मंगलवार 4 जुलाई 2023 की दैनिक मुरली

04-07-2023 praatahmurli om shanti "baapdaada"' madhuban

“meethe bachche - bholaanaath baba aaye hain bhakton ko bhakti ka phal dene, unhein agam-nigam ka bhed sunaakar mukti-jeevanmukti ka varsa dene''

prashn:- 21 janmon ke liye raajaai pad ki praapti kin bachchon ko hoti hai? praja mein kaun jaate hain?

uttar:- jo maatele ban baap par poora-poora balihaar jaate hain unhein raajaai pad praapta hota hai aur jo sautele hain, balihaar nahin jaate hain vo 21 janma hi praja mein chale jaate hain। tum shreemat par chal apne hi yogbal se raajaai ka tilak lete ho। yahaan hathiyaar aadi ki baat nahin। tumhein buddhiyog bal se maayaajeet-jagatjeet banna hai।

geet:- bholenaath se niraala…

om shanti। dekho, kya kehte hain? bhakton ki raksha karne vaala। to zaroor bhakta koi aaphat mein aaye hue hain। bhakton ka rakhvaala। raksha kiski hoti hai? jo aaphat mein phansa hua hai। in bhakton ka rakshak shivbaaba hai। bhakton ko bhakti ka phal zaroor milta hai। mehnat to karte hain na। kaayda kehta hai purushaartha se praalabdha milti hai। ab is duniya mein purushaartha karaane vaale sab hain aasuri sampradaay। vaastav mein purushaartha karaane vaala chaahiye koi achha। sachcha purushaartha sirf ek bholaanaath baap hi karaate hain। jismaani laukik maa, baap, teacher sabhi had ka purushaartha karaate hain। behad ki knowledge koi de na sake। bhal koi barrister-judge banenge phir doosre janma mein nayesir purushaartha karna pade। barrister to kaayam nahin rahenge। praalabdha to kuchh bani nahin। guru bhi karke kuchh sikhlaate hain, shaastra sunaate hain parantu woh bhi alpakaal ka sukh mila। praalabdha to kuchh bani nahin। phir doosre janma mein guru karna pade। yeh bholaanaath hai satguru। satguru hamesha satya hi bolta hai। vahi aakar satya katha sunaate hain। yeh hai satguru ki mat jisse mukti-jeevanmukti milti hai। yeh hai nar ko naaraayan banaane ki mat। bholaanaath agam-nigam, aadi-madhya-ant ka raaz baith bataate hain। aur koi muktidhaam, jeevanmuktidhaam (svarga) ko jaante hi nahin। muktidhaam ka maalik hai parampita paramatma, jo paramdham mein rahne vaala hai। ab bachchon ko mat milti hai। baba ne baar-baar samjhaaya hai ki yeh baap-teacher-guru hai। shreekrishna ko baap-teacher-satguru koi nahin kahenge। ab baba jabki sachcha raasta bataate hain to phir jhootha chhod dena chaahiye। guru shuru hue hain dvaapar se। satayug-treta mein guru hote nahin। maata guru ne gyaan amrit pilaae svarga banaaya phir vahaan guru ki darkaar nahin। ab dekho - tum bachchon ko kitni achhi mat deta hoon। sabko yuddha ke maidaan mein baba ne khada kiya hai ki 5 vikaaron par jeet pahno aur phir aise shreekrishna samaan devta bano। ham jaante hain - yeh shreekrishna maayaajeet ban jagatjeet arthaat jagat ka prince bana। (shreekrishna ka chitra haath mein uthaae samjhaana) tum bachchiyaan jaanti ho ki ham yuddha ke maidaan par hain। maayaajeet-jagatjeet banna hai। jaise shreekrishna jo phir shreenaaraayan bana phir unke saath aur bhi saari raajdhaani thi to woh sab zaroor yuddha ke maidaan mein honge, jo maaya par jeet paate honge। 5 hajaar varsha pahle yeh shreekrishna bhi apne antim janma mein yuddha ke maidaan mein the। vaise ab yeh bhi yuddha ke maidaan mein hain। tum bhi yuddha ke maidaan mein ho। 5 vikaaron par jeet paakar tumko yeh banna hai। isko kaha jaata hai naaraayni nasha। maayaajeet-jagatjeet banna hai। kitni sahaj baat hai! sirf ek dropdi to nahin thi। sab maataayen dropdiyaan hain। sabko satayug mein nangan hone se bachaate hain। vahaan koi vikaar mein nahin jaate। kahenge - bhala tab bachche kaise paida honge? are, woh to pavitra duniya hai। tum sannyaasi log gharbaar chhodte ho to phir duniya khatma ho jaati hai kya? duniya to badhti rehti। sannyaasi jaante hain pavitrata achhi hai। vikaaron ka sannyaas to achha hai। sannyaas karne vaalon ko sannyaas na karne vaale maatha tek guru banaate hain। us sachche satguru dvaara yeh maataayen guru banti hain, jinhon ki hi vijay maala bani hui hai। baba kehte hain - bachche, tum padhkar pad paao। ab baap ne yuddha ke maidaan mein khada kiya hai - shreekrishna jaisa banaane ke liye। unki saari raajdhaani hai। prince-princess to honge na। abhi to na raaja-mahaaraaja kahla sakte, na prince-princess। ab tumko baap ki daivi mat milti hai। ab maataaon ko gyaan-kalash mila hai। yeh bachchiyaan amrit pilaae asuron ko devta banaati hain। devtaayen puraani duniya par thode hi raajya karenge। nai duniya bhi ban rahi hai। to bachche, ab jaldi-jaldi karo। ek to hai vikaaron ka bandhan, doosra phir hai karmabandhan। unse chhootne liye shreemat par chalna pade। baba kehte hain - mujhe yaad kar ashareeri bano। aise nahin ki aatma paramatma mein mil ek ho jaati hai। na koi jyoti jyot samaaya hai, na samaane hi hain। aatma sama jaae to jad ho jaae। aatma to avinaashi hai। shareer ko vinaashi kaha jaata hai। aatma mere saath yog lagaakar pavitra banti hai। phir shareer bhi pavitra milega। aatma pavitra ho jaayegi phir yeh shareer khalaas ho jaayega। phir pavitra tatvon se pavitra shareer banenge। yeh shareer poojan laayak nahin bante। poojya to sirf devtaayen hi hain। un par phool chadha sakte hain। unhon ko shri shri arthaat shreshtha te shreshtha kaha jaata hai। shri shri do baar kyon kehte hain? kyonki soorya-vanshi lakshmi-naaraayan hain oonch te oonch, unki aatma aur shareer donon pavitra hain। unhon ko 16 kala sampoorn kahenge। chandravanshi hain 14 kala to chandravanshi ko sirf shri kahenge। lakshmi-naaraayan ko oonch title milta hai - shri shri lakshmi, shri shri naaraayan। woh hai mahaaraaja-mahaaraani aur raam-seeta hain raaja-raani। nambarvaar jo jaisa banta hai unko aisa title milta hai। yahaan bhi mahaaraajaayen aur raajaayen hain। bade ko mahaaraaja kaha jaata hai। raajaayen mahaaraajaaon ke aage sir jhukaayenge। mahaaraaja pahle hain। raaja peechhe hain। to ab shreemat par chalna hai। shri shri jagat guru। roodra maala hai na। jagat ka maalik bhi woh hai। teacher bhi woh hai to guru bhi woh hai। aise baba ko yaad karna pade। kehte hain - bandhan hai koi chhudaave। (tote ka misaal) are, bhagwan kehte hain ab main tumko lene aaya hoon, tum sirf anguli pakdo। woh jo kahe so karo, pavitra to zaroor banna pade। is kabristaan ko kya yaad karna hai। rehna bhal yahaan hai parantu sirf buddhiyog vahaan lagaana hai। isko kaha jaata hai shantidham, sukhdhaam ko yaad karna। nashtomoha bhi banna hai। woh hai patiyon ka pati, baapon ka baap, gurooon ka guru। to aisa (shreekrishna) banne liye mehnat karni pade। kalpa pahle bhi purushaartha kiya tha aur satayug ki raajdhaani sthaapan hui thi। phir ho rahi hai। ismen pavitra rehna hai। pati jo seva kahe woh tum karo baaki sirf pavitra rehna hai। pavitra nahin banenge to vaikuntha ka maalik nahin banenge। ab baap aakar tum bachchon ko svarga-vaasi banaate hain। patiton ko paavan karne vaala bhi woh hai। jagat ka maalik bhi woh hai।

ab tum bachchiyaan gyaan dhan se manushyon ko devta banaao। yeh to knowledge hai। buddhi mein kitni roshni aa gai hai। aur koi ko yeh knowledge nahin। sab dar-dar dhakke khaate rehte hain। yahaan hamko baba ne kitna silence mein bitha diya hai। baba kehte - marne laayak ho to bhi baithkar suno। gyaan amrit mukh mein ho, shivbaaba ki yaad ho tab praan tan se niklen। phir ant mati so gati ho jaayegi। nahin to na vikarma vinaash honge, na moh jeet banenge। muphta bhakti ka phal ganva denge। sab bhakta hain na, maaya ke bandhan mein phanse hue hain। rakhvaala hai bholaanaath shiv। raksha karne aaye hain to unki raay par chalna hai। shreekrishna ke kul mein jaana hai। shreekrishna hai full paas, sampoorn chandrama। jab chandravanshiyon ka samay aata hai to woh apna raajya le lete hain। to naapaas kyon hona chaahiye? full paas hona hai to purushaartha karo। darne ka kaam nahin। nirbhay-nirvair banna hai। samjhaana to padega na। jo kehte hain bhagwan sarvavyaapi hai unhonne hi bhaarat ko aisi durdasha mein laaya hai। bhagwan to ek hi bholaanaath hai, jo sab bhakton ka rakhvaala hai। shreekrishna ki aatma abhi yahaan hai। ab kuchh samjho, bahut badi lottery hai। ghode daud hai। hamko daudna hai buddhiyog se। jitna ham daudenge utna jaldi baba ke paas pahunchenge। vikarma vinaash honge। baba ne baar-baar samjhaaya hain - ham yuddha ke maidaan mein khade hain। manushya kahenge hathiyaar aadi kahaan hain - jo saari srishti par vijay paayenge? (baba ne act kar dikhaai) ham buddhiyog bal se maaya-jeet-jagatjeet ban rahe hain। ham neshtha mein baithe hain arthaat shivbaaba ki yaad mein hain। buddhi vahaan latki hui hai। patiyon ke pati ne kaha hai - pativrata banna, aur koi ko yaad nahin karna। yog lagaate-lagaate paripakva avastha ko paana hai। kanya bhi pati ko yaad karti hai na। woh to hain dehdhaari। paramatma to ashareeri hai, unko buddhi se hi yaad kar sakte hain। deh-abhimaan tod dehi-abhimaani ban jaayenge। buddhi mein chakra to phirta rehta hai। ham apne svargadhaam zaroor padhaarenge। sooryavanshi, chandravanshi phir vaishya, shoodra vanshi banenge। phir baba aakar shoodra se brahman banaayenge। aise-aise apne se baat karni hai। bachche log bageechon mein jaakar padhte hain। tum bhi ekaanta mein baith shivbaaba ko yaad karo। hamaara puraana hisaab-kitaab chuktu hoga phir ham raajya karenge। abhi ham yuddha ke maidaan mein hai। phir ham bhaarat par atal-akhanda sukh-shanti ka raajya karenge। vi aar at vaar........ ham sab ladaai ke maidaan par hain। yeh hai saari yogbal ki baat। inmen takleeph to koi nahin। sirf baba ki shreemat par chalna hai। phir automatically raajaai ka tilak lag jaayega। vardaan mil jaata hai - aayushvaan bhav, putravaan bhav। vahaan dhan aadi sab akeechaar rehta hai। pahle se saakshaatkaar hota hai ki bachcha aane vaala hai। vahaan mukh ka pyaar hota hai। vikaar ki baat hi nahin hai। woh hai hi nirvikaari duniya। shreekrishna dekho - kitna first class meetha hai! ab aisa banna hai। tumko to patraani banna hai, meera to sirf bhajan gaati thi unko bhagwan thode hi mila, woh to hai hi bhakti maarga। meera bhi abhi kahaan na kahaan hai। usne bhi gyaan liya hoga, agar pakki bhaktin hogi। ham bhi dvaapar se bhakti karte aaye hain na। buddhi se samajhna hai - shivbaaba main aapki hoon। aap se poora varsa loongi। main aap par balihaar jaati hoon। to baba bhi 21 baar balihaar jaayenge। agar balihaar nahin jaayenge, sautele banenge to 21 baar praja mein aayenge। baba kehte hain - tum mere ko yaad karo to ham madad bhi karenge। madad to zaroor apne bachchon ko hi karenge, doosre ko kyon karenge! achha!

maat-pita baapdaada ka meethe-meethe sikeeldhe bachchon prati yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya par jeet paakar humein shreekrishna samaan jagatjeet banna hai। is yuddha ke maidaan mein sada vijayi banna hai। haar nahin khaani hai।

2) shreemat se svayan ko vikaaron ke bandhan aur karmabandhan se mukta karna hai। ashareeri banne ka abhyaas karna hai। buddhiyog ki daudi lagaani hai।

vardaan:- chehre dvaara sampanna sthiti ki jhalak aur phalak dikhaane vaale sarva praapti swaroop bhav

sangamayug ke brahman jeevan ki visheshta hai - sada sukh-shanti ke, khushi ke, gyaan ke, aanand ke jhoole mein jhoolna। sarva praaptiyon ke sampanna swaroop ke avinaashi nashe mein sthit rehna। chehre par praapti hi praapti hai, us sampanna sthiti ki jhalak aur phalak dikhaai de। jaise sthool dhan se sampanna raajaaon ke chehre par bhi woh chamak thi, yahaan to avinaashi praapti hai, to praaptiyon ki roohaani jhalak aur phalak chehre se dikhaai de।

slogan:- khushanseeb woh hai jo sada khush rahkar khushi ka khajaana baantata rahe।