बुधवार 26 अप्रैल 2023 की दैनिक मुरली

26-04-2023 praatahmurli om shanti "baapdaada"' madhuban

“meethe bachche - tumhaara kartavya hai avinaashi gyaan ratnon ki kamaai karna aur karaana, daan poochhkar nahin kiya jaata, karke dikhaana hai''

prashn:- baap ki dil mein kaun si shubh aash sada rehti hai? kis baat mein baap aap samaan banaane chaahte hain?

uttar:- baap ki dil mein sada hi bachchon ko sukh dene ki aash rehti hai। behad ke baap ko kabhi bhi vikalpa va bura karma karne ka sankalp, duhkh dene ka sankalp nahin aa sakta kyonki woh hai sukhdaata। isi baat mein baap apne bachchon ko aap samaan banaana chaahte hain। baba kehte - meethe bachche, jaanch karo mere andar sada shuddh sankalp rehte hain? vikalpa to nahin aate hain?

geet:- mukhda dekh le praani…

om shanti। bhagvaanuvaach - yeh kisne kaha mukhda dekh le he praani? praani kaha jaata hai jeev aatma ko। jeev aatma bachche hain na baap ke। jaante hain ham aatma hain। is samay hamaari aatma ka baap parampita paramatma hai। jeev jo shareer hai unka baap bhi ab prajaapita brahma hai। ham baapdaada ki aulaad hain। baap baith jeev aatmaon ko samjhaate hain - he bachche, apne dil darpan mein jaanch karo ki kitna percent ham punya aatma bane hain? kitna ham punya karte hain? manushya to in baaton ko nahin samajhte ki daan-punya avinaashi gyaan ratnon ka karna hai। yeh bhi abhi buddhi mein aaya hai ki hamaara baap teacher guru sab kuchh woh ek behad ka baap hai। deh-abhimaan toot padta hai। us behad ke baap ko hamne aadhaakalpa yaad kiya hai। yaad karna bhakti maarga se shuru hota hai। bhakta bhagwan ko yaad karte hain। samajhte bhi hain bhagwan ek hai। ham aatmaon ka baap woh niraakaar hai। saakaar baap to jaanvar aadi sabka hai। baaki yeh baba hamaara vahi paramdham nivaasi sachcha baba hai। hamko sachcha banaane vaala hai। punya aatmaayen hain sabhi sachkhanda mein rahne vaali। tum jaante ho jitna baap ke saath ham sachche rahenge utna baap ke sachkhanda mein hamko oonch pad milega, iske liye race hai। us padhaai se bhi koi barrister banta, koi engineer banta, koi pakka, koi kachcha, koi ki aamadni laakh roopaya to koi ki 500 roopaya bhi mushkil। padhaai par madaar thahra na। ab tum bachche avinaashi gyaan ratnon se bhandaara bharte ho, jo hi kaam aana hai। dhaarna kar punya aatma banna hai। auron ko bhi daan de punya aatma banaana hai। dil se poochhna hai ham kitna dhaaran kar aur punya karte hain? agar punya nahin karte to zaroor paap aatma hi rah jaate। to apna mukhda dekhna hai। pichhaadi mein baithne vaale ko to master bhi jaanta hai, baap bhi jaanta hai। register se pata lag jaata hai। ab woh to hui sthool baaten, yeh hain gupta। mama baba dhaarna karaate rehte hain। avinaashi gyaan ratnon ko dhaaran karo aur karaao। khud hi punya aatma nahin banenge to auron ko kaise banaayenge? yeh koi duniyaavi baaten nahin। yahaan to hain eeshvareey baaten। jitna jo saahookaar hota hai utna unko khushi ka paara chadhta hai। dhan to manushyon ke paas bahut hai na। akhbaar mein bhi daalte hain, is samay phalaana sabse saahookaar hai। nambarvaar to hote hi hain na। yahaan to vinaashi dhan ki baat nahin। yahaan hai avinaashi gyaan ratnon ki kamaai karna aur karaana। ismen poochhne ki baat nahin rehti। poochh kar daan nahin kiya jaata, karke dikhaana hai।

baap kehte hain dil darpan mein dekho, ham kitne punya aatma bane hain? ham sab number one paap aatma the। punya aatma bhi number one the। ab phir gyaan ka teesra netra mila hai। punya aatma ban rahe hain। ab jitna-jitna yeh gyaan dhan ikattha karte hain utna saahookaar bante hain। us vinaashi dhan se ham beggar bante aur is avinaashi dhan se ham saahookaar bante hain। matta satta (adli-badli) karte hain। tan-man-dhan sab kuchh ham baba ko de dete hain। baba phir hamko gyaan ratna dete hain, jisse hamko tan-man-dhan sab kuchh naya milta hai। vahaan maaya hoti nahin jo koi ka man bhatke। yahaan to man maaya ke vash hai। man sabse jaasti hairaan karne vaala hai। yog nahin hai to man shaitaan ban jaata hai। dekhna hai ham baba se kitna dhan lekar aur phir daan karte hain। mama baba bhi to tumhaare jaise manushya hi hain। kaan se sunte hain। niraakaar baba in organs se bolte hain। niraakaar aatmaon ko apna-apna shareer hai। yeh hai puraana kaliyugi shareer jo duhkh deta rehta hai। bachche jaante hain baap aakar hamko sada sukhi banaate hain। baap mila hai to andar khushi se taaliyaan bajti rehti hain, tab baahar mein bhi bajti hain। pahle sankalp ki taali andar bajti hai phir baahar bajti hai। pahle andar aayega ki yeh karen phir karmendriyon se kar lete hain। to jaanch karni chaahiye ki hamaare andar shuddh sankalp aate hain va vikalpa aate hain? sankalp shuddh khyaal ko, vikalpa ashuddha khyaal ko kaha jaata hai। behad ke baap ko koi vikalpa thode hi aayega। woh to hai hi sukhdaata। tumhaare paas vikalpa aayenge - kisko duhkh dene ke va vikarma karne ke। main to tumko hoobhu aap samaan banaane aata hoon। yeh to jaante ho baap hamesha bachchon ko aap samaan banaate hain। bachchon ko janma koi duhkh ke liye thode hi dete hain। duhkh to karmon anusaar milta hai। maa baap ki aasha rehti hai ki bachchon ko bahut sukhi rakhen parantu maaya ki praveshta hai। laukik baap samajhte hain bachchon ko shaadi karaae bahut sukh dete hain। parantu paarlaukik baap kehte shaadi kiya maana barbaadi kiya। ham tumko aisa gul-gul banaate hain jo svarga mein tum shaadi karenge to patraani patraaja banenge, jhoolon mein jhoolenge। laukik baap aur paarlaukik baap ki buddhi mein dekho kitna farka hai! is samay maaya ke sanskaar manushyon mein bade kade hain, jaise ajaamil hain। main to chaahta hoon bachchon ko itna sukhi banaaoon jo ekdam jhoolon mein jhoolen। behad ke baap ke dil andar bachchon ke sukh liye kitni first class aasha rehti hai। bachchon ko maa baap paida karte hain to maa baap ko hi phir sukhi banaana hai। behad ka baap bhi chaahte hain bachche sukhi banen। parantu laukik aur paarlaukik baap ki buddhi mein bahut farka hai। behad ka baap kehte hain ek mujh saath buddhi ka yog jodo aur sab laukik maa baap, mitra-sambandhi aadi jo bhi hain un sabse buddhi ka yog todna hai। main tumhaara sab kuchh hoon। maaya tumko har baat mein duhkh dilaayegi main tumko sukh ka saagar banaata hoon। main khud raajaai ka sukh nahin bhogoonga। parantu kahenge to sahi na sukh ka saagar, shanti ka saagar, tab to sukhi banaata hoon। kitna achhi reeti samjhaate hain, aur koi samjha na sake। bhaarat mein hi gaate hain tvamev maataashcha pita tvamev। yeh mahima kahaan se aai jo gaate rehte hain? baap kehte hain mujh ek dvaara tumko sab sukh milte hain isliye tumko kehte hain aur sang todo। deh sahit jo bhi tumhaare sambandhi aadi hain sabko bhoolo। apne ko dehi-abhimaani samjho। baap kitna gul-gul banaate hain! kehte hain mera hi suno, mere saath yog lagaao। jaise main gyaan ka saagar hoon, saari rachna ko jaanta hoon, aise tumhaari buddhi mein bhi yeh srishti ka chakra phirta hai। maat-pita kab bachchon ko duhkh nahin dete। duhkh ke liye rachna nahin rachte। ab baap kehte hain beeti so beeti... drama anusaar ab gul-gul pavitra bano। vahaan to vikaaron ki baat nahin hoti। mahaaraaja-mahaaraani bante hain। saari duniya kehti hai satayug heaven viceless world hai। vahaan ke devi-devtaaon ko sab poojte hain kyonki pavitra the, sarvagun sampanna the। 16 kala se phir kalaaheen banna hi hai। chandrama bhi pichhaadi mein dekho kya ho jaata hai! jisko amaavasya kehte hain। yeh bhi aise hi hai। manushyon mein koi gun nahin raha hai। 16 kala to kya, ek kala bhi nahin rahi hai। ek kala bhi na rahne se isko ghor andhiyaara kaha jaata hai। phir kalaayen aate aate 16 kala ban jaayenge। abhi tum kalaaheen kaale ban pade ho। brahma ki andhiyaari raat kahi jaati hai। brahma ko prajaapita kaha jaata hai। tum kahlaate ho brahmaakumaar kumaari। pahle bi.ke. ki andhiyaari raat thi ab sojhre mein aaye hain phir 16 kala bante hain। jo 16 kala sooryavanshi the unki kalaayen kam hoti gai, ab phir sab kalaayen dhaaran kar rahe hain। aisa dhaaran karte hain jo satayug mein 16 kala sampoorn bante hain। jaise raaja raani 16 kala sampoorn vaise hi lucky stars, yatha raaja raani tatha praja..nambarvaar to hote hi hain। abhi to raajaayen rank ban gaye hain, rank se hi phir raaja banenge।

ab baap kehte hain in sabko bhool ashareeri ban jaao। apne ko dehi samajh mitra sambandhi aadi sabko bhoolo। ab tum sab kuchh bali chadhte ho। ham tumko avinaashi gyaan ratna dete hain। ek-ek ratna ki value koi kar nahin sakte। baba roop basanta ki kahaani sunaate hain, jinke mukh se ratna nikalte the। baaki to sab bhakti maarga ke shaastra bana diye hain। sadgati karne vaala ek hi baap hai, jo gyaan se tumhaari sadgati karte hain, isko gyaan amrit bhi kaha jaata hai। maan sarovar kehte hain, amrit bhi kehte hain। vahaan paani pilaate hain। brahman log loti mein paani daalkar kehte hain amrit hai। vaastav mein yeh gyaan to knowledge hai। baap kehte hain laadle bachche tum dehi-abhimaani bano। maaya chhodegi nahin। tum dehi-abhimaani banne ki koshish karenge to maaya phir deh-abhimaani banaati rahegi। yeh ladaai number one hai। maaya deh-abhimaani banaae ekdam khadde mein daal deti hai, deri nahin karti। to apni buddhi se kaam lena chaahiye। baba to kahenge achhi reeti padho to teacher ka bhi naam baala hoga। baap hai izaapha dene vaala। achhi reeti padhne vaale ko aur padhaane vaale ko izaapha milta hai। vaah-vaah nikalti hai। pad bhi oonch paana hai to pahle-pahle apne darpan mein dekho - hamaara baap ke saath love hai? kitna main dehi-abhimaani hoon? kitna main raat din purushaartha karta hoon? deh-abhimaan aane se yaatra mein khade ho jaate hain। baap ko yaad karna bhool jaata hai to aur hi do kadam peechhe hat jaate hain। ek taraph phaayda hota hai to doosre taraph nuksaan bhi ho jaata hai। dehi-abhimaani bante to khaata bharta jaata hai। maaya kahaan na kahaan ghaata daal deti hai। responsible bachche apne khaate ka vichaar rakhte hain। nahin to koi devaala maarte hain। yeh vyaapaar hi aisa hai, jo jama bhi hota, to na bhi hota। maaya bhula deti hai na। to dekhna hai kitna baap ko yaad karte hain aur kitna auron ko aap samaan banaate hain? vyaapaari to sab hisaab rakhte hain, nahin to vyaapaari nahin anaadi hain। koi to bahuton ko sukh dete hain, bachche baba ko likhte bhi hain ki phalaane ne aisa teer maara jo main paap aatma se punya aatma ban gaya। un par balihaar jaate hain। saath me shareer nirvaah arth karma bhi karna hai। grihastha vyavhaar mein rehte baap se vyaapaar bhi karna hai। yogbal se paapon ko bhasma karna hai। auron ko punya aatma banaana hai। yeh hai saara buddhi ka kaam। buddhi saalim tab banti hai jab baap ko yaad karte hain। nahin to deh-abhimaan mein mitra sambandhi yaad aayenge। maaya chhodti nahin hai। shivbaaba ki mat par chalte-chalte shreemat ko bhi laat maar dete hain phir pad bhrashta ban jaate hain। ant mein bahut pachhtaayenge, traahi traahi karenge। achhe-achhe bachche to sabki dil par chadhte hain। naam bhi baala karte hain। paandav sena mein kaun-kaun mahaarthi hain aur kaun-kaun us sena mein mahaarthi hain? tum donon senaaon ko jaante ho na। yeh sabhi samajhne ki baaten hain। koi virle hi shreemat par chalte hain। shreemat par na chalne ke kaaran baap ka naam badnaam karte hain arthaat laat maarte rehte hain। yeh hai sat ka sang। ek do ko aap samaan banaae svarga ka maalik banaate hain। maaya itna paap aatma bana deti hai jo baap ko bhi phaarakti de dete hain। bhaktimaarga mein sab sajniyaan hai phir baap ke roop mein abhi tum bachche bane ho। phir sajni bhi ho, to sajni ko saajan ki kitni yaad rahni chaahiye! achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roop-basanta ban mukh se gyaan ratna nikaalne hain। yog se apni buddhi ko saalim banaana hai।

2) baap samaan sabko sukh de sukhdaata banna hai। kabhi bhi duhkh dene ka bura sankalp va vikalpa nahin uthaana hai।

vardaan:- man ko shreshtha position mein sthit kar pose badalne ke khel ko samaapta karne vaale sahajyogi bhav

jaisi man ki position hoti hai woh chehre ke pose se dikhaai deti hai। kai bachche kabhi-kabhi bojh uthaakar mote ban jaate hain, kabhi bahut sochne ke sanskaar ke kaaran andaaj se bhi lambe ho jaate hain aur kabhi dilshikasta hone ke kaaran apne ko bahut chhota dekhte hain। to apne aise pose saakshi hokar dekho aur man ki shreshtha position mein sthit ho aise bhinna-bhinna pose parivartan karo tab kahenge sahajyogi।

slogan:- khushiyon ke khaan ki adhikaari aatma sada khushi mein rehti aur khushi baantati hai।