बुधवार 17 मई 2023 की दैनिक मुरली

17-05-2023 praatahmurli om shanti "baapdaada"' madhuban

“meethe bachche - svayan ki sambhaal karne ke liye roz do baar gyaan snaan karo। maaya tumse bhoolen karaati, baap tumko abhul banaate''

prashn:- kis nishchay va purushaartha ke aadhaar par baap ki poori madad milti hai?

uttar:- pahle pakka nishchay ho ki mera to ek shivbaaba doosra na koi। saath-saath poori bali chadhe arthaat trustee ban pyaar se seva kare। to aise bachche ko baap ki poori poori madad milti hai।

geet:- humein un raahon par chalna hai…

om shanti। geet mein yeh kaun kehte hain? parampita param aatma, gyaan ka saagar kehte hain - bachche, ham tumhein abhi jis raah par chala rahe hain va maaya par jeet paane ki jo mat athva raay de rahe hain, usmein yeh to hoga hi - koi girenge to koi uthte va sambhalte rahenge। surjeet aur moorchhit hote rahenge। surjeet hone liye yeh sanjeevni booti hai। parampita paramatma ki hai gyaan booti। raamaayan mein bhi kahaani hai na ki raam aur raavan ki yuddha hui, lakshman moorchhit ho gaya, hanoomaan sanjeevni booti le aaya। ab vaastav mein raamaayan to peechhe baith banaaya hai। aisi koi baaten hain nahin, na koi manushyon ki banaai hui geeta bhagwan ne baith gaai hai। baap to gyaan ka saagar hai। kiska gyaan? srishti ke aadi-madhya-ant ka gyaan dete hain। jiska hi manushyon ne geeta shaastra banaaya hai, us par naam rakh diya hai shreekrishna ka। jaise baap ki jeevan kahaani mein agar koi bachche ka naam likh de to kya hoga! vaise hi shivbaaba ne janma diya geeta ko, us geeta mein shreekrishna ka naam daal diya hai isliye anartha ho gaya hai। geeta khandan hone se sabhi manushya aatmaon ka buddhiyog paramatma se toot gaya hai। to manushya pavitra kaise banen! is yog agni se hi ham pavitra bante hain, na ki gangaajal se। baba hai gyaan ka saagar। gyaan amrit se manushya ko devta banaate hain। baaki amrit paani ko nahin kaha jaata hai। yeh hai padhaai। padhaai maana knowledge। yeh shaastra to bhaaratvaasiyon ne dvaapar se banaaye hain। manushya kehte hain shaastra anaadi hain। ham kehte hain drama hi anaadi hai। parantu aise nahin ki yeh koi shaastra satayug se shuru hue hain। yeh sab anaadi hai maana drama mein noondh hai। dvaapar se lekar manushya likhte hi aaye hain। ab behad ke baap ne apni saari jeevan kahaani bataai hai। kehte hain satayug treta mein mera part nahin hai। srishti drama anusaar chalti rehti hai। mera bhi drama ke andar part noondha hua hai। main drama ke bandhan mein baandha hua hoon। satayug-treta mein mera part nahin hai। jaise Christ, buddha aadi ka satayug-treta mein part nahin hai। sab aatmaayen muktidhaam mein rehti hain। aise nahin, devi-devtaaon ki bhi sab aatmaayen us samay aa jaati hain। nahin, ve bhi dheere-dheere nambarvaar aati hain। phir satopradhaan se badal sato, rajo, tamo stages mein aati hain। phir sooryavanshi hi chandravanshi bante hain phir vriddhi hoti jaati hai। yeh poora raaz samajhna hai।

tum jaante ho jo adhoora pavitra banenge unhein raajya bhi adhoora milega। jo gyaan-yog mein teekhe jaayenge ve hi pahle raaze banenge। yeh raajdhaani ban rahi hai। poora purushaartha karna hai। shivbaaba samjhaate hain - tumko heere samaan banna hai। main gyaan ka saagar, shanti ka saagar hoon। tumko phir master gyaan saagar banna pade। shanti ka arth ek do se ladna nahin hai। sanyaasi samajhte hain praanaayaam chadha den, yahaan aise nahin hai। baba rassi kheench lete hain। chhoti bachchiyon ki bhi baba rassi kheench lete hain to dhyaan mein chali jaati hain। isko kaha jaata hai eeshvareey vardaan। bhakti mein bhi saakshaatkaar hota hai। yeh divya drishti dena baap ke sivaae aur kiski taakat nahin hai। ab to baap sammukh hai, kehte hain bhakton ke paas bhagwan ko aana padta hai - maaya ki janjeeron se liberate karne। baba kehte hain - main jaanta hoon, yeh maaya ki yuddha hai, kabhi chadhenge, kabhi girenge। yog tootta hai to mansa, vaacha, karmana mein bhi bhoolen hoti hain। pareeksha sab par aati hai। kuchh bhi maaya ka vaar na ho, phir to shareer hi chhoot jaae। sampoorn koi bana nahin hai। yeh ghuddaud hai। raajasva ashvamedh yagya kehte hain। raajaai ke liye ashva yaani rath ko shivbaaba par bali chadhaana hai arthaat bachcha ban poori seva karni hai। trustee ban phir purushaartha karna hai to madad bhi milegi। pakka nishchay chaahiye - mera to ek shivbaaba doosra na koi। marna to sabko hai।

parampita paramatma jo ki baap-teacher-satguru hai, unse apna varsa lene ka har ek ko hak hai। sabki vaanaprastha avastha hai। sabko ikattha marna hai। jab aaphten aati hain to sab ikatthe marte hain na। thode bahut gole girenge to makaan toot padenge। to abhi sabka maut hai, isliye bachchon ko bhi kamaai karaao। yeh hai sachchi kamaai। jo karega so paayega। aise nahin, baap kamaai karega to bachchon ko mil jaayegi। nahin। bachchon ko bhi yeh sachchi kamaai karaani hai। yeh hain samajhne ki baaten। ismen parhej bahut chaahiye। ham devta ban rahe hain to koi ashuddha vastu kha nahin sakte hain। koi samajhte hain machhli khaane mein paap nahin hai, braahmanon ko bhi khilaate hain। sab rasma-rivaaj hi ulta ho gaya hai। baap kehte hain bilkul pavitra banna hai। pahle gyaan chita par baithna hai। mansa mein vikalpa kitne bhi aayen parantu karmendriyon se koi bhi vikarma nahin karna। jab tum baba ke bante ho to maaya ki yuddha shuru ho jaati hai। praja banne vaalon se maaya itna takkar nahin khaati hai। maaya-jeet jagat-jeet banna hai। praja jagat-jeet nahin banti hai। jagat-jeet maana sooryavanshi-chandravanshi banna। mehnat kar 3-4 varsha pavitra rah phir thappad kha lete hain। phir chitthi likhte hain - baba maaph karna। yahaan kaayde bhi hain। bachcha bana to saare jeevan ke paap bhi likhne pade - dharmaraaj shivbaaba, is janma mein mainne yeh-yeh paap kiye hain to aadha maaph ho jaata hai। yeh bhi law hai। aage judge ke aage sach bolte the to saja kam ho jaati thi। bhool karke likhe nahin to 100 guna danda ho jaata। bachchon ke liye bahut parhej hai। baahar vaalon ke liye itni nahin hai isliye darte hain। behad ka baap athva saajan jo saubhaagyashaali banaate hain unke bante nahin। bhoolen to hoti hain parantu aakhreen abhul zaroor banna hai। yahaan bahut parhej rakhni hai। samartha ka haath pakda hai to baap sambhaal bhi karenge। sautele bachchon ki thode-hi karenge। sage bahut thode hain to bhi kitne bachche hain jo baba ko chitthi likhte hain। kitni post roz aati hai। baap ka to ek haath hai, harek likhe mujhe alag patra likho... abhi to bahut vriddhi hogi। itni bag post ki aur koi ki nahin nikalti hogi। yeh hai hi gupta government। underground hai। religiopolitical hai। koi hathiyaar aadi nahin hai। manzil oonchi hai। chadhe to chaakhe... gire to raajaai ganvaae praja ban jaate hain। samjha।

tum bachche jaante ho bhaarat jo heere misal tha woh kaudi misal ban gaya hai। abhi to tum kahenge ham narkavaasi se svargavaasi banne ka purushaartha karte hain। ham sada saubhaagyashaali banne aaye hain। baba patit se paavan bana rahe hain। phir yeh raavan raajya neeche chala jaayega। yeh chakra phirta hai na। raavan raajya neeche to raam raajya oopar aa jaayega। apne ko bahut sambhaalna bhi hai। sambhaal vahi sakenge jo roz gyaan-snaan karenge। royal manushya din mein do baari snaan karte hain। yeh bhi amritvele aur numaashaam do baari gyaan-snaan zaroor karna chaahiye। ek baari ek ghanta padhkar phir doosra baari murli ko revise zaroor karna hai। dhaarna karni aur karaani hai। bachchon ko, stri ko bhi sachchi kamaai karaani hai। 21 janmon ka raajya-bhaagya lena koi maasi ka ghar nahin hai। samjha jaata hai kaun-kaun teekha purushaartha karte hain। beemaar ho to doli mein bithaakar le aana chaahiye। gyaan-amrit mukh mein ho tab praan tan se niklen। andha-bahera koi bhi kamaai kar sakta hai। gyaan to bada sahaj hai। baap se varsa lena hai। ek hi baar baap sammukh aakar baadshaahi dete hain। bachche sukhi hue to baap vaanaprastha mein chale jaate hain। behad ka baap sabko sukhi kar khud paramdham mein jaae baith jaate hain। phir aatmaayen nambarvaar vahaan se aati rehti hain। koi ko bhejte nahin hain। yeh kahne mein aata hai lekin yeh automatically drama chalta rehta hai। apne time par dharma sthaapan karne aana hi hai। tum jaante ho ham brahma vanshi brahman hain। shiv vanshi to saari duniya hai। phir jismaani baap ho gaya brahma। brahma ke bachche ham bhaai-behen thahre। abhi ham hain eeshvareey dharma ke। satayug mein honge devi-devta dharma ke। ab eeshvar ke paas janma liya hai। abhi ham unke ban gaye hain। manushya rachta ko na jaanne kaaran, rachna ke aadi-madhya-ant ko bhi nahin jaante hain। unko kaha jaata hai naastik, kaudi tulya। barobar abhi ham aastik bane hain to ham heere tulya ban jaate hain। rachta aur rachna ko jaanne se hamko raajaai milti hai। baba hamko worth pound banaate hain to banna chaahiye na। sachkhanda ka baadshaah, sachkhanda ka maalik bana raha hai। chamdaaposh kaha jaata hai। ek khuda dosta ki kahaani bhi hai। to ab woh khuda hamaara dosta hai। khuda dosta, allaah avaldeen aur haatamtaai ka khel saara abhi ka hai। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sachchi kamaai karni aur sabko karaani hai। pareekshaayen va toofaan aate bhi karmendriyon se koi bhool nahin karni hai। maaya-jeet jagat-jeet banna hai।

2) devta banne ke liye khaan-paan ki poori parhej rakhni hai। koi bhi ashuddha vastu nahin khaani hai। do baari gyaan snaan zaroor karna hai।

vardaan:- ek bal ek bharose ke aadhaar se saphalta praapta karne vaale master sarvashaktimaan bhav

jo sachchi lagan vaale bachche ek bal ek bharose ke aadhaar se chalte hain unhein sada saphalta milti rahi hai aur milti rahegi kyonki sachchi lagan vighnon ko sahaj hi samaapta kar deti hai। jahaan sarvashaktimaan baap ka saath hai, us par poora bharosa hai vahaan chhoti-chhoti baaten aise samaapta ho jaati hain jaise kuchh thi hi nahin। asambhav bhi sambhav ho jaata hai। makkhan se baal samaan sab baaten siddha ho jaati hain। to aise apne ko master sarvashaktimaan samajh saphalta swaroop bante chalo।

slogan:- naynon mein pavitrata ki jhalak ho aur mukh par pavitrata ki muskaraahat ho - yahi shreshtha personality hai।