सोमवार 10 जुलाई 2023 की दैनिक मुरली

10-07-2023 praatahmurli om shanti "baapdaada"' madhuban

“meethe bachche - baap ka right hand ban, service ka shauk rakh shreemat par poora-poora attention do, akhbaaron mein koi service ki baat nikle to use padhkar service mein lag jaao''

prashn:- baap ka naam tum bachche kab baala kar sakenge?

uttar:- jab tumhaari chalan badi royal aur gambheer hogi। tum shaktiyon ki chaal aisi chaahiye jaise del (morni)। tumhaare mukh se sadaiv ratna nikalne chaahiye, patthar nahin। patthar nikaalne vaale naam badnaam karte hain। phir unka pad bhi bhrashta ho jaata hai। baap ka bankar koi bhi vikarma na ho - is baat ka poora-poora dhyaan rakhna hai।

geet:- chhod bhi de aakaash sinhaasan…

om shanti। bachchon ne geet suna। yaad karte hain - he parampita paramatma, niraakaar roop badalkar saakaar mein aa jaao। woh kya roop badlega। aise to nahin kahenge ki kachchha-machchha ka roop bankar aao। nahin। yeh hai paap aatmaon ki duniya। pukaarte hain paavan banaane ke liye। agar sarvavyaapi hai to phir kisko pukaarte hain? ab yeh geet to radio mein bhi bajte hain। parantu koi bhi samajhte nahin। ab tum bachchiyaan to akhbaar aadi padhti nahin ho। bhal padhi-likhi hain parantu akhbaar padhne ka shauk nahin। baaki rahe gop, unmein bhi koi-koi ko service ka shauk rehta hai ki kis reeti akhbaar se service ka raasta nikaalen। brahman kul-bhooshan hain to bahut, parantu unmein bhi koto mein koi nikalte hain jo akhbaar mein dekh phauran service karne lag padte hain। baba ne right-hand banaaya hai maataaon ko। gop mushkil khade hote hain, koi birla yathaartha reeti se shreemat par attention dete hain। yeh ek point hai - bhrashtaachaar aur shreshthaachaar ki। bhrashtaachaari bulaate hain ki - he bhagwan, aao, aakar shreshthaachaari banaao। sabhi bhrashtaachaari zaroor hain। kaha jaata hai yatha raaja-raani tatha praja। yatha raaja-raani maana government tatha praja maana raiyat। to bachchon ko samjhaaya gaya hai ki bhaarat sada shreshthaachaari tha, svarga tha। svarga mein bhi agar bhrashtaachaari hon to unko svarga kaise kaha jaae? svarga ki sthaapna zaroor baap hi karte honge, jisko hi yaad karte hain। bhrashtaachaari hi bulaate hain, shreshthaachaari kab bulaate nahin। bhaarat bada shreshthaachaari tha, svarga tha, ab to narka hai। to narka mein zaroor bhrashtaachaari honge। shreshthaachaari ka saboot dikhaao। tum chitra dikhla sakte ho - barobar satayug mein yatha raaja raani tatha praja, yeh lakshmi-naaraayan dekho shreshthaachaari the na। naam hi hai svarga। dvaapar mein aise shreshthaachaari raaja-raaniyon ke mandir banaakar pooja karte hain। to zaroor khud bhrashtaachaari hain। apne ko kehte bhi hain ki ham bhrashtaachaari hain, kaami, krodhi, paapi hain। aap sarvagun sampanna........ hain। bhaarat mein bhrashtaachaari, shreshthaachaari ki mahima karte hain। bhrashtaachaari raajaaon ke paas shreshtha-chaari devtaaon ke mandir hain। mahima gaate rehte hain, naman, vandan, pooja karte rehte hain। baba ne samjhaaya hai dharma sthaapan karne arth oopar se jo aatmaayen aati hain woh zaroor satopradhaan shreshthaachaari hongi। bhal maaya ka raajya hai parantu pahle-pahle aane vaale zaroor satopradhaan honge tab to unki mahima hoti hai। phir sato, rajo, tamo mein aate hain। devtaayen bhi shreshthaachaari the। harek ko sato, rajo, tamo mein aana hi hai, bhrashtaachaari banna hi hai। akhbaaron mein padta hai - kai sansthaayen hain jo bhrashtaachaar ko band karne ka purushaartha karti hain। ab shreshthaachaari devtaaon ke mandir banaae pooja karte aaye hain। aap hi poojya shreshthaachaari the phir aap hi pujaari bhrashtaachaari phir poojya devi-devtaaon ki baith pooja karte hain। abhi tum likh sakte ho ki yatha raaja-raani tatha praja satayug mein shreshthaachaari the, viceless world thi। baad mein phir kalaayen kam hoti hain। bhaarat ko neeche aana hi hai। yeh khel hi bhaarat par hai। aadha-kalpa bhaarat shreshthaachaari tha। sada ekras bhi nahin rehte। 16 kala se 14 kala mein to aana hi hai। dheere-dheere kalaayen kam hoti jaati hain। tamopradhaan ban padte hain। baap kehte hain jab-jab ati bhrashtaachaar hota hai tab main aata hoon। patit ko bhrashtaachaari, paavan ko shreshthaachaari kahenge। yeh to bilkul samajh ki baat hai।

shreemad bhagvat kaha jaata hai। shreemat kya karti hai? woh to shreshtha raajaaon ka raaja banaati hai। kehte hain in maaya par jeet pahno to tum prince-princess banenge। bhent karni hain - Christ se 3 hajaar varsha pahle bhaarat 16 kala sampoorn shreshthaachaari tha। bhaarat sone ki chidiya tha। yatha raaja-raani tatha praja svarga mein sada sukhi the phir jab se raavan raajya shuru hota hai to bhrashtaachaari banne lagte hain। khud hi kehte hain hamaare officers mein bhrashtaachaar hai। raaja-raani to hain nahin jo kahe praja mein bhrashtaachaar hai। yahaan to hai hi praja ka praja par raajya। sab bhrashtaachaari hain। pahle to government shreshthaachaari banni chaahiye। unko kaun banaave? ab tum gareeb bachchiyaan hi number one shreshthaachaari ban rahi ho। baap kehte hain ki main aakar sabko shreshthaachaari banaata hoon। drama anusaar yeh saara khel bana hua hai। phir bhi vahi geeta chitra aadi niklenge। ab bangaal mein kaali ka mandir hai। kaali maa maa kah praan dete hain। ab aisi kaali maa va chandika devi aai kahaan se? naam to dekho kaisa hai। jo bhaaganti hote hain ve to praja mein chandaal bante hain। parantu jo yahaan rahkar vikarma aadi karte hain ve royal gharaane ke chandaal bante hain। phir bhi pichhaadi mein unko taaj patloon mil jaati hai kyonki yahaan god to lete hain na, isliye chandika devi ki pooja hoti hai।

gyaan to bahut guhya hai parantu koi dhaaran kare। jaise barrister koi to laakh kamaate, koi ka kot bhi phata rehta hai। yeh to padhaai hai behad ki। baap ne jo vistaar mein samjhaaya usko saar mein laakar 5 minute ka bhaashan banaae akhbaar mein daalna chaahiye। yeh bhi poochhna chaahiye ki bhala hindu dharma kisne sthaapan kiya? to bata nahin sakenge। kuchh nahin jaante। tum shaktiyon ki chalan aisi gambheer honi chaahiye jaise del (morni) chalti hai। mukh se ratna nikalte rahen, patthar nahin। woh to patthar maarenge। tum kabhi patthar nahin maaro। naam badnaam na karo। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

raatri class:- yahaan achhe-bure manushya hain। satayug mein aise akshar nahin niklenge। bura va paap aatma akshar nahin niklega। vahaan hai viceless world। bachche jaante hain - ham vishwa ke maalik the। yeh bhaarat jo devi-devtaaon ka raajasthaan tha, ab puraana hai। manushya nahin jaante hain - yeh hai sangamayug। ab yahaan se langar uthaaya hua hai। ham is duniya se paar jaate hain। khivaiya hai na। naeeyaan ko paar le jaate hain। bachchon ki buddhi mein hai - bahut dhakke khaaye hain। bhakta nahin jaante hain - ham dhakka khaate hain। woh to door-door jaate hain। tum bachchon ko sirf yaad karna hai। aise nahin ki ham yaad karte thak jaate hain। parantu maaya vighna daalti hai। aatma hi paramatma ki aashik hoti hai - yeh koi nahin jaante। paramatma maashook hai। to bachchon mein bhi koi bahut aashik hain, maashook ko yaad karte hain। purushaartha karna hai - ham nirantar yaad karte rahen। ‘simran' akshar bhi bhaktimaarga ka hai। ham baba ko yaad karte hain। pravritti maarga ka akshar hai ‘yaad'। bahut meetha bhi hai। kehte hain ham bhool jaate hain। are, bachcha kah thode hi sakta ki ham baap ko bhool jaate hain। yaad to bahut achhi hai। apne se baaten karni chaahiye। tum maat-pita ke sammukh baithe ho। khushi bhi honi chaahiye। jiske liye kehte the - tum maat pita........। barobar ham varsa pa rahe hain। yaad ki hi mehnat hai। tumhaari bahut aamadni hai, bahut badi praapti hai। sirf chup rahkar yaad karna hai। achha।

2- tum brahman bachchon bigar kisko bhi yeh pata nahin hai ki sangamayug kab hota hai। is kalpa ke sangam yug ki mahima bahut hai। baap aakar raajayog sikhlaate hain। satayug ke liye to zaroor sangamayug hi aayega। hain bhi manushya। unmein koi kanishta, koi uttam hain। unke aage mahima gaate hain aap purushottam ho, ham kanishta hain। aapehi bataate hain ki main aise hoon, aise hoon।

abhi is purushottam sangamayug ko tum braahmanon bigar koi bhi nahin jaante। inki advertise kaise karen jo manushyon ko pata pade। sangamayug par bhagwan hi aakar raajayog sikhlaate hain। tum jaante ho ham raajayog seekh rahe hain। abhi aisi kya yukti rachen jo manushyon ko maaloom pade। parantu hoga dheere। abhi samay pada hai। bahut gai thodi rahi......। ham kehte hain to manushya jaldi purushaartha karen। nahin to gyaan second mein milta hai, jisse tum usi samay second mein jeevanmukti pa lenge। parantu tumhaare sir par aadhaakalpa ke paap hain, woh thode hi second mein katenge। ismen to time lagta hai। manushya samajhte hain abhi to samay pada hai, abhi ham brahmaakumaariyon paas kyon jaayen। takdeer mein nahin hai to literature se bhi ulta utha lete hain। tum samajhte ho yeh purushottam banne ka yug hai। heere jaisa gaayan hai na। phir kam ho jaata hai। golden ej, silver ej। yeh sangamayug hai diamond ej। satayug hai golden ej। yeh tum jaante ho svarga se bhi yeh sangam achha hai, heere jaisa janma hai। amarlok ka gaayan hai na। phir kam hota jaata hai। to yeh bhi likh sakte ho purushottam sangamayug hai diamond, satayug hai golden, treta hai silver.....। yeh bhi tum samjha sakte ho - sangam par hi ham manushya se devta bante hain। aath ratnon ki angoothi banaate hain, to diamond ko beech mein rakha jaata hai। sangam ka show hota hai। sangamayug hai hi heere jaisa। heere ka maan sangamayug par hai। yog aadi sikhlaate hain, jisko spiritual yog kehte hain। parantu spiritual to father hi hai। roohaani father aur roohaani knowledge sangam par hi milti hai। manushya jinmen deh-ahankaar hai, woh itna jaldi kaise maanenge। gareeb aadi ko samjhaaya jaata hai। to yeh bhi likhna hai sangamayug is diamond। unki aayu itni। satayug golden ej to unki bhi aayu itni। shaastron mein bhi svaastika nikaalte hain। to tum bachchon ko bhi yeh yaad rahe to kitni khushi rahni chaahiye। students ko khushi hoti hai na। student life is di best life। yeh to source aaph income hai। yeh hai manushya se devta banne ki paathshaala। devtaayen to vishwa ke maalik the। yeh bhi tumko maaloom hai। to athaah khushi honi chaahiye, isliye gaayan hai ateendriy sukh gopi vallabh ke gop gopiyon se poochho। teacher ant tak padhaate hain to unko ant tak yaad karna chaahiye। bhagwan padhaate hain aur phir bhagwan saath bhi le jaayenge। pukaarte bhi hain liberator, guide। duhkh se chhudaao। satayug mein duhkh hota hi nahin। kehte hain vishwa mein shanti ho। bolo, aage kab thi? woh kaun sa yug tha? kisko pata nahin hai। raam raajya satayug, raavan raajya kaliyug। yeh to jaante ho na। bachchon ko anubhav sunaana chaahiye। bas kya sunaaoon dil ki baat। behad ka baap behad ki baadshaahi dene vaala mila aur kya anubhav sunaaoon। aur koi baat hi nahin। is jaisi khushi aur koi hoti hi nahin। kabhi bhi kisi se roothkar vaastav mein ghar mein nahin baithna chahie। yeh jaise apni takdeer se roothna hai। padhaai se rootha to kya seekhenge! baap ko padhaana hi hai - brahma dvaara। to ek do se kabhi roothna nahin chaahiye। yeh hai maaya। yagya mein asuron ke vighna to padte hain na। achha!

meethe-meethe roohaani bachchon prati roohaani baap va daada ka yaad pyaar goodnight। roohaani bachchon ko roohaani baap ki namaste।

dhaarna ke liye mukhya saar:-

1) shreemat par shreshthaachaari bankar shreshthaachaari banaane ki seva karni hai। koi aisi chalan nahin chalni hai jisse naam badnaam ho। mukh se sada ratna nikaalne hain, patthar nahin।

2) behad ki guhya padhaai ko vistaar se sunte use saar mein samaakar doosron ki seva karni hai। shreemat par poora attention dena hai।

vardaan:- apne karma aur sthiti dvaara brahma baap ko spashta dikhaane vaale master brahma bhav

jaise brahma baap ka nizi sanskaar tha “pahle aap''। koi bhi sthaan mein pahle bachche, har baat mein bachchon ko apne se aage rakha। lekin kahne maatra nahin, shubhchintak ki bhaavna se। usne kiya to bhi baap ki seva, mainne kiya to bhi baap ki seva। main aage badhoon, nahin। doosron ko aage badhaakar aage badho। jab yeh bhaavna har ek mein aayegi tab kahenge master brahma। phir aisa koi nahin kahega ki hamne brahma baap ko nahin dekha। aapke karma, aapki sthiti brahma baap ko spashta dikhaaye।

slogan:- ekaagrata ke dridh sankalp se saagar ke tale mein chale jaao to anubhav ke heere moti praapta honge।