शनिवार 1 अप्रैल 2023 की दैनिक मुरली

01-04-2023 praatahmurli om shanti "baapdaada"' madhuban

“meethe bachche - lakshya soap se aatma roopi vastra ko saaph karo, andar mein koi bhi mail nahin rahni chaahiye''

prashn:- purushaarthi bachche karmon ki kis guhya gati ko jaante hue purushaartha mein sada tatpar rehte hain?

uttar:- aatma par anek janmon ke paap karmo ka bojh hai, anek kade sanskaar hain, un sanskaaron ko bigar yog ke parivartan nahin kiya ja sakta। aatma paap karma karte-karte bilkul maili ho chuki hai isliye isko saaph karne ki mehnat karni hai। woh yaad ke sivaae saaph nahin hogi। yaad mein toofaan bhi aayenge lekin kitne bhi toofaan aayen woh purushaartha mein sada lage rahenge।

geet:- main ek nanha sa bachcha hoon…

om shanti। ab jo jo aakarke baap ke bachche bante hain woh khud hi kehte hain - he baba, main abhi naya chhota bachcha hoon। koi ek maas ka hai, koi 8 roz ka hai, yahaan to sab chhote hain na। naye bachche kahenge ham chhote hain। koi ko 20, koi ko 15 varsha hue hain। vriddhi ko paate rehte hain। kehte hain bachcha to bana hoon parantu hoon chhota bachcha। hamko bhi apna varsa de dena ya hamaare oopar bhi gyaan varsha karna। gyaan varsha to hoti hai na। inko bhaagyashaali rath kaha jaata hai, jisne gyaan ganga laai va gyaan amrit laaya, unke naam bahut hain। bhaageerath bhi hai, arjun bhi hai, daksha prajaapti bhi kehte hain। hai to ek hi prajaapita jo sabhi ko lakshya dete hain। bahut bachche aate hain jinke vastra bilkul maile puraane hain। koi kapde kaise hain, koi kaise hain! koi to aise sade hue hain jo dhone se ekdam phat padte hain। baap kehte hain yeh dhobeeghaat kitne varsho se chalta aa raha hai। kapde dhote hi aaye hain। koi to achhe ho gaye hain। koi ko to kitna bhi saaph karo phir bhi maile ke maile rah jaate hain! gyaan ki soti jor se lagaao to phat padte hain। bhaag jaate hain। jo saaph nahin hote, shuddh hokar auron ko shuddh nahin banaate to samjha jaata hai inki takdeer mein nahin hai। jo khud achhe ban jaate hain woh auron ke bhi kapde dhote rehte hain। yeh dhobeeghaat bhi hai। aatma pure hone se phir shareer bhi pure milta hai। saanvare se gore ban jaate hain। saanvare to is samay sabhi hain। baap to aaye hain bilkul hi shaahan ka shaah banaane kyonki paap aatma to sab hain na। is janma ka to pata lag jaata hai। aage ke janmon ka to pata nahin padta hai। samjhaate hue phir bhi nahin samajhte, nahin sudharte to samjha jaata hai - shaayad aage koi patit honge jo sanskaar sudharte nahin। jaise garam tave par paani padte hi sookh jaata hai।

bhagwan aakar lakshya soap se saaph karte hain। har ek ki nabja dekhi jaati hai। baap to bilkul sahaj samjhaate hain। bachche mujhe yaad karne se aatma pure hoti jaayegi। nashtomoha bhi hona hai। most beloved baap hai, aadhaakalpa bhakton ne bhakti ki hai, dvaapar se lekar। vahi phir devi-devta banne vaale hain। maaloom pad jaata hai। baap kehte hain uthte baithte mujh baap ko yaad karo। jaise kumaar kumaari ki sagaai ho jaati hai to ek do ki yaad rehti hai na। yahaan to saajan ko aur hi chhod bhaaganti ho jaate hain। jo saajan svarga ka maalik banaate unko yaad hi nahin karte। aise aur koi kah na sake। main kalpa pahle muaaphik ajaamil jaisi paap aatmaon ka uddhaar karne aaya hoon। koi ka kapda achha hai, koi ka maila hai। stri kehti hai - baba hamko pavitra shuddh banaao। purush phir kehte main to vikaar bigar rah nahin sakta hoon। jhagda pad jaata hai। ablaaon par kitne atyaachaar hote hain! jo pavitra nahin bante woh kitne vighna daalte hain! sannyaasiyon ko to koi rok nahin sakta। government bhi kah nahin sakti ki tumhaare baal-bachche ki sambhaal kaun karega? yahaan is par jhagda hota hai। ek pavitra bante, doosra phir ajaamil paapi rah jaate। jo pakke nishchaybuddhi ban jaate woh koi ki parvaah nahin karte। bilkul hi nashtomoha ho jaate hain। raajaai ko bhi thokar maar denge। bhakti maarga mein meera ka misaal hai। bhakti maarga mein aise bahut hue hain। yahaan mushkil nikalte hain। haan, aise bhi niklenge, kahenge hamko to pavitra banna hai। phat se kahenge hamko raajaai ki koi parvaah nahin hai। jaise un raajaaon ko raaniyon ki parvaah nahin rahi, chhod diya, vaise ab raaniyaan niklengi jo raajaaon ki parvaah nahin karengi। bas, ham to svarga ke maalik bante hain। bhakti maarga mein raajaaon ke naam hain jinhonne sannyaas kiya hai। abhi to yeh hai gyaan maarga। har ek samajh sakte hain ham kahaan tak dhobi bane hain? kyon na achha dhobi banen। dhobiyon mein bhi nambarvaar hote hain na। vilaayat mein kapde dhone ke liye bheje jaate hain to zaroor woh achhe kapde saaph karte honge। yahaan bhi aise hai। koi to jhat saaph ho shreemat par chal padte hain। paavan ban aur banaate hain। purush pavitra nahin bante to striyon ko kitna sahan karna padta hai! aajkal to bahut sambhaal rakhni padti hai kyonki har ek manushya 5 bhooton ke vash hai। krodh ke vash bhi bahut nuksaan kar dete hain। kehte hain baba ham parvash ho gaye। deh ahankaar aa jaata hai। deh ahankaar aane se hi phir aur vikaar aa jaate hain। apne ko dehi samajh baap ko yaad nahin karenge to register kharaab ho jaayega। mansa mein toofaan to aayenge parantu karmendriyon se nahin karna hai।

baap kehte hain vishwa ka maalik banna koi maasi ka ghar thode hi hai। lakshmi-naaraayan svarga ke maalik bane hain to zaroor kuchh to purushaartha kiya hai na। barobar baap baith svarga ke liye raaja raani banaate hain to baap ki shreemat par chalna hai। ek baap ki hai shreemat। baaki sab hain bhoot mat। shreemat ko bhoole aur yeh bhoot aaye। jhat maaya vaar kar kaandh neeche kara deti hai। apne ko dekhna chaahiye main kahaan tak maila hoon? achhe bachche kumaarka aadi hain.... service kar rahe hain। bachche moot paleeti kapdon ko dhone, 5 vikaaron par jeet pahnaane jaate hain। koi ko kaam ka bhoot aaya to ekdam naam badnaam kar dete hain। ganda ho gaya to unko bi.ke. thode hi kahenge। unka phir register ekdam kharaab ho jaata hai। baba kitna satka maarte hain saaph karne liye। kehte hain baap ko yaad karo to kapda saaph hoga, nahin to bhoot aate rahenge। dhaarna nahin hoti hai to samajhna chaahiye main koi bahut maila hoon। aage janma mein shaayad ham bahut gande the। sharma aana chaahiye। purushaartha nahin karte to gande ke gande rah jaate hain। laayak nahin bante। tum yahaan aate ho laayak banne। achhe kapde honge to sooryavanshi va chandravanshi banenge। baba ne ab behad ki vishaal buddhi di hai। saari duniya ke chakra ko tum jaan gaye ho। manushya kehte bhi hain - he patit-paavan, to woh zaroor ek hi hoga, jisko hi heavenly god father kaha jaata hai। woh hai niraakaar। 5 hajaar varsha hue jabki yeh dhobeeghaat nikla tha। baap kehte hain 5-5 hajaar varsha baad dhobeeghaat bhaarat mein hi banaata hoon। is yog se tum ever paavan ban jaayenge phir 21 janma tumko patit hona nahin hai। vahaan maaya hai nahin। paavan banne bigar tum vaikuntha ja nahin sakenge। praja to bahut banti hai, parantu ismen raazi nahin hona chaahiye।

gaate hain tum maat-pita ham baalak tere, tumhari kripa se raajaai ke sukh ghanere paayen, na ki praja ke। yeh to hai hi duhkhadhaam। bhal dhanvaan hain kyonki achhe karma kiye hain। yeh hai laukik raajaai, svarga ki hai paarlaukik raajaai। donon kaise milti hain - yeh bhi tum bachche jaante ho। baap kehte hain meri shreemat par chalne se phir 21 janma tum sajaayen nahin bhogenge। aise nahin dhandha aadi chhod yahaan baith jaana hai। bachchon ki tumko paalna karni hai। tumhaari rachna hai। dhandhaadhori mein ghaata va phaayda to hota hi hai। satayug mein to hai praalabdha। vahaan ghaate aadi ki koi baat nahin। yahaan tum shreemat se itna phaayda karte ho jo 21 janma ghaate ki koi baat nahin। poora gyaan na lene se phir darja kam milega। shreemat par chalne se nashtomoha bante ho to achha hi pad pa lete ho। unka maan yahaan hi hota hai। nambarvaar raajaai milni hai to follow karna chaahiye maat-pita ko। mother father karma seekhte aur sikhlaate hain। kehte hain shreemat par chalo, vikaaron mein na jaao। parhej par chalo। yuktiyaan bahut batlaate rehte hain। avinaashi surgeon baba hai। baaki sabhi hain patients। tum madadgaar bante ho। tum ho naayab surgeon, nambarvaar। sabse teekha avinaashi surgeon shivbaaba ek hi hai। surgeon mein nambarvaar hote hain na। koi to laakh bhi kamaate, koi to apna pet bhi poora nahin bhar sakte। koi chalte-chalte baap ka haath chhod dete to unke liye kahenge na yeh chhi-chhi maile kapde hain। bahut janmon ke sanskaar kheenchate hain na phir gyaan dhaaran nahin kar sakte। gyaan ka rang chadhta nahin। yeh bhi drama! baba aate hi hain sukh dene liye। saadhuon ko bhi nirvaandhaam apne section mein bhej denge। bhaarat ka jo aadi sanaatan devi-devta dharma hai, woh praayahlop ho gaya hai। apne dharma-karma se bhrashta ho gaye hain। devi-devta kahlaane vaala koi raha nahin hai। na ho tab to main aakar sthaapan karoon। to zaroor aur bhi dharma ki aatmaon ko vaapis le jaana pade। manushya muktidhaam mein hi jaana chaahte hain। baap kehte hain main iske liye hi aaya hoon। to bachchon ko apne se poochhna chaahiye - kya aage ham bahut patit the, jo dhaarna nahin hoti? mama baba ke takhtansheen ban nahin sakte to jaakar daas daasi banenge। baap kehte hain main patiton ko paavan banaane aaya hoon। is shareer ka aadhaar liya hai। nahin to patiton ko paavan kaise karoon? tum bachche kahenge baap dvaara ham so devi-devta paavan ban rahe hain। abhi bane nahin hain, purushaarthi hain। shreemat par chal shreshtha banna hai। yeh knowledge baap hi dete hain। knowledgeful ek god father ko kaha jaata hai। vahi saare brahmaanda, mool vatan, sookshm vatan, sthoolavtan, srishti ke aadi, madhya, ant ka samaachaar sunaate hain। tum bhi knowledgeful ban jaao। koi to knowledgeful ban jaate hain, koi to bilkul dhaarna nahin karte। samjhenge unki takdeer mein nahin hai। achhe bachche bada achha purushaartha karte hain। baaki gharbaar to sambhaalna hi hai। shuru mein inhon ki 14 varsha bhatthi rahi। kapde dhote-dhote kitne achhe gore ban gaye! koi toot pade, koi maile ke maile hi rahe। aajkal to saat roz bhi mushkil thahar sakte hain। pahle to poora bhatthi thi। bhatthi nahin hoti to tum taiyaar kaise hote? eeten bhatthi mein pakti hain na। phir koi kachche rah jaate hain, koi toot padte hain। yahaan bhi aise hain - bahut kapde phat padte, shreemat par nahin chalne se saaph nahin hote hain। ab aatmaon ki parampita ke saath sagaai karaai jaati hai। shivbaaba kehte hain main to ever paavan hoon। mujhe yaad karte raho to tum paavan bante jaayenge। grihastha vyavhaar mein rehte yeh practice karo। jo achhe bachche hain woh to jhat practice mein lag jaate hain। khushi mein rehte hain। raat ko jaagkar apni aatma ko dhote hain। samajhte hain pavitra banenge to kapda bhi pavitra milega isliye baba kehte hain neend ko jeetne vaale bano। baap ko yaad karo to aatma pavitra hogi। amritvele ka samay achha hai। usi samay yaad karne ki raay dete hain। neend aaye to aankhon mein tel laga lo। matlab purushaartha karo। shreemat milti hai yaad karo। bhal maaya toofaan laaye to bhi tum baba ko yaad karo। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par poora nashtomoha banna hai। parhej aur yukti se chalna hai। register kharaab hone nahin dena hai।

2) neend ko jeetne vaala ban amritvele vishesh aatma ko saaph banaane ke liye baap ki yaad mein rehna hai। gyaan-yog se aatma ko paavan banaana hai।

vardaan:- ek hi sankalp mein sthit ho mahaateertha ki pratyakshata karne vaale jimmevaar aatma bhav

yeh aabu vishwa ke liye light house hai। is mahaateertha ki pratyakshata karne ke liye sarva brahman bachchon ka ek hi sankalp ho ki har aatma ko yahaan se thikaana mile। sabka kalyaan ho। jab yeh shubh aashaaon ka deepak har ek ke andar jage, sabka sahayog ho tab kaarya mein saphalta ho। sabke man se yeh aavaaj nikle ki yeh meri jimmevaari hai। jab har ek svayan ko aisa jimmevaar samjhenge tab pratyakshata ki kiran abba ke ghar se chaaron or phailegi।

slogan:- antarmukhta ki visheshta ko dhaaran kar lo to sarva ki duaayen milti rahengi।

soochna:-is maas ki sabhi murliyaan (eeshvareey mahaavaakya) niraakaar paramatma shiv ne brahma mukhakmal se apne brahmaavatson arthaat brahmaakumaar evan brahmaakumaariyon ke sammukh 18-01-1969 se pahle uchchaaran ki thi। yeh keval brahmaakumaareez ki adhikrit teacher bahnon dvaara niymit BK vidyaarthiyon ko sunaane ke liye hain।