सोमवार 5 जून 2023 की दैनिक मुरली

05-06-2023 praatahmurli om shanti "baapdaada"' madhuban

“meethe bachche - is samay tum sabki vaanaprastha avastha hai, tumhein vaani se pare ab vaapis ghar chalna hai, isliye baap ko yaad karo''

prashn:- 21 janma sukh milne ka aadhaar kya hai?

uttar:- 63 janmon ki bhakti। jinhonne pahle-pahle satopradhaan bhakti ki hai arthaat jo puraane anek janma ke bhakta hain vahi ab gyaan lete hain, unhein hi 21 janmon ka sukh praapta hota hai। abhi tumhaara bhakti ka part poora hua। bhagwan tumhein bhakti ka phal dene aaye hain। bhakta, bhagwan nahin ho sakte।

geet:- maata O maata tu hai sabki bhaagya vidhaata…

om shanti। bachchon ne maata ki mahima suni। ab maata ko to bhagwan nahin kaha ja sakta kyonki bhagwan ko to pita kaha jaata hai - parampita। ab pita hai to maata bhi zaroor hai। maata ko bahut maanne vaale hain। maata hai to pita bhi hai। maata apne ko bhagwan kah na sake। yeh point dhaaran karne ki hai। jagat amba ki kitni mahima hai! aise nahin kahenge ki bhagwan va baap sarvavyaapi hai। nahin, jab maat-pita kaha jaata hai to bachche bhi hain। agar sarvavyaapi hai, phir to sab bhagwan hain। phir to bhagavti bhi ho nahin sakti। sarvavyaapi ke gyaan mein bhagavti to rahi nahin। sabhi bhagwan hain to aatma hi pita ho gai। maata to rahi nahin। yeh badi achhi samjhaane ki baat hai। tum jaante ho - koi bhi aatma apne ko bhagwan kah nahin sakti। bhakta kahen - ham bhagwan hain to phir maata siddha ho nahin sakti। aur phir bhakta to punarjanma lete hain। bhagwan to punarjanma le nahin sakta। aise to nahin bhagwan ko apna shareer hai। to is sarvavyaapi ki baat par achhi reeti samjhaana hai। bhakton ke liye bhagwan chaahiye na। anek bhakta hain, brothers aur sisters - sabhi bhakta hain। aatma kehti hai - is samay main bhakti cult mein hoon। phir aatma kahegi ab mujhe baap mila hai, to main gyaan mein hoon। aatma hi gyaan sunti hai। bhakta to punarjanma lete hain, bhagwan to punarjanma le nahin sakte। yeh inka shareer nahin hai। yeh to sabhi jaante hain - paanch tatvon ka shareer lekar bhagwan ko janma nahin lena hai, woh to parkaaya pravesh karte hain। yeh brahma-vishnu-shankar bhi sookshm vatan vaasi hain। to har ek baat achhi reeti buddhi mein bithaani hai। aatma kehti hain main ek puraana shareer chhod doosre mein pravesh karti hoon। puraana shareer chhota hai va bada hai, ek chhod doosra leti hoon। yahaan to achaanak bhi chhote va bade ka shareer chhoot jaata hai। parantu vahaan to poori aayu hone par samajhte hain ab puraana shareer chhod naya lena hai। to yeh gyaan aatma mein hai na। aatma punarjanma leti hai। paramatma ke liye to nahin kahenge। brahma-vishnu-shankar ko bhi paramatma nahin kahenge। ve bhi sookshm vatan vaasi hain। baba to mool vatan vaasi hain। aur koi nahin samajhte ki paramatma mool vatan, nirvaandhaam mein rahne vaale hain। nirvaandhaam arthaat woh vaani se pare dhaam hai isliye vaanaprastha naam pada hai। vaani se pare avastha mein jaane ke liye 60 varsha ki umra ke baad jab boodhe hote hain to vaanaprastha lete hain। yahaan to tum chhote-bade sab samajhte ho ki ham vaanaprasthi hain। aatma kehti hai - mujhe vaani se pare sthaan mein jaana hai। aatma ko mel kaha jaata hai। jab shareer mein aati hai tab aatma kehti hai - is samay mujhe mel athva female ka tan mila hai। to aatma ko ab vaanaprastha mein jaane ka purushaartha karna hai। aatma ko mel kaha jaata hai। maataayen kabhi vaanaprastha nahin leti। parantu yahaan baap samjhaate hain - aatma to mel hai। tum sabhi aatmaon ki vaanaprastha avastha hai। ab sabko vaapis jaana hai। main tum sabko vaapis le jaane ke liye aaya hoon isliye ab mujhe yaad karo to mere dhaam mein aa jaayenge। yeh koi manushya kah na sake। supreme rooh baap hi kehte hain। sannyaasi-udaasi aise bachche-bachche kah baat kar nahin sakenge। baap ka gyaan kismen hai nahin। poochho bhagwan kahaan hai? to kahenge sarvavyaapi hai। goya bhagwan ka gyaan koi mein hai nahin isliye bhakti karte hain bhagwan se milne ke liye। parantu kaise aur kab milenge? yeh kisko pata nahin hai। baap kehte hain koton mein koi mujhe pahchaante hain। manushya to sarson misal athaah hain। inmen koi jo sikeeldhe hain vahi aakar mujhe pahchaanenge aur baap se apna varsa lenge। tum samjha sakte ho ki is samay sabhi bhakta hain। chaahte hain ki ham bhagwan se bhakti ka phal leven। agar tum sab bhagwan ho to phir bhakta to koi ho na sake। agar tum bhagwan ho to baaki tumko kya chaahiye? bhakton ko phir milna hai bhagwan se। apne ko bhagwan kehna - yeh to ek insult hai, isse badi insult koi hoti nahin। allaah se to ham bahishta ka varsa lena chaahte hain। tum kehte ho - ham allaah hain! ab tum hi judge karo। tumko koi kahe - ham allaah hain, yeh kaise ho sakta? allaah to sabse bada hai। yeh bahut samajhne ki baaten hain। kabhi bhi koi apne ko allaah va bhagwan kah na sake। baap sabka ek hoga। aise bahut kehte hain paramatma sarvavyaapi hai। are, tum bhagwan ho, ham to nahin maante। ham to bhakta hain। aashik hain us maashuk ke। ek paramatma ko hi patit paavan kaha jaata hai।

tum samjha sakte ho ki tumhaare bade to kehte rahe rachayita aur rachna beanta hai। tum phir apne ko rachayita kaise kehte ho? beej beanta ho nahin sakta। jhaad ko beanta kehte hain। itne patte aadi gin nahin sakte। ek beej se kitni taal-taaliyaan, patte aadi nikalte hain। tum ho chaitanya, bolte-chaalte ho। sabse badi mahima manushya ki hoti hai। baap kehte hain main aakar bachchon ko saare drama ka raaz samjhaata hoon। yeh bana-banaaya drama hai na। drama ke oopar chalte rehna hai। tum baap ke bachche svadarshan chakradhaari bante ho, parampita paramatma dvaara kyonki woh bhi svadarshan chakradhaari hai। tum aatmaon ko baith aap samaan banaate hain। tum srishti ke aadi, madhya, ant ko jaante ho। tum nai duniya ke liye, naye dharma ki sthaapna ke liye nai baaten sunte ho - parampita paramatma se, jo srishti ko bhi paavan banaate hain। tumko bhi naya banaate hain। nai srishti mein phir naya jamaana svarga ka hoga, abhi to narka ka jamaana hai। tum narka ke jamaane mein ho। abhi parampita paramatma hi aakar tumko svadarshan chakradhaari banaate hain। yeh harek baaten nai hain, dhaaran karne laayak hain। parantu dhaarna sabhi ko nahin hoti। dhaarna hone se khushi ka nasha rehta hai। grihastha vyavhaar mein rehte isi nashe mein rehna hai। stri athva purush - harek ko svadarshan chakradhaari yahaan hi banna hai। baaki bhujaayen to har ek ko do hi hain। manushya jo 84 janma lete hain, unko 4 bhujaayen to ho nahin sakti। tum aise kabhi nahin sunenge ki shankar ko 100 ya 1000 bhujaayen hain। brahma ko bhujaayen dikhaai hain। chaar bhuja vaale brahma ke paas gaya, hajaar bhuja vaale paas gaya। brahma ki santaan vriddhi ko paate rehte hain। to kitni bhujaayen ho jaayengi? prajaapita hai na। srishti rachi hai to barobar baahen hain। baaki manushya koi 4-6 bhuja vaale hote nahin hain। sookshm vatan mein to kuchh hai nahin। yeh sab baap baith samjhaate hain। kehte hain isne (daada ne) bhi bahut shaastra padhe, guru kiye hain। woh hai bhakti maarga। tumhaara bhakti ka part poora hua। tum all-rounder ho। shuru se lekar tumne sabse jaasti bhakti ki hai। bhakta to is samay bahut hain। tum to thode bachche ho। baba kehte hain - main tumko saakshaatkaar karaata hoon। kai bhakta yaad karte hain, unko bhi saakshaatkaar karaata hoon। tumne hi satopradhaan bhakti ki hai, to zaroor tumne hi jaasti janma liye hain। 63 janma tumne bhakti ki hai। uski evaz 21 janma tumko sukh milta hai। kitni samajhne ki baaten hain isliye naye jo aate hain unse form bharaaya jaata hai। form bada achha hai - tumhaara guru kaun? guru kiya to zaroor bhakta thahra na। tumheen bhagwan ho to guru kyon kiya? bhagwan, bhagwan ko guru kaise banaayega! bhakta bhagwan se milne liye guru karenge। tum bhagwan khud hi ho। baaki guru se kya banenge? bada yukti se, ramajbaaji se samjhaana hai। roz nai-nai baaten samjhaate hain। malla yuddha mein bada yukti se ladte hain। kahaan se phalaane ko angoori lagaaoon, teer maaroon।

manushyon ne aadi dev brahma ko mahaaveer kah munjha diya hai। koi mahaaveer ko hanoomaan kehte, kyonki hanoomaan ne mahaaveerta dikhaai hai। kahaan woh mahaaveer phir unka naam pavan poot rakha hai। aadi dev to brahma hai, aur manushya hai। jagat amba bhi manushya hai। itni bhujaayen aadi kahaan hai! maata ko itni bhujaayen hon to hamko bhi honi chaahiye। wonderful baaten hain! aise nahin, sabhi dhaaran kar gyaan ke us nashe mein rehte hain। nambarvaar hain। un satsangon mein koi aisi baat nahin rehti। yeh to school hai। nambarvaar bachche hain। koi ko maaya ka toofaan aaya aur yeh gira isliye braahmanon ki maala nahin ban sakti hai। final jab banenge to usko roodra maala kahenge। tum roodra shivbaaba ki santaan ho। roodra yagya rachte hain to roodra ka chitra bada banaate hain। baaki chhote-chhote saaleegraam banaakar pooja karte hain। baap baith guhya baaten sunaate hain। jo serviceable bachche honge unko achhi reeti dhaarna hogi aur samjha sakenge। yeh to bada sahaj hai। ham aatma hain। kehte hain brotherhood hain। aatmaayen sab bhaai-bhaai hain। bhaai-bhaai kah phir aapas mein ladte hain। jab kehte ho brotherhood hai, phir fatherhood kaise kehte ho? sab eeshvar kaise kehte ho? sab bhagwan bhaai-bhaai kaise ho sakte hain? woh to sab aatmaon ka behad ka baap hai। kitni sahaj baaten hain।

tum jaante ho brahma dvaara nai duniya ki sthaapna hoti hai। phir aahiste-aahiste badhti hai। ek se do, do se chaar hote hain। aise vriddhi ko paate rehte hain। barobar prajaapita brahma hai to zaroor nai srishti rachta hoga na। jagatpita, woh hai rachne vaala। tumko racha hai। prajaapita brahma dvaara nai praja ki rachna rachte hain arthaat puraani ko naya banaate hain। manushya phir samajhte hain saagar mein peepal ke patte par aaya। achha, usko phir kisne racha? yeh baap baith samjhaate hain ki nai praja kaise rachte hain? vahaan svarga mein garbha mein jaise ki ksheersaagar mein aaraam se baithe hain। us samay koi gyaan nahin rehta। shaastron mein to kaisi baaten likh di hain! pralay bhi badi aur chhoti dikhaate hain। woh kehte hain pralay hoti hai। baap kehte hain pralay kabhi hoti nahin। main aata hoon brahma dvaara bhaarat ko patit se paavan banaane। patit duniya mein mujhe aana padta hai। tum jaante ho kalpa-kalpa ham bachche baap dvaara bhaarat ko patit se paavan banaate hain। ek-ek ko bhoon-bhoon karte hain। sab vikaari patit hain। baap hai patit-paavan, un dvaara ham bhi khudaai khidmadgaar bante hain। ham bhi paavan bante hain aur banaate hain। achha!

maat-pita baapdaada ka meethe-meethe sikeeldhe bachchon prati yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is bane banaaye drama par chalte rehna hai। gyaan ka simran kar svadarshan chakradhaari banna hai। sada khushi mein rehna hai।

2) bhakton ko bhagwan ka satya parichay dena hai। bhatakne se chhudaana hai। brahma ki madadgaar bhuja ban khudaai khidmatgaar banna hai।

vardaan:- apne shubh bhaavna ke sankalp se har aatma mein utsaah bharne vaale sachche sevaadhaari bhav

aap bachchon ki shubh bhaavna hai ki har aatma baap se praapti ki anchali le leve, isi shubh bhaavna ka phal un aatmaon ko anubhav karne ka bal milta hai। shubh bhaavna ke sankalp mein bahut badi shakti hai jo chaaron or ke vaataavran ko badal deti hai। to sachche sevaadhaari woh hain jo svayan bhi utsaah mein rehte hain aur seva bhi utsaah se karte hain aur anya aatmaon mein bhi baap ke parichay dvaara utsaah bharte hain। utsaah aisi cheez hai jo uske aage paristhiti kuchh bhi nahin hai, woh vaar karne ke bajaae balihaar ho jaati hai।

slogan:- baapdaada se atoot pyaar ho to eeshvareey maryaadaaon par chalna sahaj anubhav karenge।