गुरुवार 3 अगस्त 2023 की दैनिक मुरली

03-08-2023 praatahmurli om shanti "baapdaada"' madhuban

“meethe bachche - yaad ki yaatra mein time dete raho to vikarma vinaash hote jaayenge, sabse mamatva mit jaayega, baap ke gale ka haar ban jaayenge''

prashn:- god father dvaara tum bachche kin do shabdon ki padhaai padhte ho? un do shabdon mein kaun-sa raaz samaaya hua hai?

uttar:- god father tumhein itna hi padhaata ki - he aatmaayen, ‘shareer ka bhaan chhodo' aur ‘mujhe yaad karo' - yeh do shabdon ki padhaai iseelie padhaai jaati hai kyonki ab tumhein is puraani duniya mein puraani khaal nahin leni hai। tumhein nai duniya mein jaana hai। main tumhein saath le chalne aaya hoon isliye deh sahit sab kuchh bhoolte jaao।

geet:- tumheen ho maata, pita tumheen ho…

om shanti। bachche saaligraam jaante hain ki koi manushya dvaara ham shaastra nahin sunte hain। isko satsang nahin kaha jaata hai, padhaai kaha jaata hai। agar manushyon se poochha jaae to kahenge ki ham satsang mein jaate hain va kahenge ki ham college mein jaate hain। yeh to jaante ho satsang mein saadhu, santa, vidvaan aadi sunaane vaale honge। school mein bhi manushya teacher, professor aadi honge, yahaan manushya nahin hain। yeh hai behad ka roohaani baap, jisko kaha jaata hai - tvamev maataashcha pita..... yeh mahima devtaaon ki bhi nahin, brahma, vishnu, shankar ki bhi nahin। yeh mahima hai niraakaar parampita paramatma ki। ab bachche jaante hain ki niraakaar parampita paramatma yeh shareer dhaaran kar part baja rahe hain। sivaae is niraakaar parampita paramatma ke koi bhi brahmaakumaar-kumaariyon ko padha nahin sakte। brahma ko bhi gyaan saagar nahin kahenge। isko prajaapita kahenge, gyaan saagar ek hi niraakaar parampita paramatma ko kaha jaata hai। vahi patiton ko paavan banaane vaala hai kyonki gyaan saagar se hi sadgati hoti hai। yeh hai nai baat। geeta mein shreekrishna ka naam daalne se khandan kar diya hai। ab manushyon ko kaise pata pade ki knowledgeful parampita paramatma aakar knowledge dete hain। yeh manushya bhool jaate hain। aise nahin ki shaastra aadi dvaapar ke aadi mein hi bante hain। nahin, samjhaaya jaata hai pahle baap ka chitra, mandir aadi bante hain, jisse bhakti shuru hoti hai। bhakti bhi bahut samay paramatma ki honi chaahiye kyonki oonch te oonch woh hai। unki pooja pahle shuru hoti hai। pooja laayak hai hi ek shiv। aise nahin ki brahma, vishnu, shankar va jagat amba, jagat pita pooja ke liye laayak hain। in sabko poojya banaane vaala ek hi baap hai। unki bhakti bhi zaroor adhik hogi। yeh (brahma) to kuchh nahin। inmen parampita paramatma na aaye to inki pooja kya hogi? sabka sadgati daata ek hi baap hai। yeh vichaar saagar manthan karna hota hai। bhakti kaise shuru hogi? shivbaaba to vichaar saagar manthan nahin karte। bachchon ko vichaar saagar manthan karna hai। sarasvati, jo brahma ki mukh vanshaavli hai, unko bhi vichaar saagar manthan karna hai। oonch te oonch hai ek, agar woh na aaye to duniya ko patit se paavan kaun banaaye? sab manushya maatra patit hain। ab shivbaaba na aaye to svarga ka varsa kaun deve? nishchaybuddhi nahin hain to vijay maala mein piro na saken। sapoot bachche sadaiv gale ka haar bante hain। baap bhi khush hote hain - yeh bachcha bada sapoot aagyaakaari hai। bahut maa-baap hote hain jinko 12-14 bachche bhi hote hain, jinmen koi kapoot, koi sapoot bhi hote hain। patit-paavan baap ke sivaae patiton ka uddhaar koi kar nahin sakte hain। tum jaante ho ki ganga nadi par bhi ganga ka mandir hai। to samjhaana chaahiye ki yeh ganga phir kaun hai? kya yeh koi shakti hai, jisse patit se paavan bante hain va paani se paavan bante hain? baap kehte hain ki ganga patit-paavni nahin। sivaae yog ke koi bhi paavan ban nahin sakte, isliye tumhein koi ganga snaan nahin karna hai। yog ka arth hai yaad। buddhi ka yog lagaana hai। woh to bahut yog aasan aadi lagaate hain। anek prakaar ke hathayog karte hain, unko yog nahin kaha jaata hai। maataayen-ablaayen hathayog ko kya jaanen?

manushya school mein padhte hain, usmein dhakke khaane ki koi baat nahin rehti hai। koi na koi imtahaan paas karte hain। jaante hain yeh imtahaan paas karke yeh banenge। yahaan bhi tum jaante ho - yeh bhi imtahaan hai, god father padhaate hain। woh hai patit-paavan। tumhaari hai god fatherly student life। baap patit se paavan kaise banaate hain? kehte hain - he aatmaayen, is shareer ka bhaan chhodo। is puraane shareer ko chhodna hai। pahle-pahle tumhaara shareer gora tha, ab iron aged ho gaya hai। abhi tumko nai khaal to yahaan leni nahin hai kyonki yahaan to 5 tatva hi tamopradhaan hain। abhi main tum bachchon ko apne saath le jaaoonga। kalpa pahle bhi le gaya tha। main kaalon ka kaal hoon। sabko vaapis le jaaoonga। phir tumko amarpuri mein bhej doonga। yeh hai mrityulok, chhi-chhi duniya, isliye sangamayug ko 100 varsha chaahiye। aur to har ek yug 1250 saal ka hota hai। is pichhaadi ke sangamayug ki aayu bahut chhoti hai। jaise braahmanon ki choti chhoti hoti hai vaise sangamayug ki aayu bhi chhoti hai। phir yeh duniya khatma ho jaayegi, to naye makaan aadi banaane shuru karenge। usmein pahle shreekrishna aata hai। woh shaukeen hai mahal aadi banvaane ka। koi to bahut shaukeen tha na jisne somnaath ka mandir banvaaya। birla bhi shaukeen hai, kaisa achha mandir banaaya hai! number one mein poojya hai shivbaaba, phir bhakti maarga mein bhi pahle somnaath ka mandir banta hai। so bhi kuchh samay baad mein banta hoga। phir pooja shuru hogi। abhi to hai ghor andhiyaara। raat poori ho phir din aata hai।

baap kehte hain main raat aur din ke beech mein aata hoon। mahaabhaari ladaai bhi hai। likha hua hai ki yaadvon ke pet se woh cheejen nikli jisse saare kul ka vinaash hua। tum dekh rahe ho barobar vinaash ke liye taiyaari kar rahe hain। samajhte hain koi prerak hain। donon ne vinaash ke liye bombs banaakar rakhe hain। aaphten bhi aani hain। tum to practical mein dekh rahe ho - sthaapna bhi ho rahi hai, vinaash bhi saamne khada hai। samjho, koi ne vinaash nahin dekha hai, achha, vaikuntha to dekhte hain na। achhi tarah padhkar baap se poora behad ka varsa lena hai। tumko saakaar nahin padhaate hain। shaastron aadi ki baat nahin hai। yeh to gyaan saagar svayan padhaate hain। tum apne ko dehi samajh baap ko yaad karte ho। bhagvaanuvaach - apne bachchon prati kehte hain main tum bachchon ke sammukh hota hoon। jo mere bachche bante hain unmein se koi sautele hain, koi maatele hain। maatele bachchon ko hi varse ka hak hai। sanshay buddhi ko sautela kaha jaata hai। unko varsa nahin mil sakta। woh phir purushaartha anusaar praja mein chale jaate hain। maatele raajaai mein aa jaate hain। woh baap ko pyaar karte hain, baap unko pyaar karte hain। gaate bhi hain na tum par balihaar jaaoonga, vaari jaaoonga। baap kehte hain mujhe yaad karenge to main tumko madad doonga। himmate marda, madde khuda। aur sabse buddhiyog tod ek se jodna hai। tum kehte ho ham baba ke hain। yeh sab kuchh baba ka hai। baba ko ham kakhpan dete hain aur badle mein svarga ke behad ki baadshaahi ka varsa lete hain। is puraani deh se hamaara mamatva nahin hai। yeh to tamopradhaan rogi shareer hai। hamaare paas aur kya hai? manushya marte hain, sab kuchh chhoot jaata hai। phir unka sab kuchh karneeghor ko diya jaata hai। ham sab kuchh aapko dete hain। mamatva mitaane ke liye ham nirantar baba ko yaad karne ka purushaartha karte hain। maaya phir vighna daalti hai isliye dheere-dheere jitna meri yaad mein time dete rahenge to vikarma vinaash honge। vahi mere gale ka haar banenge। kitna sahaj samjhaate hain। baap samjhaate hain yeh rath bhi drama anusaar mera mukrar kiya hua hai। aur kisi mein main aa bhi nahin sakta hoon। tum bhi kehte ho - baba, kalpa pahle bhi ham aapse is hi makaan mein, isi dress mein mile the aur aapse varsa liya tha। to kitna sahaj hai।

baap kehte hain ki sirf mujhe yaad karo aur koi bhi taraph buddhi na jaaye। yaad rakhna - antakaal jo putra simre, agar kisi ko bhi yaad kiya to phir vahaan janma lena padega। kahaan bhi mamatva nahin rehna chaahiye। antakaal jo stri simre..... baap aate hain patiton ko paavan banaane, unki kitni mahima karte hain। ekoankaar..... unka ek hi naam hai। unko doosra shareer milta hi nahin hai, jo naam badli ho। tum to 84 janma lete ho to naam bhi 84 padte hain। baap ki mahima mein gaate hain nirbhay, nirvair, akaalmoorta...... vahi kaalon ka kaal hai, unhein kaal kha nahin sakta। main sabhi ko muktidhaam mein le jaaoonga। nirvair, mera koi se vair nahin hai। akaalmoorta, ajoni, main janma-maran mein nahin aata hoon। unki kitni mahima gaate hain। gaaya bhi jaata hai duhkh harta, sukh karta..... kaliyug ke duhkh harte hain। satayug ke sukh dete hain। bachche jaante hain bhaarat mein satayug mein jeevan-mukti thi। baaki sabhi aatmaayen shantidham mein thi, yaad padta hai na। to zaroor baap jab sangam par aaye, tab sabhi ko shantidham le jaaye aur tumko phir sukhdhaam bhej de। kitni sahaj baat hai। parantu maaya aisi hai jo yahaan se baahar gaya to bhool jaayenge। jaise garbha jel mein dharmaraaj ke dvaara tumko saja dilaata hoon, traahi-traahi karte ho ki ham maaphi maangate hain phir aise paap nahin karenge। baahar nikalne se phir bhi paap karne lag padte hain। yeh hai hi maaya ka raajya। satayug-treta mein maaya hoti nahin। vahaan to sukh hi sukh rehta hai। abhi tum padh rahe ho। ismen gharbaar chhodne ki baat nahin। baap kehte hain - deh sahit sab kuchh bhool jaao। tumhaara yeh behad ka sannyaas hai। un sannyaasiyon ka hai had ka sannyaas। jangal mein jaakar phir laut aate hain shahar mein। naam kitne bade-bade rakhvaate hain। baap kehte hain main kitna sahaj samjhaata hoon। budhiyaayen kitni hain, kehti hain hamko dhaarna nahin hoti। achha, yeh to jaanti ho ki paramatma padhaate hain? woh kehte hain sirf mujhe yaad karo। ismen to koi takleeph nahin hai। abhi hamne 84 ka chakra poora kiya hai। yeh hua svadarshan chakra। aatma ko chakra ka darshan hota hai। yahaan hi nirogi kaaya banti hai। chakra ko jaanne se tum oonch pad paayenge isliye baba kehte hain ki svadarshan chakradhaari bano। kitna sahaj samjhaate hain! sahaj yaad, sahaj srishti chakra, koi takleeph nahin। yeh hai sachchi kamaai। baaki dhan maal to sab khatma ho jaana hai, sab chhoot jaata hai। saagar ko uthal khaani hai। natural calamities bhi aani hai। bhaarat sachkhanda tha, aur koi bhi khanda nahin tha। bhaarat hai shivbaaba ki janma bhoomi। bade te bada teertha hai। bhaarat mein hi somnaath ka mandir kitna achha bana hua hai! abhi to dher ke dher banaate hain।

baba kehte hain ki is samay ki shaadi poori barbaadi hai। shivbaaba se sagaai poori aabaadi hai। shivbaaba saajan bhi hai, svarga mein bhej dete hain। tum yahaan aaye ho, jaante ho ham yahaan barobar nar se naaraayan, naari se lakshmi banenge। aise nahin ki purush jaakar purush hi banenge। badalte rehte hain। koi chola purush ka, koi stri ka। phir satayug se treta kaise banta hai - woh bhi samjhaaya gaya hai। abhi tum bachchon ko knowledgeful god father padhaate hain। manushya to father, teacher, satguru ho na saken। father aur teacher ho sakte hain, guru ho nahin sakte hain। so bhi woh jismaani vidya। yeh baba to ekdam svarga ka maalik banaate hain। koi bhi baat na samjho to hajaar baar poochho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sapoot aagyaakaari ban vijay maala mein pirona hai। baap ko apna kakhpan de, balihaar ho, sabse mamatva mita dena hai।

2) antakaal mein ek baap hi yaad rahe uske liye aur sabse buddhiyog tod nirantar baap ki yaad mein rahne ka purushaartha karna hai।

vardaan:- sarva khajaanon ko svayan mein samaakar, dilshikasta-pan va eershya se mukta rahne vaale sada prasannachit bhav

baapdaada ne sabhi bachchon ko samaan roop se sab khajaane diye hain lekin koi un praaptiyon ko svayan mein sama nahin sakte va samay par kaarya mein lagaana nahin aata to saphalta dikhaai nahin deti phir svayan se dilshikasta ho jaate hain, sochte hain shaayad mera bhaagya hi aisa hai। unhein phir doosron ki visheshta va bhaagya ko dekh eershya utpanna hoti hai। aise dilshikasta hone va eershya karne vaale kabhi prasanna nahin rah sakte। sada prasanna rehna hai to in donon baaton se mukta raho।

slogan:- svaartha ke bina sachche dil se seva karne vaale hi svachchha aatma hain।