मंगलवार 25 जुलाई 2023 की दैनिक मुरली

25-07-2023 praatahmurli om shanti "baapdaada"' madhuban

“meethe bachche - sirf do akshar yaad karo - ham hain satguru potre jo brahma baap dvaara daade ka varsa lete hain''

prashn:- chadhe to chaakhe vaikuntha ras…yeh gaayan tum bachchon se lagta, doosron se nahin - kyon?

uttar:- kyonki tumhaare saamne jabardasta manzil hai। tum baap ke paas paramdham ghar jaate ho, phir nai duniya mein aate ho। doosre kisi ke liye bhi yeh gaayan nahin ho sakta hai। bhal unmein bhi kachche-pakke nambarvaar hote hain lekin unke saamne manzil nahin hoti। woh vaikuntha ras ko jaante bhi nahin। tum bachche hi kehte ho ab humein un raahon par chalna hai jahaan girna aur sambhalna hai।

geet:- humein un raahon par chalna hai........

om shanti। jab geet bajta hai to bachche samajhte hain ki hamaare liye inmen bhi gyaan hai। agyaani manushya ke liye agyaan hai। gyaani tu aatma ke liye gyaan hai। samajhte ho barobar maaya ke toofaan hi giraate hain phir eeshvar baap chadhaate hain arthaat gire hue ko gyaan ki sanjeevni booti dete hain। agar koi kaam ke toofaan mein aa jaate hain to gir jaate hain phir krodh ka bhi toofaan lagta hai to girna hota hai। yeh girna aur chadhna hota hai। chadhe to chaakhe vaikuntha ras........ ab yeh geet sivaae tumhaare aur kiske saath lag nahin sakta। sannyaasiyon se bhi nahin lag sakta। bhal unhon ke paas bhi kachche sannyaasi honge parantu unhon ki koi manzil nahin hai। tumhaari to bade te badi jabardasta manzil hai। woh karke shaastra aadi padhkar vidvaan ban jaate hain। baaki raajaai aadi ki koi manzil nahin, ismen badi oonch manzil hai। bachche jaante hain behad ka baapdaada padhaate hain। mama bhi padhaati phir bachche bhi padhaate hain। tum ho daade potre। amritsar mein daade potre hote hain phir kahenge yeh saatveen peedhi hai, yeh doosri peedhi hai। tum samajhte ho satayug mein bhi peedhi chalti hai devtaaon ki। pahli peedhi, doosri peedhi........ yahaan phir tumhaari peedhiyaan nahin। ek daada, ek baba, ek mama aur bachche-bachchiyaan। bas, daade potre se aage kuchh nahin kahenge। ab yeh yaad karna to ati sahaj hai। ham brahmaakumaar-kumaariyaan hain। brahma hua hamaara baba। daada hai shiv। unse milkiyat milti hai। kitni sahaj baat hai। ham daade potriyaan brahmaakumaar-kumaariyaan hain। brahma ek hi bachcha hai shiv ka। aise nahin kahenge ki ham vishnu kumaari athva shankar kumaari hain। prajaapita ek hi brahma ko kaha jaata hai। baba bahut sahaj samjhaate hain। brahmaakumaar-kumaariyaan। tum brahmaakumaar-kumaari bane ho - shivbaaba se varsa lene liye। shivbaaba kehte hain aise-aise koi ko samjhaao। yaad zaroor shivbaaba ko karna hai, jisse varsa milta hai। aur koi ko yaad karenge to narka ka varsa milega - yeh to samajh ki baat hai। varsa baap se nahin, daade se milta hai।

svarga ka rachayita gyaan daata woh hai। shivbaaba sunaate hain brahma dvaara, phir yeh brahma bhi sun lete hain। brahma ki bhi pahli-pahli bachchi sarasvati gaai hui hai। brahmaakumaari sarasvati jagat amba kitni gaai hui hai! woh brahma se bhi jaasti varsa le leti hai isliye pahle lakshmi phir naaraayan gaaya jaata hai। tum jaante ho ham jagat amba aur jagatpita ke bachche thahre, to kyon nahin daada se varsa le lenve? ham brahmaakumaar-kumaariyaan daade, potre, potriyaan hain, bas। doosri-teesri peedhi nahin hai, parpotre tarpotre kuchh nahin। daade ko kaun yaad nahin karega? tum jaante ho ham jitna yaad karenge utna vikarma vinaash honge। tum koi ko bhi samjha sakte ho shiv parampita paramatma svarga ka rachayita hai। barobar rachte hain brahma dvaara, phir brahmaakumaar-kumaari ko brahma dvaara kehte hain ki mujhe aur varse (svarga) ko yaad karo। deh ke sab sambandhon ko bhool jaao। kaha jaata hai na - aap muye mar gai duniya। aatma shareer se alag ho jaati hai to kuchh bhi nahin rehta। deh ka abhimaan nikal jaata hai। ham baba ke paas aaye hain, phir ham gora banenge। abhi shyaam hain। shyaam aur sundar banne ka yeh naatak hai। aatma pure haseen banti hai। abhi tumhaari aatma iron aged ban gai hai, to shareer bhi aise hain। satayug mein tum gore the। ek haseen musaaphir aate hain gora banaane। unki aatma to sadaiv gori hai। kabhi khaad nahin padti hai kyonki woh janma-maran mein nahin aate hain। kitna sahaj kar samjhaate hain! phir bhi aise daade ko bhool kar faarakti de dete hain isliye baba kehte hain mahaan se mahaan moorkha aur phir sayaane se sayaane dekhne ho to yahaan dekho। moorkha bhi aise hain jo ati sahaj do baaten bhi samajh nahin sakte। sirf samajhna hai - ham aatma hain, woh niraakaar paramatma hamaara daada hai। yeh prajaapita brahma to naameegraami hai। un dvaara shivbaaba varsa dete hain। brahma ko chhoda, daade ko bhi chhoda to varsa khatma ho jaayega। baba kitna sahaj karke samjhaate hain! ham hain brahmaakumaar-kumaariyaan। brahma-vishnu-shankar hain sookshmavtanvaasi। usmein bhi brahma ko prajaapita kehte hain। sookshm vatan mein to manushya srishti nahin rachi jaati। shankar va vishnu ko prajaapita nahin kah sakte। praja ka pita to zaroor yahaan hoga। brahma ke mukh kamal se brahman nikle। braahmanon se poochho - tum kiski vanshaavli ho? yeh sirf gaayan ho gaya hai, baaki aise hai nahin।

abhi tum jaante ho parampita paramatma brahma dvaara devta, kshatriy dharma sthaapan karte hain so to karenge sangamayug par। sangamayug par brahman zaroor chaahiye। kaliyug ant mein hain shoodra। tum bachchon ko kitna achhi reeti samjhaaya jaata hai! shreemat to mashhoor hai। shreemat bhagvat geeta। unse kya sunna hota hai? shri shri ne gyaan sunaaya hoga, shreshtha te shreshtha banaaya hoga। abhi tum practical mein bi.ke. bane ho। tum kehte ho - baapdaada, ham kalpa pahle bhi aapse mile the। ham daade se apna varsa lene liye aaye hain। achha, usse kya bane the - sooryavanshi va chandravanshi? shri naaraayan ko vara tha ya shri raam ko? kehte hain - baba, ham to shri naaraayan ko varenge। parantu phir bhool jaate hain, jo itna laayak banaate hain unko bhool jaate hain। daade ko va baap ko shal koi bhi na bhoole। jhat faarakti de dete hain, yaad nahin karte hain। gyaan ke do akshar dhaaran nahin karte। ham satguru potre athva daade potre hain। unse varsa lete hain purushaartha se। laukik baap ka varsa athva property to baanti jaati hai। yahaan baantane ki cheez nahin, ismen to purushaartha karna padta hai। koi moon aadi mein plat nahin khareed karna hai। yahaan to raajaai ke maalik bante ho। part to yahaan hi bajaana hai। moon aadi mein nahin jaana hai, isko science ghamanda kaha jaata hai। ati ghamanda mein jaane se vinaash ko praapta karte hain। kya-kya nikal pada hai! hajaaron-laakhon mile tak jaate hain। unhon ko maaloom padta hai - abhi yeh kahaan tak pahuncha hai? oopar chandrama mein kya hai? chandrama to sheetal hai na। soorya ke aage jaane se tap jaayenge। kitna science ghamanda hai। naam bhi rakha hai rocket। baba ne samjhaaya hai - aatma sabse bada rocket hai। hai to ek hi bindi। uska kya vazan hoga? bindi mein kitni saari knowledge hai! ek second mein kahaan se kahaan ud jaati hai। baba ko yaad kiya aur second mein ude। yeh bhi shrewd (teekshna) buddhi hi samajhkar samjha sakte hain। shiv-baba bhi bindi hai। ling swaroop kahne se kahenge itni badi aatma to hoti nahin, na paramatma hi aisa hota। woh phir kehte hain - paramatma to brahm hai। kuchh bhi samajh na saken। jab tak koi sammukh na aaye tab tak paramatma ke naam-roop aadi ko samajh na sake। ham bhal shivbaaba ka chitra dikhaate hain parantu aisa hai nahin। woh to bindi roop hai, lekin bindi ki pooja kaise karenge, phool aadi kaise chadhaayenge? to yeh bhakti maarga chala aaya hai, pooja ke liye mandir mein bada roop bana diya hai।

achha, baba kehte hain kiski buddhi mein yeh gyaan na baithe phir bhi yeh to samajh sakte ho na ki ham brahmaakumaar-kumaari hain, daade potre hain। oonch te oonch shiv bhagwan hai। unki rachna ko to god father nahin kahenge। ham hain unke potre। woh kehte hain main tumko svarga ka maalik banaata hoon। tum bhi jaante ho ham abhi tamopradhaan saanvare hain। baba se satopradhaan gore ban rahe hain। phir kaam chita par chadhne se sabhi kaale ban jaate hain। shyaam aur sundar bante hain। ab phir satopradhaan banne liye baap ko yaad karna hai। ek musaaphir kitne ko haseen banaate hain, vishwa ka maalik banaate hain! sirf kehte hain - mujh baap ko yaad karo। nahin to varsa kaise milega? vikarma vinaash ke liye yog agni chaahiye। ghadi-ghadi yaad karna hai। kai samajhte hain - ham bachche to hain na। parantu saara din yaad nahin karenge to vikarma vinaash nahin honge, khushi ka paara nahin chadhega। 20-25 varsha vaalon ko bhi yeh baat buddhi mein nahin baithti। bhool jaate hain। phir puraani duniya mein jaakar takdeer ko lakeer laga dete hain। maa-baap ki god mein aane se hi takdeer shuru hoti hai। mama-baba kahne se svarga ke hakdaar to bane na। praja bhi kehti hai na - hamaara hindustaan sabse ooncha। are, sabse oonch hota to phir karja kyon uthaate, kangaal kyon bante? yahaan se bahut dhan le gaye hain। kaarkhaanon se paidaais hoti hai। kaarkhaana na nikaalen to koi ko naukri na mil sake। naukri na mile to paalna kaise karen? duhkhi ho pade hain isliye bhaarat ke liye kitni yukti rachi hui hai। bachchon ko bahut duhkh na ho uske liye yeh yukti hai। yahaan se kitne baahar jaate hain naukri karne, kyonki vahaan paise bahut milte hain। baap kehte hain hamaara to kaanton par bhi pyaar hai। sab patiton ko aakar paavan karta hoon। kaanton par bhi pyaar hai to kaanton se jo phool bante hain un par bhi pyaar hai। drama anusaar sabko sadgati deta hoon। sabka sadgati daata raam........ to sabka pyaara hua na। usmein kaante bhi hain, phool bhi hain। kaayde anusaar svarga ki sthaapna hoti hai to uske liye laayak bhi banaate hain। kehte hain na - patit-paavan aao, aakar paavan banaao। abhi tum jaante ho patit-paavan baap aaya hai। bhaarat ko khaas aur duniya ko aam paavan banaate hain। sarvodaya leader naam rakhaaya hai। yeh bhi apne par naam rakh diya hai, jaise shri shri 108 kahlaate hain। sarva maana sab। koi bhi manushya to sabki sadgati kar na sake। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh-bhaan ko bhoolne ke liye jeete ji marna hai। aap muye mar gai duniya। baar-baar is deh se nyaara hone ki practice karni hai।

2) ham daade potre hain। humein laayak ban unse poora-poora varsa lena hai। aatma ko yogbal se paavan banaana hai। khushi mein rehna hai।

vardaan:- ashaanti va hangaamon ke beech shanti kunda ki anubhooti karaane vaale shanti swaroop bhav

jab kisi sthaan par hangaama ho, to us jhagde ke samay shanti ke shakti ki kamaal dikhaao। sabki buddhi mein aaye ki yahaan to shanti ka kunda hai, shanti kunda ban shanti ki shakti phailaao, shanti swaroop hokar shanti kunda ka anubhav karaao। us samay vaacha ki seva nahin kar sakte lekin mansa se shanti kunda ki pratyakshata kar sakte ho। sabko vibration aane chaahiye ki bas yahaan se shanti milegi। to aisa vaayumandal banaao।

slogan:- svayan ki aur sarva ki chintaaon ko mitaana hi shubhchintak banna hai।