शनिवार 13 मई 2023 की दैनिक मुरली

13-05-2023 praatahmurli om shanti "baapdaada"' madhuban

“meethe bachche - lakshya soap se aatma roopi maile kapde ko saaph karo, pavitrata ke manners dhaaran karo aur doosron ko karaao''

prashn:- kaun-si jaadoogri bahut first class jaadoogri hai - kaise?

uttar:- eeshvareey jaadoogri first class hai kyonki isse narkavaasi se svargavaasi ban jaate, patit se paavan ban jaate। yeh jaadoogri baap hi sikhlaate hain। baba kehte - bachche, sirf follow karo to tum raajaaon ka raaja ban jaayenge। aatma ko pavitra banaao to shareer bhi pavitra milega। puraana tan-man-dhan insure kar do to naya mil jaayega। aisa sauda sangam par baap hi sikhlaate hain।

geet:- aaj andhere mein hai insaan…

om shanti। bachchon ne geet ki line suni। ek taraph hai saari duniya bhakti maarga vaale। doosre taraph tum bachche ho gyaan maarga vaale। woh bhakti ki seedhi chadhte rehte aur tum bachche gyaan ki seedhi chadhte ho, bhakti ki seedhi utarte ho। bachche jaante hain aadhaakalpa se bhakti ki seedhi chadhni hoti hai। jitni bhakti ki seedhi chadhte hain utna neeche aate hain। phir jitna gyaan ki seedhi chadhenge utna sadgati ko paayenge। bhakta bhi pahle avyabhichaari hote hain। peechhe vyabhichaari bante hain phir bilkul hi andhashraddha mein chale jaate hain। kuchh bhi nahin samajhte। gaate bhi hain ham ghor andhiyaare mein hain। satguru bigar ghor andhiyaara hai। guru to yahaan bahut hain, ab sachcha guru kaun hai? saadhu santa mahaatma bhakta aadi sab saadhna karte hain athva yaad karte hain। shaastra, ved, upnishad padhte hain phir bhi kehte hain bhagwan jab aayenge tab hi aakar hamaari sadgati karenge। sadgati daata ko hi patit-paavan kaha jaata hai। abhi tum bachche roshni mein aaye ho। patit-paavan baap ko jaante ho aur unko yaad karte ho। jitna jo bachcha baap ko yaad karta hai aur gyaan dhaaran karta hai utna unka agyaan andhera vinaash ho jaata hai। roshni mein le jaane vaala ek hi baap hai। tab kehte hain gyaan anjan satguru diya... koi surma nahin hai। yeh gyaan ki baat hai। gyaan ke saath yog bhi rehta hai। ab tum bachchon ka buddhiyog laga hua hai - niraakaar parampita paramatma ke saath। parantu tumhaare mein bhi nambarvaar hain। aur koi manushyamaatra ka sarvashaktimaan parampita paramatma ke saath yog hai nahin। tumko bhi baap se, mukti aur jeevanmukti dhaam se yog lagaana padta hai। mukti-jeevanmukti ke liye bhi daivi manners chaahiye। is samay sabke manners aasuri hain। parampita paramatma ke gun gaaye jaate hain। manushya srishti ka beejroop hai, sat hai, chaitanya hai, aananda ka saagar hai, gyaan ka saagar, pavitrata ka saagar hai। for ever hai। unka yeh pad avinaashi hai। aur koi manushya ka avinaashi pad ho nahin sakta। bhal abhi tum gyaan ke saagar, pavitrata ke saagar bante ho, parantu limited bante ho। baap kehte hain - main unlimited hoon। tumko unlimited bana nahin sakta। nahin to khel kaise chale। tum for ever nahin ban sakte ho, 21 janma ke liye tum bante ho। 21 peedhi gaaye hue hain। tum for ever bano - yeh kaayda nahin hai। main hoon hi ever pure। rehta hi hoon paramdham mein। mere paas gyaan, pavitrata aadi hai hi hai। tum bhool jaate ho। to is samay baap aakar bachchon ko ghor andhiyaare se nikaal gyaan aur yog se pavitra banaate hain। aur koi aise kah na sake ki main paramdham se aaya hoon, mujh baap ko yaad karo। bhal sannyaasi apne ko paramatma bhi kahlaate parantu aise nahin kah sakte ki main paramdham se aaya hoon। ab mujhe yaad karo। in mahaavaakyon ki koi copy nahin kar sakte।

baap kehte hain main aata hi hoon tumko raajaaon ka raaja banaane। ab banenge vahi, jo kalpa pahle bane honge। tum jaante ho kitne bachche pavitra bante hain। kitne ashuddha maile bhi ban jaate hain। baap aakar maile kapdon ko saaph karte hain। aatma hi maili banti hai। aatma ko samjhaate hain tumko maaya ne kitna maila bana diya hai। ek janma ki baat nahin। janma-janmaantar ki baat hai। ab baap aakar aatma ko saaph karne ke liye lakshya soap dete hain, kehte hain mujhe yaad karo to tumhaari aatma jo ujhaai hui hai vo yog se jag jaayegi। smriti dilaate hain tumko svarga mein bheja tha, maaya ne maila bana diya hai। ab tumko svarga ka maalik banaane aaya hoon। main is brahma tan se shiksha de raha hoon। aatma ko kehte hain - deh sahit deh ke sabhi sambandhon ko bhool mujh baap ko yaad karo to aatma saaph ho jaayegi। phir tumko shareer bhi bhavishya mein naya milega, tatva aadi bhi satopradhaan ho jaate hain। baap kehte hain is puraani duniya ko bhool jaao। mujhe yaad karo to mere paas pahunch jaayenge। is puraani duniya mein koi cheez banaate hain to us par naya naam rakh dete hain। jaise nai dilli kehte hain parantu duniya to puraani hai na। ab tum bachchon ka buddhiyog puraani duniya se bilkul hat jaana chaahiye। tum aatmaon ko sweet hom mein jaana hai। ab apne ko aatma nishchay karna pade aur baap ko yaad karo to ant mati so gati ho jaayegi। manushya to anekon ko yaad karte hain - koi guru ko, koi shreekrishna ko। parantu yeh nahin jaante ki shreekrishna aadi kahaan gaye। yeh bhi nahin jaante ki punarjanma sabko lena hai zaroor। yeh rasma srishti ke aadi se chali aa rahi hai। satayug aadi mein devi-devta the to zaroor punarjanma bhi vahaan se shuru hua hoga। pahle-pahle hai shreekrishna first paavan manushya। unki mahima jyaada hai। lakshmi-naaraayan ki itni nahin hai kyonki bachche pavitra satopradhaan hote hain। parantu yeh nahin jaante ki shreekrishna puri kahaan hai। vaikuntha kehte hain parantu satayug ka kisko pata hi nahin hai। shreekrishna ko dvaapar mein le gaye hain। woh naam-roop doosre janma mein ho nahin sakta। shreekrishna to satayug mein tha। tum jaante ho yeh jagat amba, jagat pita jaakar lakshmi-naaraayan bante hain। satayug ko krishnapuri kaha jaata hai। ab hai kansapuri। yeh aasuri naam hai। vahaan hai daivi sampradaay, yahaan hai aasuri sampradaay। yeh naam sirf geeta mein hai aur koi shaastron mein ho na sake। baap baith sangam par samjhaate hain। to baap hai rachayita, unko kaha jaata hai manushya srishti ka beej roop। tum gaate bhi ho - baba aap patit-paavan ho, is patit duniya ko aakar paavan banaao। paavan srishti ko rachkar patit duniya ka vinaash karaao। barobar brahma dvaara paavan srishti rachte hain phir shankar dvaara patit srishti ka vinaash hota hai। yeh baaten aur koi nahin jaante। ab tum bachche baap ke saath yog lagaate ho। tum dekhte ho maile kapdon ko satka lagaate hain to koi phat bhi padte hai। itne to ajaamil jaise paapi hain jo bilkul saaph nahin hote। baba kitna achhi reeti samjhaate hain - bachche, most beloved baap aur most beloved sukhdhaam ko yaad karo। yeh hai ati duhkhadhaam। sabhi traahi-traahi karte hain। ek do ko maarte hain phir kehte hain bhagwan raksha karo। baap to hai liberator। tum jaante ho baba aaya hai inparticular (khaas) ham bachchon ko aur sabhi ko in general (aam) shantidham le jaate hain। tum bachchon mein bhi nambarvaar hain jinko yeh nasha hai। yeh padhaai bhi kam nahin hai। padhaate bhi dekho kisko hain! ajaamil jaise paap aatmaon ko svarga ka maalik banaate hain। bachchon ko baar-baar samjhaate hain ki tumko daivi gun dhaaran karna hai। em object to buddhi mein hai।

yeh pavitrata ke manners aur koi nahin sunaate hain। sannyaasi to gharbaar chhudaate hain। tumko gharbaar nahin chhodna hai। parantu puraani duniya ko hi chhodna hai। woh hai had ka sannyaas, yeh hai behad ka। sannyaasiyon ko bahut maan milta hai। yahaan to koi sannyaasi aate hain to unko kaha jaata hai pahle dress badli karo। stri ko jaakar gyaan sunaao। bahut aakar tumhaare charnon mein girenge। maataaon ke bigar unhon ka uddhaar ho nahin sakta kyonki tum knowledge deti ho। baaki charnon mein girne ki koi baat nahin hai। koi namaste va raam-raam kehte hain to javaab dena hota hai। baap bhi kehte hain - bachche, namaste। main tumko apne se bhi oonch banaata hoon। tumko brahmaanda aur srishti - donon ka maalik banaata hoon aur main vaanaprastha mein chala jaata hoon। parantu shreemat par bhi chalna pade। is puraani duniya se mukh modna pade। jaise raam aur raavan ka chitra hai। krishna ka bhi chitra hai, narka ko laat maar raha hai। svarga ka gola haath mein hai। baba bahut achhi tarah samjhaate hain parantu virla koi yeh vyaapaar karte hain। baap ko tan-man-dhan de naya lete hain। yeh first-class insurance hai। baap kehte hain tum aatma ko pavitra banaayenge, to shareer bhi pavitra milega। phir svarga mein raajaai karenge isliye inko saudaagar aur jaadoogar bhi kehte hain। patit ko paavan banaana - yeh eeshvareey jaadoogri hai। baap kehte hain - narkavaasiyon ko svargavaasi banaao। kaise first class jaadoogri hai। praapti bahut hai। baap kehte hain raajaaon ka raaja bano, follow father karo। yeh baap (brahmaabaaba) adharkumaar hai। mama kunvaari kanya hai to follow karna pade। tum kahenge ham bhaai-behen, baap se varsa lete hain। vaise laukik mein behen ko varsa nahin milta hai, bhaai ko milta hai। yahaan tum sabko milta hai kyonki tum sab aatmaayen ho। baap kehte hain tum sabko mere paas aana hai phir to yeh bhaai-behen ka naata toot jaata hai। vahaan hai baap aur bachchon ka naata isliye kehte hain “vi aar al brothers''। brotherhood hai, fatherhood hota nahin। sarvavyaapi ke gyaan ne bahut nuksaan kiya hai। ab tum bachchon ko baap ko yaad karna hai। aise nahin, koi yog mein bithaaye। tumko lakshya mila hua hai। murli sunkar phir chalte-phirte yog mein rehna hai। yaatra hai, ja rahe hain। aath ghanta bhal service karo, woh bhi chhoot hai, baaki time dena hai। mukhya baat hai pavitrata ki। ek do ko patit banaate aadi-madhya-ant duhkhi kiya hai। ab bilkul jhaad sad gaya hai। baba aakar sade hue jhaad ko daivi jhaad banaate hain। ab shreemat par chalo। shivbaaba bhi baat karte hain to brahma bhi baat karte hain। parantu tum jaante ho shivbaaba hamaara baap bhi hai, teacher bhi hai to satguru bhi hai। tum bachche bhi ho to student bhi ho aur tumse guarantee karte hain tumko vaapis le jaaoonga। aisi guarantee aur koi kar na sake। woh to sirf apne oopar bade-bade title rakha lete hain। ab tumko authority mili hai। tum samjha sakte ho ki jagad-guru hai ek, vahi sabki sadgati karte hain। aise sukhdaata baap ko koi jaante nahin। agar baap ko jaane to property ko bhi jaan jaayen। achha!

maat-pita baapdaada ka meethe-meethe sikeeldhe bachchon prati yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ant mati so gati ke liye puraani duniya se dil hataakar, apna mukh mod lena hai। apne sweet hom ko yaad karna hai।

2) saudaagar baap se sachcha sauda karna hai। tan-man-dhan sab insure kar follow father karna hai।

vardaan:- had ki deevaaron ko paar kar manzil ke sameep pahunchne vaale upraam bhav

kisi bhi prakaar ki had ki deevaar ko paar karne ki nishaani hai - paar kiya, upraam bana। upraam sthiti arthaat udti kala। aisi udti kala vaale kabhi bhi had mein latakte va atakte nahin, unhein manzil sada sameep dikhaai deti hai। ve udta panchhi ban karma ke is kalpa vriksha ki daali par aayenge। behad ke samartha swaroop se karma kiya aur uda। karma roopi daali ke bandhan mein phansenge nahin। sada svatantra honge।

slogan:- anubhvon ki authority bano to maaya ke bhinna-bhinna royal rupon se dhokha nahin khaayenge।