मंगलवार 25 अप्रैल 2023 की दैनिक मुरली

25-04-2023 praatahmurli om shanti "baapdaada"' madhuban

“meethe bachche - tum ghar baithe wonderful roohaani yaatra par ho, tumhaari hai buddhi ki yaatra, karma karte is yaatra mein kadam aage badhaate chalo to paavan ban jaayenge''

prashn:- is gyaan maarga mein pechdaar tatha maheen baaten kaun si hain jo tum bachche abhi hi sunte ho?

uttar:- tum jaante ho ham sabhi mel athva female ek shiv paramatma ki sajniyaan aatmaayen hain। saajan hai ek paramatma। phir jisma ke hisaab se ham shivbaaba ke potre aur potriyaan hain। hamaara unki property par poora hak lagta hai। ham 21 janma ke liye sada sukh ki property daade se lete hain - yeh hain pechdaar baaten।

geet:- hamaare teertha nyaare hain…

om shanti। jismaani yaatra aur roohaani yaatra par yeh geet banaaya hai bhakti maarga vaalon ne। jo past mein ho gaya hai uska gaayan karte hain। jo bhi manushya maatra hain un sabhi ko jismaani yaatra ka to pata hai। dekhte hain janma-janmaantar se chakra lagaate aaye hain। unhon ki buddhi mein badreenaath, shreenaath ... aadi hi yaad rehta hai। tum bachchon ko bhi yeh jismaani yaatra aadi yaad thi aur abhi bhi yaad hai। tumne yaatraayen janma-janmaantar ki hain। ab tum bachchon ki buddhi mein roohaani yaatra ka gyaan hai। manushyon ka buddhiyog hai sthool jismaani yaatra taraph। tumhaara buddhiyog hai roohaani yaatra taraph। raat-din ka farka hai। abhi tum roohaani yaatra taraph kadam badha rahe ho। yeh wonderful yaatra ghar baithe karte ho। koi samajh sakenge is yaatra ko? jab dhandhe-dhori aadi mein lag jaate hain to itni yaad nahin rehti hai। parantu jab vichaar saagar manthan karne baithenge to achhi reeti yaad aayegi - ham yaatra par hain। knowledge badi sahaj hai। bachche samajhte bhi hain barobar patit-paavan baap kya karte honge? paavan banaane liye zaroor yaatra hogi। woh hai sweet nirvaandhaam, jisko sabhi bhakta yaad karte hain। yeh kisko maaloom nahin hai ki bhagwan ko hamaare paas aana hai va hamko bhagwan ke paas jaana hai। samajhte hain hamaara guru athva hamaara bada nirvaandhaam athva apne niraakaari vatan chala gaya। achha phir vahaan kya kiya? jaakar baith gaya? kya hua, woh kuchh bhi pata nahin hai। sirf kah dete paar nirvaan gaya। jyoti jyot samaaya। lahar saagar mein sama gai। kuchh bhi pata nahin hai ki yeh srishti ka chakra kaise phirta hai। ab baap samjhaate hain yeh roohaani yaatra ek hi baar hoti hai - is antim janma mein। roohaani yaatra athva aatmaon ki yaatra kahen। pahle-pahle to bachchon ko yeh nishchay hua ki ham aatma hain। kaha jaata hai jeev aatma duhkh paati hai to is samay jab aatma jeev ke saath hai, sajni hai to woh baap ko dhoondhati hai। mel athva female sabhi sajniyaan hain। vaise males ko koi sajni thode hi kahenge। parantu yeh hai bahut guhya pechdaar baaten। tum apne ko shivbaaba ke potre samajhte ho - jabki jisma mein ho to is hisaab se potre potriyaan hi thahre।

baba ne samjhaaya hai tumhaara daade ki milkiyat par hak hai। koi baap bhal dhanvaan ho, bachche naalaayak hon, unko milkiyat na den, yeh ho sakta hai। parantu daade ki property parmapra se raajaai kul mein chali aai hai। satayug treta mein tum daade ki property bhogenge। abhi tum daade se property lete ho। daade ki property kitni badi jabardasta hai! 21janma tum sada sukh ki property lete ho। parampita paramatma hai daada (grand father)। baba kahenge brahma ko। kehte hain yeh property ham daade se le rahe hain। tum jitna purushaartha karenge utna daade ki property milegi। jaise yeh maat-pita, jagat amba, jagat pita purushaartha karte hain, aise ham bhi is purushaartha se aisa oonch bante hain। daade se full property lete hain, raajaai praapta karte hain। tum jaante ho woh baadshaahi phir kitna samay chalti hai। points to athaah hain। agar is prakaar tum koi ko bhi samjhaao to jhat samajh jaayenge। do baap to zaroor hain। prajaapita brahma ko pita to sabhi kehte hain। god father ko sabhi maante hain। woh bada hai daada, brahma unka bachcha thahra। brahma ka naam to baala hai। vishnu va shankar ko prajaapita nahin kahenge। sookshm vatan mein to rachna nahin rachenge। brahma hi zaroor yahaan brahman rachte honge। brahma mukh kamal se parampita paramatma ne brahman sampradaay rachi। jaise kahenge - Christ ne Christian sampradaay rachi, ibraaham ne islaam sampradaay rachi। naam aata hai na। shankaraachaarya ne bhi rachna rachi। har ek jhaad mein taal taaliyaan to hoti hain। yeh hai behad ka jhaad। inka rachayita athva beejroop to mashhoor hai, naameegraami hai। foundation oopar mein hai। beej hai oopar। baaki taal taaliyaan abhi yahaan hi kahenge। yeh saare manushyon ki rachi hui rachna hai। yeh brahmaakumaari sanstha beejroop baap ne svayan rachi hai, jo beejroop parampita paramatma oopar mein rehte hain। aise nahin sabhi taal taaliyon ka beejroop oopar mein hai। yeh badi maheen baaten hain। parampita paramatma ko hamesha oopar mein yaad kiya jaata hai। Christ ko oopar mein yaad nahin karenge। parampita paramatma ka naam, roop, desh, kaal to ek hi hai। woh kabhi badalta nahin। to yeh baap baith achhi reeti samjhaate hain।

tum bachche jaante ho - ham ab patit se paavan ban rahe hain। sadaiv ekras nahin rehte hain। pahle 16 kala sampoorn hote hain, phir 14 kala, phir kalaayen kam hoti jaati hain। satayug ke baad phir ham neeche aate rehte hain। is samay ham bilkul oopar jaate hain। yeh hua oopar jaane ka raasta। woh hua neeche aane ka raasta, inki mahima bahut bhaari hai। patit-paavan ek hai। yaad bhi sabhi ek ko karte hain। parantu poora nahin jaanne ke kaaran dehdhaariyon ko yaad kar lete hain kyonki is baat mein bhoole hue hain ki patit-paavan kaun hai, zaroor ek ko kehna pade। sivaae tum bachchon ke aur koi ki buddhi mein aa nahin sakta। tumhaare mein bhi nambarvaar hain। ab tum samajhte ho ham daade ke potre hain aur baba ke ghar mein baithe hain। yahaan daada bhi maujood hai। avtaar bhi zaroor yahaan hi lega na। tum kahenge yahaan hamaara daada hamko padhaate hain। woh paramdham se aate hain। woh hamaara daada hai roohaani aur sab jismaani daade hote hain। to daada kehte khushi mein ekdam uchhal padna chaahiye। bhal raaje-rajvaade bahut saahookaar hain parantu woh daada hamko kya dete hain? svarga ki baadshaahi। yeh baaten abhi tum samajhte ho। satayug mein phir yeh baaten bhool jaati hain। vahaan in lakshmi-naaraayan aadi ko bhi pata thode hi rehta hai ki svarga ke sukh hamko kisne diye? agar yeh samjhen to phir yeh bhi samjhen ki inse pahle ham kaun the? badi wonderful baaten hain। lakshmi-naaraayan ko yeh pata nahin rehta ki yeh raajdhaani hamko kisne di hai। sivaae tum braahmanon ke aur koi nahin jaante। tumhaara devtaaon se bhi martaba ooncha hai, yahaan tumko daade se property milti hai।

tum jaante ho barobar yeh brahma baap hai, inke tan mein daada (grand father) aate hain। nahin to patiton ko paavan banaane kaise aaye। sabhi aatmaayen oopar se neeche aati hain shareer dhaaran karne। unko apna shareer hai nahin। yeh sabhi baaten tum bachchon ki buddhi mein hain। unko kaha hi jaata hai param aatma। iska matlab yeh nahin ki paramatma koi bada hai, aatma chhoti hai। paramatma aur aatma mein koi farka nahin hai। aise nahin paramatma koi chhota-bada hoga। baap kehte hain main kitna saadhaaran hoon! meri mahima bahut badi hai kyonki sabhi ko aakar patit se paavan banaata hoon। hoon main bhi aatma। mere mein jo knowledge hai woh tumko deta hoon। aise nahin aatma koi chhoti-badi hoti hai। aatma mein knowledge na hone kaaran woh maili ho jaati hai। murjha jaati hai। deeva bujh jaata hai, phir usmein gyaan ghrit padne se deeva jagta hai। baaki aatma kya hai? aise nahin koi aag hai। aatma aise hi sheetal hai jaise paramatma sheetal hai। woh hai hi sabhi ko sheetal karne vaala। gaaya bhi jaata hai sheetal jinke ang.... inke ang sheetal ho jaate hain unki praveshta se। jismen pravesh karte hain unko bhi kitna sheetal banaate hain! tum jaante ho baba kitna sheetal hai! sheetal aur tattal (garam)। woh kaam chita par jal mare hain, baat mat poochho। koi-koi to aise paap aatma hain jo kitna gyaan chheenta daalte hain to bhi sheetal hote hi nahin hain। kitni mehnat karni padti hai ek-ek ke oopar! baba poochhte hain tum sheetal bane ho? sannyaasi, udaasi thode hi kabhi aise poochhte hain। maaya hi sabko patit bana deti hai। kaam chita par jalte rehte hain।

to tum bachche jaante ho ki prajaapita brahma ke ham bachche hain, shivbaaba hai daada to varsa milna chaahiye na। ek baba, ek daada, unse property anek bachchon ko milti hai। aur koi bhi manushya ko prajaapita nahin kahenge। shivbaaba aatmaon ka pita to hai hi। abhi tum bachche jabki sammukh baithe ho to jaante ho - ham shivbaaba ke saath baithe hain। woh hamaara daada hai jo svarga ka rachayita hai, unse ham raajayog seekh rahe hain। daade se hamko svarga ki milkiyat milti hai jo phir ham 21 janma kabhi kangaal nahin banenge। tum bahut saahookaar bante ho। jo tum poojya devi-devta the vahi phir pujaari bante ho। tum jaante ho ham baba se varsa lete hain 21 janma sukh bhogenge। kitne baar varsa liya aur ganvaaya hai। parson varsa liya tha, kal ganvaaya, phir aaj lete hain। kal phir ganva denge। yeh baaten tum abhi jaante ho। is samay knowledgeful, gyaan saagar baap se tum bhi master gyaan saagar bante ho। knowledge milti hai। baaki aise nahin ki koi tejomay bijli ban jaate ho। yeh hai saari badaai। jaise shreekrishna ki badaai ki jaati hai - woh janmata hai to saare ghar mein roshni-roshni ho jaati hai। ab us samay to tha hi svarga, din। roshni to thi hi। baaki aise thode hi koi light niklegi। yeh bhi sirf mahima ki jaati hai। vaise hi parampita paramatma bhi param aatma hai, baaki mahima saari kartavya par nikalti hai। mahima to bahuton ki nikli hui hai। manushya kehte hain - phalaana mara svarga padhaara, to svarga kya oopar mein hai? delvaada mandir mein bhi chhat mein vaikuntha dikhaate hain। neeche mein hai aadi dev, aadi devi, jagat pita aur jagat amba। to zaroor yeh neeche narka mein baithe hain। svarga mein jaane liye raajayog seekh rahe hain। yeh tum bachche jaante ho hoobhu accurate yaadgaar hai। ham bhi yahaan aakar baithe hain। kitni wonderful baaten hain! bachche aakar daada ke bane hain to woh khushi ka paara chadhna chaahiye। ham paavan duniya ke maalik bante hain! mehnat bigar thode hi vishwa ka maalik koi banega। woh mehnat hai sthool, yeh hai sookshm। aatma ko mehnat karni padti hai। roti pakaana, dhandha aadi karna.. yeh sab aatma karti hai। ab baba aatmaon ko is roohaani dhandhe mein lagaate hain। saath-saath jismaani dhandha bhi karna hai। baal bachchon ko sambhaalna hai। aise nahin baba ham aapke hain, yeh bachche aadi aapko sambhaalna hoga। sabko baba sambhaale, to itna bada makaan bhi na mil sake। dehli ke kile jitne saikdon kile hon to bhi itne bachchon ko kahaan rakhenge। ho nahin sakta। phir to is makaan ki koi taakat nahin। kaayda hi hai grihastha vyavhaar mein rehte hue apna purushaartha karo। itne sab bachche yaho aa jaayen to chal kaise sake? to baap kehte hain mujhe yaad karo। daade se akhut khajaana milta hai। kitni khushi ki baat hai! time koi jaasti nahin hai। gaaya jaata hai raam gayo raavan gayo... aage saakshaatkaar hota rahega ki iske baad kya hona sambhav hai। apne ghar ke najdeek pahunchte hain to woh jhaad aadi dekhne mein aate hain। tum bhi najdeek hote jaayenge to samjhenge ab kya-kya hoga। baba gyaan bhi deta rahega। achha!

meethe meethe sikeeldhe bachchon prati maat-pita baapdaada ka yaadapyaar aur good morning । roohaani baap ki roohaani bachchon ko namaste।

dhaarna ke liye mukhya saar:-

1) baap samaan sheetal ban gyaan chheenta daal manushya aatmaon ko bhi sheetal banaane ki seva karni hai।

2) daade ki milkiyat ko yaad kar apaar khushi mein rehna hai। roohaani dhandha kar vishwa ki baadshaahi leni hai।

vardaan:- sameep sambandh aur sarva praapti dvaara sahajyogi banne vaale sarva siddhi swaroop bhav

jo bachche sada sameep sambandh mein rehte hain aur sarva praaptiyon ka anubhav karte hain unhein sahjayog ka anubhav hota hai। ve sada yahi anubhav karte ki main hoon hi baap ka। unhein yaad dilaana nahin padta ki main aatma hoon, main baap ka bachcha hoon। lekin sada isi nashe mein praapti swaroop anubhav karte, sada shreshtha umang-utsaah aur khushi mein ekras rehte, sada shaktishaali sthiti mein rehte isliye sarva siddhi swaroop ban jaate hain।

slogan:- ruhaani shaan mein rahne vaale kabhi had ke maan shaan mein nahin aa sakte।