गुरुवार 24 अगस्त 2023 की दैनिक मुरली

24-08-2023 praatahmurli om shanti "baapdaada"' madhuban

“meethe bachche - avyabhichaari yaad se hi tumhaari avastha achal-adol banegi, purushaartha karo ek baap ke sivaae doosra kuchh bhi yaad na aaye''

prashn:- shivbaaba kaun-si service karte hain aur tum bachchon ko kya karna hai?

uttar:- sangam par shivbaaba sabhi aatmaon ko kabra se nikaalte hain arthaat aatmaayen jo deh abhimaan mein aakar patit ban gai hain unhein patit se paavan banaane ki service karte hain। tum bachche bhi baap ke saath-saath sabko shantidham aur sukhdhaam ka raasta bataane ke liye light house bano। tumhaari ek aankh mein mukti aur doosri aankh mein jeevanmukti ho।

geet:- kisne yeh sab khel rachaaya…

om shanti। yeh vaastav mein bhakti maarga ka geet hai। koi hai zaroor, jiski yeh mahima hai। bachche achhi reeti samajh sakte hain ki yeh baap hi hai jo sab kuchh karte hain, karnakraavanhaar hai। sikkha log bahut mahima gaate hain kyonki naya dharma hai aur yeh hai bahut puraana dharma। gaate hain ekoankaar… om ka arth bhi baba ne bahut achhi reeti samjhaaya hai। woh to bahut lamba-chauda arth kar dete hain। main kehta hoon main paramatma paramdham ka rahne vaala hoon। main punarjanma mein nahin aata hoon, tum punarjanma mein aate ho। baap bachchon ko baith parichay dete hain। main bachchon ke saamne hi pratyaksha hoon। inhon ko samjhaaya hai main hoon parampita paramatma, jisko tum aatmaayen bhakti maarga mein yaad karti ho - O god father। unki mahima bhi hai patit-paavan, merciful, liberator। unko guide bhi kehte hain। yeh hai paandav sena। panda mukti-jeevanmukti ki raah bataata hai। gaate bhi hain na naeeya meri paar lagaao। barobar paramatma ko khivaiya bhi kehte hain, baagvaan bhi kehte hain। kehte hain tum kitne masta the। satayug-treta mein beparvaah baadshaah the। kitne vaibhav the! shreenaath dvaare mein kitne vaibhav khilaate hain, pakki rasoi banaate hain, jagannaath ke mandir mein daal-chaaval banaate hain। vahaan kaale chitra dikhaate hain। abhi tum sab kaale ho। shreenaath dvaare mein bahut first class cheejen banti hain, phir jo shreenaath ko bhog lagaate hain, woh pujaariyon ko milta hai। woh phir dukaan mein bechte hain। usse shareer nirvaah hota hai। tum bachche to svarga ke maalik bante ho। vahaan jo vaibhav tum khaate ho, woh daas-daasiyaan bhi khaate hain। 36 prakaar ke vaibhav bante hain, itne to kha nahi sakenge to phir daas-daasiyaan khaate hain। parantu ismen hi khush nahin hona hai। raajdhaani to saari banni hai। tum vahaan bahut mauj mein rahenge। world almighty authority ka sthaapan kiya hua svarga ka raajya-bhaagya tum bachchon ko milta hai।

kehte hain gyaan, bhakti, vairaagya। ab vairaagya do prakaar ka hota hai। sannyaasiyon ka hai had ka vairaagya। gharbaar chhod jaakar jangal mein baithte hain phir woh gupta madad karte hain। bhaarat ka bahut faayda karte hain। jaise vinaash ke liye kaha jaata hai inse svarga ke get khulte hain। vaise yeh bhi pavitrata ki madad karte hain, isliye drama mein unhon ki mahima hai। baap kehte hain yeh gyaan praayahlop ho jaata hai। to unka hai had ka vairaagya, tumhaara hai behad ka। tumhein behad ka baap vairaagya dilaate hain। grihastha vyavhaar mein rehte sirf buddhi se bhoolna hai। yeh to puraana shareer hai, ab 84 janma poore hue। deh sahit deh ke sab dharmon, sarva sambandhon ko bhoolna hai। apne ko dehi samajhna hai। woh to kah dete ki aatma nirlep hai। kuchh bhi khaao-piyo, lep-chhep nahin lagta। anek mat-mataantar hain। kaisi rasma-rivaaj hai, jisne jo mat chalaai chal padti hai। jaise yahaan koi aadi dev ko mahaaveer kehte hain। mahaaveer phir hanumaan ko bhi kehte hain। vaastav mein tum sab mahaaveer-mahaaveerniyaan ho jo maaya par jeet paate ho। shreemat par purushaartha karte ho। tumko apni avastha aisi rakhni hai, jaise angad ko raavan hila nahin saka।

tum mahaaveeron ko bhi bhal kitna bhi maaya ka toofaan lage, parantu hilna nahin hai। yeh avastha abhi nahin hogi। pichhaadi mein aisi avastha honi hai। kitne bhi vikalpon ke toofaan aayen lekin adol rehna hai। avyabhichaari yaad rahe aur kiski yaad na aaye, ismen mehnat bahut karni hai। pichhaadi mein hi achal-adol banenge। achalghar yaadgaar hai na। uske oopar gurooshikhar hai। abhi tum samajhte ho oonch te oonch hai shivbaaba, woh hai rachayita। pahle-pahle kya rachte hain, woh bhi buddhi mein rakhna hai। oonch te oonch hai shivbaaba phir hain brahma-vishnu-shankar sookshmavtanvaasi, vishnu ko chaar bhujaayen kyon dete hain? isse yeh pravritti maarga siddha hota hai। tumhaara hai pravritti maarga। brahma dvaara sthaapna karaate hain। brahman dharma hai oonch te oonch, devtaaon se bhi tum oonch ho kyonki tum service karte ho। daivi dharma ki sthaapna kar phir tum vishwa ke maalik bante ho। oonch te oonch hai ek baap athva mahima laayak ek hi shivbaaba hai, doosra na koi। birth de ek shivbaaba ka hi mukhya hai। baaki to koi service nahin karte। lakshmi-naaraayan bhi praalabdha bhogte hain। abhi to sabki kayaamat ka samay hai। pahle-pahle bhakti bhi shuru hoti hai ek baap ki। woh hai avyabhichaari bhakti। abhi to bilkul vyabhichaari ban gaye hain। tum shivbaaba se lekar sabhi ke occupation ko jaante ho। abhi tum practical mein baba ke paas baithe ho, jaante ho ki ham phir se bhaarat ko svarga bana rahe hain। jo banaate hain, vahi phir raajya karenge। phir vahaan lakshmi-naaraayan ki dynasty chalti hai phir raam ki। ab unki kya pooja karen? unko to neeche utarna hi hai, praalabdha bhog poori ki, bas। tum hi poojya se pujaari bante ho। tum jaante ho ki bhakti maarga mein kya hota hai? 63 janma kaise lete hain? abhi tum brahman ho phir brahman se devta, kshatriy, vaishya, shoodra varnon me aayenge - yeh drama anaadi bana hua hai। koi rok nahin sakta। baajoli kheli jaati hai na। teerthon par baajoli khelte jaate hain। aage baajoli ka bada prabhaav tha। abhi to anekaanek maten nikal padi hain sivaae ek baap ke aur koi mukti-jeevanmukti de nahin sakta। ab tumhaari ek aankh mein hai mukti, doosri aankh mein hai jeevanmukti। buddhi kehti hai ham light house hain।

tum ho manushyon ko raasta dikhaane vaale light house। pahle-pahle jaana hai sweet hom। abhi naatak poora hona hai। tum bachche jaante ho ki yeh sachchi geeta aadi kyon banaate hain? jo kachche hain woh padh kar pakke banen। baaki to yeh sab khatma ho jaane hain। phir vahi geeta aadi niklegi। geeta ka ek shlok uthaakar uska arth karte jaate hain। geeta mein to hai bhagvaanuvaach। geeta bhagwan ne sunaai thi, parantu samajhte nahin hain। baap kehte hain main in shaastron se nahin milta hoon, jab bhakti poori hoti hai tab main aata hoon। gyaan hai din, bhakti hai raat। aadhaakalpa hai raavan ka raajya, raavan dekhne mein nahin aata hai। buddhi se samajh sakte hain - inmen kaam ka bhoot, krodh ka bhoot hai। yeh ashuddha akshar satayug mein kaam nahin aate। yahaan to ek-do ko gaali dete rehte hain। yeh sab baaten satayug mein nahin hoti। abhi tum samajhte ho baap patit-paavan svarga ka rachayita hai। svarga rachkar phir apne ko chhipa lete hain। inko koi bhi jaan nahin sakta। bhal shiv ka chitra hai parantu pata kuchh bhi nahin। shivbaaba kab aaya, kaise aaya? brahma, vishnu, shankar ka kya raaz hai, woh kahaan rehte hain? lakshmi-naaraayan ko satayug mein itni oonch raajaai kaise mili? kaliyug mein to hai nahin। kaise woh raajaai paate hain - yeh ab tum samajhte ho। bachchon ko baap se achhi reeti padhkar phir auron ko padhaana hai। baap sabhi bachchon ko kehte hain ki mere sikeeldhe bachche, O mere saaligraamon main is shareer mein aakar tumko samjhaata hoon, is brahma ka tan liya hua hai। brahma se brahman paida hote hain। aur koi satsang mein aise koi mana nahin hoti hai। yahaan mana karte hain। vish par hi jhagde hote hain। jiske liye hi baap kehte hain - yeh vish aadi-madhya-ant duhkh dete hain। yeh hai number one dushman, is kaam mahaashatru ko jeeto jisne tumko aadi-madhya-ant duhkh diya hai isliye kehte hain patit-paavan aao। jaante hain ham patit hain tab to jaakar paavan ke aage maatha tekte hain। pavitrata ki kashish hoti hai, isliye unhon ka martaba rakhte hain। woh bhi samajhte hain, hamaare jaisa oonch bhaarat mein koi hai nahin। unhon ko bhi tum shaktiyon ne baan maare hain। agar sthool baanon ki baat hoti to aise thode hi kehte ki parampita ne baan marvaaye hain। yeh hain gyaan ke baan। tum ho brahmaakumaariyaan, woh phir brahm kumaariyaan kah dete hain। kehte hain brahm hi bhagwan hai। baap kehte hain yeh tumhaara bhram hai। ab tumhaare paas sannyaasi log bhi bahut aate hain। bade-bade aadmi sannyaasiyon ke paas jaate hain। bolte hain - mahaatma ji, chaliye ham aapko bhojan khilaayen। bahut unhon ki khaatiri karte hain। pavitrata ki nishaani hai na। aajkal to kai daaku bhi sannyaasi ka vesh dhaaran kar lete hain। tum to bilkul saaph ho aur tum ho bhi raajarishi। abhi tum oopar se neeche tak samajh gaye ho, jaante ho ham so devta lakshmi-naaraayan ban praalabdha bhogte hain। aadhaakalpa baad phir jab aur dharma aate hain tab ladaaiyaan aadi lagti hain। yeh bhi sab drama mein hai। tum mool vatan, sookshm vatan, sthool vatan, srishti ke aadi-madhya-ant ko jaankar knowledgeful ban gaye ho। chakra ko bhi jaan liya hai chakravarti raaja banne ke liye। bhaarat mein double sirtaaj raaja-raani yeh lakshmi-naaraayan hi the। single taaj vaale unhon ko naman karte hain। pavitrata ki taakat thi, satayug mein viceless sampoorn nirvikaari the। gaate bhi hain sarvagun sampanna...... yeh kyon gaate hain? khud pujaari vikaari hain। bhaarat par hi saara khel hai। double sirtaaj aur single sirtaaj, abhi to no taaj......। tum saare srishti chakra ko samajh gaye ho। creator, director, mukhya actor kaun hain - tum abhi jaante ho। phir tum devta ban jaayenge।। maaya ki jo keechad lagi hai woh dhoi jaati hai। baap kehte hain main dhobi bhi hoon, bade te bada sunaar bhi hoon। tumhaare jevar ko abhi bhatthi mein daalte hain। tum sachcha jevar ban jaayenge। baap barrister bhi hai। tumko 5 vikaaron ki jel se chhudaate hain, liberate karte hain। tum raavan ki jel mein ho, jel se chhudaane liye vakaalat sikhlaate hain ki apne ko kaise chhudaao। baap kehte hain main apna kaarya kar tumko raajya-bhaagya de phir main gum ho jaaoonga। tum sukhi ban jaayenge। tum raajdhaani le lenge phir main vaanaprastha mein baith jaaoonga।

achha, sabse bhaagyashaali kaun hai? baba kehte hain ki kanyaayen bhaagyashaali hain। baba kehte main to apna farja paalan karta hoon। tum patit-duhkhi ho, pukaarte ho, to baap ka farja hai bachchon ko mukti-jeevanmukti dena। aisa mukti daata aur koi nahin, baaki title woh log bahut rakhvaate hain parantu hai bilkul wrong। manushyon ki bilkul hi vinaash kaale vipreet buddhi hai। tum bachche baba-baba kehte rehte ho, manushya thode hi is raaz ko samjhenge। woh samjhenge shaayad is baba ko yaad karte hain। tum bachche jaante ho ki anek baar baba ne hamko svarga ka maalik banaaya hai। yeh hai eeshvareey janma। baap kehte hain sirf ek mujhe yaad karo ismen hi mehnat hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap se achhi reeti padhkar auron ko padhaana hai। light house ban sabko mukti-jeevanmukti ki raah dikhaani hai।

2) ek baap ki avyabhichaari yaad se apni avastha ekras achal-adol banaani hai। mahaaveer banna hai।

vardaan:- alaukik reeti ki len-den dvaara sada visheshta sampanna banne vaale phraakdil bhav

jaise kisi mele mein jaate ho to paisa dete aur koi cheez lete ho। lene se pahle dena hota hai to is roohaani mele mein bhi baap se athva ek do se kuchh na kuchh lete ho arthaat svayan mein dhaaran karte ho। jab koi gun athva visheshta dhaaran karenge to saadhaaranta svatah khatma ho jaayegi। gun ko dhaaran karne se kamjori svatah samaapta ho jaayegi। to yahi dena ho jaata hai। har second aisi len-den karne mein phraakdil bano to visheshtaaon se sampanna ban jaayenge।

slogan:- apni visheshtaaon ka prayog karo to har kadam mein pragti ka anubhav hoga।