshya kya raha? niraakaari sthiti mein niraakaar baap samaan ashareeri sthiti ka anubhav kiya? saakaar karma mein brahma baap samaan banne ka nambarvaar anubhav kiya? to vishesh jeevan ka aadhaar vishesh janma, dharma aur shreshtha karma hai। jaise laukik jeevan mein bhi agar kisi aatma ka janma vishesh raaj parivaar mein ho, raajkumaar ho va raajkumaari ho to yeh visheshta janma ki hone ke kaaran har samay sada aur svatah rehti hai va baar-baar smriti mein laate hain ki main raajkumaari hoon? sahaj yaad hoti hai na। purushaartha karte hain kya? chaahe karma apni ruchi ke kaaran kitna bhi saadhaaran ho lekin apne janma ki visheshta bhool jaate hain kya? natural aur nature ban jaati hai। to aap brahman aatmaon ki nature kya hai? vishesh hai ya saadhaaran hai? abhi bhi koi-koi bachche jab koi saadhaaran karma kar lete hain to baapdaada ke aage apne ko nirdosh siddha karne ke liye kya kehte hain? main chaahta nahin tha va chaahti nahin thi ki ye karma karoon lekin meri nature hai isliye ho gaya। vaise ye kehna va sochna yathaartha hai? main kaun? brahman jeevan vaale hain na। to brahman jeevan vaali aatma ye soch sakti hai ki ye meri nature hai? yeh kehna right hai? to us samay kyon bolte hain? us samay brahman nahin bolta, maaya bolti hai। to jaise ye saadhaaran nature va maayaavi nature natural kaam kar leti hai na, isliye kehte hain chaahte nahin the lekin ho gaya। to brahman nature arthaat visheshta ki nature bhi natural honi chaahiye। natural cheez sada rah sakti hai। to vishesh jeevan ki smriti nature ke roop mein natural honi chaahiye va kabhi bhoolna, kabhi yaad hona? to sada smriti swaroop mein raho। smriti laane vaale nahin, smriti swaroop isliye baapdaada dekh rahe the avyakt varsha samay pramaan samaapta hua lekin baapdaada samaan svayan ko sampanna banaaya? is avyakt varsha ka vishesh lakshya rakha ki avyakt arthaat farishta swaroop banna aur banaana hai। sabhi ne yahi lakshya rakha tha na, phir result kya nikli? apne aapko check kiya? ‘pharishta bhav' ka vardaan bhi vardaata se mila to vardaan aur lakshya - donon ki smriti se kahaan tak saphalta anubhav ki hai, ye sookshm checking svayan ki ki? va ye socha ki avyakt varsha poora hua, yathaashakti jitna bhi anubhav kiya utna hi draamaanusaar theek raha? varsha parivartan ke saath-saath sva parivartan ki gati kya rahi - is vidhi se check kiya? jaise varsha samaapta hua vaise svayan lakshya aur lakshan mein sampanna banen va ye sochte ho ki is varsha mein aur ban jaayenge? samay aur svayan ki gati samaan rahi? vaise to samay se bhi svayan ki gati teevra honi hai kyonki samaapti ke samay ko laane vaali aap vishesh aatmaayen nimitta ho। teevra gati se varsha to sampanna ho gaya। maaloom hua varsha kaise poora ho gaya? to check karo mujh vishesh aatma ki parivartan ki gati teevra rahi va kabhi teevra, kabhi madhyam rahi?

farishta arthaat jiska puraane sanskaar aur sansaar se rishta nahin। to check karo puraane sansaar ki koi bhi aakarshan, chaahe sambandh roop mein, chaahe apne deh ki taraph aakarshan va kisi dehdhaari vyakti ke taraph aakarshan, koi vastu ki taraph aakarshan kitne percent mein rahi? aise hi puraane sanskaar ki aakarshan, chaahe sankalp roop mein, vritti ke roop mein, vaani ke roop mein, sambandh-samparka arthaat karma ke roop mein kitni percent rahi? farishta arthaat double light। to niji light swaroop smriti swaroop mein kahaan tak raha? saath-saath light arthaat halkaapan, sva ke parivartan ke purushaartha mein kahaan tak light arthaat halke rahe? man arthaat sankalp shakti mein vyartha ko samartha mein parivartan karne mein arthaat vyartha ke bojh ko halka karne mein kahaan tak saphal rahe? isi prakaar vyartha samay, vyartha sang, vyartha vaataavran - is sabmen kahaan tak parivartan karne mein halke rahe? brahman parivaar ke sambandh mein, seva ke sambandh mein kahaan tak halke rahe? isko kaha jaata hai farishtaapan ke teevra gati ki sthiti। is vidhi se check karo aur bhavishya ke liye change arthaat parivartan karo। apne brahman janma ki visheshta ko natural nature banaana isko hi sahaj purushaartha kaha jaata hai। sirf ek vishesh aatma hoon - is smriti swaroop mein sthit ho jaao to baap samaan banna ati sahaj anubhav karenge kyonki smriti swaroop so samarthi swaroop ban jaate hain। varsha to poora hua। baapdaada result to dekhenge na। to result mein yathaashakti majority hain aur sada shaktishaali, yathaashakti ke majority mein minority hain।

smriti divas bhi bahut sneh se manaaya। ab vishesh jaise sneh se manaaya, vaise sneh ka saboot baap samaan smriti swaroop banna hi hai। suna result? aage kya karna hai? yathaashakti ya sada shakti swaroop? to dekhenge is varsha mein majority sada shaktishaali ka saboot kahaan tak dete hain? teachers kya samajhti ho? kis line mein aayenge? sada shaktishaali! sabka T.vi. mein photo nikal raha hai। kya bhi ho jaaye, kaisi bhi paristhiti ban jaaye lekin sada shaktishaali। naam note hote hain na kaun-kaun kis group mein aaye? abhi teachers ka sammelan hone vaala hai na। tab tak ki result sabhi teachers ki kya hogi? jisko karna hota hai vo kab ko nahin sochta hai। dridh sankalp ka arth hai ab। saadhaaran sankalp ka arth hai kab ho jaayega! to ‘kab' vaale ho ya ‘ab' vaale ho? shakti sena bahut badi sena hai। ‘kab' vaali ho ya ‘ab' vaali ho? paandav kya samajhte ho? dekho naam sabke note hain। abhi naam nahin sunaate hain aakhir vo samay bhi aa jaayega jo naam sunaayenge। samjha!

sabse jyaada sankhya kis zone ki aai hai? dekhenge panjaab, Indore kya kamaal dikhaate hain? teachers bhi jyaada aati hain, sankhya jyaada to teachers bhi jyaada hoti। panjaab vaale number one lenge ya second? Indore bhi number one lenge? aur karnaatak kya karenge? kaun-sa naatak dikhaayenge? kar-naatak, to hero naatak dikhaana, aisa-vaisa nahin dikhaana। aur mahaaraashtra to mahaan hi banenge na? aur yu.pi. ko kya kehte hain? yu.pi. mein nadiyaan hain arthaat yu.pi. patit ko paavan karne vaali hai। paavan banne-banaane mein number one। to yu.pi. vaale bhi number one banenge। is samay to koi bhi number tu nahin kahenge। raajasthaan to hai hi lucky, jo raajasthaan mein hi charitra bhoomi hai। head quarter raajasthaan mein hain na। to jahaan head quarter hai vo kya banega? head banega na! sabhi khushi se kah rahe hain number one lekin vahaan jaakar aise nahin kehna ki kya karen… kar nahin sakte... chaahte to nahin, lekin ho jaata hai... aisi bhaasha sochna bhi nahin। achha, double videshi bhi seva mein race achhi kar rahe hain aur race mein number one aana hai na। desh vaalon ko himmat dilaane mein videsh achha nimitta bana hai। is himmat dilaane ke kaaran extra madad bhi milti hai। samjha! isi ko smriti mein rakh sahaj badhte chalo aur badhaate chalo। achha!

chaaron or ki sarva vishesh aatmaon ko, sada saakaar brahma baap ke shreshtha karmon ko follow karne vaale karmayogi aatmaon ko, sada visheshta ko natural aur nature banaane vaali koton mein koi aatmaon ko, sada dridh sankalp dvaara vishesh janma, dharma aur karma ke smriti swaroop aatmaon ko baapdaada ka visheshta sampanna yaad-pyaar aur namaste।

daadiyon se mulaakaat - aap brahman jitne sampanna bante jaayenge utna bhavishya mein prakriti bhi pragti ko praapta karegi kyonki prakriti samay prati samay apna signal dikha rahi hai। to jitni prakriti ki halchal utni achal sthiti prakriti ko parivartan karegi। kitni aatmaayen samay prati samay duhkh ki lahar mein aati hai। to aise duhkhi aatmaon ka sahaara to baap aur aap hi ho। to raham padta hai na। jab samaachaar sunte ho to kya dil mein aata hai? nothing new, apni achal sthiti ke liye to theek hai lekin prakriti ki halchal se jab aatmaayen chillaati hain to kisko chillaati hain? to jab mercy, raham maangate hain to aap logon ko unke raham ki pukaar pahunchti to hai na! ye chhoti-chhoti aapdaayen aur tadphaati hain। brahman sampanna ho jaao to duhkh ki duniya sampanna ho jaaye। to raham padta hai ya nahin? raham padta hai to phir kya karte ho? phir bhi eeshvareey parivaar ke hain na। to parivaar ka koi bhi duhkh, sukh mein parivartan karne ka sankalp to aata hai na। koi parivaar mein beemaar bhi ho to kya sankalp hota hai? jaldi theek ho jaaye। to chillaate-chillaate marna aur ekdhak se parivartan hona, farka to hai na। mahaavinaash aur rehearsal ka vinaash, farka hai। mahaavinaash arthaat mahaan parivartan। uske nimitta aap ho। sampanna banenge to samaapti hogi। to jo pareshaan hain vo to samajhte hain ki pratyakshata ka parda khul jaaye, lekin stage par aane vaale hero actor sampanna taiyaar hone chaahiye na, tab to parda khulega ki aadhe mein khul jaayega? parivartan ki shubh bhaavna ko teevra karna arthaat apne ko teevra gati se sampanna banaana। aap bhi kabhi kaise, kabhi kaise hote ho to prakriti bhi kabhi bahut teevra gati se kaarya karti, kabhi thandi ho jaati। to abhi kya karna hai? raham ki bhaavna emerge karo, chaahe sva prati, chaahe sarva aatmaon ke prati। hoti hai na! lahar phailaao। raham ki bhaavna se vighna bhi sahaj khatma ho jaayenge। jahaan raham hoga, vahaan tera-mera ki halchal nahin hogi। poojya swaroop, merciful ka dhaaran karo। theek hai na। abhi ye lahar phailaao। har sankalp mein merciful। sankalp mein honge to vaani aur karma svatah hi ho jaayenge। sab chillaate bhi kya hain? mercy-mercy। achha!

avyakt baapdaada ki personal mulaakaat - maaya ki chhaaya se bachne ka saadhan hai - baapdaada ki chhatrachhaaya

sada apne ko baapdaada ki chhatrachhaaya ke neeche rahne vaali sada safe aatmaayen anubhav karte ho? sada chhatrachhaaya hai ya kabhi baahar nikal jaate ho? ya hai baap ki chhatrachhaaya ya hai maaya ki chhaaya। to maaya ki chhaaya se bachne ka saadhan hai chhatrachhaaya। to chhatrachhaaya mein rahne vaale kitne khush rahenge kyonki bephikra baadshaah ho gaye na। phikra hai to khushi gum hoti hai। kabhi bhi dekho khushi gum hoti hai to kaaran kya hota hai? koi na koi chinta, phikra, bojh khushi ko gum kar deta hai। aur khushi gum hui, kamjor hue to maaya ki chhaaya ka prabhaav pad hi jaata hai। kamjori maaya ka aahvaan karti hai। jaise shaareerik kamjori beemaariyon ka aahvaan karti hai to aatmik kamjori maaya ka aahvaan karti hai। phir us chhaaya se nikalne mein kitni mehnat karni padti hai। agar maaya ki chhaaya svapna mein bhi pad gai to svapna bhi pareshaan karega। phir brahman se kshatriy ban jaate hain to yuddha karni padti hai। kshatriy jeevan mehnat ki hai aur brahman jeevan khushi ki hai। to kya pasanda hai? kabhi-kabhi yuddha karni padti hai? yuddha karna achha lagta hai? chhote se bhi vyartha sankalp ki chhaaya kitni meh-nat karaati hai isliye sada baap ke yaad ki chhatrachhaaya mein raho। yaad hi chhatrachhaaya hai। to sadaakaal ke liye chhatrachhaaya mein rehna aata hai? kabhi-kabhi ke liye nahin, sada। avinaashi baap hai na। to varsa bhi sada ka lena hai। sada khush rahne vaale। chhatrachhaaya arthaat khush rehna। bephikra honge na। sab phikra baap ko de diya ki ek-do sambhaal kar rakha hai? kya karen..., kaise karen..., ye shabd phikra ke hain। bephikra ke bol sada vijay ke hote hain। ‘kya', ‘kaise' ke nahin hote। to sada ye yaad rakho ki ham sabhi baap ki chhatrachhaaya mein rahne vaale hain। chakkar lagaane vaale nahin। sankalp mein bhi chakkar mein aaye to chakkar mein aane vaale chaknaachoor ho jaayenge। aap to amar ho na। amar ho gaye - ye smriti sada hi svayan bhi bephikra aur doosron ko bhi bephikra banaati rahegi। sada khushi mein ye geet gaate rahenge paana tha vo pa liya। bachcha banna maana paana। bachcha bane arthaat pa liya। achha!

vardaan:- sarva roohaani khajaanon se sampanna ban sada santushta rahne vaale all-round sevaadhaari bhav

all-round sevaadhaari arthaat master sukh daata, master shanti daata, master gyaan daata। daata sada sampanna moorta hote hain। jaisa svayan honge vaisa auron ko banaayenge। roohaani sevaadhaari arthaat ever ready aur all-round। all-rounder vahi ban sakte jo sampanna hain, sampanna hi santushta honge aur sabko santushta karenge। kisi bhi prakaar ki apraapti asantushtata paida karti hai। santushta rahne aur santushta karne ki vidhi hai sampanna aur daata banna।

slogan:- shubh bhaavna, shubh kaamna ki golden gift saath ho to kisi bhi aatma ka parivartan kar sakte ho।

soochna:- aaj maas ka teesra ravivaar hai, sabhi raajayogi tapasvi bhaai bahinen saayan 6.30 se 7.30 baje tak, vishesh yog abhyaas ke samay anubhav karen ki gyaan soorya sarvashaktivaan paramatma ki kirnen mujh par pad rahi hain aur mujhse saare sansaar mein ja rahi hain, jisse sansaar se agyaan-andhakaar door hota ja raha hai।