शनिवार 19 अगस्त 2023 की दैनिक मुरली

19-08-2023 praatahmurli om shanti "baapdaada"' madhuban

“meethe bachche - baap aaye hain sukh-shanti ki manokaamna poori karne, tum shanti chaahte ho to in organs se detach ho jaao, apne svadharma mein tiko''

prashn:- poojya banne ka purushaartha kya hai? tumhaari pooja kyon hoti hai?

uttar:- poojya banne ke liye vishwa ko paavan banaane ki seva mein madadgaar bano। jo jeev ki aatmaayen baap ko madad karti hain unki baap ke saath-saath pooja hoti hai। tum bachche shivbaaba ke saath saaligraam roop mein bhi pooje jaate ho, to phir saakaar mein lakshmi-naaraayan va devi-devta ke roop mein bhi pooje jaate ho। tumne poojya aur pujaari ke rahasya ko bhi samjha hai।

geet:- maata O maata…

om shanti। maataaon ko saubhaagyashaali banaane vaala zaroor pita hi hai। mahima to ek ki hi gaai jaati hai। sabhi ka sadgati daata ek hai। yaad bhi us ek ko karna padta hai। yeh to tum bachchon ki mahima hai। tum jaante ho hamko durbhaagyashaali se saubhaagyashaali banaane vaala baap hai। bhaarat saubhaagyashaali tha phir bhaarat 100 pratishat durbhaagyashaali bana hai। bhaarat par hi kahaani hai। in maataaon ko saubhaagyashaali banaane vaala baap thahra, jisko tum bachche jaante ho। unke saath tumhaara yog hai। tum jaante ho unki yeh saari rachna hai। doosra koi manushya is rachna aur rachta ko nahin jaante। yeh chitra aadi kisne banvaaye hain? tum kahenge shivbaaba ne। kis dvaara? phir bhi maata va saakaar pita dvaara kahenge। abhi tum bachchon ki buddhi mein saara srishti roopi jhaad hai। srishti kitni badi hai! Vasco da Gama ne saari dharti ka chakra lagaaya, pichhaadi mein saagar hi saagar hai, aakaash hi aakaash hai aur kuchh nahin। yeh sab tumne school mein bhi padha hoga। baap phir sab baaten nutshell mein samjhaate hain। tum jaante ho bhaarat mein 5000 varsha pahle barobar satayug tha। satayug mein sirf bhaarat tha। bhaarat mein bhi kitne thode honge। abhi tum kahenge ham sooryavanshi raajdhaani ke the। jamuna ke kanthe par shreekrishna ki raajdhaani thi, aisa gaaya jaata hai। dilli ko hi paristaan kehte hain। pahle-pahle zaroor koi ki raajdhaani hogi। tum kahenge ham sooryavanshi raajdhaani ke the। baad mein alag-alag ho jaate hain। to prabhaav vaastav mein, jahaan raajya karte hain vahaan hota hai। bhaarat ka bahut prabhaav hai। yeh sab baaten tumhaari buddhi mein tapakni chaahiye। dhaaran karna hota hai।

shivbaaba ko hi phir somnaath, gyaan ka saagar kehte hain। somnaath naam pujaariyon ne rakha hai। asul naam hai shivbaaba। shiv kisko kaha jaata hai? aatmaon ke baap ko। aatma to bindi hai। gaaya jaata hai parampita param aatma, supreme soul। soul arthaat aatma। aatma badi-chhoti nahin hoti hai। baap kehte hain main bhi ismen pravesh karta hoon to koi ko maaloom nahin padta hai। parantu samajhte hain bhrakuti ke beech mein woh chhota sa star hai na। to kahenge mastakamni, mastak mein mani hai। mani aatma ko kaha jaata hai। kehte hain sarpa ke mastak mein bhi mani hoti hai। yeh sab baaten vaastav mein is samay ki hain। aatma roopi mani prakaash karti hai। woh bhrakuti ke beech mein rehti hai। baap to tum bachchon ko roz nai-nai baaten samjhaate rehte hain। mukhya baat samajhni hai - main svadarshan chakradhaari hoon। baap kehte hain meri jo aatma hai jisko param aatma kehte hain, main janma-maran rahit hoon। main aata zaroor hoon। niraakaar ka mandir bana hua hai। aage yeh gyaan nahin tha। zaroor niraakaar ne aakar kuchh kiya hai। niraakaar aate hi family mein hain। lakshmi-naaraayan ki aatma bhi aati hai। unko bhi shareer dikhaate hain। ling roop ek hi shiv ka dikhaate hain। shiv ke mandir mein shivling ke saath phir saaligraam bhi hai। aise nahin, shreekrishna ke va lakshmi-naaraayan ke mandir mein saaligraam dikhaate hain। to siddha hota hai ek baap ke yeh sab bachche hain। aatma ki bhi pooja hoti hai, to devtaaon ki bhi pooja hoti hai। rudra yagya kehte hain। baap ne yeh yagya racha hai jeev aatmaon dvaara। jaise baap ki pooja hoti hai vaise tumhaari aatma ki bhi pooja zaroor honi chaahiye। phir saakaar mein jo lakshmi-naaraayan bante hain, unki pooja hoti hai। vahi naam chala aata hai। yahaan tum aatmaayen service kar rahi ho is shareer dvaara isliye tum aatmaon ki pooja hoti hai। shivbaaba kehte hain main bhi inse bahut bhaari service karta hoon isliye pahle-pahle meri pooja hoti hai। phir jin aatmaon dvaara service karta hoon, saare vishwa ko pavitra banaata hoon, unhon ki bhi pooja zaroor honi chaahiye। sabki pooja karte hain। kam se kam laakh saaligraam banaate hain। seth log rudra yagya rachvaate hain to koi 5 hajaar, koi 10 hajaar, koi laakh saaligraam bhi banvaate hain। yeh hai paramatma aur aatmaon ki pooja। baap samjhaate hain - tum aatmaayen is patit shareer dvaara seva kar rahi ho। sabse jaasti service shivbaaba karte hain aur phir tumhaare dvaara karaate hain to tum aatmaon ki pooja hoti hai। baap ke saath pahle-pahle tumhaari mahima aani chaahiye। jaante koi bhi nahin hain। na rudra ko, na saaligraamon ko jaante hain, jinhonne raajya paaya। abhi tum raajya pa rahe ho। pooja mukhya ki hoti hai, woh hai lakshmi-naaraayan, jinki dynasty gaai hui hai। unhonne yeh bhi raajya koi ki madad se liya hoga na। tum bachchon ki madad se raajdhaani sthaapan hoti hai। badi meethi baaten hain। nutshell mein baba samjhaate rehte hain taaki dhaaran bhi kar sako। mukhya dhaarna ki baat hai - mujh baap ko yaad karo।

tumhaari aatma mein bhi jhaad aur chakra ki knowledge hai। number one sabse poojya shivbaaba aatmaon ka baap hai, jo tumko baith aisa laayak banaate hain। tum aatmaon ki pooja hoti hai। ham poojya aur pujaari kaise bante hain so ab samajhte ho। bhaaratvaasi hi poojya aur pujaari bante hain। abhi sab pujaari hain phir poojya honge। vahaan phir koi pujaari bhakta nahin hoga। unhon ko bhagavti bhagwan zaroor bhagwan ne hi banaaya hoga। ab bhagwan niraakaar hai ya saakaar? saakaar mein oonch te oonch lakshmi-naaraayan hain, unhon ko aisa banaane vaala hai niraakaar, isliye niraakaar ki pooja hoti hai। yeh sab baaten tum bachchon ko samjhaai jaati hain। pahle-pahle baap mein nishchay rakhna hai। barobar ham aatmaon ka baap woh hai। koi kahe - he bhagwan, he parampita to bolo yeh kisne yaad kiya aur kisko? ekdam pakadna chaahiye। tumko kitne baap hain? tum kisko pukaarte ho? bhagwan kisko kehte ho? kahenge god father। to zaroor do father hain। aatma yaad karti hai god father ko। tumhaari aatma bhi hai aur shareer bhi hai। shareer ka to laukik baap hai। aatma ka baap kaun hai? jisko kehte hain parampita paramatma। yeh kisne aur kisko pukaara? us behad ke baap ka parichay dena hai। unse hi varsa milta hai। yeh bhi unko yaad karte hain। bhinna-bhinna bhaashaaon mein bhinna-bhinna naam bhi rakh diye hain। koi god kehte hain, koi paramatma, koi khuda kehte hain। sabhi dharma vaale yaad zaroor ek ko hi karte hain। woh hai sabhi aatmaon ka baap। varsa baap se hi milta hai। tum aatma unko pukaarti ho। do baap ka parichay dena hai - had ka baap aur behad ka baap। bhakti maarga mein bhakta bhagwan ko yaad karte hain to bhagwan kehte hain - main aata hoon, aakar tumko shanti-sukh deta hoon। phir mujhe kabhi yaad karne ki bhi darkaar nahin rahegi। to poojya-pujaari, paavan-patit bhaaratvaasi hi bante hain। baaki beech mein aur dharma sthaapan hote hain। phir vriddhi ko paate-paate pichhaadi mein woh bhi sab tamopradhaan ban jaate hain। pichhaadi mein saara jhaad aa jaayega। vahaan khaali hoga tab to phir vaapis jaayenge। to abhi hai patit duniya। gaate hain patit-paavan… to zaroor patit hain na। bhaarat paavan tha, abhi patit hai। shivbaaba aate zaroor hain, parantu kab aaya, kaise aaya - woh bhool gaye hain। shreekrishna nahin kehte ki main shareer dhaaran kar tumko samjhaata hoon। yeh to niraakaar baap kehte hain main is dvaara tumko samjhaata hoon, to woh alag ho gaya। shreekrishna ko tum khud hi geeta ka bhagwan maante ho। yeh to kehte hain main saadhaaran vaanaprastha vaale tan mein pravesh karta hoon। baap kehte hain - main tumhaare janmon ko jaanta hoon। shivbaaba ismen pravesh karte hain। shreekrishna ko bhagwan, patit-paavan, gyaan saagar kah nahin sakte। bhal geeta haath mein uthaate hain phir bhi kehte hain patit-paavan sab seetaaon ka raam, raadhe ka krishna nahin kehte।

raam arthaat parampita paramatma। treta ka raam kahen to unse oonch to lakshmi-naaraayan hain phir unka naam kyon nahin lete? parantu nahin। hai baat paramatma ki। heavenly god father niraakaar ko hi kahenge। liberator, guide baap ko hi kehte hain। Christ thode hi sabko liberate karega। kisi ka bhi naam nahin le sakte hain। baap hi aakar duhkh se liberate karte hain। vahi phir guide bante hain, kehte hain main tumko raasta bataata hoon। tumko baap ne aakar apna banaaya hai। tumhaara yeh hai eeshvareey janma। tumko shivbaaba se shakti milti hai। tumhaara hai silence bal, unka hai science bal। woh buddhi se kaam lete hain, unhein science ghamandi kaha jaata hai, jisse vinaash karte hain। sukh bhi science bahut deti hai phir vinaash bhi kar deti hai। tumko to vahaan aeroplane aadi sab honge। hunar to rehta hai na। yeh sab cheejen phir tumko kaam mein aayengi। vilaayat mein battiyaan aisi hain jo batti dikhaai nahin padegi, sirf roshni dikhaai padegi। satayug mein bhi aise roshni rehti hai। vaibhav jo abhi yahaan hain woh tumko vahaan bhi rehte hain। tumne saakshaatkaar kiya hua hai। vahaan to accident aadi ki baat nahin rehti hai। duhkh ki baat nahin hoti। baap aakar tumhaari sukh aur shanti ki manokaamna poori karte hain।

manushya shanti ke liye bhatakte hain, unse poochhna hai tumko ashaanta kisne kiya hai? yeh tum jaante ho। ashaanta yeh 5 vikaar hi karte hain। parantu yeh samajhte nahin, yeh bhool gaye hain। aatma shant swaroop hai। he aatma, tum aai ho shanti desh se phir yeh organs liye hain। abhi tum unse alag ho jaao, detach ho jaao। ismen aur kuchh praanaayaam aadi karne ki baat nahin। kahaan tak gupha mein baithenge। aatma kehti hai main in organs se detach ho jaati hoon kyonki main thak gai hoon। abhi is shareer ko bhool jaati hoon। abhi baap kehte hain tum apne svadharma aur svadesh ko yaad karo। tum asul vahaan ke rahne vaale ho। apne ghar ko yaad karo। karma to karna hi hai। karma bina rah nahin sakte। woh samajhte hain ham bhojan apne haath se nahin pakaate hain isliye karma sannyaasi naam hai। parantu karma ka sannyaas to ho nahin sakta। unka to dharma hi aisa hai। grihasthiyon ke paas unko khaana padta hai isliye phir grihasthiyon ke paas janma le nivritti maarga mein jaana hai kyonki bhaarat ko pavitra banaana hai। bhaarat mein hi purity thi। sab pure the। ab sab patit hain। baap baith yeh raaz samjhaate hain। phir kehte hain - bachche, aur kuchh na karo, sirf baap ko yaad karte raho to tumhaare vikarma vinaash ho jaayenge aur tum mere paas chale aayenge। drama poora hona hai। sato, rajo, tamo se paas hokar abhi sabko vaapis jaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan ko is shareer mein bhrakuti ke beech chamakti hui mani samajhna hai। svadarshan chakradhaari banna hai।

2) apne svadharma aur svadesh ko yaad kar shanti ka anubhav karna hai। buddhi ko bhatkaana nahin hai। is shareer se detach hone ka abhyaas karna hai।

vardaan:- har ek ko pyaar aur shakti ki paalna dene vaale pyaar ke bhandaar se bharpoor bhav

jo bachche jitna sabhi ko baap ka pyaar baantate hain utna aur pyaar ka bhandaar bharpoor hota jaata hai। jaise har samay pyaar ki barsaat ho rahi hai, aise anubhav hota hai। ek kadam mein pyaar do aur baar-baar pyaar lo। is samay sabko pyaar aur shakti chaahiye, to kisko baap dvaara pyaar dilaao, kisko shakti... jisse unka umang-utsaah sada bana rahe - yahi vishesh aatmaon ki vishesh seva hai।

slogan:- jo maayaavi chaturaai se pare rehte hain vahi baap ko ati priy hain।