शुक्रवार 25 अगस्त 2023 की दैनिक मुरली

25-08-2023 praatahmurli om shanti "baapdaada"' madhuban

“meethe bachche - yeh sangamayug hai braahmanon ki puri, ismen tum brahma ke bachche bane ho, tumhein behad ke baap ka varsa lena hai aur sabhi ko dilaana hai''

prashn:- is gyaan ko achhi reeti samajhne ke liye kis prakaar ki buddhi chaahiye?

uttar:- vyaapaari buddhi vaale hi is gyaan ko achhi reeti samjhenge। yeh hai behad ka vyaapaar। baap bachchon ko bhinna-bhinna kamaai ki yuktiyaan bataate rehte hain। bachchon ka kaam hai mehnat karna। aisi yukti nikaalni chaahiye jisse svayan ki bhi kamaai jama hoti rahe aur sarva ka bhi kalyaan ho। baap ki yaad aur seva hi kamaai ka saadhan hai।

geet:- raat ke raahi thak mat jaana…

om shanti। paarlaukik baap bachchon ke prati samjha rahe hain, kehte hain ki bachche mujh apne paarlaukik parampita paramatma ko bhoolna nahin hai। gaaya bhi jaata hai geeta ka bhagwan। Bible ka bhagwan va kuraan ka bhagwan kabhi koi nahin kahenge। koi bhi dharma sthaapan karne vaale aise nahin kahenge ki he bachche ab mujh paarlaukik baap ko yaad karo। aise koi kisko kah nahin sakte। bachcha paida hota hai, baap ko jaante hain। baap ko hi yaad karte rahenge kyonki vaaris hai। ab paarlaukik baap kehte hain - he mere sikeeldhe bachche, ab tumko mere paas aana hai। main tum bachchon ko paramdham nirvaandhaam le chalne liye aaya hoon। tum bhakta mujh bhagwan ko yaad karte the। ab main kehta hoon tum mujhe nirantar yaad karo। main tumko sukhdhaam le chalta hoon। apne dil andar dekho - tumne aadhaakalpa kitna duhkh uthaaya hai! pahle se hi itna duhkh nahin milta hai। peechhe duhkh vriddhi ko paata hai। ab paarlaukik baap kehte hain mujhe yaad karo। sabhi dharma vaalon ko kehte hain - he mere bachche, tum apne ko bhaai-bhaai samajhte aaye ho। ab tum aatmaon ka jo paarlaukik baap hai, jisko sab jeev aatmaayen duhkh mein yaad karti aai hain - woh ab brahma mukh kamal dvaara tum bachchon ko samjha rahe hain। samjhaani di jaati hai - brahma mukh vanshaavli braahmanon ko। prajaapita brahma ko sirf kumaariyaan hi nahin thi। kumaar-kumaariyaan donon the। bhaai-behen the - brahmaakumaar-kumaariyaan। ek hi baap ke bachche ek hi daade ke potre potriyaan thahre। tum bachchon ko sammukh samjhaaya jaata hai। tum sammukh sunte ho, samajhte ho ki ham niraakaar shivbaaba ke sab bachche hain। barobar ham brahma dvaara shivbaaba se svarga ki baadshaahi paane ke liye raajayog seekh rahe hain। parampita paramatma brahma mukh dvaara jo tumko samjhaate hain woh phir auron ko samjhaana hai। jo laukik bhaai-behen hain, unhon ko samjhaana hai। tum ho gaye paarlaukik। paarlaukik baap se tum varsa lete ho। tum kahlaayenge paarlaukik bhaai-behen। woh hue laukik bhaai-behen।

to baap samjhaate hain - bachche, hoobhu 5 hajaar varsha pahle muaaphik tum buddhi ka yog lagaao to tumhaare vikarma vinaash ho jaayenge। paap bhasma ho jaayenge। baap ki yaad ko hi yog-agni kaha jaata hai। is sarvashaktimaan baap ki yaad mein rahne se tumko shakti milegi। woh ek hi niraakaar baap hai, is brahma mukh se sunaate hain। zaroor rath to chaahiye na, jis rath ke oopar unki savaari ho। yeh rath hai, ismen parampita paramatma savaar ho bachchon ko yeh sikhlaate hain। is srishti ke aadi-madhya-ant ki samjhaani dete hain, jisse tum bhavishya mein chakravarti raaja-raani ban jaayenge aur nirantar yaad karne se vikarmaajeet ban jaayenge, paavan punya aatmaayen ban jaayenge। baba jo svarga sthaapan karte hain us svarga ke tum chakravarti mahaaraaja-mahaaraani banenge। so bhi 21 janmon ke liye aur bhaarat mein jo bhi utsav hote hain - shiv jayanti, holi, raakhi, janmaashtami, deevaali aadi in sab utsavon ka mahatva aur harek ki biography ham aapko sunaate hain। aao bahnon-bhaaiyon, ham aapko paarlaukik baap ka parichay deven। parichay le sahaj raajayog seekh tum vishwa ke maalik banenge। world almighty, pavitrata-sukh-shaantimay atal-akhanda raajya karenge। yeh kisko bhi samjhaana bahut sahaj hai। is reeti likhna bhi hai। baap ke samjhaaye hue yeh raaz ham tumko samjhaayenge। baap ke bachche banenge tab to varsa milega na। tum bhi behad ke baap se behad ka varsa aakar lo। janma-janma to had ka varsa lete aaye ho। woh hai duhkh ka varsa kyonki yeh hai hi raavan raajya। raam ke raajya mein sada sukh tha। phir maaya raavan ke raajya mein tum duhkhi hue ho। yeh to tum koi ko bhi samjha sakte ho। public bhaashan mein bhi tum samjha sakte ho। oonch te oonch hai bhagwan। phir hain brahma, vishnu, shankar, phir unhon ki mahima। gaaya bhi hua hai brahma dvaara sthaapna। to zaroor woh sthoolavtan mein hoga। brahman hain brahma ki santaan। unko hi prajaapita brahma kaha jaata hai। pahle-pahle brahman varna chaahiye। oonch te oonch hai brahman varna। kaun sthaapan karte hain? parampita paramatma। pita ke sab bachche thahre। brahma dvaara in brahmaakumaar-kumaariyon ko baith padhaate hain। yeh sangamayug hai braahmanon ki puri। phir rudra puri mein jaakar vishnupuri mein aate hain। pahle-pahle rudra maala mein woh aayenge jo nirantar yaad karenge। sooryavanshi-chandravanshi raajaayen bante hain na। to is samay parampita paramatma dvaara raajayog seekhne se raajaai pad paate hain। baap kehte hain ki nirantar mujh baap ko yaad karo, buddhi ka yog mere saath lagaao। yeh hai roohaani yaatra। janma-janma se to jismaani yaatraayen karte aaye, ab baap aakar roohaani yaatra sikhlaate hain। kehte hain mujh baap ko aur sweet hom ko yaad karo, jahaan se tum aaye ho part bajaane। tum gore the, vishwa par raajya karte the phir tum kaam chita par baith kaale ho gaye ho, sundar se shyaam ban gaye ho। bhaarat bada sundar tha। naam hi tha svarga, ab to narka hai na। tum hi poojya se phir pujaari bante ho to oonch te oonch bhagwan shiv phir brahma, vishnu, shankar, in dvaara baap kaarya karvaate hain। inhon ko nimitta banaaya hai। karnakraavanhaar hai na। brahma dvaara bhaarat ko svarga banaane ke liye raajayog sikhlaate hain। baap kehte hain ki yeh raajayog sikhlaakar poora karunga to phir vinaash hoga। phir jo nai duniya sthaapan karte hain unmein jaakar raajya karenge phir jitna jo purushaartha kare। saara purushaartha par madaar hai। kehte hain ganga patit-paavni phir paramatma ko pukaarte kyon ho - he patit paavan aao? to pujaari bhakton ko bhakti ka phal milna chaahiye na। svarga mein tumko jeevanmukti ka phal milta hai aur sabko shanti ka phal mil jaata hai। svarga mein sukh-shanti donon hi the, sab sukhi the - jinhonne raajayog seekha। vikarma vinaash to karna hi hai, hisaab-kitaab chuktu to hona hi hai। phir nayesir part bajaana hai। sabka hisaab-kitaab chuktu karaae paavan banaae baap saath mein le jaate hain। yeh sab raaz samajhne ke hain।

manushya bhagwan ko yaad karte hain to zaroor bhagwan ko srishti par aana pade। kehte hain ki srishti par aakar bhakton ko bhakti ka phal deta hoon। mukti va jeevanmukti, shanti va sukh deta hoon। duniya mein sukh, shanti va sampatti hi maangate hain। manushya to sampatti ke liye hi purushaartha karte hain ki dhanvaan banen। samajhte hain sampatti mein hi sukh hoga। parantu bhal kisko kitni bhi sampatti hai, raajya to phir bhi maaya ka hai na। patit duniya hai na, to paap zaroor honge। sampatti ke liye bahut paap karte hain। yeh hai hi paap aatmaon ki duniya। ismen koi bhi punya aatma hoti nahin। punya aatmaon ki duniya mein phir koi paap aatma nahin hoti। yatha raaja raani tatha praja punya aatma hote hain। in paavan devi-devtaaon ko patit duniya mein raaja log bhi poojte hain kyonki samajhte hain - yeh sarvagun sampanna hain। hamaare mein koi gun naaheen, aapehi taras paroi. . . . . . . . phir yeh kehte ham hi bhagwan hain। patiton ko paavan banaane vaala to ek hi baap hai। patit-paavan kahne se buddhi chali jaani chaahiye niraakaar bhagwan ki taraph। niraakaar upaasi bhi hote hain na। to woh niraakaar baap hai oonch te oonch, jab tak unka poora parichay nahin to upaasna kya karenge? bhal kehte hain parampita paramatma shiv hai। niraakaar upaasi hain na। niraakaar ko yaad karne vaale। parantu woh hai kaun? poora parichay chaahiye na। niraakaar ko kyon yaad karte hain, usse kya milega? kya niraakaari duniya mein jaayenge? aatmaon ko to niraakaari duniya mein jaane ke raaste ka pata nahin hai। bhal sab yaad karte hain parantu bigar parichay। is prakaar yaad karne se to koi paavan nahin banenge। yahaan to niraakaar khud saakaar mein aate hain। manushya to niraakaari duniya mein jaane ke liye kitne shaastra aadi padhte hain! parantu koi ja nahin sakte। raaste ka bhi pata nahin hai। jismaani yaatra ke pande log raasta jaante hain tab to le jaate hain na। yahaan is raaste ko koi jaanta nahin, jo samjhaaye। iske liye kehte - beanta hai, to phir yaad kaise karen? kuchh bhi samajhte nahin। koi ne kaha beanta hai, phir koi ne kaha niraakaar hai, to phir niraakaar upaasi bane। aajkal to phir kah dete ki ham vahi hain। din-pratidin tamopradhaan mat hoti jaati hai। jo aata woh kehte rehte hain। baap samjhaate hain oonch te oonch baap gaaya jaata hai। sarvavyaapi kahne se to sab oonch te oonch ho jaate hain। itne patit-duhkhi woh phir oonch te oonch kaise honge। ek taraph kehte naam roop se nyaara hai phir unko patthar bhittar mein lagaana isko hi dharma glaani kaha jaata hai। abhi phir kehte ham hi paramatma hain। abhi jo kuchh past hua, sab drama hai। woh phir bhi hoga। bhool pichhaadi bhool, glaani pichhaadi glaani karte-karte bhaarat aisa patit ho gaya hai। baap ka parichay to sabko milna hai। tumhaara prabhaav niklega itne dher brahmaakumaar kumaariyon dvaara gyaan milta hai। yeh to barobar parampita paramatma ki hi baat hai। sabse oonch te oonch hai parampita paramatma, unki mahima bahut hai, paaraavaar nahin। ab baap baith apna parichay dete hain - main kya karta hoon? main aakar sabhi paap aatmaon ko punya aatma banaata hoon, raajayog sikhlaata hoon। gaaya bhi jaata hai eeshvar ki gat-mat nyaari। so to zaroor jab yahaan aayenge tab to mat denge na। Christ ki soul aai, Christian dharma sthaapan karne। baap ki mat to sabse nyaari hai। yeh baap to hai sabse oonch। bhaarat mein manushya maatra mein shreshtha te shreshtha devi-devtaayen hi double sirtaaj bane hain। baap ki hai shreemat। bhagvaanuvaach - main tumko raajayog sikhlaata hoon jo aur koi sikhla na sake। likha hua hai bhagvaanuvaach। woh hai hi heavenly god father jo svarga ki sthaapna karte hain, svarga ke liye tum braahmanon ko raajayog sikhlaate hain। brahman varna sabse oonch ho gaya। baap service ki yuktiyaan bahut batlaate hain। bhal koi gaaliyaan bhi de, tum chitra rakh do, unmein likha hoga ki in varnon mein bhaarat hi aata hai। ab hai kaliyug, shoodra varna। phir tum baap dvaara brahman bane ho। tumhaara naam hai - brahmaakumaar-kumaari। tumhaare chitra aise hone chaahiye jo manushyon ko wonder lage ki aise chitra to kahin nahin dekhe। yeh gyaan vyaapaari buddhi vaale achhi reeti samajh sakte hain। yeh vyaapaar bhi achha hai। to shreemat dene vaala bhi sarvottam hai। parantu bahut bachche mehnat nahin karte। ghar mein soye pade rehte to baba khada karte hain। tum ek chitra banaayenge, isse hajaaron ka kalyaan hoga, sab tumhaari vaah-vaah karenge। vande maatram kahenge। achha!

maat-pita baapdaada ka meethe-meethe sikeeldhe bachchon prati yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) rudra maala mein pahla number aane ke liye nirantar baap ki yaad mein rehna hai। baap aur sweet hom ki yaad se svayan ko paavan banaana hai।

2) roohaani panda ban sabko sachchi yaatra karaani hai। ek baap ki shreemat se svayan ko double sirtaaj banaana hai।

vardaan:- sva-sthiti ki shakti se kisi bhi paristhiti ka saamna karne vaale master knowledgeful bhav

sva-sthiti arthaat aatmik sthiti। par-sthiti vyakti va prakriti dvaara aati hai lekin agar sva-sthiti shaktishaali hai to uske aage par-sthiti kuchh bhi nahin hai। sva-sthiti vaala kisi bhi prakaar ki paristhiti se ghabra nahin sakta kyonki knowledgeful aatma ho gai। use teenon kaalon ki, sarva aatmaon ki knowledge hai। woh jaante hain ki yeh parvash hai isliye shubh bhaavna, shubh kaamna dvaara uski seva karenge, ghabraayenge nahin, sada muskaraate rahenge।

slogan:- bhaagyavaan woh hai jo sada bhaagya ke gun gaaye, kamjoriyon ke nahin।