गुरुवार 18 मई 2023 की दैनिक मुरली

18-05-2023 praatahmurli om shanti "baapdaada"' madhuban

“meethe bachche - in okhon se jo kuchh dekhte ho use bhoolna hai, sab shareerdhaariyon ko bhool ashareeri baap ko yaad karne ka abhyaas karo।''

prashn:- tum bachchon ka mukh gyaan se meetha hota, bhakti se nahin - kyon?

uttar:- kyonki bhakti mein bhagwan ko sarvavyaapi kah diya hai। sarvavyaapi kahne se baap aur varse ki baat khatma ho gai hai isliye vahaan mukh meetha nahin ho sakta। abhi tum bachche pyaar se baba kehte ho to varsa yaad aa jaata hai, isliye gyaan se mukh meetha ho jaata। doosra - bhakti mein khilaunon se khelte aaye, parichay hi nahin tha to mukh meetha kaise ho।

geet:- om namo shivaae…

om shanti। shivaae namah athva namaste bhi kaha jaata hai। namaste hamesha badon ko ki jaati hai। manushyon ka buddhi-yog patit-paavan baap ke saath nahin hai। patit ko paavan banaane vaala hai hi ek। unko kaha jaata hai shivaae namah। yeh bhi buddhi mein aata hai ki shiv to hai niraakaar। agar shankar ko namah karenge to kahenge shankar devtaae namah। shivaae namah woh alag ho gaya। shankar devtaae namah woh alag ho gaya। brahma devtaae namah kehte hain। brahma to hai yahaan। jab tak sookshmavtanvaasi na banen tab tak unko devta kaha na jaae। yahaan to hai prajaapita। jab tak yeh prajaapita hai, manushya tan mein hai tab tak inko devta kah nahin sakte। devta to sookshmavtanvaasiyon ko ya to jo nai duniya mein rehte hain, unko kaha jaata hai। isse siddha hota hai is samay jabki prajaapita hai, to devta nahin kahenge। tumko bhi is samay brahman kaha jaata hai, parantu tum daivi buddhi arthaat devta banne ke liye purushaartha kar rahe ho। devtaaon ki to mahima hai sarvagun sampanna..... brahma, vishnu, shankar ki yeh mahima nahin hai। mahima manushya maatra ki aur devtaaon ki alag-alag hoti hai। president, president hai। unka part apna, prime-minister ka part apna hai। drama mein part to alag-alag hoga na। to jab shivaae namah kehte hain to shivbaaba hi hai। brahma devtaae namah, vishnu devtaae namah alag hai। shivbaaba ko aise nahin kahenge। unko kahenge parampita paramatma shiv kyonki shiv aur saaligraam hain। woh chhote-chhote dikhaate hain, woh bada hai। baba ne samjhaaya hai - koi bhi chhote-bade nahin hote hain। unko kaha jaata hai - parampita paramatma, god father। yeh kyon kehte hain? aatma saaligraam, shiv ko baba kehti hai to zaroor baap se varsa milna chaahiye kyonki woh hai svarga ka rachayita। zaroor aadi sanaatan devi-devta dharma ki rachna parampita paramatma ne ki hogi। aur koi kar na sake। us baap ko sarvavyaapi kahne se varse ka naamnishaan gum ho jaata hai। jaise kehte hain ki god is omni present, haazira-hazoor hai। kasam bhi jo uthaate hain woh jhootha। kehte hain eeshvar baap ko haazir-naazir jaan... baap ko jaante nahin।

tum bachche jaante ho - abhi eeshvar haazir hai, barobar woh supreme soul hai। unki mahima sabse nyaari hai। ek to niraakaar hai, uska naam shiv hai। uska jismaani naam kabhi padta nahin hai। baaki sabhi ke naam hote hain jisma ke। janma by janma shareer ke naam badalte rehte hain। baaki aatma, aatma hi hai, manushya ka naam badalta hai। kahenge phalaane ka pitra athva shraadh khilaate hain। to woh yaad aata hai। ab jisma to unka jal jaata hai। baaki rehti hai aatma, to aatma ko khilaate pilaate hain। aatma ko nirlep kah na saken। baap baith samjhaate hain - jab koi shareer chhodte hain to shareer to khatma ho gaya, phir kisko khilaate hain। bhale khilaayenge aatma ko, to bhi shareer mein moh rehta hai। yahaan baba kehte hain koi ke shareer ke saath moh nahin rakho। bilkul nashtomoha bano। sab shareeron ko buddhi se nikaalna hai। ab in okhon se jo dekhte ho woh bhoolna hai। baap sirf kehte hain mujhe yaad karo। mera to koi shareer nahin hai, isliye difficulty hoti hai। sagaai ki angoothi pahnaate hain na। ab woh to niraakaar hai, uska koi chitra nahin hai। angoothi pahnaai jaati hai ki niraakaar shivbaaba ko yaad karo। nai baat ho gai na। manushya marta hai to samjho woh khatma ho gaya। uska pitra kisko khilaate hain। zaroor aatma aayegi। sanskaar aatma le jaati hai। yeh khaara hai, yeh meetha hai - kisne kaha? aatma kehti hai - meri jabaan ko kaduva laga, mere kaan bahre hain, mere maathe mein darda hai। yeh kahne vaala kaun hai? manushya bhool gaye hain। baap samjhaate hain - aatma hi duhkh-sukh bhogti hai। abhokta sirf baap hai। baap hi baith aatma ka gyaan dete hain। baaki aatma so paramatma kehna - yeh bade te bada agyaan hai। saari duniya mein kehte hain paramatma sarvavyaapi hai phir unko yaad karne se kya milega? bhakta unko yaad karte hain parantu unse milta kya hai, yeh koi nahin jaante। sarvavyaapi kahne se milne ki baat hi nahin uthti। aasuri mat par chalne se manushya neeche hi girte jaate hain। shreemat to ek hi baap ki hai। aasuri mat dene vaala raavan hai, jiski mat par ek do ko duhkh dene lag padte hain। ab tum ho eeshvareey sampradaay, ek do ko sukh dene vaale। baap hai sarva ka sukhdaata।

manushya apne ko sarvodaya leader kehte hain parantu sarva ka maalik rachayita to eeshvar ko hi kaha jaata hai। sarva maana saari srishti, saari srishti ka sadgati daata koi manushya ko nahin kahenge। to mukhya baat hai - pahle sarvavyaapi ka gyaan nikaalna pade। baap ko sab yaad karte hain। bhakta chaahte hain bhagwan aakar hamko kuchh deve। baap ne zaroor kuchh diya hai। rachayita rachega to dega bhi na। baba dete hain svarga ki baadshaahi। us baap ko bhoolna nahin hai। yahi hai mehnat। ab tum bachche to samjhu-sayaane ho। pahle tum bahut besmajh the। baap ko sarvavyaapi kahne se kuchh bhi nahin milta। pahle-pahle baap siddha kar bataate hain woh hai parampita। param akshar laukik baap ko nahin diya jaata। parampita hai pare se pare paramdham mein rahne vaala, woh hai supreme। vahi manushya srishti ka beej roop hai। baap beej hai na। stri ko adopt kar phir rachna rachte hain। shivbaaba kehte hain - main bhi inko adopt karta hoon। woh hai kukh vanshaavli aur yeh hai mukh vanshaavli। yeh brahma meri stri hai, parantu chola to purush ka hai। main inko adopt karta hoon। inke mukh se tumko janma deta hoon। shivbaaba ke bachche to hain parantu shivbaaba ne brahma dvaara naya janma diya hai। kehte ho - tum maat pita.... woh to niraakaar hai। maata kaise ho sakti। ismen bahut sookshm samajhne ki buddhi chaahiye। baap ko kaha hai rachayita, to woh create kaise kare। jagat amba sarasvati jisko kehte hain woh to brahma ki beti mukh vanshaavli gaai jaati hai। ab maata unko kahen ya inko? asal reality mein yeh (saakaar brahma) maata hai। parantu purush tan hai to maataaon ki charge mein inko kaise rakha jaaye, isliye phir jagat amba nimitta bani hui hai। baap kehte hain - main inmen pravesh kar inko adopt karta hoon। phir tum kehte ho ham brahma dvaara eeshvar ke bachche bane hain। eeshvar hamaara daada hai। yeh baaten shaastron mein hain nahin। yeh sab hain bhakti maarga ke khilaune। khilaunon se manushya ka mukh meetha nahin hota। yahaan to temptation hai baap se varsa milne ki। sarvavyaapi kahne se kiska mukh bhi meetha nahin hota hai। saari duniya mein yeh sarvavyaapi ka hi gyaan hai। is samay jo bachche hain, unhon ki hi buddhi mein hamaari yaad hai। to unhonne phir likh diya hai main sarvavyaapi hoon। sabhi manushya mujhe yaad karte hain parantu jaante nahin hain to arth ka kitna farka kar diya hai। rassi ko saanp bana diya hai। ab baap kehte hain - mere ko yaad karo aur koi ko nahin। iska matlab yeh nahin hai ki main sarvavyaapi hoon। tum jaante ho hamaari aatma baba ko yaad karti hai। to sarvavyaapi akshar mein farka ho gaya। yeh bhi drama ki bhaavi hai phir bhi aise hi hoga। hona hi hai। is samay jo act chali, shoot hua usko drama kahenge। anaadi bana banaaya drama hai, ismen koi farka nahin pad sakta। yeh chitra aadi sab drama anusaar bachchon dvaara banvaaye gaye hain। yeh khud kehte hain main kuchh nahin jaanta tha। ab baap ne divya drishti di hai। divya drishti daata to woh hai na। naye-naye chitra banvaate rehte hain। ek baar banaaya phir point nikalti hai to correct karna padta hai। brahma ke aage prajaapita akshar zaroor likhna pade। nahin to manushya samajhte nahin। kehte hain - brahma mukh vanshaavli to aulaad hue na। brahma ki aulaad to brahman hue na। tum bachche jaante ho - practical mein ham brahma ki aulaad, shiv ke potre hain। pahli-pahli baat hai hi baap aur varse ki, jisse mukh bhi meetha ho। baap svarga ka rachayita hai to zaroor varsa milna chaahiye। koi nahin lete hain to samjho hamaare daivi dharma ke nahin hain। aakar samjhenge vahi jo devi-devta pad paane vaale honge। mukhya baat hai pavitrata ki। pavitra rahne bigar rakshaabandhan ho na sake। baap se pratigya karte hain - baba ham pavitra zaroor banenge। pavitra banne ke bigar aapke paas kaise aa sakenge! zaroor shreemat par hi shreshtha banenge। satayug mein to nahin banenge, zaroor kaliyug mein bane honge। kaliyug ant, satayug aadi ka sangam hoga arthaat sangam par hi baap aakar bachchon ko svarga ka varsa dete hain। bhaarat ka naam bahut baala hai। bhaarat hi sachkhanda aur jhoothkhanda banta hai। aur khanda golden ej mein nahin honge। doosre sabhi khanda vinaashi hain। yeh hai avinaashi khanda, kyonki avinaashi baba phir se aaye hain। dharma sthaapna ki activity jo hui hai kalpa baad phir vahi chalegi। baap kitna varsa dete hain! most beloved baap hai। grihastha vyavhaar mein rehte hue tum pravritti maarga vaalon ko pavitra zaroor banna hai। sannyaasiyon ka, nivritti maarga vaalon ka dharma hi alag hai। vaise aur alag-alag anek dharma hain, woh svarga mein nahin aayenge। jo hamaare dharma ke aur dharmon mein mil gaye hain vahi niklenge। ab tumko kitna gyaan mila hai, tumhaara teesra netra khula hai। trikaaldarshi tum ban rahe ho। sivaae tum braahmanon ke aur koi bhi manushya-maatra trikaaldarshi nahin hote। devtaayen bhi trikaaldarshi nahin hain। baap kehte hain - tumko teesra netra de sajja banaata hoon।

tum bachche jaante ho hamaara ab teesra netra khul raha hai। jaise baap mein saare srishti ke aadi-madhya-ant ka gyaan hai vaise ham jo unke bachche hain hamko bhi baba dvaara gyaan mila hai। goya ham master gyaan saagar ban rahe hain aur kisko master gyaan saagar nahin kahenge। parantu tumko bhi gyaan saagar nahin kahenge, tum gyaan nadiyaan ho। baaki aise nahin arjun ne teer maara aur ganga nikal aai, na hi gau ke mukh se paani nikal aata hai। vahaan ganga kahaan se aayegi। kahaan tum do bhuja vaale, kahaan woh jagat amba ko 4-6 bhujaayen de dete hain। tum bachchon ko bahut kuchh samjhaana hai। kai bachche kehte hain ki baba ki yaad nahin rehti hai, apne ko aatma nahin samajhte, ghadi-ghadi bhool jaate hain। baap ko yaad nahin karenge to varsa kaise milega। baba kehte hain nirantar mujhe yaad karo to usi yogbal se tumhaare vikarma vinaash honge। yaad nahin karenge to mama-baba ke takhtansheen kaise banenge। unko kapoot kaha jaayega।

sapoot bachche to baap ko nirantar yaad karne ka khoob purushaartha karte rahenge। ant tak karna hi hai। baap ko jitna yaad karenge utna tumhaari kamaai hai। apna chart rakho। jo ote so arjun। unhein hi vaaris kaha jaata hai। achha!

meethe-meethe sikeeldhe roohaani bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) eeshvareey mat par ek do ko sukh dena hai। kisi ko bhi duhkh nahin dena hai। baap samaan sukhdaata banna hai।

2) in shareeron se moh nikaal nashtomoha banna hai। sapoot bachcha ban nirantar baap ko yaad karne ka purushaartha karna hai।

vardaan:- hans aasan par baith har kaarya karne vaale saphalta moorta vishesh aatma bhav

jo bachche hans aasan par baithkar har kaarya karte hain unki nirnay shakti shreshtha ho jaati hai isliye jo bhi kaarya karenge usmein visheshta samaai hui hogi। jaise kursi par baithkar kaarya karte ho vaise buddhi is hans aasan par rahe to laukik kaarya se bhi aatmaon ko sneh aur shakti milti rahegi। har kaarya sahaj hi saphal hota rahega। to svayan ko hans aasan par viraajmaan vishesh aatma samajh koi bhi kaarya karo aur saphaltaamoorta bano।

slogan:- svabhaav ke takkar se bachne ke liye apni buddhi, drishti va vaani ko saral bana do।