सोमवार 21 अगस्त 2023 की दैनिक मुरली

21-08-2023 praatahmurli om shanti "baapdaada"' madhuban

“meethe bachche - yeh puraani duniya ab mitti mein mil dhoolchhaai ho jaayegi, isliye is dhool mein milne vaali duniya se apna buddhiyog nikaal do''

prashn:- manushyon ki kaun-si chaahna ek baap hi poori kar sakte hain?

uttar:- manushya chaahte hain shanti ho। lekin ashaanta kisne banaaya hai, yeh nahin jaante hain। tum unhein batlaate ho ki 5 vikaaron ne hi tumhein ashaanta kiya hai। bhaarat mein jab pavitrata thi to shanti thi। ab baap phir se pavitra pravritti maarga sthaapan karte hain, jahaan sukh-shanti sab hogi। mukti-jeevanmukti ki raah baap ke sivaae koi batla nahin sakta।

geet:- is paap ki duniya se…

om shanti। yeh kiska satsang hai? manushya satsangon mein jab jaate hain to koi na koi saadhu santa mahaatma aadi gaddi par baith shaastra aadi sunaate hain parantu vahaan em object kuchh bhi nahin rehti। satsang se kya praapti hai, yeh koi ko pata nahin। aise bhi nahin guru ke sirf followers hi unke paas aate hain। nahin, jo chaahe jaakar baith jaate hain, followers ho ya koi bhi ho, kisi bhi dharma vaala ho। samajhte hain phalaana mahaatma aaya hai, jhat bhaagte hain। usko kaha jaata hai satsang। mahaatma aadi koi na koi ved-shaastra ki hi baaten samjhaate hain। vaastav mein sat paramatma to ek hi hai। baaki hai manushyon ka sang। sat paramatma hi nar se naaraayan banne ki satya katha sunaate hain। satya naaraayan ki katha hoti hai poornamaasi ke din। abhi tum jaante ho ki sachchi-sachchi poornamaasi yeh hai jabki raat se din hota hai। tum 16 kala sampoorn bante ho। vaastav mein gyaan soorya ko kabhi grahan nahin lag sakta। grahan to in soorya-chaand aadi ko lagta hai, jo prithvi ko roshni dete hain। gyaan soorya to hai hi sabko roshni dene vaala। uski hi mahima gaate hain gyaan soorya pragta… yahaan to tum sab bachche baithe ho। baahar vaale ko allow nahin kiya jaata hai। woh to kuchh samjhenge nahin। baap kehte hain - main tum bachchon ke hi sammukh aata hoon, paap aatmaon ko aakar punya aatma banaata hoon, mandir mein rahne laayak banaata hoon। woh hai paavan duniya shivaalay। shiv ne svarga ki rachna ki, usmein kaun rehte hain? devi-devtaayen, jinhon ke chitra mandiron mein rakhte hain। tum jaante ho ki 5 hajaar varsha pahle yeh devi-devtaayen bhaarat mein rehte the, svarga mein raajya karte the। kab raajya kiya, kaise raajya paaya - yeh duniya nahin jaanti। tum bachche jaante ho - woh nai duniya thi, yeh puraani duniya hai। bhaaratvaasi kehte hain nai duniya, naya bhaarat ho, world almighty raajya ho। aatma ko buddhi mein aata hai - yahaan devi-devtaaon ka raajya tha। parantu yeh bichaaron ko pata nahin ki yeh almighty authority ka raajya kab aur kisne sthaapan kiya? koi samay to tha zaroor। jaante ho ki bhaarat sone ki chidiya tha। tum ab kiske sang mein baithe ho? kaun-sa mahaatma aaya hua hai? shreekrishna to nahin kahenge ki bhagvaanuvaach, main tumhein raajayog sikhlaata hoon। tum bachchon ki buddhi ka taala ab khul gaya hai, jaante ho itni saari puraani duniya mitti mein mil dhoolchhaani ho jaayegi। manushya shanti chaahte hain parantu shanti kaun sthaapan kar sakta hai? pahle to poochha jaata hai ki tumko ashaanta kisne kiya? kuchh bata nahin sakte ki in paanch vikaaron ne hi ashaanta kiya hai। bhaarat mein shanti tab thi jabki pavitrata thi। pavitra pravritti maarga mein hi manushya bahut-bahut sukhi the। abhi apvitra, patit pravritti maarga ho gaya hai। nishaaniyaan bhi hain - mandir mein devtaaon ki mahima karte hain ham neench paapi hain, ham nirgun haare mein koi gun naaheen। manushya gaate hain parantu jaante nahin। jab baap aate hain tab bachchon par mehnat karte hain। baap aate hi hain bachchon ke paas। yahaan koi saadhu-santa aadi nahin baitha hai। yeh to deh-dhaari hai। tumhaari nazar oopar mein hai। ham shivbaaba se sunte hain। kisi dehdhaari taraph drishti nahin hai। krishna bhi dehdhaari bachcha hai, garbha se janma leta hai। har ek aatma ko apni deh hai। shivbaaba ko apni deh hai nahin। naam to deh (shareer) par padta hai। aatma ka naam to aatma hi hai। kehte bhi hain mahaan aatma, paap aatma। paap paramatma to kabhi nahin kaha jaata hai। phir apne ko paramatma kaise kahla sakte? parampita paramatma to ek hi hai। woh hai supreme baap, paramdham mein rehte hain। tum kehte ho param aatma, supreme, woh hai niraakaar। unko milaakar naam pad gaya hai - paramatma। unko hi sabhi yaad karte hain। nayan-heen ko raah dikhaao prabhu, buddhi oopar chali jaati hai parampita taraph। jabki sab raaz bataane vaala woh parampita paramatma hi hai। nirvaandhaam ko muktidhaam kaha jaata hai। jo-jo aatmaayen pahle aati hain woh jeevanmukti mein hain, peechhe phir jeevanmukti se jeevanbandha mein aati hain। bachche jaante hain pavitrata, sukh, shanti hai hi satayug mein, jabki ek raajya hota hai। usko hi advet raajya kaha jaata hai। phir dvet raajya arthaat devil ka raajya hota hai। pahle to ek dharma tha, abhi to anekaanek dharma hain। bachche is saare srishti chakra ko achhi reeti nambarvaar purushaartha anusaar jaante hain। aur kahaan em object nahin hai।

tum bachche jaante ho ki is jhaad ka beejroop paramatma oopar mein hai। pahle-pahle satayug ki rachna hoti hai। phir satayug se treta banta hai। saari srishti puraani tamopradhaan banni hi hai। ab tum puraani duniya mein ho। nai nahin kahenge। nai srishti to satayug thi, kaliyug ko puraani srishti kaha jaata hai। puraani hone mein bhi time lagta hai। pahle nai thi ab puraani hai। bhaarat mein aajkal sab chaahte hain nai duniya ho, usmein naya bhaarat ho। world almighty authority raajya ho। devi devtaaon ka raajya almighty authority ne hi sthaapan kiya tha। us samay doosra koi raajya ho na sake। har ek manushya almighty authority arthaat gyaan ka saagar ho na sake। gyaan ka saagar, sukh ka saagar. . . . . yeh mahima ek paramatma ki hai। varsa bhi tumko unse hi milta hai। baap khud kehte hain ki main kalpa-kalpa aata hoon, aakar is bhaarat ko svarga banaata hoon। phir aadhaakalpa baad tum woh raajya bhaagya gavaante ho, maaya se haar kha lete ho। man se haarne ki baat nahin hai। man to bilkul ghoda ban jaata hai, maaya man ko uda deti hai। maaya bhi kehti hai - vaah, hamaari sena se koi vahaan kaise ja sakta hai? achhe-achhe mahaarthiyon ko bhi jeet leti hai। tumhaari maaya ke saath yuddha hai। baaki yeh koi sthool hathiyaaron ki ladaai ki baat nahin। yeh to maaya par jeet paane ki ladaai hai। baaki woh ladaaeeyaan to chalti aai hain। pahle talvaaren thi, phir bandooken nikli, ab to bombs nikle hain।

to ab tum bachchon ki buddhi mein hai ham so devi-devta the। aur satsangon mein koi aise nahin kahenge ki ham so devta the, hamne 84 janma liye। abhi ham patit ban gaye hain, ab phir paavan ban rahe hain। tum bhi nayanheen the, in okhon ki baat nahin hai। yeh gyaan ke divya chakshu ki baat hai। aatma to apne baap ko bhool gai hai। sannyaasiyon ne to aatma so paramatma kah diya hai। baap hi aakar teesra netra kholte hain। woh phir devtaaon ko teesra netra dikhaate hain, jaise vishnu ko alankaar dikhaaye hain vaise devtaaon ko teesra netra de diya hai। parantu unka gyaan ka teesra netra to khulta nahin। satayug mein agar yeh gyaan hota ki ham aise girte jaayenge, phir ham narkavaasi ban padenge to raajya-bhaagya ki khushi hi chali jaati। yeh knowledge abhi hi rehti hai। tum meethe-meethe sikeeldhe laadle bachche jaante ho ki ham baba ke paas 5 hajaar varsha baad aaye hain phir se apna raajya-bhaagya lene। phir 5 hajaar varsha baad hamko aana hai। ham all-round actors hain। ham so devta bane the, ham so kshatriy banen, abhi ham so phir brahman bane hain। yeh gyaan kisko nahin hai। geeta paathshaala maana bhagwan ki paathshaala। bhagvaanuvaach hai। un logon ne phir shreekrishna ka naam daal diya hai। phir shreekrishna par kitne kalank laga diye hain, kah dete hain unko itne bachche the, itni raaniyaan churaai! yahaan to tum sab aapehi bhaag kar aaye ho, koi ne bhagaaya nahin। government ke raajya mein agar koi kisko bhagaaye to bhi case chal jaaye। inhon ka wonder hua, kitne bachche aaye, bhatthi banni thi। budhe, javaan, bachche sab variety bhaagkar aa gaye। koi jhaad ke jhaad bhi aaye। to yahaan ki baat shreekrishna ke saath lagaakar ulta-sulta likh diya hai। akhbaaron mein badi dhoomdhaam hui। America ke akhbaar mein bhi pad gaya ki ek kalkatte ka javaahri kehta hai ki mujhe 16108 raaniyaan chaahiye, abhi 400 mili hain। to yeh sab khel hai। nothing new। kalpa baad phir bhi aise hoga। aise hi tumhaari bhatthi banegi। tum dekh rahe ho ki kaise sthaapna hoti hai। tum manushya se devta ban rahe ho। jeevanmukti daata ko apna banaane se second mein tum varsa paane ke hakdaar bante ho। janak ko bhi second mein saakshaatkaar hua। kehte bhi hain hamko janak misal gyaan do। janak ne to treta mein raajaai paai।

baba ne pahle-pahle samjhaaya abhi tum bachchon ki buddhi mein hai ki hamaare saamne kaun baitha hai? shiv ke mandir ke aage bail rakh diya hai। bail par to manushya baithega, niraakaar shiv kaise baithenge? to phir shankar ko bitha diya hai। kuchh bhi samajhte nahin। geet mein bhi suna ki nain heen ko raah dikhaao... sab buddhiheen andhe hain। praja ka praja par raajya hai। aage raajya raaja chalaate the। koi kada vikarma karte the to raaja phainsala karte the। abhi to praja ka praja par raajya hai। ek-do ko ke oopar judge hain। wonder hai na। yeh behad ka naatak hai। yeh tum jaante ho, aur koi kah na sake। joon misal yeh drama chalta hi rehta hai। tik-tik hoti hi rehti hai। duniya ka chakra phirta hi rehta hai। yeh world ki history-geography koi nahin jaante। kehte hain patta bhi eeshvar ke hukm par chalta hai। parantu yeh to drama hai। makkhi yahaan se paas hui phir kalpa baad repeat hoga। drama ko samajhna hai। manushya hi samjhenge। baba kitna achhi reeti samjhaate hain। baba world almighty authority hai। kehte hain main bhi drama ke bandhan mein baandha hua hoon। main khud aakar patit ko paavan banaata hoon। abhi tum baap se shakti lete ho maaya par jeet paane liye। maaya dushman ne tumko bilkul kangaal bana diya hai, na health, na wealth hai। abhi tum samajhte ho ki ham vishwa ke maalik bante hain। vahaan to health, wealth, happy sab hoga।

paramatma ko hi kehte hain ki aakar raah bataao, raham karo, aakar mukti-jeevanmukti do। aatma hi pukaarti hai - O baba, aakar humein duhkh se chhudaae svarga mein sukhi banaao। gaaya bhi hai duhkh harta, sukh karta। baap ne sukh diya phir unko svarga mein yaad karne ki darkaar nahin rehti। sab bachchon ko sukhi bana dete hain। aage 60 varsha ki aayu mein bachchon ko raajya-bhaagya de khud vaanaprastha mein chale jaate the। to behad ka baap bhi kehte hain - main jaanta hoon tum sabko maaya ne bahut duhkhi kiya hai, to ab le chalne aaya hoon। nirvaandhaam va vaanaprastha ek hi baat hai। vaanaprastha arthaat vaani se pare sthaan sweet silence hom। phir jaayenge apni sweet raajdhaani mein। abhi to duhkhadhaam hai। tum kehte ho ham svadarshan chakradhaari bante hain aur banaate rehte hain। sampoorn to ant mein hi banenge। kehte hain svadarshan chakradhaari vishnu va shreekrishna hai। yeh kaise ho sakta hai? yeh baaten to tum hi samajh sakte ho। svadarshan paadhaariyon ko nasha hona chaahiye - shivbaaba hamko svadarshan chakradhaari banaate hain। ham sampoorn ant mein banenge, isliye alankaar devtaaon ko de diye hain kyonki tum abhi sampoorn nahin bane ho। tumko alankaar shobhenge hi nahin। devtaayen hain sampoorn, isliye unhon ko de diye hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) behad drama ke raaz ko buddhi mein rakh nothing new ka paath pakka karna hai। vaani se pare rah vaanaprastha avastha mein jaana hai।

2) maaya dushman par jeet paane ke liye sarvashaktimaan baap se shakti leni hai। gyaan nayan heen aatmaon ko gyaan netra dena hai।

vardaan:- man ko aman va daman karne ke bajaae su-man banaane vaale dooraadeshi bhav

bhakti mein bhakta log kitni mehnat karte hain, praanaayaam chadhaate hain, man ko aman karte hain। aap sabne man ko sirf ek baap ki taraph laga diya, busy kar diya, bas। man ko daman nahin kiya, su-man bana diya। abhi aapka man shreshtha sankalp karta hai isliye su-man hai, man ka bhatakna band ho gaya। thikaana mil gaya। aadi-madhya-ant teenon kaalon ko jaan gaye to dooraadeshi, vishaal buddhi ban gaye isliye mehnat se chhoot gaye।

slogan:- jo sada khushi ki khuraak khaate hain ve sada tandaroosta aur khushnumahrahte hain।