रविवार 18 जून 2023 की दैनिक मुरली

18-06-23 praatahmurli om shanti ''avyakt-baapdaada'' revise 18-01-95 madhuban

gyaan sarovar udghaatan ke shubh muhoorta par avyakt baapdaada ke madhur mahaavaakya (subah 11.00 baje)

aaj sneh sampanna divas par sneh ke saagar baapdaada apne ati snehi, sneh mein samaae hue lavleen bachchon se milne aae hain। sabke sneh ke geet baapdaada sunte rahe hain aur sunte rahenge। har ek bachche ka sneh baapdaada dekh, baap bhi geet gaate hain vaah mere snehi bachche vaah! bachchon ne bhi aaj ke samartha divas ko seva mein saakaar kiya hai aur karte rahenge। brahma baap bhi bachchon ke gun-gaan karte hain। lekin saakaar roop se avyakt roop mein aur sameep va saath ka vishesh anubhav kara rahe hain। kya bachchon ko aise lagta hai ki baap saath nahin hai? lagta hai? saath janma liya hai, saath sevaadhaari saathi rahe hain aur aage bhi saath-saath hain aur saath chalenge। brahma baap ko bhi akela achha nahin lagta। aap logon ko lagta hai akele hain? saath hain, saath rahenge, saath chalenge, saath-saath raajya karenge। shiv baap ko aaraam denge aur aapke saath brahma baap bhi raajya karenge। apna raajya yaad hai na? aaj sevaadhaari hain aur kal raajya adhikaari hain। apna raajya saamne dikhaai de raha hai na? apne raajya ka vo svarga ka sthaan, svarga ka divya shareer roopi chola sabke saamne spashta hai na। bas dhaaran kiya ki kiya। aise anubhav hota hai na? apna bhavishya spashta hai na? aaj vartamaan hai aur kal bhavishya vartamaan ho jaayega - nishchay hai na? pakka nishchay hai?

sab puraane-puraane pakke aae hain na। baapdaada ko bhi, vishesh brahma baap ko bhi khushi hai ki sthaapna ke ek hain aadi saathi ratna, jo saamne baithe hain aur doosre hain sthaapna ki vriddhi ke shreshtha ratna। to is sangathan mein brahma baap donon prakaar ke ratnon ko dekh harshit ho rahe hain। aur bachche bhi kitne umang-utsaah se, shareer ka bhi, salvation ka bhi khyaal na karte hue thandi-thandi havaaon mein pahunch gae। ye thandi havaaen aap bachchon se salaam karne aati hain। vaise bhi dekho jab raajya takhta par baithte hain to peechhe se kya hota hai? chanvar jhulaate hain na, to usse thandi-thandi havaaen to hoti hai। to ye thandi havaaen bhi chanvar jhulaane aati hain kyonki aap sab bhi oonche te oonchi vishesh aatmaaen ho। nasha hai na? to aaj brahma baap vishesh apne janma ke saathi aur seva ke saathi (seva ke nimitta pahle ratna aur janma ke samay ke pahle ratna) donon ko dekh-dekh harshit hote hain।

achha, yeh hall bhi raaj darbaar maaphik banaaya hai। (gyaan sarovar ka auditorium hall) raaj darbaar lagti hai to gallery mein baithte hain, to gallery vaale bhi achhe lag rahe hain। (hall mein sabhi bhaai baithe hain, maataayen sab baahar baithi hain) achha aaj to maataaon ke tyaag ka bhaagya unhon ko abhi mil hi jaaega। achhi tarah se tapasya kar hi rahi hain। tapasya ka phal mil jaaega। thandi-thandi hava aa rahi hai to dhoop bhi aa rahi hai। achha।

gyaan sarovar kahenge ya sneh ka sarovar kahenge? gyaan sarovar mein sneh ka sarovar achha hai। ye gyaan sarovar seva ka vishesh light house aur might house hai। is dharni se anek aatmaon ke bhaagya ka sitaara chamkega। anek aatmaaen apne bichhude hue baap se milan manaayengi। anek aatmaon ke duhkh door karne vaali dharni hai। sarovar mein aate hi sukh ki lahron mein lahraane ka anubhav karte rahenge। is gyaan sarovar dvaara teen prakaar ke log, teen prakaar ki praapti ke adhikaari banenge - koi varse ke adhikaari, koi vardaanon ke adhikaari aur koi sirf duaaon ke adhikaari। to teen prakaar ke praapti sampanna। ye shreshtha sarovar hai। saadhaaran aatmaaen aayengi aur farishta jeevan ka anubhav kar jaayengi। saath-saath anek brahman aatmaaen tapasya ke sookshm anubhootiyon dvaara avyakt paalna aur sookshm yog ke sahaj anubhav aur praaptiyon ka laabh lengi। kai brahman aatmaon ki shreshtha aashaayen sva unnati ki poorn hone ka saadhan bahut shreshtha hai। sthaan to common hai lekin sthiti shreshtha anubhav karaane vaala hai। vidhi-poorvak gyaan ke knowledge ko vishwa mein pratyaksha karne ka sthaan hai। aur sabse pahla phaayda to baap aur bachchon ke milne ka hai। dekho, double sankhya mein mil to rahe hain na! chaahe baahar baithe hain ya kahaan bhi rahe hain, double sankhya to hai na। to sabse pratyakshaphal bachchon ki sankhya double milan mana rahi hai। samjha? aise sarovar mein, sarovar banaane vaalon ko, sahayog dene vaalon ko, sankalp se himmat dilaane vaalon ko, sneh ke haathon se sarovar ko sampanna karne vaale desh videsh ke bachchon ko padmaguna mubaarak ho, mubaarak ho।

yeh pahla hi sthaan hai jismen chhote bachchon se lekar jo bhi brahman hain, unke sahayog ka tan-man-dhan laga hai। tan se eeten nahin bhi uthaai hain lekin tan se apne-apne saathiyon ko saathi banaaya hai, umang dilaaya hai to aise sneh, sahayog, shakti ki boond-boond se saja hua sarovar shreshtha saphalta ka anubhav karaata rahega। to sabhi sahayogiyon ko, kone-kone ke videsh, desh vaalon ko aur vishesh jinhonne thandi-thandi havaaon mein, baarish mein bhi himmat nahin haari hai, unhon ko vishesh mubaarak hai, mubaarak hai। baapdaada jaante hain bachchon ne thodi takleeph to uthaai lekin pyaar se uthaai hai। mohabbat mein mehnat ka anubhav nahin kiya hai aur jahaan himmat hai vahaan baapdaada ki padmaguna madad bhi hai hi isliye baapdaada massage karte rahe hain, karte rahenge। achha, yahaan ke engineers haath uthaao। samay par sampanna karne ki bahut-bahut mubaarak ho। aapko baithne yogya to bana kar de diya na! baap to aa gae na! vaayda hi ye tha। aap sab bhi inhon ko mubaarak de rahe ho na! jinhonne hall ko sajaaya vo kahaan hai? ye munni party hai। dekho, sneh ka sarovar hai na to kalkatta se yahaan phool aa gae। (kalkatta se bahut sundar rang-birange phool aaye hain jisse saari stage saji hui hai) achha! aap sabko bhi pahunchne ki mubaarak hai aur maataaon ko padmaguna mubaarak hai।

(jaal mistri, jinhonne hall mein sound ka prabandha kiya hai) dekho agar inki himmat nahin hoti to aap murli nahin sun sakte the। sabhi murli ke peechhe to deevaane hain na। murli ka saadhan sabse shreshtha hai। kitna achha prabandha kiya hai। aaraam se sunne aa raha hai। baahar bhi sunaai de raha hai। ye to bahut achha prabandha kiya hai। jo bhi seva ke nimitta hain ek-ek department ka naam nahin lete hain lekin har ek samjhe mujhe sneh aur sahayog ki mubaarak। achha, sabse pahli mubaarak kisko den? daadi ko। (baapdaada ko) baapdaada to dene vaala hai na। baapdaada sada kehte hain ki bachchon ka number one servant hai to baap hai। baap to sada sevaadhaari hai lekin bachche bhi seva mein baap se bhi aage sahayogi hain। kya ek-ek ka naam len lekin dil mein ek-ek bachche ka naam le rahe hain aur yaad-pyaar de rahe hain। sabhi department ko mubaarak hai। light ke bina bhi kaam nahin, mike ke bina bhi kaam nahin। light, might, mike sabhi ko mubaarak।

(teachers se) aap log nahin hote to centres nahin khulte। ek-ek ne dekho kitne centres khole hain। yahaan seva ki raajdhaani aur vahaan raajya ki raajdhaani hogi। achha। paandav bhi dekh rahe hain। achhe-achhe paandav bhi pahunch gaye hain। paandav ke bina bhi gati nahin lekin paandavon ne shaktiyon ko aage rakha hai। aap logon ne rakha hai ki baap ne rakha hai? follow father kiya hai। vaise aap sabhi bhi baap ke sameep baithe ho। aise nahin samajhna ye hi hain sameep। lekin jo saamne hain vo ati sameep hain।

double foreigners bhi aae hain। yeh bhi kamaal kar rahe hain। desh-videsh mein pratyaksha karne ki seva bahut achhi kar rahe hain aur karte rahenge। achha! (phir baapdaada ne gyaan sarovar ki vishaal stage par khade hokar engineers ke saath mombatti jalaai tatha mukhya teachers evan daadiyon ke saath cake kaati, phir mukhya daadiyaan baapdaada ke saath hall ke baahar plaza mein aai, jahaan par baapdaada ne 2 hazaar se bhi adhik sankhya mein baithi hui maataaon se haath hilaate hue mulaakaat ki tatha dhvaz phahraaya, tatpashchaat jo mahaavaakya uchchaaran kiye woh is prakaar hain):-

baapdaada, aap sabhi bachchon ke dil mein jo baap ke sneh ka jhanda lahra raha hai, usko dekh harshit ho rahe hain। yeh seva ke liye hai aur baap bachchon ke beech mein dil mein sneh ka jhanda hai। to jaise yeh flag ceremony karte ho to ooncha lahraate ho na, aise hi sada sneh mein oonche te ooncha lahraate raho। yeh jhanda bhi baap ko pratyaksha karne ka jhanda hai। yeh kapde ka jhanda hai lekin is kapde ke jhande mein aap sabka aavaaz samaaya hua hai ki “baap aa gaye hain।'' yahi pratyakshata ka jhanda abhi kone-kone mein lahraayega। aur aap sabhi woh lahraaya hua pratyakshata ka jhanda dekhenge, sunenge, harshit honge। to aaj gyaan sarovar mein hai, kal vishwa mein yeh jhanda lahraayega। aap sabhi ko tapasya karni padi uski mubaarak lekin bahut aaraam se achhe baithe ho aur jitna aapko dekhne mein aa raha hai utna andar peechhe vaalon ko nahin। aap baahar nahin the lekin dil ke andar the। sab bahut-bahut khushanseeb ho isliye sada khushi baantate rehna। khush rehna aur khushi baantate rehna। (phir baapdaada ne chaaron or bane bhavnon par apni drishti daali tatha punah hall mein aakar sabhi engineers ko apne haston se toli khilaai)

gyaan sarovar mein sevaaon prati baapdaada ke ishaare

gyaan sarovar ka aisa programme banaao jo vishwa mein aisa seva samaachaar kisi sthaan ka nahin ho। chaahe yu.N. ho ya usse bhi bada sthaan ho, usse bhi bada ho jaaye। ismen sabka tan bhi laga hai, man bhi laga hai aur chhote bachchon se lekar boodhon tak sabhi ka dhan bhi laga hai। to jaise sabke sahayog ki anguli lagi hai to seva mein bhi sabke sahayog ki anguli lagni hi hai। plan dete raho lekin plan banaane ke time, dene ke time, maalik bankar do aur jab final majority kare to baalak ban jaana। baalak kya karta hai? haan ji। aur maalik kya kehta hai? nahin, aisa karo। to baalak aur maalik। plan dena achha hai lekin plan hona hi chaahiye, ye soch ke nahin। jo hoga vo achha। kinaara nahin karo, plan do lekin baalak bhi bano, maalik bhi bano। banaane ke time maalik aur final ke time baalak। baalak aur maalik banna aata hai? ki sirf maalik banna aata hai? kyonki sabhi hoshiyaar ho gaye hain na। maalik jaldi ban jaate hain। to seva bhi karni hai aur seva ke pahle svayan parivartak। donon hi chaahiye na!

madhuban nivaasi bhaai bahnon se:- (baapdaada ne aabu ke bhinna-bhinna sthaanon par seva mein upasthit bhaai-bahinon se haath uthvaaya) dekho, pees park bhi kam nahin hai। london America sabko bhool jaata hai। jo pees park dekhte hain to copy karne ki koshish karte hain। lekin kitni bhi copy karen, roohaaniyat ki jhalak to aa nahin sakti, pyaar ki jhalak to aa nahin sakti। to mehnat ka phal mil raha hai। mehnat to achhi ki hai। pyaar se mehnat ki hai na। sirf paani nahin diya hai lekin pyaar ka paani diya hai iseeliye vaayumandal nyaara aur pyaara hai। aur gyaan sarovar vaale bhi bahut pyaar se mehnat kar rahe hain। achhi result hai। aur nishchaybuddhi sabse number one hain। kitna bhi koi jaakar hilaata hai - nahin taiyaar hoga, nahin taiyaar hoga, jitna vo na karte hain utna ye haan karte hain isliye nishchay ki vijay hoti hai। taiyaar hona hi hai, baap ko aana hi hai isliye mubaarak ho nishchay ki। achha। talahti vaale bhi mauj mein aa gaye hain, mela manaane ki taiyaari kar rahe hain। achha hai, raunak to chaahiye na। koi naveenta chaahiye na। om shanti bhavan ke hall mein to sada baithte hi ho। lekin naveenta bhi chaahiye na। aur kitni aatmaon ka sankalp poora ho jaayega। ulahne kam ho jaayenge। to talahti mein theek taiyaari ho rahi hai? badi baat to nahin lagti? khushi mein mushkil bhi sahaj ho jaati hai। achha। aabu nivaasi kya kar rahe hain? sahayog ka saath de rahe hain। kabhi bhi koi kaarya hota hai to aabu nivaasi kaarya kar lete hain। achha hai, museum bhi achhi seva kar raha hai, museum vaale bachche bhi mehnat achhi karte hain। museum to chalta-phirta ek seva ka sthaan hai। is museum ne bhi kitne sevaakendra khole honge। kitni aatmaon ki dharni parivartan kar di hai। yahaan ka prabhaav vahaan sthaanon par bhi kaam mein aata hai kyonki yahaan aane vaale free hote hain to buddhi free hone ke kaaran prabhaav achha padta hai phir vahi vahaan kaam mein aata hai। to museum ki seva bhi kam nahin hai। sabhi sthaanon ki seva achhi hai। yahaan (om shanti bhavan mein) bhi jo group samjhaate hain, vo bhi achhi seva hai। to sab jagah seva sahaj hoti jaati hai, prabhaav padta jaata hai। achha hai।

achha, madhuban vaale kya karenge? madhuban vaale sada hi apne ko aadhaarmoorta aur udaahranmoorta samjho। saakaar karma mein madhuban nivaasi udaahran hain aur aadhaarmoorta bhi hain kyonki jo bhi roohaani saadhan chaahiye vo sab to madhuban se hi jaate hain isliye madhuban vaale ye nahin samjhen ki ham madhuban ke kamre mein hain ya paandav bhavan ke andar rehte hain lekin har karma mein, har sankalp mein, har bol mein aadhaarmoorta ho। har ek jo visheshta dekhte hain karma mein, vaani mein, vo practical madhuban mein hi dekhte hain। to sada har samay aadhaarmoorta bhi ho aur udaahranmoorta bhi ho। chaahe achha karte ho to bhi udaahran bante ho aur mix karte ho to bhi udaahran। udaahran sabhi madhuban ka hi dete hain। iseeliye itna jimmedaari ka bada taaj madhuban nivaasiyon ko pada hua hai। achha - sangam bhavan ke thode hain lekin seva bahut athak karte hain। sangam nivaasi bhaagdaud ka kaam achha karte hain।

achha, hospital ka kya haalchaal hai? hospital bahut achha hai ki achha hai? dekho, hospital ki visheshta kya hai? vaise sochte hain ki patient koi nahin ho, aur hospital sochti hai ki patient aaven। agar patient nahin aate to udaas ho jaate hain। patient ko patience mein laate hain। to hospital mein sirf patient nahin lekin patience dhaaran karne vaale patient bhi aate hain। achha hai, sabse jyaada hospital ka phaayda braahmanon ko hai। ambulance mein baithe aur pahunch gaye। achhi madad hai। ek to braahmanon ko madad hai aur doosra jo log samajhte hain ki ye kuchh nahin karte hain vo samajhte hain ki haan ye karte hain, bahut karte hain। hospital ne seva badhaai na। ‘kuchh nahin' ko ‘karte hain' mein parivartan kar liya। aise hai na। achha hai, hospital vaale agar phursat milti hai to mansa seva bahut karo। usse phursat nahin milegi। achha।

vardaan:- kamjor sankalpon ki jaal ko samaapta kar partantrata ke bandhan se mukta hone vaale svatantra aatma bhav

partantrata ka bandhan apne hi man ke vyartha kamjor sankalpon ki jaal hai। yeh jaal question ke roop mein hoti hai। jab question uthta hai - pata nahin kya hoga, aise to nahin hoga…to jaal ban jaati hai। lekin sangamayugi braahmanon ka ek hi samartha sankalp ho ki jo hoga woh kalyaankaari hoga, shreshtha va achhe se achha hoga - is samartha sakalpa se jaal ko samaapta kar do to bandhanmukta svatantra aatma ban jaayenge।

slogan:- gyaani aur yogi tu aatma ka practical swaroop namrata aur nirbhayta hai।

soochna:- aaj maas ka teesra ravivaar hai, sabhi raajayogi tapasvi bhaai bahinen saayan 6.30 se 7.30 baje tak, vishesh yog abhyaas ke samay anubhav karen ki main pharishta vishwa globe ke oopar viraajmaan hoon। mere naynon se sneh va prem ki shaktishaali kirnen nikalkar sansaar ki sarva aatmaon par pad rahi hai jisse ve aadhyaatmik shakti se sampanna hokar bhagwan ke aseem pyaar ka anubhav kar rahi hain।