शुक्रवार 12 मई 2023 की दैनिक मुरली

12-05-2023 praatahmurli om shanti "baapdaada"' madhuban

“meethe bachche - oonchi mat ek baap ki hai, usi par sada chalte raho, maatele ban baap se poora-poora varsa lo''

prashn:- sautele bachchon ko kis baat ka nishchay na hone ke kaaran baap ke poore madadgaar nahin ban sakte hain?

uttar:- sautele bachchon ko yeh nishchay hi nahin hota ki abhi pavitra banne se hi pavitra duniya ke maalik banenge। bina pavitra banen pavitra duniya sthaapan nahin ho sakti। yeh nishchay ho to poore-poore madadgaar banen। maatele bachche baap ko poora pahchaan laayak banne ka purushaartha karte hain। baap ki shreemat par chal shreshtha bante hain।

geet:- takdeer jagaakar aai hoon…

om shanti। bachchon ne geet suna। yeh bachchon ka kehna hai ki ham paathshaala mein aaye hue hain। inko common satsang nahin kahenge। sat ke saath sang tumhaara hi hai। sat kaha jaata hai ek parampita paramatma ko। ab tum bachche us sat arthaat behad baap ke sang mein baithe ho। baap hain vaastav mein do। had ka baap aur behad ka baap। ek hai sabhi aatmaon ka niraakaari baap, doosra hai prajaapita brahma। tum bachchon ko ab donon baap mile hain। behad ka baap, jisko parampita paramatma kaha jaata hai, woh ek hi sab bhakton ka bhagwan hai। bhakta to athaah hain। bhagwan hai ek। woh hai niraakaar behad ka baap। doosra hai prajaapita brahma behad ka baap aur teesra hai laukik baap। shareer to vikaar se janma lene vaala hai। unko kukh vanshaavli kaha jaata hai। is kaliyugi duniya ko paap aatmaon ki duniya kaha jaata hai। doosri hai punya aatmaon ki duniya - viceless world, nai duniya। duniya ek hi hai, do nahin hain। ghar ek hi hota hai, do nahin। shuru mein usko naya ghar kaha jaata hai, phir puraana ho jaata hai। bhaarat naya tha to usko satayug kaha jaata hai। ab puraana hai, to unko kaliyug kaha jaata hai। inko duhkh dene vaali vikaari duniya kaha jaata hai। jab vishwa nai thi to bhaarat bhi naya tha। ab srishti puraani hai to bhaarat bhi puraana ho gaya hai। naye bhaarat mein sivaae devi-devtaaon ke aur koi dharma nahin tha। ek hi lakshmi-naaraayan ka raajya tha aur koi khanda nahin tha, 5 hazaar varsha ki baat hai। bhaarat ko svarga kaha jaata tha। do kala kam hui to treta mein raam-seeta ka raajya hua। devta, kshatriy dharma mein aa gaye। satayug treta donon ko milaakar sukhdhaam kaha jaata hai। jab duhkhadhaam dvaapar se shuru hota hai to bhakti maarga shuru hota hai। bhaarat jo sadgati mein tha so durgati mein aa jaata hai। pahle 16 kala sadgati phir 14 kala sadgati phir jab dvaapar se vaam maarga shuru hua to bhaaratvaasi duhkhi hone shuru hue। duhkhi banaaya hai raavan ne। ab sab raavan mat par chal rahe hain। eeshvar ko koi jaante nahin। oonche te oonchi mat unki gaai hui hai। ab tum aaye ho nai duniya ke liye takdeer jagaane। manushya to sab puraani duniya ke liye mehnat karte hain।

tum jaante ho abhi is puraani duniya ke vinaash ke liye mahaabhaarat ladaai hai। parantu vinaash hone ke pahle nai srishti bhi chaahiye। ab baap nai srishti rach rahe hain। tum sab ho eeshvar ki santaan। pahle aasuri santaan the। abhi sada paavan ki santaan bane ho - sukhdhaam ka varsa paane arthaat devta pad paane। tum behad ke baap se takdeer banaane aaye ho। baap tum bachchon ko behad ka sukh dene phir se aaya hai। bhaaratvaasi bilkul kaudi tulya ban pade hain। ab raaja koi nahin, praja ka praja par raajya hai। devi-devta jo pavitra the, ab patit ban pade hain। gaate hain patit-paavan aao। raavan ko jalaate hain parantu raavan jalta nahin। satayug mein thode hi jalaayenge। satayug mein world almighty authority devi-devtaaon ka raajya tha। is samay sab narkavaasi ban pade hain। ab is paar se us paar jaana hai। khivaiya ek hi hai, woh aakar vishay saagar se ksheersaagar mein le jaate hain। yahaan ke saahookaar log samajhte hain ham to svarga mein hain। jo gareeb hain woh narka mein hain। unko maaloom nahin svarga kisko kaha jaata hai। tum jaante ho satayug mein tha paarasnaath aur paarasnaathiyon ka raajya। behad ke baap ko tum pahchaan kar baap kehte ho to zaroor varsa milna chaahiye। tumko yeh yaad rakhna hai ki ham shantidham ke vaasi hain। paramdham se yahaan aaye hain part bajaane। 84 janma kaise lete ho - yeh baap baith saara hisaab samjhaate hain। baap kehte hain - bachche, ab kaliyug ka ant hai। yahaan tum baap se sahaj yog seekh rahe ho। tum kehte ho - baba, ham sooryavanshi gharaane mein zaroor aayenge। yeh em object hai। yeh paathshaala hai bhagwan ki। bhagvaanuvaach - bachche, main tumko manushya se devta banaane aaya hoon। tum raajaaon ka raaja bano। maatele ban poora varsa lo। shreemat par chalenge to shreshtha te shreshtha banenge। baap hai oonche te ooncha। niraakaar bhagwan, na saakaari, na aakaari। aakaari hai brahma-vishnu-shankar devtaayen। unko bhagwan nahin kaha jaata hai। bhagwan hai ek, bhakta hain anek। bhakti maarga vaale bhakta kitne dhakke kha rahe hain। koi kahaan, koi kahaan। tum sab drama ke actors ho to drama ke creator, director ka maaloom hona chaahiye। parantu kuchh bhi nahin jaante। satayug mein sooryavanshi devtaayen the unhon ki mahima gaate hain। hain to donon manushya phir unhon ki mahima kyon gaate hain? kyonki unhon ko eeshvar ne aisa banaaya hai। tumko bhi baap manushya se devta bana rahe hain। phir tum devta se kshatriy... aadi banenge। nai duniya mein rahne vaale devtaayen phir puraani duniya mein tamopradhaan patit ban jaate hain। baba aakar phir laayak banaate hain। kaudi se heere jaisa banaate hain। tumhaare mein koi achhi reeti pahchaante hain koi semi। semi ko sautela kaha jaata hai। nishchay nahin karte ki baba ham zaroor pavitra ban pavitra duniya ke maalik banenge। madadgaar nahin bante। pahle to maat-pita ka banna pade। baba ham aapke the phir aadha kalpa baap ko bhool maaya ke vash ho gaye। ab phir aapke bane hain। is patit duniya mein patiton ka hi maan hai। svarga mein aisi koi baat nahin hoti।

baba ne samjhaaya hai svarga mein shareer chhodne ke pahle saakshaatkaar hota hai। abhi ham yeh shareer chhod jaae baalak banenge। shareer ki aayu poori hui hai। akaale mrityu hota nahin। puraana shareer chhod naya le lete hain। sarpa ka misaal, bhramri ka misaal... bhramri mein bhi akla hai। aaj ke manushya mein yeh akla nahin raha hai। tum sachchi-sachchi bhramriyaan ho। variety keedon ko bhoon-bhoon karke manushya se devta banaati ho। tumko baap sukhi banaane aaya hai। sahaj yog sikhlaane aaya hai। baap ne raajayog kab sikhlaaya tha, yeh koi nahin jaante isliye baap kehte hain - bachche, tum meri mat par chalkar shreshtha bano। is samay sabki aasuri mat hai। sarvavyaapi ke gyaan ne bhaarat ko bilkul kaudi misal banaaya hai। karja lete rehte hain। bhagwan kaun hai, kahaan rehte hain - manushya kuchh bhi nahin jaante। woh to niraakaar hai phir yahaan kaise dhoondhate ho। bhagwan kehte hain tum kehte ho ham shivaanand ke followers hain phir unko follow kahaan karte ho। aajkal unhon ka kitna maan hai। parantu shreemat to ek hi parampita paramatma ki gaai hui hai। ab tum aaye ho eeshvar ki mat par chal eeshvar se varsa lene ke liye। baap kehte hain jo dhakke khaate hain woh mujhe nahin jaante hain। unko pata hi nahin ki baap padhaakar varsa de vishwa ka maalik banaate hain। tum abhi dhakka khaane se chhoot gaye ho। bhagvaanuvaach - tumhein devta banaane aaya hoon। tum bi.ke.jaante ho bhagwan aakar bachchon ko vishwa ke maalikapne ka varsa dete hain। tum purushaartha se vishwa ke maalik bante ho। baap hai vishwa ka rachta। ab tumko dhakka nahin khaana hai। dhakke khaane vaale ko bhagwan nahin milta hai। tum to baap se sukh ka varsa lete ho। baaki sabko shantidham ka varsa mil jaayega। ab duhkh ka khaata khalaas kar sukh ka jama karte ho। baaki sab saja khaakar apne-apne section mein chale jaayenge।

bachchon ne geet suna। nai duniya ke liye nai takdeer banaane aaye hain। vahi takdeer phir 21 janma poora hone se puraani banti hai। ab purushaartha karna hai - chaahe sooryavanshi raajya lo, chaahe saahookaar praja bano, chaahe gareeb praja bano। praja bhi bahut saahookaar hoti hai jo kai raaje log bhi unhon se karja lete hain। abhi bhi praja saahookaar hai। satayug mein aise nahin hota। jo pichhaadi mein raaja-raani bante hain unse praja mein bahut saahookaar hote hain। bade-bade mahlon mein rehte hain। ab jo chaahe bano। abhi sab duhkhi hain, baba aaye hain tumko svarga mein sada sukhi athva svargavaasi banaane। is samay narka ke vaasi phir bhi janma narka mein hi lenge। tum svargavaasi banne ka purushaartha kar rahe ho। baba ke shareer ka koi naam nahin hai। manushyon ko 84 janma mein 84 naam milte hain। bhinna naam, roop, desh, kaal। shivbaaba ko na aakaari, na saakaari shareer milta hai। kehte hain main loan leta hoon। aata tab hoon jab inki vaanaprastha avastha hoti hai। yeh drama second by second shoot hota jaata hai। ham tum kalpa pahle mile the, ab mile hain, phir milenge। jo second beeta so drama। baap bhi drama ke bandhan mein baandha hua hai। baap kehte hain tum bachchon ko aakar heere jaisa banaata hoon। main tumhaara most obedient, most beloved father, teacher aur satguru bhi banta hoon। mera koi baap, teacher, guru nahin। sabka baap main svayan hoon। knowledgeful hoon। mera koi guru nahin। svayan sabka sadgati daata hoon। achha।

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bhramri ki tarah bhoon-bhoon kar manushya ko devta banaane ki seva karni hai। baap ki shreemat par sada sukhi banna aur banaana hai।

2) oonch takdeer banaane ke liye paavan zaroor banna hai। sabko vishay saagar se ksheersaagar mein le chalne ke liye baap samaan khivaiya banna hai।

vardaan:- trustee pan ki smriti se har paristhiti mein ekras sthiti ka anubhav karne vaale nyaare pyaare bhav

jab svayan ko trustee samajhkar rahenge to har paristhiti mein sthiti ekras rahegi kyonki trustee arthaat nyaare aur pyaare। grihasthi hain to anek ras hain, mera-mera bahut ho jaata hai। kabhi mera ghar, kabhi mera parivaar। grihastheepan arthaat anek rason mein bhatakna। trasteepan arthaat ekras। trustee sada halka aur sada chadhti kala mein jaayega। usmein merepan ki mamta nahin hogi, duhkh ki lahar bhi nahin aayegi।

slogan:- santushtata aur saralta ka santulan rakhna hi shreshtha aatma ki nishaani hai।