सोमवार 20 मार्च 2023 की दैनिक मुरली

20-03-2023 praatahmurli om shanti "baapdaada"' madhuban

“meethe bachche - sachche baap ke saath sachcha hokar raho to kadam-kadam par padmon ki kamaai jama hoti jaayegi''

prashn:- kaun si praapti bhagwan ke sivaae doosra koi kara nahin sakta hai?

uttar:- manushyon ko chaahna rehti hai humein shanti va sukh mile। shanti milti hai muktidhaam mein aur sukh milta hai jeevanmukti mein। to mukti aur jeevanmukti in donon cheezon ki praapti bhagwan ke sivaae doosra koi kara na sake। tum bachchon ko ab aisi bhatakti hui aatmaon par taras aana chaahiye। bichaare raasta dhoondh rahe hain, bhatak rahe hain। unhein raasta dikhaana hai।

geet:- insaaph ki dagar par…

om shanti। yeh geet bhi bachchon ke liye hai kyonki sachchaai par sachche baba ke direction par bachche hi chalte hain। phir kai to achhi reeti chalte hain, koi nahin bhi chalte hain। jo chalenge vahi oonch pad paayenge। nahin chalenge to woh oonch pad pa nahin sakenge। baap va saajan ke saath sachcha rehna hai kyonki unki sachchi mat milti hai। doosre sab jhoothi mat dete hain। manushya, manushya ko sab jhoothi hi mat dete hain। gaaya hua hai jhoothi maaya jhoothi kaaya… yahaan to jhooth hi jhooth hai। sachkhanda mein jhooth hota nahin। jis sachkhanda ke liye tum purushaartha kar rahe ho। to bachchon ko baap se bahut sachcha banna hai। phir bhi behad ka baap hai। sachcha ho rahne se kadam-kadam par padmapti hote rehte hain। jhoothe to padmapti nahin banenge। to baap ke saath jhooth bolna bada kharaab hai। sadaiv sachcha ho rehna chaahiye, nahin to sachkhanda mein itna pad pa nahin sakenge। achha yeh to hui bachchon prati saavdhaani।

ab bachchon ko kisko samjhaane ki tarkeeb bhi seekhna hai ki besmajh ko kaise samjhaayen। besmajh kyon kaha jaata hai? kyonki manushyon ko samajh nahin hai। kehte to hain ki manushya srishti rachne vaala paramatma hai to woh hua rachta। parantu rachna ko phir yeh pata nahin hai ki hamaara rachta kaun hai। bhakti aadi karte hain - shanti athva sukh ke liye। ham tum bhi aise karte the, jabki baap nahin mila tha। krishna ka bhajan karte hain, unko yaad karte hain, unko manaane ki saadhna karte hain, parantu unse kya maangate hain, kuchh pata nahin rehta। hamaara rachne vaala kaun hai, kuchh bhi nahin jaante। tum bachche jaante ho jab tak baap nahin mila tha to ham anek prakaar ki saadhna, bhakti aadi karte aaye। karte-karte result kya hui? kuchh bhi nahin। srishti ko to tamopradhaan banna hi hai। phir itni jo saadhna karte hain usse kuchh milta hai va nahin, yeh vichaar bhi nahin kiya jaata hai, ab samajhte hain, kuchh bhi milta nahin। hamko chaahiye kya, yeh bhi koi ki buddhi mein nahin hai। sannyaasi kahenge nirvaandhaam mein jaane ke liye ham saadhna karte hain। parantu woh to jisko raaste ka pata ho, hokar aaya hua ho tab to raasta bata sake aur koi to raasta bata nahin sakte। jo aate hain unhon ko punarjanma to lena hi hai। ant tak punarjanma to lete aana hai। jab tak srishti ka vinaash ho va srishti roopi jhaad jad jadeebhoot ho tab tak to sabko rehna hai। manushya kaeeyon ke liye samajhte hain, phalaana jyoti jyot samaaya, vaikunthavaasi hua va svarga padhaara। ab vaastav mein svarga mein to padhaara koi nahin hai। svarga kahaan hota hai, nirvaandhaam kahaan hota hai, vahaan kya hota hai, vahaan jaakar phir aana kab hota hai! kuchh bhi nahin jaante। tum sab kuchh jaante ho nambarvaar purushaartha anusaar। koi bhi aaye to unse poochhna chaahiye tum kya chaahte ho? guru karte ho to dil mein chaahna kya hai? vaastav mein unki chaahna ko tum brahman braahmaniyaan jaante ho। chaahna kya rakhni chaahiye, kis baat ki chaahna rakhni hai - yeh bhi koi jaante nahin। yahaan kuchh achha nahin lagta hai, to inse chhutkaara paane ki saadhna karte hain। ab jaane ke liye dhaam hain do, nirvaandhaam woh hai shantidham। vahaan aatmaon ka nivaas hota hai। kya tum us dhaam mein jaane chaahte ho? tum bachchon ko taras padna chaahiye। bichaare bhatakte rehte hain। raaste ko koi jaante hi nahin। guide hai hi ek। woh sabhi ko duhkhon se chhudaakar sukhdhaam mein le jaane vaala ya jeevanmukta banaane vaala ek hi hai। woh jab tak na aaye tab tak koi ko bhi mukti-jeevanmukti ki praapti ho nahin sakti। yeh donon property hain hi ek baap ke paas। jab tak bhagwan bhakton ke paas na aaye to woh cheez mil nahin sakti। svarga mein sukh aur shanti donon hain। shanti kyon kaha jaata? kyonki vahaan ladaai jhagda aadi hota nahin। baaki asli shantidham to hai nirvaandhaam। jahaan sabhi aatmaayen shant rehti hain, phir aatma ko jab organs milte hain to bolti hai। to vahaan sukh shanti donon hi hain। sukh hota hai sampatti se। vahaan (satayug mein) to sampatti bahut hai। yahaan sampatti nahin hai to manushya bichaare roti tukad bhi mushkil kha sakte hain। sampatti hai to aeroplane bade-bade mahal aadi sab vaibhav hain। to sampatti bhi chaahiye phir shanti bhi chaahiye। nirogi kaaya bhi chaahiye। yeh sab dene vaala baap hai। samjhaaya jaata hai yeh kaliyug to hai duhkhadhaam। nai duniya hai sukhdhaam। vahaan duhkh hota nahin। pavitrata, sukh, shanti vahaan sab hai। doosra hai muktidhaam, vahaan koi sadaiv rah nahin sakta। punarjanma le phir part zaroor bajaana hai। paramdham mein tab tak rehte hain jab tak part mein aayen। sachche sweet hom ko yaad karte hain, naatak mein hamesha numbers ki limit hoti hai। phalaane drama mein itne actors hain, yeh to anaadi bana banaaya drama hai। limited number hain, bhaarat mein 33 karod devtaaon ki limit hai। is samay to bahut convert ho gaye hain। to pahle-pahle jab koi aaye to unse poochhna hai dil mein kya aash hai? kya chaahte ho? darshan se to koi phaayda nahin। guru ke paas koi aash lekar jaate hain। ek to aash rehti hai kuchh mile। aasheervaad den, ham phalaane mein jeete, koi kehte hain hamko aisa raasta bataao jo ham sadaiv shanti mein rahen। man bada chanchal hai। bolo shanti to milegi paramdham mein। ek hai shantidham, doosra hai sukhdhaam, teesra hai duhkhadhaam। tum kya chaahte ho to phir ham bataayen ki yeh saadhna athva purushaartha karo। saadhna va purushaartha ek hi baat hai। bhakta saadhna karte hain aur jagah jaane liye athva vaapis paramdham jaane liye। moksha to koi pa na saken। yeh bana banaaya drama hai। sannyaasi ko phir apne sannyaas dharma mein aana hi padega। Christian dharma phir Christ dvaara zaroor sthaapan hoga। satayug, nai duniya mein pavitrata sukh shanti sab hai, unko kaha jaata hai sukhdhaam, shivaalay। yeh hai vaishyaalay। tum kya chaahte ho? shanti chaahte ho? woh to shantidham mein milegi। woh bhi tab tak jab tak sukhdhaam vaalon ka arthaat devi-devtaaon ka part hai। phir to nambarvaar sabko part mein aana padega। tum bhi purushaartha karenge to vaikuntha mein jaayenge। bhaarat vaikuntha tha, yeh bheeti deni chaahiye। varsa baap se hi milta hai। vahi aakar bachchon ko apni pahchaan dete hain। baap hi nahin to bachchon ko pahchaan kaise hogi। aise to hai nahin jo samjhen ki ham bhagwan ke bachche hain। agar aisa kahe to ham poochhenge bataao bhagwan kya rachte hain? woh to svarga rachte hain। phir tum narka mein kyon dhakka khaate ho, phir 84 janma bataane pade। bhagwan ne tumko svarga mein bheja phir 84 janma lete ab narka mein aakar pade ho। ab 84 janma poore hue। tum yeh nahin jaante ho ham bataate hain। tum pahle svarga mein the phir 84 janma bhoge hain। ab phir baap aur svarga ko yaad karo। kamal phool samaan pavitra rehna hoga। sannyaasiyon ko bhi samjhaana hai, tumhaara hathayog hai। yeh hai raajayog। grihastha vyavhaar mein rehte kamal phool samaan rehna hai। yeh pravritti maarga hai। tumhaara panth hi alag hai, nivritti maarga ka। yeh pravritti maarga hai jeevanmukti paane ka। hamko bhi baba ne bataaya hai। ab tum baap ko yaad karo to ant mati so gati ho jaayegi। vikarmo ka bojha vinaash tab hoga jab baap ko yaad karenge। yeh do sthaan hain jahaan sukh shanti mil sakta hai। tumko kya chaahiye? kya svarga mein jaane chaahte ho?

gaaya jaata hai tum maat-pita.. agar tumko sukh ghanere chaahiye to grihastha vyavhaar mein rehte raajayog seekho। paavan bhi rehna hai phir donon mein se jo rahe, bandhaaymaani nahin hai। svarga ka maalik banne vaala nahin hoga to latakna thode hi hai, baap aur varse ko yaad karna hai aur pavitra rehna hai। ek sannyaasi ne likha hai main saadhu hoon parantu raaste ka poora pata nahin padta hai। suna hai aapke dvaara raasta milta hai। ab kya karoon? ham aapka ban jaayenge to followers sahit aa jaayenge। parantu aise koi ban nahin sakte hain। woh samajhte hain followers ko ham jo kahenge woh maanenge। parantu aise to karenge nahin। bi.ke. ka naam sunkar kahenge inko jaadu laga hai। haan koi nikal bhi aae, baaki ham koi sannyaasi ke aashram ko haath karne vaale nahin hain। samjho koi samajh lete hain yeh maarga achha hai, to kya ham unka aashram sambhaalenge kya? haan bachchiyaan jaakar bhaashan karengi, agar pasanda aayega to rahengi। baaki aashram ko ham kya karenge। likha hai ham aakar kuchh shiksha pa sakte hain? to unko likhna pade tum saadhna karte ho kahaan jaane liye? kis em object se? kisse milne chaahte ho? kahaan jaane chaahte ho? tum to ho hathayogi sannyaasi, hamaara yeh hai raajayog। yeh sikhlaane vaala hai parampita paramatma। yeh kaliyug hai duhkhadhaam, satayug hai sukhdhaam। kaliyug mein dekho anekaanek dharma hain, kitne ladaai jhagde hain। satayug mein to hai ek dharma। woh hai satopradhaan duniya। yatha raaja raani tatha praja satopradhaan। yahaan hai yatha raaja raani tatha praja tamopradhaan। yeh kaanton ka jangal hai, woh phoolon ka bageecha hai। to maarga hain hi do। hathayog aur raajayog। yeh raajayog hai svarga ke liye। raajaaon ka raaja svarga mein banenge। svarga sthaapan karne vaala hai parampita paramatma। vahi raajayog sikhlaate hain। sannyaasi kahen ham sannyaas mein hi rahen to gyaan utha na saken। grihastha vyavhaar mein rehna pade। yeh ek law hai jisko chhod bhaage ho unka phir kalyaan karna hai। pahle tum achhi reeti samjho phir charity begins at hom। tumne stri ko chhoda hai। agar baal brahmachaari hoga to maat-pita ko chhoda hoga, unko bhi samjhaana hai। kaayde kaanoon to pahle samjhaane hain।

puraani duniya ko naya banaana yeh to baap ka hi kaam hai। baap ko paramdham se aana padta hai। woh hai patiton ko paavan, narka ko svarga banaane vaala। svarga mein rehte hi hain devi-devta। baaki sab nirvaandhaam mein rehte hain। sabko sukh shanti dene vaala woh ek hi hai। baap aate hi hain ek dharma ki sthaapna kar baaki sabka vinaash karne aur sab paramdham mein jaakar nivaas karenge। yeh kayaamat ka samay hai। sab hisaab-kitaab poora kar vaapis jaayenge। sabhi aatmaon ko apna-apna part mila hua hai। koi kitne janma, koi kitne janma part bajaate hain। sabko tamopradhaan banna hi hai। baaki vaapis koi ja nahin sakte। na phir moksha hi hota hai। baaki hui mukti jeevanmukti, ham jeevanmukti ke liye purushaartha karte hain। ismen mukti bhi aa jaati hai। tum agar mukti chaahte ho to achha baap ko yaad karo to vikarma vinaash hon। aur tum baap ke paas chale jaayenge। yeh ek hi raasta svayan baap batlaate hain aur svadarshan chakra bhi phiraate rahenge। padhaai padhte rahenge to svarga mein aayenge। to sannyaasiyon ko phir grihastha vyavhaar mein jaana pade, himmat chaahiye। ek gyaaneshvar geeta hai jismen yeh likha hua hai, bola ek bachcha dekar sannyaas karo to kul ki vriddhi hogi। phir to koi baal brahmachaari ho na sake। baal brahmachaari bheeshma pitaamah ka to bahut maan hai। parantu manushya to ek do par etbaar (vishvaas) bhi nahin karte hain। samajhte hain grihastha mein rehte aur vikaar mein na jaaye, yeh ho nahin sakta। lekin unhein koi bhagwan sarvashaktivaan ki madad thode hi hai। na koi mein raajayog sikhaae svarga ki sthaapna karne ki taakat hai। sabko duhkhon se chhutkaara dilaakar sukh mein le jaana, yeh sivaae paramatma ke koi kar nahin sakta। donon darvaajon ki chaabi baap ke paas hai। svarga ka phaatak khulta hai to mukti ka bhi khulta hai। mukti mein jaane sivaae svarga mein ja kaise sakte। donon getas iktthe khulte hain। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mukti ke liye baap ko yaad kar vikarma vinaash karne hain aur jeevanmukti ke liye svadarshan chakradhaari banna hai, padhaai padhni hai।

2) merciful bankar bhatakne vaalon ko ghar ka raasta bataana hai। mukti aur jeevanmukti ka varsa har ek ko baap se dilaana hai।

vardaan:- roohaaniyat mein rahkar svamaan ki seat par baithne vaale sada sukhi, sarva praapti swaroop bhav

har ek bachche mein kisi na kisi gun ki visheshta hai। sabhi vishesh hain, gunvaan hain, mahaan hain, master sarvashaktimaan hain - yeh roohaani nasha sada smriti mein rahe - isko hi kehte hain svamaan। is svamaan mein abhimaan aa nahin sakta। abhimaan ki seat kaanton ki seat hai isliye us seat par baithne ka prayatna nahin karo। roohaaniyat mein rahkar svamaan ki seat par baith jaao to sada sukhi, sada shreshtha, sada sarva praapti swaroop ka anubhav karte rahenge।

slogan:- apni shubh bhaavna se har aatma ko dua dene vaale aur kshama karne vaale hi kalyaankaari hain।