मंगलवार 13 जून 2023 की दैनिक मुरली

13-06-2023 praatahmurli om shanti "baapdaada"' madhuban

“meethe bachche - grihastha vyavhaar sambhaalte hue padhaai ka course uthaao, yeh devi-devta banne ka college hai, tumhein bhagwan-bhagavti (devi-devta) banna hai''

prashn:- shivbaaba ki balihaari kis karttavya ke kaaran gaai hui hai?

uttar:- shivbaaba sabhi bachchon ko worth not penny se worth pound banaate hain। tamopradhaan se satopradhaan, patit se paavan banaate hain isliye unki balihaari gaai jaati hai। agar shivbaaba na aate to ham bachche kisi kaam ke nahin the। gareeb-nivaaz baap aaye hain gareeb kanyaaon-maataaon ko daaseepne se chhudaane, isliye gareeb-nivaaz kahkar baap ki balihaari gaate hain।

geet:- maata O maata…

om shanti। bachchon ne apne maa ki mahima suni। yoon to har ek ko apni maa hai। yeh phir hai jagdamba। tum to jaante ho yeh kiski mahima hai। jagat amba ka kitna bada mela lagta hai। jagat amba kaun hai - yeh koi nahin jaante। parampita athva brahma-vishnu-shankar athva lakshmi-naaraayan aadi jo sabse oonch hain unhon ki jeevan kahaani koi manushya maatra nahin jaante। abhi tum jaante ho jagat amba hai brahmaakumaari sarasvati। jagat-amba ko jitni bhujaayen aadi dikhaai hain woh to hain nahin। deviyon ko bhujaayen dete hain। vaastav mein bhuja to manushya ko do hoti hain। parampita paramatma niraakaar hai। baaki manushya ki hain do bhujaayen। svarga ke lakshmi-naaraayan ki bhi do bhujaayen hain। sookshm vatan mein to brahma, vishnu, shankar hain। pravritti maarga hone kaaran chaturbhuj dikhaaya gaya hai। sookshm vatan mein bhi mama-baba hain। vishnu ka bhi saakshaatkaar hota hai। do bhujaayen lakshmi ki, do bhujaayen naaraayan ki। baaki manushya ko koi chaar bhujaayen hoti nahin। yeh to sirf samjhaane ke liye vishnu ko 4 bhujaayen dikhaai hain। deviyon ko itni bhujaayen dete hain। woh hain nahin। sarasvati, kaali aadi-aadi anek chitra banaaye hain। vaastav mein hai kuchh nahin। yeh sab bhakti maarga ke alankaar hai। abhi tum bhakta nahin ho। tum ho god fatherly student। padhaai padh rahe ho। bhagwan aakar bhakton ko bhakti ka phal dete hain। bhakta to hain andhashraddha vaale। sabke chitra rakhte rahenge। shreekrishna ka bhi rakhenge, lakshmi-naaraayan ka bhi rakhenge, raam-seeta ka bhi rakhenge। guru naanak aadi ka bhi rakhenge। chon chon ka murabba hota hai na। occupation koi ka bhi jaante nahin। maaloom hona chaahiye ki inhon ko ham kyon poojte hain? bhala unmein oonch te oonch kaun hain? bhakton mein mukhya shiromni bhakta naarad dikhaaya hai aur females mein shiromni bhakta rakha hai meera ko। kahaani likhi hai - jab lakshmi ka svayanvar hota tha....। ab svayanvar to satayug mein hota hai। yeh hai narka। yeh sab drishtaanta banaaye jaate hain। vaastav mein koi ek ki baat nahin hai। is samay ke sab mel-females dropdiyaan aur duryodhan hain। dropdiyaan pukaarti hain - he bhagwan, nangan hone se bachaao। chitron mein dikhaate hain bhagwan saadiyaan dete jaate hain। kehte hain 21 janma nangan hone se bachaaya। abhi baap aaya hai - sab dropdiyon ki raksha karne। shreemat par chalenge to 21 janma kabhi nangan nahin honge। woh hai sampoorn nirvikaari duniya। poochhte hain - baba, ham lakshmi ko var sakenge? baap kehte hain dil darpan mein dekho ki ham laayak hain? is samay har ek manushya-maatra mein 5 vikaar pravesh hain। bhaarat mein sampoorn nirvikaari devi-devtaayen the। abhi to sampoorn vikaari hain। satayug mein ek bachcha hota hai, so bhi yogbal se। pahle se saakshaatkaar hota hai। jaise tum saakshaatkaar karte ho - ham prince-princess banenge। prince-princess ka aapas mein raas ka bhi saakshaatkaar hota hai ki ham bhavishya mein aise shreekrishna ke saath raas karenge। baba ne samjhaaya hai - itni bhujaaon vaali deviyaan hoti nahin। lakshmi-naaraayan ko do bhujaayen hain। unko vishnu ka avtaar kaha jaata hai। vishnu dynasty.... unko mahaalakshmi va naaraayan kehte hain। nar-naaraayan ke mandir mein chaturbhuj roop dikhaate hain। mahaalakshmi ka bhi dikhaate hain। lakshmi ko jagat amba nahin kahenge। lakshmi koi brahmaakumaari nahin hai। brahmaakumaari yahaan hai। sarasvati bhi gaai hui hai - brahma ki mukh vanshaavli sarasvati। brahmaakumaari sarasvati ko jagat-amba kaha jaata hai। barobar tum jaante ho prajaapita ke mukh vanshaavli ham hain। ek hain kaliyugi brahman, doosre tum ho sangamayugi brahman। woh brahman hain jismaani yaatra karaane vaale kukh vanshaavli, tum bane ho mukh vanshaavli। tum roohaani yaatra karaane vaale ho। tum sab brahma mukh vanshaavli jaakar manushya se devta bante ho। inmen mukhya hai mama, jiski itni mahima hai। woh hai svarga ki sab manokaamnaayen poorn karne vaali। tum bhi unki santaan thahre। jagat amba raajayog sikhaati hai, jisse 21 janma svarga ke maalik bante ho isliye unka gaayan hai shiv shakti sena। lakshmi hai mahaaraani, unko ek bachcha hota hai। prajaapita brahma aur jagat amba ko kitne dher ke dher bachche hain। to jagat amba ko do bhujaayen hain। vaise hi lakshmi-naaraayan ko bhi do bhuja hain। chitron mein bahut hangaama kar diya hai। naaraayan ko kaala, lakshmi ko gora bana dete hain। aise to ho nahin sakta - naaraayan saanvara ho aur lakshmi gori ho va shreekrishna saanvara ho aur raadhe gori ho। baap baith samjhaate hain - is samay sab saanvare hain। tum svarga mein pavitra the to gore the। phir kaam chita par baithne se kaale ho gaye ho। shreekrishna ko shyaam-sundar kehte hain। sundar hain satayug-treta mein phir 84 janma bhogte-bhogte ant mein aakar shyaam bane hain। shreekrishna ki aatma punarjanma leti rehti hai। phir woh naam thode-hi rehta hai। is samay woh aatma tamopradhaan avastha mein hai। satayug aadi mein hain devi-devtaayen। vahi 84 janma lenge। yeh hai 84 janmon ka chakra।

tum bachchon ne mama ki mahima suni। mama ki mahima alag, lakshmi ki mahima alag hai। chitra kaise-kaise banaaye hain। kaali ki aisi jeebh dikhaate hain। aisa to koi manushya hota nahin। sookshm vatan mein bhi aisi kaali to hai nahin। brahma, vishnu, shankar hain। vishnu to hai hi yugal। brahma-sarasvati ko bhi tum sookshm vatan mein dikhaate ho। phir kaali bhayankar kahaan se aai। kaali ka roop bada bhayaanak dikhaate hain। aisi koi shakti thode hi hogi - violence (hinsa) karne vaali। har ek baat ke liye baap samjhaate rehte hain। kisma-kisma ke chitra hain। parantu manushya to manushya hi hote hain। sookshm vatan mein hain brahma-vishna-shankar.... uske oopar mool vatan, jahaan shiv aur saaligraam rehte hain। bas aur kuchh bhi nahin hai। baaki sab itne chitra aadi bhakti maarga ki saamagri hai। satayug-treta mein yeh hoti nahin। gyaan aur bhakti - gyaan arthaat din, bhakti arthaat raat। brahma ka din gyaan aur brahma ki raat bhakti। satayug-treta hai din, dvaapar kaliyug hai raat। ab hai ghor andhiyaari raat। phir din hota hai। baap kehte hain mera janma sangam par hota hai। kaliyug ka ant ghor andhiyaara, satayug ka aadi ghor sojhra। sangam par hi aakar main tumko samjhaata hoon। ab itne jo bhakti-maarga mein chitra hain - mukhya hai patit-paavan shivbaaba। is samay sabhi manushya-maatra patit hain। yeh hai patit duniya। agar shivbaaba nahin aata to sab worth not A penny hote। balihaari shivbaaba ki jo patiton ko paavan banaate hain। is samay sab tamopradhaan patit hain, sab duhkhi hain। pahle paavan aatmaayen aati hain to satopradhaan hain, phir sato, rajo, tamo mein aana padta hai। har cheez ka aise hota hai। chhota bachcha bhi satopradhaan hota hai isliye kehte hain brahm gyaani aur baalak ek samaan hote hain। phir sato, rajo, tamo mein aana hi hai। phir change karna hi hai। tamopradhaan se satopradhaan banna hi hai। duniya bhi satopradhaan thi, ab tamopradhaan hai। tamopradhaan se satopradhaan baap bana sakte hain। baap ko na jaanne kaaran sabko yaad karte rehte hain। kitne chitra banaate rehte hain। parantu unmein bhi har ek ka koi mukhya devta zaroor hota hai। jaise baba ke paas bhi bahut chitra rehte the। unmein bhi mukhya shri naaraayan ka tha। sikkha dharma ka hoga to bhal shiv ka, lakshmi-naaraayan aadi ka rakha hoga to bhi gurunaanak ko adhik yaad karega। oonch te oonch bhagwan to ek hai। unki mahima bhi likhi hui hai। satnaam, karta purush, akaalmoorta... satayug aadi sat hai, hai bhi sat arthaat yeh jo chakra hai sat hai। phir yeh chakra zaroor lagaayenge। yeh sab baap baith samjhaate hain। bhaktimaarga mein gore shreekrishna ka mandir alag, saanvare shreekrishna ka mandir alag dikhaate hain। kahaan phir shiv ka bhi rakhte hain। lakshmi-naaraayan ka bhi rakhte hain। occupation ko to jaante nahin। baap aakar tum bachchon ko srishti chakra ke aadi-madhya-ant ka raaz samjhaakar, svadarshan chakradhaari banaae chakravarti raaja banaate hain। bhal tum sab ho grihasthi, phir bhi padhaai ka course uthaate ho। budhiyon se poochho - tum kahaan jaati ho? to kahenge - ham bhagwan ke college mein jaati hain। bhagvaanuvaach - ham tumko so devi-devta banaata hoon। bhagwan padhaate hain, bhagwan-bhagavti banaate hain। parantu aise nahin ki satayug mein koi bhagwan-bhagavti ka raajya kahenge। nahin, woh hai aadi sanaatan devi-devtaaon ka raajya। vilaayat vaale kehte hain lord krishna। American log jab dekhte hain ki ye devtaaon ke chitra hain to ek ka daam laakh do laakh de dete hain। praacheen cheez dekhte hain to laakh roopaya dene ko taiyaar ho jaate hain। to bhi dete nahin hain। puraani cheez hai na। puraani to 5 hajaar varsha ki baat hai। sabse puraane to devi-devtaaon ke chitra hue। bhaktimaarga mein kitne chitra banaate hain। bhaktimaarga jab shuru hota hai, tab somnaath ka mandir banaate hain। baap samjhaate hain bhaaratvaasi kitne saahookaar the, ab to bhaarat kitna narka ban gaya hai! bilkul bhikhaari kangaal ban gaye hain। aise bhaarat ki phir se history repeat honi chaahiye। tum bachchon ko saare behad ki history-geography ka pata hai। satayug mein devtaaon ko pata nahin hoga। yeh gyaan praayah lop ho jaata hai। vahaan koi patit hota nahin, jo gyaan diya jaaye। yeh gyaan praayah lop ho jaata hai। phir geeta kahaan se aai। woh sab bhaktimaarga ke shaastra bane hue hain। nai duniya ke liye nai knowledge chaahiye। islaami knowledge thi kya? ibraaham aaya to aakar islaam dharma sthaapan kiya, knowledge di। nai baat hui na। yahaan yeh geeta, raamaayan, bhaagvat aadi mein bahut jhoothe kalank lagaaye hain। baap kehte hain meri glaani number one karte hain - sarvavyaapi kah dete hain। jab aisi glaani hoti hai, bhaaratvaasi mahaan duhkhi ban jaate hain, tab main aata hoon। is samay sab patit hain। sabko saari vishwa ko paavan banaane main hi aata hoon isliye patit duniya ka vinaash karaae paavan duniya ki sthaapna karaata hoon। is puraani duniya ko bhool jaao। manmanaabhav। baap aur varse ko yaad karo। tum yeh raajayog seekhkar so devi-devta bante ho। yeh hai raajayog seekhne ki god fatherly university। itni badi college hai, hospital hai parantu tumko teen pair prithvi ke nahin milte! baap kehte hain main tumko saare vishwa ka maalik bana raha hoon। yeh hai hospital-kam-university। hospital se health aur university se wealth milti hai। baap kehte hain main padhaane aaya hoon, parantu teen pair prithvi ke nahin milte! main hoon gareeb nivaaj। kanyaayen maataayen bilkul gareeb hain, unke haath mein kuchh bhi nahin rehta hai। baap ka varsa bachchon ko milta hai। vaastav mein stri ko half partner kaha jaata hai। bhaarat mein hindu naari ko kehte hain - tumhaara pati, guru-eeshvar sab kuchh hai। parantu half partner ko aise thode hi kehte hain main guru eeshvar aur tum daasi ho। baap aakar daaseepne se chhudaate hain। pahle lakshmi phir naaraayan। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roohaani yaatra karni aur karaani hai। srishti chakra ka gyaan buddhi mein rakh svadarshan chakradhaari banna hai।

2) devi-devta banne ke liye is puraani duniya ko bhool baap aur varse ko yaad karna hai। nai knowledge padhni aur padhaani hai।

vardaan:- main-pan ke darvaaje ko banda kar maaya ko vidaai dene vaale nimitta aur nirmaanbhav

sevaadhaari agar seva karte kabhi yeh sankalp bhi uthaate hain ki mainne kiya, to yeh main-pan aana maana saare kiye hue kaarya par paani daal dena। sevaadhaari arthaat karaavanhaar baap kabhi nahin bhoole, woh kara rahe hain, ham nimitta ban kar rahe hain। jahaan nimitta bhaav hai vahaan nirmaan bhaav svatah hoga। nimitta hoon, nirmaan hoon to maaya aa nahin sakti। main-pan ke darvaaje ko banda kar do to maaya vidaai le legi।

slogan:- jo holeehans hain unki visheshta svachchhata hai, svachchha ban sabko svachchha banaana hi unki seva hai।