बुधवार 2 अगस्त 2023 की दैनिक मुरली

02-08-2023 praatahmurli om shanti "baapdaada"' madhuban

“meethe bachche - amritvele uth meditation mein baitho, vichaar karo - main aatma hoon, hamaara baba baagvaan hai, vahi khivaiya hai, main uski santaan hoon, maalik ban gyaan ratnon ka simran karo''

prashn:- kis ek baat ka mahatva duniya mein bhi hai to baap ke paas bhi hai?

uttar:- daan ka। tum bachchon ko merciful ban sabke oopar taras khaana hai। sabko avinaashi gyaan ratnon ka daan dena hai। daaniyon ki bahut mahima hoti hai। akhbaar mein bhi unka naam nikalta hai। to tumhein bhi sabko daan karna hai arthaat meditation sikhlaana hai।

geet:- mujhko sahaara dene vaale…

om shanti। sahaara unko diya jaata hai jo doobte hain, unko paar karne ke liye sahaara dete hain kyonki khivaiya naam to bhaaratvaasi jaante hain। khivaiya ka kaam hai doobne vaale ko bachaana। bachche jaante hain - bhaaratvaasiyon ka beda dooba hua hai। har baat bhaaratvaasiyon ke liye hi hai। aur koi khanda ke liye nahin kahenge। yeh bhi tum samajhte ho। satya naaraayan ki katha athva amarnaath ki katha bhi yahaan hoti hai। tum jabki subah ko meditation mein baithte ho to kisko yaad karte ho? bhakti maarga mein to koi kisko, koi kisko yaad karte hain। un sabki saadhna hai aythaartha। sikhlaane vaala khivaiya va baagvaan to koi hai nahin। guru log bhi meditation sikhlaate hain ki aise-aise karo। bahut prayatna karte hain yaad mein rahne ke liye। yog saadhna kaha jaata hai। woh to manushya, manushya ko karaate hain। abhi tum jaante ho is bageeche ka maali athva maalik hai parampita paramatma। kaanton ke jangal ka maalik hai raavan। maaya raavan kaanton ka jangal banaati hai। yeh tumhaari baaten bhi koi-koi jaante hain। bhool jaate hain। maaya bhula deti hai। meditation mein baithne mein bhi maaya bada vighna daalti hai। meditation kaise karo - yeh bhi baap sikhlaate hain। tum to karmayogi ho। din mein to karma karna hi hai। uske liye koi bandhan nahin hai। din mein kabhi bhi meditation nahin hoti hai। din mein to khaana-peena, khelna-koodna, dhandhaadhori karna hota hai। usmein yaad thode-hi rah sakti hai। kehte to bahut hain ki ham saara din yaad mein rehte hain parantu hai to bada mushkil। baba anubhav batlaate hain। amritvele ka samay satoguni hota hai, us samay yaad karna sahaj hai। amritvele ka time sabse achha hai। din mein to laphde rehte hain। haan, karma karte samay yaad sthaai rah sakti to hai bahut achha। parantu baba apna anubhav batlaate hain - main koshish karta hoon baba ki yaad mein rah tumse baat karoon। andar yeh nasha rehta hai - main svayan baap (prajaapita brahma) bachchon se baat karta hoon। main svayan manushya srishti ka baap hoon - aisa samajhne se nasha chadhta hai। baaki main aatma hoon, parampita paramatma baap ko yaad kar baat karoon, woh yaad bada mushkil rehti hai। baba apna anubhav batlaate hain na। baap sikhlaate bhi hain। yeh to jaante hain ham baagvaan hain। baagvaan to zaroor bageecha hi banaayenge। kaanton ko thode-hi banaayenge। maali kaanton ka beej thode-hi lagaayenge। maali hamesha baagvaan hote hain, phool lagaate hain। to baba bhi phool lagaate hain। forest banaane vaali hai maaya। unki mat par chalne se manushya kaante ban jaate hain। yeh to gyaan mila hai - baba baagvaan hai, khivaiya hai, merciful bhi hai, beejroop bhi hai। raat ko jab baithte hain to khyaal chalta hai - yeh kitna bada bageecha hai! pahle kitna chhota tha! to yog ke saath-saath gyaan bhi chaahiye। manushyon ke paas gyaan to kuchh bhi nahin hai। anek prakaar ke yog lagaate hain। kisi na kisi ki yaad mein baithte honge। gyaan ki baat hi nahin। kaali maa ki yaad mein baithe honge to sirf kaali ki shakla hi saamne aayegi। jagdamba ko yaad karte rahenge। woh hai bhakti maarga। na baap ki yaad, na varse ki yaad rehti hai। bhakti bahut tareeke se karte hain। maala pherte hain। koi to gupta pherte hain। hamaari bhi hai gupta maala। to yeh rasma-rivaaj bhakti maarga mein kitni chalaate hain। baba ko chhotepan ka anubhav hai। jaise baap pherte the, ham bhi unko dekh ek kothri mein baith maala pherte the। raam-raam kehte the। bas, gyaan kuchh bhi nahin। abhi tum bachchon mein to gyaan hai। amritvele is meditation mein baithne ki aadat pad jaaye to bada maja aayega। baba apna anubhav batlaate hain। gyaan mein bhi raman karte rehte hain। kitna bada bageecha hai। pahle chhota tha। beej bhi yaad aaya, bageecha bhi yaad aaya। kaise bageecha banta hai - baba mein bhi yeh gyaan hai, hamaare mein bhi yeh gyaan hai। saara jhaad buddhi mein aa jaata hai। andar chalta rehta hai, isko meditation kaha jaata hai। baap ki bhi khushi, gyaan ki bhi khushi rehti hai। donon cheejen yaad aati hain। woh tatva gyaani aise meditation mein nahin baithte hain। unko to zaroor tatva hi yaad aayega। bas, tatva mein leen ho jaana hai। rachayita aur rachna ka to unhon ko pata hi nahin hai। to unhon ki aur tum bachchon ki baat aur hai।

baba beejroop hai - hamko yeh knowledge hai। raat ko baithne se achhe-achhe khyaalaat aayenge। samajh sakte hain bhakti maarga mein kya-kya karte the। kitne hathayog aadi sikhlaate hain। abhi to samajh mili hai baap ko yaad karne se unki saari rachna (jhaad) yaad aa jaati hai। ham 84 janmon ka chakra lagaakar aaye hain। abhi ham jaate hain vaapis। yeh drama ka chakra phirta rehta hai। gyaan dhan ko bhi yaad karte, dhan dene vaale ko bhi yaad karte hain। jitna yaad mein rahenge utna avastha paripakva hoti jaayegi। tum kisko bhi samjha sakte ho - meditation mein ham kaise baithte hain। manushyon ko to anek prakaar ki mat milti hai - phalaane ko yaad karo। yahaan ham sab ek mat par hain, ek ki hi yaad mein rehte hain। chhote, bade, boodhe - sabko ek hi mat milti hai। meditation mein to baithna hota hai na। ham aatma so paramatma to ho nahin sakte। aatma kehti hai - hamne 84 janma poore kiye, ab vaapis jaana hai। paramatma aise kahenge kya? woh to punarjanma mein aate nahin hain। tumhaare paas jab koi aaye to use haal mein le aao। koi achhe-achhe aadmi aate hain, dekho, samajhne ki chaahna hai to yahaan le aao, unhein samjhaao ki ham kaise meditation karte hain। raat mein bhi meditation karte hain, din mein bhi karte hain। ham yaad karte hain ek baap ko। baap ka farmaan hai - mujhe yaad karo aur rachna ke chakra ko yaad karo। 84 janma bhi gaaye jaate hain। zaroor pahle-pahle devi-devtaayen the। unhon ke hi 84 janma bhi gaaye jaate hain। yeh chakra ka raaz achhi reeti samjhaana pade। hamko baap aur unki rachna ka yeh chakra yaad rehta hai। baap ki yaad aur rachna ke aadi-madhya-ant ka gyaan buddhi mein hai। ham sabki ek hi mat hai। ham hain shreemat par। woh patit-paavan baap hi aakar behad svarga ka varsa dete hain। to baap ko zaroor yaad karna pade na। baap dvaara hi ham varsa paate hain। phir girte hain, ant mein patit ban jaate hain। baap rachayita to rachna ki hi knowledge denge। god father is knowledgeful, patit-paavan। to zaroor patit duniya mein aakar paavan banaayenge na। aise tum koi ko baith samjhaayenge to prabhaavit honge। bolo, sirf achha-achha kahkar nahin jaao, yeh to practical mein laana hai। janma-janmaantar ka sir par bojha bahut hai। ismen time lagta hai।

tumko samjhaana hai - baba aaya hua hai, maut saamne hai, gaphlat karenge to varsa pa nahin sakenge। shubh kaarya mein deri nahin karna chaahiye। ab seekhkar jaao। is meditation mein baithne se tumko nasha achha chadhega। abhi baap ko yaad karo। tumhaara baap to hai na। bhakti maarga mein janma-janmaantar yaad karte aaye ho। laukik baap to har janma mein badalta hai phir bhi tum niraakaar baap ko zaroor yaad karte ho kyonki woh hai avinaashi baap। vinaashi (laukik) baap se vinaashi varsa milta hai। avinaashi baap se avinaashi varsa milta hai। ham ek shri shri ki shreemat se shreshtha bante hain। aadi sanaatan to devi-devta dharma hi hai। unse phir aur biraadri nikalti hain। sannyaasiyon ka hai rajopradhaan sannyaas। yeh hai satopradhaan sannyaas। yeh hai hi raajayog।

bhaarat ka mukhya shaastra hai geeta। to meditation ke liye yeh samjhaana hai - baap hamko aise meditation sikhlaate hain। bhagwan kabhi manushya ko nahin kah sakte। bhagwan to sabka ek hona chaahiye na। vahi patit-paavan hai, vahi heavenly god father hai aur aate bhi bhaarat mein hain। unka bhakti maarga mein kitna bada mandir bana hua hai। us shri shri ki mat se hi ham shreshtha bante hain। in baaton ko baith samjho। baap aur rachna ke aadi-madhya-ant ko jaano। yeh aur koi nahin jaante। satayug ki aayu hi itni batlaate hain। pahle jhaad naya hota hai to usko svarga kahenge। phir woh jadajdeebhoot ho jaata hai। abhi yeh saari duniya narka hai। ghar-ghar to kya saari duniya hi narka hai। yeh hai hi kaanton ka jangal। ek-do ko kaanta hi lagaate rehte hain। baap aakar phir garden oph allaah banaate hain। baap aakar bahishta sthaapan karte hain। tum jaante ho phoolon ka bageecha kisko aur kaanton ka jangal kisko kaha jaata hai। tum daivi phool ban rahe ho। to chintan chalta rehna chaahiye। baba mein bhi yeh knowledge hai। bachchon mein bhi yeh knowledge hai। aise-aise khyaalaat chalaane se raat ko bada maja aayega, aise-aise samjhaayen। bichaare kuchh nahin jaante hain isliye apne ko taras padta hai। O god father kehte hain। parantu baap ko aur unki rachna ko jaante nahin hain। ham bhi ab allaah ke bachche bane hain। samjhaane ka bhi bada nasha chaahiye। avinaashi gyaan ratna hain to phir daan karna chaahiye। daani ki bahut-bahut mahima karte hain। akhbaar mein bhi padta hai। religious minded hi daan karte hain। tum to ho hi religious minded। daan hi nahin karenge to milega kya? daan to zaroor dena hai। gyaan daan dena to ati sahaj hai। baba batlaate hain - ham aise meditation mein baithte hain, is duniya ka chakra aise phirta hai। pahle ek dharma tha। peechhe yeh dharma nikle hain। yeh sab biraadriyaan hain। yeh baaten tum bachchon ki buddhi mein baithni chaahiye। manushyon ko yog ka bahut shauk rehta hai। bolo, hamaara meditation chalkar dekho। religious minded jo hote hain woh meditation haal dekhkar khush hote hain। religious minded manushya kabhi paap nahin karte। tumhaare paas samjhaane ki points to bahut hain। parantu bachche nambarvaar hain। koi ki buddhi ka taala hi nahin khulta hai। baap ko yaad nahin karte to taala khulega kaise? hai bahut sahaj baat। samjhaana hai ham yaad mein kaise baithte hain। manushyon ko to pata nahin ki ham kisko yaad karte hain! hamko sikhlaane vaala svayan niraakaar parampita paramatma hai jo sabka baap hai। woh patit-paavan god father hamko raajayog sikhlaate hain। ab tum seekho, na seekho। ham sabki to ek hi mat hai। shri shri se ham mat le rahe hain। yeh hai em object। jaise baap knowledgeful, vaise bachche। manushya se devta ek hi baap banaate hain। aise-aise vichaar karne se raat ko bhi bahut maja aayega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) amritvele uth yaad mein baith gyaan ka raman karna hai। gyaan dhan ko bhi yaad karna hai to gyaan daata ko bhi yaad karna hai।

2) eeshvareey nashe mein rahkar seva karni hai। sabko meditation karne ki sahaj vidhi samjhaani hai। ekmat hokar rehna hai।

vardaan:- roohaani prasannata ke vibration dvaara sarva ko shanti aur shakti ki anubhooti karaane vaale sarva praapti swaroop bhav

jo parmaatma praaptiyon se sampanna, sarva praapti swaroop bachche hain, unke chehre dvaara roohaani prasannata ke vibration anya aatmaon tak pahunchte hain aur ve bhi shanti aur shakti ki anubhooti karte hain। jaise phaldaayak vriksha apne sheetalta ki chhaaya mein maanav ko sheetalta ka anubhav karaata hai aur maanav prasanna ho jaata hai, aise aapki prasannata ke vibration apne praaptiyon ki chhaaya dvaara tan-man ke shanti aur shakti ki anubhooti karaate hain।

slogan:- jo smriti swaroop rehte hain unhein koi bhi paristhiti khel anubhav hoti hai।