मंगलवार 22 अगस्त 2023 की दैनिक मुरली

22-08-2023 praatahmurli om shanti "baapdaada"' madhuban

“meethe bachche - baap aaye hain kaliyug ki mahphil mein, yeh bahut badi mahphil hai, is mahphil mein tum parvaane shama par phida ho paavan bante ho''

prashn:- yadi bachchon ka purushaartha ab tak bhi cheenti maarga ka hai to uska kaaran kya?

uttar:- kai bachchon mein roothne ki aadat hai, baap se roothkar padhaai chhod dete hain to maaya naak-kaan se pakad leti hai isliye purushaartha aage nahin badhta। cheenti maarga ka hi rah jaata hai। bachchon ko murleedhar banne ka shauk chaahiye। sunkar auron ko sunaana hai। result deni hai। jo bachche murli miss karte hain, jinhen padhaai ka kadar nahin, woh kabhi bakhtaavar nahin ban sakte।

geet:- mahphil mein jal uthi shama…

om shanti। parampita paramatma shiv ko shama bhi kehte hain। naam bahut daal dete hain to manushya moonjh gaye hain। aatma bhi jyoti swaroop hai। ab tum jaagti jyot ban rahe ho। shama aai hai। yeh mahphil to bahut badi hai। koi to aakar baap ka bante hain। baap ka ban jeete ji phida ho jaate hain। deh-abhimaan chhoda to aap muye mar gai duniya। aap kaun? aatma। aatma shareer ko chhod deti hai। to saari duniya unke liye jaise mar gai। abhi baap bhi kehte hain - apne ko aatma samjho। ham to baap ke hain। shareer ka bhaan mita dena hai। manushya marte hain to deh sahit sab kuchh bhool jaate hain। samajhte hain shareer chhoda to tailuk toota। shareer ke saath hi tailuk (naata) hai। tum shareer hote hue ashareeri rehte ho kyoki tumhaara tailuk ab baap se ho gaya। tumko raajayog sikhlaane liye baap ne bhi shareer dhaaran kiya hai। mahphil mein aaye hain। tumhaare mein bhi koi poora jaante hain koi adhoora, koi to kuchh nahin jaante। baap kehte hain main is rachna mein aaya hua hoon। yeh baaten manushya hi samjhenge। bhaaratvaasi jaante hain shiv jayanti bhi hai। shiv hai parampita paramatma, sabhi aatmaon ka baap। woh aate hain zaroor, mandir bhi hain। mandir to dher bante hain। jaise Christ to ek tha, unki yaadgaar mein jad chitra kitne dher banaaye hain। yeh bhi parampita paramatma, jinko patit-paavan kehte hain, unke mandir hain।

yeh hai abhi patit duniya ki mahphil, phir hogi paavan duniya ki mahphil। paavan duniya mein to woh aate nahin। paavan duniya ki mahphil bahut chhoti hoti aur sukhi hote hain isliye vahaan aane ki darkaar nahin। aana hai badi mahphil mein। unka naam hi hai patit-paavan। yeh hai patit duniya, phir paavan duniya bhi hai। usi nai duniya mein zaroor thode honge। tum bachchon mein nambarvaar purushaartha anusaar sachchi-sachchi service karte hain। sachchaai ki service ka saboot bhi nikalta hai। to baap mahphil mein aaye hain। woh hai patiton ko paavan banaane vaala। kaha jaata hai charity begins at hom। bhaarat avinaashi baap ka avinaashi birth place hai। manushya bhool gaye hain - shivbaaba kab aaya tha? unko hi patit-paavan kaha jaata hai। aate bhi hain patit shareer mein। unki mahima kitni bhaari hai - shivaae namah। tumhaari mahima bhi aparmaapaar hai। vaikuntha ki kaise sthaapna karte hain, jis vaikuntha ki bhi mahima aparmaapaar hai। tum bachche hi yeh jaante ho aur aise vaikuntha mein jaane liye purushaartha karte ho। parantu tumhaara purushaartha bada thanda cheenti maarga ka dekhte hain।

maaya kisko kaan se, naak se pakadti rehti hai। kisko bhi chhodti nahin hai। sochte bhi hain aise shivbaaba ko nirantar yaad karen। jaise patni pati ko kitna yaad karti hai, yeh to patiyon ka pati hai, baba hai। aise baba ko kitna yaad karna chaahiye, aise baba ki ham kitni mahima gaayen, geet aadi mein bhi shivbaaba ki kitni mahima karte hain। teri mahima apram-apaar hai। itni mahima kyon gaai jaati, koi kaaran to hoga na। tum jaante ho baap hi bhaarat ko svarga banaate hain। bhaarat ko kitna oonch banaate hain। raavan phir neech bana dete hain। baap aakar sukhi banaate hain। dozak se bahishta bana dete hain। aise baap ko koi jaante nahin। patit to saari duniya hai। bhal ashoka hotel ke sukh aadi hain parantu yeh sab to alpakaal ke liye hain। yeh hai mrigtrishna samaan raajya। paai ka bhi ismen sukh nahin, duhkh hi duhkh hai। satayug mein raaja-raani tatha praja kitne sukhi rehte hain। abhi to kitna duhkhi hain। kitni rishvat khaate, kitne paap aadi karte hain। bhaarat daivi sampradaay tha। bhaarat ki mahima badi jabardasta hai, jo ab tum jaante ho। bhagwan ki mahima gaate hain। yaad karte hain parantu jaante nahin। are, bhagwan kehte ho to bhagwan ka poora naam chaahiye na! unka naam hai shiv। unki saari mahima hai। manushya unke naam, roop, desh, kaal ko jaante nahin। kah dete unka naam, roop hai nahin। kehte bhi hain parampita paramatma paramdham ka rahne vaala hai। naam, roop, desh batlaate bhi hain parantu deh-abhimaan hone kaaran unko yaad nahin karte hain। yaad karte bhi hain to bigar samajh। gaate hain tum maat-pita…। tum samjha sakte ho laukik maat-pita to hai na, phir yeh kaun se maat-pita hain? pita kaise srishti ko rachte hain, kaise mukh vanshaavli rach unheen ko raajya-bhaagya dete hain - so to tum hi jaanon, aur na jaane koi। tumhaare mein bhi number-vaar hain। tum samajhte ho shivbaaba brahma tan se aakar padhaate hain। shivbaaba ki hi itni bhaari mahima hai। brahma dvaara raajayog sikhaakar hamko baikuntha ka maalik banaate hain। zaroor brahma-sarasvati pahle-pahle jaakar lakshmi-naaraayan banenge। jagat amba aur jagat pita baithe hain। vahi vishwa ke maalik banenge। unke saath kumaar-kumaariyaan bhi hain। yeh delvaada mandir kitna achha bana hua hai। yeh mandir aadi to pahle ke bane hue hain। abhi ham bhent karte hain। hamaare hi yaadgaar ka poora yeh mandir hai।

to yeh shivaae namah geet to zaroor rakhna chaahiye। do-chaar geet first class rakh lene chaahiye। yeh baba apna anubhav batlaate hain - dil hoti hai baba ki yaad mein rahkar khaayen parantu bhool jaate hain। vo to kehte hain main abhokta hoon। unko yeh nahin aata hai ki yeh achha hai va bura hai। baap kehte hain main aata hi hoon tum bachchon ko patit se paavan banaane kyonki raavan ne tumhaare oopar jeet pahan li hai। ab phir us par jeet paani hai। raavan tumko kaudi jaisa banaakar devaala nikaal dete hain। bhaarat ka ab devaala hai na। phir tumko solvent banaata hoon। insolvent buddhi manushya hi bante hain। to yeh shivaae namah ka geet bada achha hai, number one unki mahima hai। phir bhaarat ki bhi mahima hai। wonderful bhaarat tha। gaate to hain na - svarga tha। heere-javaahron ke mahal the। phir woh kahaan gaye? maaya ki kaise praveshta hui? satayug mein devi-devtaayen dharma shreshtha, karma shreshtha the। bhrashta karma karaane vaali maaya vahaan hoti nahin। aur yahaan ke purushaartha ki praalabdha tum paate ho। tumko koi duhkh hone ki baat hi nahin। paap karne ki darkaar nahin। yahaan to paise ke liye kitne paap karte hain। vahaan to bahut dhan rehta hai। behad ki raajaai hai na। gaaya jaata hai bhaarat daivi raajasthaan tha। jab daivi raajasthaan tha to devi-devtaaon ka dharma shreshtha tha। baap aakar shreshtha devi-devta dharma ki sthaapna kar rahe hain। tum jaante ho ham shreshtha ban rahe hain, to koi paap ka kaam nahin karna hai। dar rehna chaahiye। achhe-achhe bachchon ko maaya naak se pakad paap kara deti hai। abhi tum jaante ho mahphil mein baap aaye hain, kaise mukh vanshaavli banaae unko shreshtha banaate hain। zaroor shareer ko to loan lena hi pade। kehte hain main saadhaaran tan mein aata hoon। yeh apne janmon ko nahin jaante, main batlaata hoon। inka naam brahma rakh diya hai। brahma mein hi pravesh karta hoon kyonki brahma dvaara sthaapna karni hai। aise thode hi bauddhi, islaami va sikkha mein pravesh karenge। baap kehte hain mujhe us tan mein pravesh karna hai, jo pahle-pahle sooryavanshi shri naaraayan tha phir unko hi banaata hoon। yeh apne janmon ko nahin jaante hain। yeh hai gyaan kaanda। gyaan baap hi dete hain। phir vahaan bhakti ka naam-nishaan nahin। gyaan maarga, bhakti maarga kaha jaata hai। aadhaakalpa bhakti kaanda aadhaakalpa gyaan kaanda chalta hai। yeh bhi drama mein noondh hai। patit banna hi hai। bachchon ko achhe-achhe raaz samjhaaye jaate hain। gaate bhi hain bhagwan aakar bhakton ko saath le jaate hain। parampita paramatma ko yaad karte hain - baba aao, maaya roopi janjeeron se aakar chhudaao, hamko liberate karo। jo bhi mitra-sambandhi aadi hain sabko liberate karte hain। phir vahaan daivi maa-baap milenge। tum devi-devta ban jaayenge। tumhaari aatma bhi pure ho jaayegi। abhi tumhaari aatma patit bani hai, so phir paavan banegi। anek prakaar ke chitra hain, jiska occupation kuchh bhi nahin। jaise gudiyon ki pooja karte hain। main na gudda hoon, na guddi hoon, main to hoon hi niraakaar। gudda aur guddi manushya hain, main nahin banta hoon। mujhe niraakaar hi kehte hain। tum gudde-guddi abhi bahut duhkhi ho, baikuntha mein tum bahut sukhi the। sukh ki mahima aparmaapaar hai। parantu bachche ghadi-ghadi bhool jaate hain, rooth padte hain। braahmanon mein se bhi bahut roothte hain। roothkar varsa paane ko hi chhod dete hain। are, tumko varsa baap se lena hai na! yeh hain avinaashi gyaan ratna, padhaai hai। baba ne bada sahaj samjhaaya hai। bhal tum kahaan nahin aa sakte ho, achha, murli to mangaakar padh sakte ho। ismen nuksaan ki koi baat nahin hai। baaki haan, purushaartha kar service ka saboot dena hai। service ka saboot hi nahin to murli bhejkar kya karenge? murli padhi jaati hai dhaaran karne ke liye। agar ek kaan se sun doosre se nikaal dete hain to phir kya kar sakenge? baba ko yaad hi nahin karte hain। koi paap karte hain to buddhi ka taala banda ho jaata hai। baap kuchh nahin karte hain। baap to samjhaate hain - tumko bahut meetha banna hai, koi ko duhkhi mat karo। ant mein tum bachche bahut meetha, baap jaise ban jaayenge। purushaartha karna hai। dil se poochhna hai - kisko tang to nahin karte hain? hamse koi naaraaz to nahin hote? yoon baahar vaale to bahut naaraaz honge।

tum brahman kul bhooshnon ko murli roz zaroor sunni chaahiye। murli nahin sunenge to dhaarna kaise hogi? murli nahin sunte hain to zaroor samjho - woh bakhtaavar nahin। murli ko kabhi chhodna nahin chaahiye। braahmaniyon ko bhi murli shivbaaba se milti hai na। unse connection rakhna hai। direct murli to bhejen lekin phir aap samaan bhi banaakar to dikhaao। baap ko yaad karte raho। baap ki yaad auron ko dilaate raho। samaachaar do to pata pade। nahin to kaise samjhenge ki baap ki service kar rahe ho? saboot zaroor chaahiye service ka। murleedhar banne ka shauk chaahiye। tapes bhi murleedhar banti hain na। yeh accurate murli suna sakti hai। tum nahin suna sakenge। to kya karna chaahiye? aunron ke kalyaan ke liye tape record masheen lekar deni chaahiye। itne sab sunenge to un sabka phal dene vaale ko bahut milega। le karke denge bhi woh jinko iske rahasya ka pata hoga। is murli sunne se tum raajaai pad paate ho। aur koi ka bhaashan sunne se svarga ka maalik banenge kya? athva manushya se devta thode hi banenge। yeh to first class daan karna hai, jisse 21 janmon ke liye bahuton ka kalyaan hota hai। tape record lekar dena va makaan lekar dena kitni achhi service hai। bachche baith service karenge। makaan phir bhi tumhaara hi rahega, uska phal tumko milega। vahaan return mein bade-bade mahal mil jaayenge। woh samay aayega jo tum bachchon ko to bahut makaan milenge। charnon me jhukte rahenge। makaan bhi ham kya karenge? hamko to sirf service karni hai। makaan lo phir muphta mein paisa bharkar kyon do - saudaagar bhi to yeh pakka hai। sensible saudaagar hai। achha!

meethe-meethe sikeeldhe lucky gyaan sitaaron prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shareer mein hote sabse tailuk (naata) tod ashareeri banne ka purushaartha karna hai। buddhi se sab kuchh bhool jaana hai।

2) purushaartha kar service ka saboot dena hai। murli sunni va padhni hai - dhaaran karne ke liye। ek kaan se sun doosre se nikaalna nahin hai।

vardaan:- natural attention va abhyaas dvaara nature ko parivartan karne vaale siddhi swaroop bhav

aap sabke nizi sanskaar attention ke hain। jab tension rakhna aata hai to attention rakhna kya badi baat hai। to ab attention ka bhi tension na ho lekin natural attention ho। aatma ko nyaara hone ka natural abhyaas hai। nyaari thi, nyaari hai phir nyaari banengi। jaise abhi vaani mein aane ka abhyaas pakka ho gaya hai, aise vaani se pare, nyaare hone ka abhyaas bhi natural ho jaaye to nyaarepan ke shaktishaali vibration dvaara seva mein sahaj siddhi ko praapta karenge aur yeh natural abhyaas nature ko bhi badal dega।

slogan:- ashareeri-pan ki exercise aur vyartha sankalpon ke bhojan ki parhej karo to ever healthy rahenge।