रविवार 9 जुलाई 2023 की दैनिक मुरली

09-07-23 praatahmurli om shanti ''avyakt-baapdaada'' revise 26-02-95 madhuban

sangamayug utsav ka yug hai - utsav manaana arthaat avinaashi umang-utsaah mein rehna

aaj tridev rachta trimoorti shiv baap apne roohaani diamonds ke saath diamond jubilee va diamond jayanti manaane aaye hain। isi vichitra jayanti ko diamond jayanti kehte ho kyonki baap avatrit hote hi hain kaudi samaan aatmaon ko heere tulya banaane। to baapdaada chaaron or ke bachchon ko jo heere se bhi amoolya hain, sabko saamne dekh rahe hain। baapdaada ke aage sirf madhuban ki sabha nahin hai lekin vishwa ke chaaron or ke brahman bachchon ki sabha hai। sabke dil ki mubaarak ke sneh bhare geet kaho, bol kaho baap sameep se sun rahe hain। dil ka aavaaz dilaaraam ke paas pahle pahunchta hai। to baapdaada dekh rahe hain ki bachchon ke seva ka pratyaksha pramaan chaaron or se madhuban, baap ke sweet hom tak pahunch raha hai। vaise bhi shiv jayanti ko utsav kehte hain। yathaartha reeti se utsav aap brahman hi manaate ho kyonki utsav ka arth hi hai - sarva utsaah-umang mein rahen। to aap jo bhi baithe ho, sabhi ke dil mein utsaah aur umang kitna hai? avinaashi hai ya aaj ke liye hai? avinaashi hai na? isliye baapdaada is shreshtha sangamayug ko utsav ka yug kehte hain। har din aapke liye utsaah sampanna hai। har din utsav hai।

jo gaayan hai, aap log topic rakhte ho ‘anekta mein ekta' to practical mein anek desh, anek bhaashaayen, anek roop-rang lekin anekta mein bhi sabke dil mein ekta hai na! kyonki ek baap hai। chaahe America se aaye ho, chaahe aphreeka se aaye ho lekin dil mein ek baap hai। ek shreemat par chalne vaale ho। to baapdaada ko achha lagta hai ki anek bhaashaaon mein hote hue bhi man ka geet, man ki bhaasha ek hai। chaahe kisi bhi bhaasha vaale ho, kaala taaj to mila hai (sabhi headphone se apni-apni bhaasha mein sun rahe hain), abhi yahi kaala taaj badalkar golden ho jaayega। lekin sabke man ki bhaasha ek hai aur ek hi shabd hai, ‘mera baba'। sabhi bhaasha vaale bolo ‘mera baba'। haan, yeh ek hi hai। to anekta mein ekta hai na!

to utsaah mein rahne vaale arthaat sada utsav manaane vaali shreshtha aatmaayen ho। kabhi bhi utsaah kam nahin hona chaahiye। pahle bhi sunaaya tha - brahman jeevan ka saans hai umang-utsaah। agar saans chala jaaye to jeevan second mein khatma ho jaayegi na! to brahman jeevan mein yadi umang-utsaah ka saans nahin to brahman jeevan nahin। jo sada umang-utsaah mein hoga, vo falak se kahega ki brahman hain hi utsaah-umang ke liye। aur jiska umang-utsaah kam ho jaata hai uske bol hi badal jaate hain। vo kahega - hain to sahi…, hona to chaahiye..., ho jaayega... to ye bhaasha aur us bhaasha mein kitna antar hai! uske har bol mein ‘to' zaroor hoga - hona to chaahiye... to ye jo ‘to-to' hota hai na, ye umang-utsaah ka pressure kam hone se hi aise bol, kamjori ke bol nikalte hain। to umang-utsaah kabhi kam nahin hona chaahiye। umang-utsaah kam kyon hota hai? baapdaada kehte hain sada vaah-vaah kaho aur kehte hain why-why (kyon, kyon)। agar koi bhi paristhiti mein why shabd aa jaata hai to umang-utsaah ka pressure kam ho jaata hai। baapdaada ne agle saal bhi vishesh double foreigners ko kaha tha ki why shabd ko brahman dictionary mein change karo, jab why shabd aaye to fly shabd yaad rakho to why khatma ho jaayega। koi bhi paristhiti chhoti bhi jab badi lagti hai to why shabd aata hai - ye kyon, ye kya... aur fly kar lo to paristhiti kya hogi? chhota-sa khilauna। to jab bhi why shabd man mein aave to kaho brahman dictionary mein why shabd nahin hai, fly hai kyonki why-why, haay-haay kara deta hai। baapdaada ko hansi bhi aati hai, ek taraph kahenge - nahin, hamaare jaisa shreshtha bhaagya kiska nahin hai। abhi-abhi yeh kahenge aur abhi-abhi utsaah kam hua to kahenge - pata nahin mera bhaagya hi aisa hai! mere bhaagya mein itna hi hai! to haay-haay ho gaya na! to jab bhi haay-haay ka nazaara aave to vaah-vaah kar lo to nazaara bhi badal jaayega aur aap bhi badal jaayenge।

double videshi aajkal ‘positive thinking' ka course karaate ho na। sabhi videsh mein vishesh course yeh karaate ho? to apne ko bhi karaate ho ya doosron ko karaate ho? jis samay koi aisi paristhiti aa jaaye to apne ko hi student banaakar, khud hi teacher ban karke apne ko yeh course karaao। apne ko kara sakte ho ya sirf doosre ko kara sakte ho? doosre ko karaana sahaj hai। jab yeh natural sthiti ho jaaye ki har vyakti ko, baat ko positive vritti se dekho, suno ya socho to kaisi sthiti rahegi? aajkal ke science dvaara bhi aise saadhan nikle hain jo rough maal ko bhi bahut sundar roop mein badal dete hain। dekha hai na - kya se kya bana dete hain! to aapki vritti kya aisa parivartan nahin kar sakti? aave negative roop mein lekin aap negative ko positive vritti se badal do। agar halchal mein aate hain to uska kaaran hai - negative sunna, sochna va bolna ya karna। ye model banaate ho na - na socho, na dekho, na bolo, na karo। silence ki power kya negative ko positive mein nahin badal sakti! aapka man aur buddhi aisa ban jaaye jo negative touch nahin kare, second mein parivartan ho jaaye। aise teevra gati ki anubhooti kar sakte ho? man aur buddhi aisa teevra gati ka yantra ban jaaye। ban sakta hai ki time lagega? ki negative baat aayegi to kahenge ki thoda sochne to do, dekhen to sahi kya hai! quick speed se parivartan ho jaaye - isko kaha jaata hai brahman jeevan ka maza, mauz। agar jeena hai to mauz se jeeyen। soch-sochkar jeena vo jeena nahin hai। aap log auron ko kehte ho ki raajayog jeene ki kala hai। to aap log raajayogi jeevan vaale ho na! ki kahne vaale ho? jab raajayog jeene ki kala hai to raajayogiyon ki kala kya hai? yahi hai na? to utsav manaana arthaat mauj mein rehna। man bhi mauj mein, tan bhi mauj mein, sambandh-samparka bhi mauj mein।

kai bachche kehte hain apne reeti se to theek rehte hain, apne mauj mein rehte hain lekin sambandh-samparka mein mauj mein rahen, yeh kabhi-kabhi hota hai। lekin sambandh-samparka hi aapke sthiti ka paper hai। yadi student kahe vaise to main paas with honour hoon lekin paper ke time marks kam ho jaati hai to aise ko kya kahenge? to aise to nahin ho na! full paas hone vaale ho na? baapdaada ne sunaaya hai ki jo sada baap ke paas rehte hain vo paas hain। paas nahin rehte to paas nahin hain। to sada kahaan rehte ho? door rehte ho, paas nahin rehte ho! double videshiyon ko to double paas hona chaahiye na! achha।

to double videshiyon ne is baari high jump laga di hai। madhuban mein high jump lagaakar pahunch gaye hain। (is baar har varsha se jyaada sankhya mein double videshi madhuban pahunche hue hain) achha, double videshiyon ko bhi kaiyon ko patraani banne ka chance to achha mila hai। patraani banne mein maza hai ki nahin? aap logon ki to ataichi itni hai jo us par hi so sakte hain kyonki ek badi laate hain, ek chhoti laate hain, to chhoti ko takiya banaao। jagah bach jaayegi na! achha lagta hai baapdaada scene dekhte hain kaise bhaari-bhaari ataichiyaan ghaseet kar la rahe hain! achhi scene lagti hai na! sangam par ye mehnat bhi thode samay ki hai phir to prakriti bhi aapki daasi hogi to daasiyaan bhi bahut hongi। phir aapko saamaan uthaane ki jaroorat nahin। abhi apna raajya sthaapan ho raha hai, is samay gupta vesh mein ho, sevaadhaari ho phir raajya adhikaari banenge। to sevaadhaariyon ko to sab prakaar ki seva karni padti hai। jitni abhi tan, man, dhan aur samparka se seva karte ho utna hi vahaan sevaadhaari milenge। sabse pahle to ye prakriti ke paanch hi tatva aapke sevaadhaari banenge। apna raajya-bhaagya smriti mein hai na! kitne baari raajya adhikaari bane hain! anginat baar bane hain aur bante hi rahenge। lekin raajya adhikaari se bhi ab ka sevaadhaari jeevan shreshtha hai kyonki abhi baap aur bachchon ka saath hai। chaahe kisi bhi prakaar ki seva hai lekin seva ka pratyakshaphal abhi milta hai। baap ka sneh, sahayog aur baap dvaara mile hue khajaane pratyakshaphal ke roop mein milte hain। jab bhi koi vishesh seva karte ho aur yuktiyukta seva karte ho to kitni khushi hoti hai! us samay ke chehre ka photo nikaalo to kaisa hota hai! to ek taraph seva karte ho, doosre taraph pratyakshaphal aapke liye sada taiyaar hai hi hai। ek haath se seva karo, doosre haath se phal khaao - aise anubhav hota hai? ki seva mein badi mehnat hai? seva mein halchal hoti hai ya nahin? kabhi-kabhi hoti hai। ye halchal hi paripakva banaati hai, anubhvi banaati hai। halchal mein iseeliye aate ho jo sirf vartamaan ko dekhte ho। lekin vartamaan mein chhipa hua bhavishya jo hai vo spashta nahin dikhaai deta hai, isliye halchal mein aa jaate hain। koi bhi bade te badi naazuk paristhiti vaastav mein aage ke liye bahut bada paath padhaati hai, paristhiti nahin hai lekin woh aapki teacher hai। us nazar se dekho ki is paristhiti ne kya paath padhaaya? isko kaha jaata hai negative ko positive mein parivartan karna। sirf paristhiti ko dekhte ho to ghabra jaate ho। aur paristhiti maaya dvaara sada naye-naye roop se aayegi। vaise hi nahin aayegi, jis roop mein aa chuki hai, us roop mein nahin aayegi। naye roop mein aayegi। to usmein ghabra jaate hain - ye to nai baat hai, ye to hota nahin hai, ye to hona nahin chaahiye...। lekin samajh lo ki maaya ant tak bahuroopi ban bahuroop dikhaayegi। maaya ko bahuroopi banna bahut jaldi aur achha aata hai। jaise aapki sthiti hogi na vaisi paristhiti banaakar aayegi। aaj maano aap thoda-sa albele jeevan mein ho to maaya bhi usi albele paristhiti ke roop mein aayegi। aaj mood thodi oph hai, jaise honi chaahiye vaise nahin hai, to mood oph ki paristhiti ke roop mein hi aayegi। phir sochte hain ki pahle hi main soch rahi thi phir ye kya hua? isliye maaya ko dekhne ke liye, jaanne ke liye trikaaldarshi aur trinetri bano। aage, peechhe, saamne trinetri bano।

aap sabhi trinetri aur trikaaldarshi ho na? double foreigners trikaaldarshi hain - yes ya no? sab bolo - haan ji ya na ji। (haan ji) apni bhaasha se to ye achha bolte ho। sab khush ho? (haan ji) itne bade sangathan mein maza aa raha hai? (haan ji) koi-koi yeh to nahin soch rahe hain ki agle varsha bheed mein nahin aayenge, thoda peechhe aayenge? sangathan ka maza bhi pyaara hai। vaise aana to programme pramaan hi, jyaada nahin aana lekin aadat aisi honi chaahiye jo sabmen adjust kar sake। adjust karne ki power sada vijayi bana deti hai। brahma baap ko dekha to bachchon se bachcha bankar adjust ho jaata, badon se bada bankar adjust ho jaata। chaahe beggary life, chaahe saadhnon ki life, donon mein adjust hona aur khushi-khushi se hona, sochkar nahin। yahaan duhkhi to nahin hote ho lekin khushi ke bajaay thoda soch mein pad jaate ho - ye kya hua, kaise hua...। to sochne vaale ko adjust hone ke maje mein kuchh samay lag jaata hai। apne ko check karo ki kaisi bhi paristhiti ho, chaahe achhi ho, chaahe hilaane vaali ho lekin har samay, har circumstance ke andar apne ko adjust kar sakte hain? double foreigners ko akelaapan bhi achha lagta hai aur companion bhi bahut achhe lagte hain। lekin company mein ho ya akele ho, donon mein adjust hona - ye hai brahman jeevan। aise nahin, sangathan ho aur maatha bhaari ho jaaye - nahin, mujhe ekaanta chaahiye, ye ghamsaan mein nahin, mujhe akela chaahiye...। man akela arthaat baaharmukhta se antarmukh mein chale jaao to akelaapan hai। koi-koi kehte hain na - akela kamra chaahiye, do bhi nahin chaahiye। akela mile to bhi mauz se soo aur das ke beech mein bhi sona ho to mauz se soo। foreigners das ke beech mein so sakte hain ki mushkil hai? so sakte hain? (haan ji) achha, abhi agle varsha 20-20 ko sulaayenge। dekho samay badalta rehta hai aur badalta rahega। duniya ki haalten naazuk ho rahi hain aur bhi hongi। honi hi hai। abhi sirf ek sthaan par alag-alag hoti hain, aakhir mein sab taraph ikatthi hogi। to naazuk samay to aana hi hai। samay naazuk ho lekin aapki nature naazuk nahin ho। kaiyon ki nature bahut naazuk hoti hai na, thoda-sa aavaaz hua, thoda-sa kuchh hua to disturb ho gaye। isko kehte hain naazuk sthiti, naajuk nature। to naazuk nature nahin ho। jaisa samay vaisa apne ko adjust kar sako। ye abhyaas aage chalkar aapko bahut kaam mein aayega kyonki haalten sada ek jaisi nahin rahni hai। aur final paper aapka naazuk samay par hona hai। aaraam ke samay par nahin hona hai। naajuk samay par hona hai। to jitna abhi se apne ko adjust karne ki shakti hogi to naajuk samay par paas with honour ho sakenge। paper bahut time ka nahin hai, paper to bahut thode samay ka hai lekin chaaron or ki naajuk paristhitiyaan, unke beech mein paper dena hai isliye apne ko nature mein bhi shaktishaali banaao। kya karen, meri nature ye hai, meri aadat hi aisi hai, ye nahin, isko naazuk nature kaha jaata hai। dekho, baapdaada ne sthaapna ke aadi mein sab anubhav kara liya। jab aadi hui to raajkumaar aur raajkumaariyon se bhi jyaada paalna, saadhan, sab anubhav karaaya aur aage chalkar beggary life ka bhi poora anubhav karaaya। to jinhonne donon anubhav kiya unki aadat ban gai। to aap logon ke aage to aisa samay aaya nahin hai lekin aana hai। jahaan bhi rehte ho, sabhi hilne hain, sab aadhaar tootne hain। to aise time par kya chaahiye? ek hi baap ka aadhaar। aap log to bahut-bahut-bahut lucky ho, jo aane ka samay aapka sahaj saadhnon ka hai। sahaj saadhnon ke saath-saath aapka brahman janma hai। lekin saadhan aur saadhna - saadhnon ko dekhte saadhna ko nahin bhool jaana kyonki aakhir mein saadhna hi kaam mein aani hai। samjha? achha।

chaaron or ke amoolya vishesh ratnon ko, sada har din utsaah se utsav manaane vaali shreshtha aatmaon ko, sada sva-sthiti aur seva ke unnati mein balance rakhne vaali blessing ke adhikaari aatmaon ko, sada paristhiti ko sahaj paar karne vaali aise achal, adol, mahaaveer aatmaon ko baapdaada ka yaad-pyaar aur namaste।

vardaan:- sampoornata dvaara sampannata ki praalabdha ka anubhav karne vaale sarva jhamelon se mukta bhav

sangamayug par saagar ganga se alag nahin, ganga saagar se alag nahin। isi samay nadi aur saagar ke samaane ka mela hota hai। jo is mele mein rehte hain woh sarva jhamelon se mukta ho jaate hain। lekin is mele ka anubhav vahi kar sakte hain jo samaan bante hain। samaan banna arthaat sama jaana। jo sada sneh mein samaaye hue hain woh sampoornata aur sampannata ki praalabdha ka anubhav karte hain। unhein koi bhi alpakaal ke praalabdha ki ichchha nahin rehti।

slogan:- sada ek baap ke shreshtha sang mein raho to holiest aur highest ban jaayenge।