बुधवार 19 जुलाई 2023 की दैनिक मुरली

19-07-2023 praatahmurli om shanti "baapdaada"' madhuban

“meethe bachche - tumhaara yeh janma bahut hi amoolya hai, kyonki baap svayan is samay tumhaari seva karte hain, lakshya soap se tumhaare vastra saaph karte hain''

prashn:- jo allaah ko srishti ka rachayita kehte hain unse kaun-sa prashn poochhna chaahiye?

uttar:- unse poochho - jab allaah ne srishti rachi to rachna ke liye unhein female chaahiye, bhala allaah ki female kaun? god father kehte ho to zaroor mother bhi chaahiye na। tum bachche is guhya raaz ko achhi tarah se jaante ho। allaah ki female hai yeh brahma। yeh hai tumhaari badi maa। is baat ko manushya samajh nahin sakte।

geet:- kisne yeh sab khel rachaaya…

om shanti। bachche jaante hain koi bhi manushya is geet ka yathaartha arth kar na saken। naatak banaane vaale bhi nahin samajhte। aise hi geet bana dete hain, jaise shaastra bana dete hain। samajhte kuchh nahin। tum vedon ke liye kehte ho - yeh dharma shaastra nahin hain। shaastra kahenge lekin dharma shaastra nahin hai। ab dharma shaastra se to kuchh faayda hona chaahiye। dharma shaastra ka arth bhi nahin samajhte hain। shaastra arthaat jisse koi dharma sthaapan hota hai, kisi dvaara। to poochhna chaahiye - ved-upnishad kis dharma ke shaastra hain? woh dharma kisne sthaapan kiya? inse to koi dharma hi nahin nikalta hai। kaun-kaun-se dharma hain - woh bhi samjhaaya jaata hai। jaise jhaad mein mukhya hai thur (tana)। phir badi daal, phir chhoti-chhoti taal-taaliyaan nikalti hain। to bachchon ko samjhaaya jaata hai - yeh jo dharma shaastra hai sarva shaastramai shiromni geeta, woh hai thur। unke baad baaki sab thahre rachna। yeh islaami, bauddhi, Christian aadi yeh sab kalpa vriksha ke taal hain। geeta mein bhi likha hua hai - manushya srishti ka jhaad hai। to yeh jhaad ka raaz buddhi mein abhi baitha hai। iska mukhya thur hai - aadi sanaatan devi-devta dharma। is jhaad ki bhent bad ke jhaad se ki jaati hai। woh bahut bada hota hai। jhaad jab puraana hota hai to unka thur (tana) sad jaata hai, baaki taal-taaliyaan rehti hain। yeh bhi aise hi hai। bachche jaante hain - inka thur jo devi-devta dharma tha woh ab hai nahin। paramatma 24 avtaar lete hain to woh sarvavyaapi ho nahin sakte। jab avtaar lete hain to unko sarvavyaapi kaise kahenge? nai baat hai na। kitna bada jhaad hai! thur hai hi nahin! ek bhi manushya nahin jo kahe ham aadi sanaatan devi-devta dharma ke hain।

satayug ko laakhon varsha pichhaadi mein le jaate hain। kitni mushkilaat ki baat ho gai hai! ab sabhi manushya duhkhi hi duhkhi hain। sukhi kaun ho sakta hai? sannyaasiyon ki buddhi mein bhi yeh bhent aayengi nahin ki yahaan kaag vishta samaan sukh hai aur athaah duhkh hain। yeh unhon ko pata nahin hai। ab baap batlaate hain - tumko athaah sukh mein phir le jaata hoon। is samay apna part bajaae sabhi kuchh karke chhip jaate hain। yoon part to sabhi bajaate hain। islaami-bauddhi aadi sab chhip jaayenge, oopar chale jaayenge। yeh bhi koi nahin jaante। manushyon ko hi samjhaaya jaata hai। jaanvar ko to nahin bataayenge। manushya ka janma sabse oonch gaaya jaata hai। woh kaun-sa? kehte bhi hain ki manushya ki to chamdi bhi kaam mein nahin aati। phir kehte hain - manushya ka janma uttam hai। vaastav mein tumhaara yeh janma uttam hai, jo baap baith tumhaari seva karte hain। duniya ke manushyon ka yeh jeevan bahut kanishta hai। tum jaante ho - ham bhi pahle chhi-chhi moot paleeti manushya the, ab baba hamaare is vastra ko gyaan lakshya soap se saaph karte hain aur kehte hain - ab apne baap ko yaad karo।

is duniya mein baap ko koi bhi nahin jaante hain। baap ko jaanen tab to bachche banen। shiv ke banen, brahma ke banen tab pautre kahlaayen। brahman bhi do prakaar ke hain - ek hain mukh vanshaavli, doosre hain kukh vanshaavli। tum ho brahma ke mukh vanshaavli brahmaakumaar-kumaariyaan। brahma ka baap kaun? shivbaaba। unka baap to koi hota nahin। tumko padhaane vaala bhi woh hai। tumhaara guru bhi woh hai। abhi sammukh baithe hain phir chhip jaayenge। patit duniya ko paavan banaae, devi-devta dharma ki sthaapna kar aur sabko muktidhaam mein le jaayenge। 21 janmon ka sukh de diya phir aur kya chaahiye! baba sada sukhi to banaate hain। baaki oonch pad paane liye to purushaartha karna pade।

shreekrishnapuri ko sukhdhaam kaha jaata hai। shreenaaraayan ka bachpan nahin dikhaate hain। shreekrishna ka svayanvar dikhaate hain। agar raadhe se svayanvar hua to phir unka naam kya badli hua! woh dikhaate nahin। lakshmi-naaraayan ka to manushyon ko pata nahin। unke jeevan charitra ko koi jaante nahin। tum abhi samajh rahe ho। koton mein koi hi niklega, jisne poora chakra lagaaya hoga। tum yeh jaante ho - bhakti woh karte jo pahle-pahle poojya se pujaari bante hain। bhakta to sabhi hain। sarson ke muaaphik manushya hain। tum jaante ho - ab bichaare sabhi maut ki chakki mein hain। ab tum bachchon ko bahut badi buddhi mili hai। 84 janmon ka chakra buddhi mein rakhna bada sahaj hai। ham abhi brahman hain। so phir devta banenge phir 84 janma lene padenge। ham so ka arth bhi bachchon ko samjhaaya hai। ham so, so ham - yahaan hi gaate hain। aur dharmon mein yeh akshar hi nahin। om maana bhagwan samajh lete hain। vaastav mein om arthaat aham aatma। woh phir ulta kah dete - aatma so paramatma। achha, phir kya? ham shareer to hain nahin। parampita paramatma to aise kah na sake ki aham aatma mam shareer। woh baap kehte hain - aham aatma to barobar hain। hamne yeh shareer loan par liya hai। yeh hamaari jutti nahin hai। hamaare pair hain nahin। hamaare charnon ki pooja ho nahin sakti। krishna ke charan hain, hamaare to hain nahin। main hoon hi niraakaar। yoon to aatma bhi niraakaar hai। parantu woh 84 janmon mein aati hai। mera to shareer hai nahin। main ashareeri hoon। tumko bhi kehta hoon - ashareeri bankar mujhe yaad karo। tum jaante ho - baba aaya hua hai। unka kya part hai? patit srishti ko paavan banaana। niraakaar to zaroor koi shareer mein aaya hoga। manushyon ko pata na hone kaaran unhonne phir naam likh diya hai - first prince shri krishna ka। ab shreekrishna yahaan kaise aa sakta? yeh samajhkar phir samjhaana hai।

taigor aadi geeta ki kitni mahima karte the! vaastav mein yeh shreekrishna ke bahut janmon ke ant ka janma hai, jismen shivbaaba baith geeta gyaan sunaate hain। baba kehte hain - main chhote bachche ke tan mein kaise baith sunaaoonga? zaroor anubhvi rath chaahiye। drama anusaar hamaara yeh rath mukrar hai। aise nahin ki phir doosre kalpa mein aur rath loonga। brahma dvaara hi sthaapna karenge। kalpa pahle bhi tum brahmaakumaar-kumaariyon ne brahma dvaara varsa liya tha। ab baap kehte hain - aur sang tod mujh sang jodo। mera to ek shivbaaba, doosra na koi। tum maat pita........ jiski itni mahima hai, abhi tum unke sammukh baithe ho। vichaar kiya jaae - barobar hamko kisne racha? kehte hain - allaah ne racha। to zaroor allaah ki koi female bhi hogi? allaah to niraakaar hai, unki female phir kahaan se aai? tum god father kehte ho to father hamesha rachta hota hai। mother hi na ho to unko father kaise kahenge? bachcha paida hota hai tab hi father kehte hain na। yeh kisko pata nahin god father ki female kaun hai? yeh hai sabse guhya baaten। Adam beebi donon hain। Adam unko kahenge to phir sarasvati ko beebi nahin kah sakte। woh beebi ho to phir unki maa kaun? yeh badi samajhne ki baaten hain। baap hi baith samjhaate hain। is hisaab se yeh (brahma) meri sajni hui। iske mukh dvaara rachta hoon tum bachchon ko। brahma tan mein pravesh karta hoon। unhon ko sambhaalne liye phir jagat amba nimitta bani hui hai। aadi dev brahma aur jagat amba sarasvati yeh kaun hai? vivek kehta hai brahma ki beti hai। to rachna kaise rachi? brahma dvaara racha to yeh hai badi maa। phir sambhaalne ke liye mama bhi hai, baba bhi hai। pahle number mein sarasvati jaati hai। jagat amba ki kitni mahima hai! ab tum samajh gaye ho - ham so brahman bane hain। ham eeshvar ki god mein aaye hain। ismen bhi do prakaar ke hain - sage aur lage। ek hi maata ke bachche phir sage aur lage ka to savaal hi nahin uthta। yahaan bhala sage aur lage kyon kaha jaata hai? kehte hain jo sage bante hain vo pratigya karte hain - ham pavitra ban varsa lenge। to aise pavitra hi gaddi-nasheen vaaris bante hain। lage phir praja mein chale jaate hain। sage bhi bahut banenge phir unmein bhi nambarvaar honge। jitna jo purushaartha karenge woh maa-baap ke takhta par baithenge। mama-baba takhta par baithte hain to hamko bhi takhta milna chaahiye। parantu banenge nambarvaar। to yeh hai yog ki yaatra। baba ko yaad karna hai, svadarshan chakra phiraana hai, aap samaan banaana hai। mehnat karni padti hai aap samaan banaane mein। bachchiyaan parichay dekar baap ke paas refresh hone liye le aati hain। baba dekhte hain - kaun-kaun baap se poora varsa lenge, aur sab taraph se mamatva mitaaye ek taraph lagaayenge? jaante hain baba hamko vishwa ka maalik banaane vaala hai। baap kehte hain ham tumko svarga ka maalik banaayenge। phir chaahe sooryavanshi, chaahe chandravanshi bano।

to baap apne aap sab-kuchh kar rahe hain। phir chhip jaayenge। ghadi-ghadi avtaar to lete nahin hain। unko apna shareer hi nahin hai। woh ek hi baar aate hain। tum to ghadi-ghadi ek chola chhod doosra lete rehte ho। main punarjanma mein aata nahin hoon। kitna achhi reeti samjhaate hain। aage yeh baaten buddhi mein nahin thi। anaayaas ghar baithe raaste jaate baba ne pravesh kar liya phir maaloom pada। ab din-pratidin sab baaten buddhi mein baithti jaati hain। kehte hain na ham 7 din ka bachcha hoon, do maas ka bachcha hoon। yeh gyaan to second mein bhi mil sakta hai। kitne bachche hain! aur koi satsang nahin hoga jahaan itne bachche hon। prajaapita brahma aur jagat amba bhi baap ke bete-beti hain, na ki mel-female। mel-female itne bachche kaise paida karenge! kukh vanshaavli ki to baat hi nahin। jinhonne kalpa pahle maat-pita ka bankar varsa paaya hai, vahi aate rehte hain। kalam lagti rehti hai। bageecha hai na। abhi devi-devta dharma ke phool to hain nahin। baaki sab jaise kaante hain। chubhte hain। yeh kaanton ki duniya hai। baap aakar kaanton se kali, kali se phool banaate hain। shreemat par nahin chalte hain to phir gir padte hain। baba samajh jaate hain - yeh vikaaron mein gir pada। abhi tum patit se paavan ban rahe ho। baapu gaandhi bhi patit-paavan ko yaad karte the। chaahte the - world almighty authority ka raajya ho। so to baap hi sthaapan karenge। tum jaante ho - ab hamko is kansapuri se krishnapuri mein jaana hai। bhaarat mein satayug tha। lakshmi-naaraayan ka raajya tha। paanch hajaar varsha ki baat hai। paanch hajaar varsha se puraani cheez koi hoti nahin। laakhon varsha ki to koi cheez rah na sake। dekho, tum boodhi maataayen gudgaanv se aai ho maat-pita paas, jinse varsa milna hai। baap bhi budhiyon ko dekh khush hote hain। paanch hajaar varsha pahle bhi aakar varsa liya tha। saara madaar purushaartha par hai। tum budhiyaayen itna gyaan utha nahin sakti। yeh daada boodha to bahut achha padhta hai। tum samajhti ho - javaan sarasvati maa achha padhti hai। are, yeh to brahmaputra nadi hai। yeh to zaroor jaasti padhte honge na। yeh boodha sabse teekha hai। woh to phir bhi beti ho gai। budhiyon ke liye bhi hai bahut sahaj। baba ko yaad karte raho। oho! shivbaaba kurbaan jaaoon, aap to sukhdhaam le jaate ho! bas, aise khushi mein raho to bhi beda paar hai। hamesha samjho - shivbaaba samjhaate hain। inko chhod do। aise hi samjho shivbaaba sunaate hain to buddhiyog shivbaaba paas jaane se vikarma vinaash honge। mama bhi shivbaaba se sunkar sunaati hai। sadaiv ek shivbaaba ki hi yaad rahe to vikarma vinaash hote rahenge। achha!

meethe-meethe sikeeldhe bachchon prati maat-pita baapdaada ka yaad, pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gaddi-nasheen pakka vaaris banne ke liye pavitrata ki pratigya kar saga bachcha banna hai, aur sang tod ek sang jodna hai।

2) aap samaan banaane ki seva karni hai। kaante se kali, kali se phool banna aur banaana hai। naye jhaad ki kalam lagaani hai।

vardaan:- karmo ki guhya gati ke gyaata ban dharmaraaz puri ki sajaaon se bachne vaale vikarmaajeet bhav

sajaaon ke anubhav ko hi dharmaraajpuri kehte hain, baaki dharmaraajpuri koi alag sthaan nahin hai, last mein apne kiye hue paap jamdoot ke daraavne roop mein saamne aate hain। us samay pashchaataap aur vairaagya ki ghadi hoti hai, chhote-chhote paap bhi bhoot ki tarah lagte hain। pashchaataap ki traahi-traahi hoti hai isliye un sajaaon ki feeling se bachne ke liye karmo ki guhya gati ke gyaata ban sada shreshtha karma karo aur vikarmaajeet bano।

slogan:- jo tan-man-dhan se baap par poora balihaar jaate hain vahi gale ka haar bante hain।