रविवार 2 अप्रैल 2023 की दैनिक मुरली

02-04-23 praatahmurli om shanti ''avyakt-baapdaada'' revise 18-02-94 madhuban

svamaan ki smriti ka switch on karne se deh bhaan ke andhakaar ki samaapti

aaj akaal moorta baap sabhi akaal takhtadhaari, vishwa kalyaan ke taajdhaari, mastak mein chamakte hue bindi ke tilakdhaari bachchon ko dekh rahe hain। har ek takhtadhaari bhi hain, taajdhaari bhi hain, tilak bhi sabhi ka chamak raha hai। sabhi ke mastak beech aatma bindi sitaare ke samaan dikhaai de rahi hai। aap sabhi bhi apne takhta, taaj aur tilak ko dekh rahe ho। saari sabha baapdaada ko taaj aur tilakdhaari, takhtansheen dikhaai de rahi hai। ye alaukik sabha, kaliyugi raajya sabha aur satayugi raajya sabha se kitni nyaari aur pyaari hai! to aisi sabha ki adhikaari aatmaayen kitni pyaari hain! aap sabhi ko bhi apna ye takhta, taaj aur tilakdhaari swaroop pyaara lagta hai na! jab akaal takhtansheen, akaalmoorta, shreshtha aatma sthiti mein sthit ho takhta par baithte ho to yeh sthiti kitni shreshtha hai! sabhi ke shreshtha sthiti ki jhalak is soorat ko farishta bana deti hai। saadhaaran soorat nahin, farishta soorat। to farishta soorat bhi kitni pyaari hai! farishte sabhi ko bahut pyaare lagte hain kyonki farishta sarva ka hota hai, ek-do ka nahin। behad ki drishti, behad ki vritti, behad ki sthiti vaala hai। farishta sarva aatmaon ke prati parmaatma sandesh vaahak hai। farishta arthaat sada udti kala vaala। farishta arthaat sarva ka rishta ek baap se jutaane vaala hai। farishta arthaat double light। deh aur deh ke sambandh se nyaara, halka। farishta arthaat sarva ko svayan ki chalan aur chehre dvaara baap samaan banaane vaala। farishta arthaat sahaj aur svatah anaadi aur aadi sanskaar sada emerge swaroop mein dikhaane vaala। farishta arthaat nimitta bhaav, nirmaan svabhaav aur sarva prati kalyaan ki shreshtha bhaavna vaala। aise farishte ho na? falak se kaho ham nahin honge to kaun hoga! falak hai na! to baapdaada aise farishton ki darbaar dekh rahe hain। sirf isi svamaan mein sthit rahne se dehbhaan svatah hi samaapta ho jaayega।

baap dekhte hain ki bachche dehbhaan ko chhodne ki bahut mehnat karte hain। ek dehbhaan ke roop ko chhodte hain to doosra aa jaata hai, phir doosre ko chhodte hain to teesra aa jaata hai। lekin chhodna sada mushkil hota hai aur dhaaran karna sahaj hota hai। to baapdaada kehte hain ki svamaan mein sada raho। jahaan svamaan hai vahaan dehbhaan aa hi nahin sakta। to chhodne ki mehnat nahin karo lekin svamaan mein sthit rahne ka attention rakho aur sangamayug par svayan baap dvaara kitne achhe-achhe svamaan praapta hain। praapta karna nahin hai, praapta hain। apne svamaan ki list nikaalo। kitni badi list hai! saare kalpa mein kitne bhi svamaan arthaat titles kisi bhi naameegraami aatma ke ho, chaahe raajneta ho, chaahe abhineta ho, chaahe dharmaatma ho, chaahe mahaan aatma ho, unke agar title ginti bhi karo to aapke svamaan ki list se jyaada ho sakte hain? aur roz savere-savere baapdaada svamaan ki smriti dilaate hain, svamaan mein sthit karaate hain। roz bhi ek naye te naya svamaan smriti mein rakho to svamaan ke aage dehbhaan aise bhaag jaata jaise roshni ke aage andhakaar bhaag jaata। na samay lagta, na mehnat lagti। to baar-baar bhinna-bhinna dehbhaan ko mitaane ki mehnat kyon karte ho? svamaan ki smriti ka switch on karna nahin aata hai kya? kitna bhi gahra kaala baadal soorya ki roshni ko chhipaane vaala ho lekin aapke paas automatic direct parmaatma light ka connection hai। direct line hai na? line clear hai ya leakage hai? kiska link hota hai lekin leakage ho jaati hai। to direct line kitni powerful hoti hai! direct connection hai ya indirect hai? sabhi ki direct line hai na? sabhi ko direct line mil gai hai? phir to ek baadal kya, saare baadal aa jaayen, andhakaar kar sakte hain kya? smriti ka switch direct line se on kiya aur itni light aa jaayegi jo svayan to light mein honge hi lekin auron ke liye bhi light house ho jaayenge। aise hota hai na? anubhvi ho na? lekin kabhi-kabhi anubhav ko kinaare rakh dete hain। sahaara mila hai lekin kabhi-kabhi sahaare ke bajaay kinaare ho jaate hain। mehnat lagti hai kya? sada nahin lagti, kabhi-kabhi lagti hai! switch on karna bhool jaate ho kya? vaastav mein agar ek master sarvashaktimaan ka svamaan bhi yaad ho to mehnat ki koi baat hi nahin hai। maarga mehnat ka nahin hai lekin highway ke bajaay galiyon mein chale jaate ho va manzil ke nishaane se aur aage badh jaate ho to lautne ki mehnat karni padti hai। baapdaada sada apne sneh aur sahayog ki godi mein bithaakar manzil par le ja rahe hain। godi mein baithkar manzil par pahunchne mein mushkil kyon hota hai? sneh aur sahayog ke godi se nikal kabhi aur aakarshan kheenchati hai to chakkar lagaane nikal jaate ho। thak bhi jaate ho phir mehnat bhi mahsoos karte ho। to is varsha kya karenge? mehnat samaapta। mohabbat mein, lav mein leen ho jaao, lavleen ho har kaarya karo। jo leen hota hai usko aur kuchh dikhaai nahin deta, aakarshit nahin karta। to lav mein rehte ho। aisa koi hoga jo kahe mujhe baap se pyaar nahin hai, lav nahin hai! sabhi ka lav hai na! lekin kabhi lav mein rehte ho, kabhi lav mein leen rehte ho। nahin to dekho man-buddhi dvaara sthiti mein baap ka sarva sambandhon se saath hai। saath bhi hai aur seva mein baap har samay saathi hai। to sthiti mein saath hai aur seva mein saathi hai। jahaan sada saath bhi hai aur saathi bhi hai to vahaan kya mushkil hai! param aatma ki mahima hi hai mushkil ko sahaj karne vaale। aisa baap aapke saath hai aur saathi hai to mushkil ho sakta hai? phir kyon mushkil karte ho?

samay pramaan baap svayan har bachche ko sarva sambandhon ki offer karte hain। jaisa samay vaise sambandh se saath raho va saathi banaao। koi samay to sambandh se saathi banaate ho aur koi samay saathi ko kinaare kar dete ho। phir kehte hain ki akelaapan feel hota hai। chalte-chalte akelaapan lagta hai। aur akelaapan hone se kya hota hai? apni shreshtha jeevan saadhaaran jeevan anubhav hoti hai। phir kehte hain boring life ho gai hai, kuchh change chaahiye। ek taraph baapdaada ko khush karte hain ki ham to combined hain। combined kabhi akela hota hai kya? badi achhi-achhi baaten karte hain baba, ham to hain hi combined। phir 15-20 varsha beetta to kehte hain change chaahiye, akele ho gaye hain। vaise bhi dekho duniya mein agar change chaahte hain to koi saagar ke kinaare par jaakar so jaate hain, koi manoranjan mein chale jaate hain, dance karte hain, koi geeton ki mauz mein mauz manaate hain, koi company ya companion ka saath lete ho। yahi karte ho na! khel karte ho? khelon ki duniya mein bageeche mein chale jaate ho! yahaan gyaan saagar ka kinaara hai, yeh bhool jaate ho। agar saagar pasanda hai to saagar ke kinaare baith jaao। baap gyaan saagar hai na। baap companion nahin hai kya? usse maza nahin aata hai? ki samajhte ho bindi se kya maza aayega! aap sabhi ko sada bahlaane ke liye to brahma baap bhi avyakt hue। lekin yahaan to sada ka saathi chaahiye na। jab bhi apne ko akelaapan anubhav karo to us samay bindu roop nahin yaad karo। woh mushkil hoga, usse bor ho jaayenge। lekin apne brahman jeevan ki bhinna-bhinna samay ki ramneek anubhav ki kahaaniyaan smriti mein laao। anubhav ki kahaaniyon ka kitaab sabhi ke paas hai। jab bor ho jaate hain to novels padhte hain na! to aap apne kahaaniyon ka kitaab kholo aur use padhne mein busy ho jaao। apne svamaan ki list ko saamne laao, apne praaptiyon ki list ko saamne laao। brahman sansaar ke vichitra practical kahaaniyon ko smriti mein laao। jaise apne ko change karne ke liye samaachaar patra padhne ka bhi aadhaar lete hain to brahman sansaar ke kitne alaukik samaachaar aadi se ab tak dekhe hain va sune hain, samaachaar patra bhi aapke paas hai। kaiyon ko paper padhne ke bina chain nahin aata hai। paper bhi aapke paas hai। paper padho। dance aur saaz to jaante hi ho। bina thakaavat ke dance karte ho। manamnaabhav hona hi sabse bada manoranjan hai kyonki sarva sambandhon ka ras va anubhootiyaan karna hi manamnaabhav hai। sirf baap ke roop mein ya vishesh teen roopon ke sambandh se anubhav nahin hai lekin sarva sambandhon ke sneh ka anubhav kar sakte ho। sambandhon se yaad to karte ho lekin farka kya ho jaata hai? ek hai dimaag se knowledge ke aadhaar par sambandh ko yaad karna aur doosra hai dil se us sambandh ke sneh mein, lav mein leen ho jaana। aadha to karte ho baaki aadha rah jaata hai isliye thoda samay to theek rehte ho, thode samay ke baad sirf dimaag se hi sambandh ko yaad kiya to dimaag mein doosri baat aane se dil badal jaata hai। phir mehnat karni padti hai। phir kya kehte ho hamne yaad to kiya, baba mera companion hai, lekin companion ne tod to nibhaai nahin! anubhav to kuchh hua nahin! ye dimaag se yaad kiya। dil mein sneh ko samaaya nahin। jab bhi koi baat dimaag mein aati hai to woh nikalti bhi jaldi hai। lekin dil mein sama jaati hai to usko chaahe saari duniya bhi dil se nikaalna chaahe, to bhi nahin nikaal sakti। to sarva sambandhon ko samay pramaan, jis samay jis sambandh ki aavashyakta hai, aavashyakta hai friend ki aur yaad karo baap ko to maza nahin aayega isliye jis samay, jis sambandh ki anubhooti chaahiye, us sambandh ko sneh se, dil se anubhav karo। phir mehnat bhi nahin lagegi aur bor bhi nahin honge, sada manoranjan। to is varsha kya karenge?

mehnat se nikalna hai। har maas sirf O.ke. likhna, aur kuchh nahin likhna। O.ke. se samajh jaayenge ki mehnat se nikal gaye। lambe-lambe patra nahin likhna। nahin to kehte hain ki patra to likha, javaab nahin milta। aise nahin hai ki aapke patra pahunchte nahin hain। patra likhna shuru karte ho aur vahaan computer mein pahle aa jaata hai, post mein peechhe pahunchta hai। vaise baapdaada itne lambe patron ka roz ki murli mein sabko javaab deta hai। roz patra likhte hain। itna lamba patra koi likhta hai! to itne apne svamaan ko dekho paramatma ka kitna pyaar hai aap sabse। paramatma ka pyaar hai tab patra likhte hain arthaat murli mein uttar bhi dete hain aur yaad-pyaar bhi dete hain। agar koi bhi question uthta hai ya koi bhi samasya saamne aati hai to murli se response milta hai। to phir kabhi shikaayat nahin karna ki uttar nahin aaya। baaki achha karte ho jo dil mein baat aati hai vo baap ke aage rakhna arthaat dil se nikaal diya। vo bhale karo, lekin short likho। patra jab likhte ho to usi samay dil to halki ho jaati hai na! kyonki de diya na। phir doosre din ki murli us vidhi se dekho ki jo mainne patra likha uska uttar kya hai? response milta to hai na। behad ka baap hai to patra bhi behad ka likhega, chhota thode hi likhega।

baapdaada ne dekha ki chaaron or ke double videshi bachche seva mein achhi lagan se lage hue hain। ek-ek ko dekhte hain to har ek ek-do se pyaare lagte hain। agar naam lenge to kitne naam lenge! iseeliye sabhi apne naam se vishesh seva ki return mubaarak sveekaar karna। naam lena shuru karenge to maala banaani padegi। lekin maala ke sabhi manke baapdaada ke saamne hain। samay prati samay seva behad ki aur saphalta sampanna hoti ja rahi hai। vartamaan samay vishesh videsh mein do sevaaon ka result achha pratyaksha hua। anek prakaar ki sevaayen to chalti hi rehti hain lekin vishesh ek ye global book, jo mehnat karke taiyaar kiya hai, uske nimitta chaaron or vishesh aatmaon ka sambandh-samparka mein aana sahaj ho gaya। to jin bachchon ne dil va jaan, sik va prem se samay diya, sahayog diya, uske pratyakshaphal seva ke nimitta aatmaon ko baapdaada padma guna mubaarak de rahe hain। aur saath-saath jo abhi dialogue va retreat kiya uski result bhi pahle se achhe te achhi rahi। aur sabhi desh vaalon ne ismen jo sahayog diya, un sabko bhi mubaarak। lakshya achha rakha। to chaaron or abhi is do prakaar ki seva ki achhi dhoom-dhaam chal rahi hai aur aage bhi chalti rahegi। baapdaada ko yaad hai ki pahle videsh se vi.aai.Ps. to chhodo, aai.Ps. laana bhi mushkil lagta tha। aur abhi to sahaj lagta hai na! to yeh seva ka pratyakshaphal hai। aur kitnon ki duaayen mili! jiske haath mein book jaata hai, un sabki duaayen kiske khaate mein jama hoti hain? jo nimitta bante hain। chaahe dene ki seva, chaahe banaane ki seva, chaahe idea nikaalne ki, chaahe likhne ki - sabko duaayen milti hain। to kitni duaayen mil rahi hain! bahut duaayen milti hain, aap sirf receive karo। apne mein hi busy rehte ho to duaayen receive nahin karte ho। aur jo bhi aai.Ps. ya vi.aai.Ps. samparka mein aate hain to ek kitnon ko anubhav sunaayenge to un sabhi ki duaayen brahman aatmaon ko bahut-bahut praapta hoti hain। agar duaayen receive karo to bhi sampanna to ho hi jaayenge। book bhi achha nikaala aur ye programme bhi bahut achha hai। aur bhaarat vaalon ki vishesh seva abhi kaar yaatra ki chal rahi hai। (business wing ke bhaai-bahinon ne 11 car ki ek rally raajkot se baambe tak nikaali hai, jismen anek prakaar ki sevaayen ho rahi hain) uski bhi result bahut achhi nikal rahi hai aur aage ek bhi nimitta ban gaye to anekon ke bhaagya jagaate rahenge। to ye bhi seva ki result achhi dikhaai de rahi hai। jo bhi is seva mein nimitta hain, umang-utsaah se badh rahe hain, un sabhi ko bhi, chaaron or ke bhaaratvaasi bachchon ko, sahayogi bachchon ko, nimitta bachchon ko baapdaada mubaarak dete hain। mehnat naam maatra aur saphalta jyaada, ab aisi seva ke plan banaao। is seva mein bhi yeh dikhaai deta hai ki mehnat kam, result jyaada। aise videsh ke donon programme mein bhi aise hain। achha।

desh-videsh ke sarva seva mein umang-utsaah se aage badhne vaale, athak ban auron ko daan-vardaan dene vaali aatmaon ko, chaaron or ke baap ke sarva sambandh ke lav mein leen rahne vaali lavleen aatmaon ko, sada sahaj anubhav karne, auron ko bhi sahaj anubhav karaane vaali sahajyogi aatmaon ko, sada svayan ko svamaan dvaara sahaj dehbhaan se mukta karne vaali jeevanmukta aatmaon ko, sada baap ko saath anubhav karne vaale aur saathi anubhav karne vaale sameep aatmaon ko baapdaada ka yaad-pyaar aur namaste।

vardaan:- apne aadi aur ant donon swaroop ko saamne rakh khushi va nashe mein rahne vaale smriti swaroop bhav

jaise aadi dev brahma aur aadi aatma shreekrishna donon ka antar dikhaate bhi saath dikhaate ho। aise aap sab apna brahman swaroop aur devta swaroop donon ko saamne rakhte hue dekho ki aadi se ant tak ham kitni shreshtha aatmaayen rahi hain। aadhaakalpa raajya bhaagya praapta kiya aur aadhaakalpa maanneey, poojyaneey shreshtha aatma banen। to isi nashe aur khushi mein rahne se smriti swaroop ban jaayenge।

slogan:- jinke paas gyaan ka athaah dhan hai, unhein sampannata ki anubhooti hoti hai।