मंगलवार 5 सितंबर 2023 की दैनिक मुरली

05-09-2023 praatahmurli om shanti "baapdaada"' madhuban

“meethe bachche - sat ka sang ek hi hai jisse tumhaari sadgati hoti hai, aatma paavan banti hai, baaki sab hain kusang, isliye kaha jaata - sang taare kusang bore''

prashn:- baap ka aisa kaunsa kartavya hai jo koi bhi dharma sthaapak nahin kar sakta?

uttar:- baap ka kartavya hai sabko patit se paavan banaakar vaapis ghar le jaana। baap aate hain - sabko in shareeron se mukta karne arthaat maut dene। yeh kaam koi dharma sthaapak nahin kar sakta। unke pichhaadi to unke dharma ki paavan aatmaayen oopar se utarti hain aur apna-apna part bajaae paavan se patit banti hain।

geet:- jaag sajniya jaag…

om shanti। bachchon ne geet suna। kisne sunaaya? saajan ne। sab hain sajniyaan jisko bhaktiyaan kaha jaata hai। bhagwan ek hai, jisko bhakta yaad karte hain। to usko kaha jaata hai saajan। bhakta kahne se mel athva female donon usmein aa jaate hain। to sab ho gai seetaayen। raam ek hai। bhakta anek hain, bhagwan ek hai। us bhagwan ko kaha jaata hai parampita। laukik baap ko parampita nahin kahenge। woh hai laukik shareer dene vaala pita। parampita hai paramdham mein rahne vaala, sab aatmaon ka pita। har ek manushya ko do baap hain - ek laukik, doosra paarlaukik baap। laukik baap ka janma by janma varsa alag hota hai। har ek janma mein baap alag-alag rehte hain। tum vichaar karo kitne janma lete hain, kitne baap milte honge? (84) haan 84 janmon mein zaroor 84 baap aur 84 maa milenge। har janma mein ek hi laukik baap aur ek hi maa rehti hai। doosra baap hai parampita paramatma। parantu satayug-treta mein kabhi O god father kah yaad nahin karte। he parampita paramatma mehar karo - aise kabhi nahin kehte isliye samjhaaya jaata hai - satayug-treta mein ek hi baap hota hai। phir dvaapar-kaliyug, jisko bhakti maarga kaha jaata hai - vahaan sabko do baap hain। mel athva female sabko do baap hain। paarlaukik baap ko yaad karte hain kyonki yeh duhkhadhaam hai। duhkhadhaam mein do baap, sukhdhaam mein hai ek hi baap। yahaan to ek laukik baap hai, doosra phir sabke duhkh nivaaran karne vaala baap hai। jisko sabhi yaad karte hain ki is duhkh se chhudaao, raham karo। aadhaakalpa hai duhkhadhaam, aadhaakalpa hai sukhdhaam। satayug hai naya yug, kaliyug hai puraana yug। baap kehte hain ab ham satayug nai duniya ki sthaapna kar rahe hain। kaliyug puraane yug ka vinaash hona hai। kaliyug ke baad phir satayug aana hai। kaliyug ke ant, satayug ke aadi ko kalpa ka sangam kaha jaata hai। yeh hai kalyaankaari yug kyonki patit se paavan banna hota hai। kaliyug mein hain patit manushya, satayug mein hain paavan devtaayen। baap samjhaate hain ki yeh aasuri raavan sampradaay hai। harek ke andar 5 vikaaron ki praveshta hai। usko kahenge raavan omni present, god omni present nahin। 5 vikaar pravesh hain, isliye inko patit duniya kaha jaata hai। satayug-treta ko paavan duniya shivaalay kaha jaata hai। kaliyug hai veshyaalay। to shiv parampita paramatma aakar nav yug ki sthaapna karte hain। baap samjhaate hain ab jaago, nav yug athva sukhdhaam ka samay ab aaya hai। lakshmi-naaraayan ka raajya aa raha hai। yeh hai hi raajayog। yeh koi common satsang nahin hai। ek hota hai sat sang, doosra hota hai jhootha sang, kusang। sat ka sang taare, kusang bore.... sat to ek hi baap hai। unko kehte hain patit-paavan aao। vahi aakar paavan banaate hain - aadhaakalpa ke liye। phir maaya raavan aakar aadhaakalpa patit banaati hai। aise nahin, baap hi patit banaate hain। abhi hai hi raavan raajya। jab tak sat baap na aaye tab tak satsang nahin। sab hain jhooth sang athva kusang। tum ho seetaayen, tum bhakti karti ho। samajhti ho bhakti ka phal bhagwan aakar denge। to zaroor jab bhakti ka samay samaapta hona hoga tab to aayenge na। aadhaakalpa hai gyaan ki praalabdha aur aadhaakalpa hai bhakti ki praalabdha। abhi tum purushaartha kar rahe ho bhagwan ki shreemat par। bhagwan ek hota hai, woh hai niraakaar parampita paramatma, aatmaon ka baap। woh aate hi hain sangam par। dvaapar-kaliyug ko bhakti kaanda kaha jaata hai। satayug-treta ko gyaan kaanda kaha jaata hai। gyaan hai hi gyaan saagar parampita paramatma ke paas। shaastron ka gyaan koi gyaan nahin। agar unmein gyaan hota to sadgati hoti। bhaarat jo heere jaisa tha ab hai nahin। phir baap banaate hain। tum ab heere jaisa ban rahe ho। tumhaara jeevan palat raha hai। aatma daiveegun dhaaran kar rahi hai। yoon to manushya barrister, engineer, surgeon aadi bante hain। baaki manushya ko devta banaana yeh parampita paramatma, gyaan saagar ka kartavya hai। unko hi truth kaha jaata hai। vahi sach batlaate hain arthaat sachkhanda ki sthaapna karte hain। baaki sab hain jhooth bolne vaale, jhooth khanda ki sthaapna karte hain। raavan ki mat par chalte hain। tum shreemat se shreshtha bante ho। naye yug mein bhaarat naya tha। world almighty authority kaha jaata tha। lakshmi-naaraayan ka raajya tha। unhon ko kisne yeh raajya bhaagya diya? zaroor jo svarga ki sthaapna karne vaala hoga। abhi woh varsa ganvaaya hai - 84 janma lekar। ab phir chakra poora hota hai। sabko vaapis jaana hai। liberator ek hi baap hai। vahi liberate kar sabko le jaate hain isliye unko kaalon ka kaal bhi kaha jaata hai। baap kehte hain ab tumhaare 84 janma poore hue। ab vaapis chalna hai। yeh srishti ka chakra kaise phirta hai - so baap baith samjhaate hain arthaat trikaaldarshi banaate hain। teenon lokon, teenon kaalon ki knowledge dete hain। vahi patit-paavan, gyaan saagar, beejroop hai। unse hi sachkhanda ka tumko varsa milta hai। yahaan tum aaye ho parampita paramatma se varsa lene ke liye, jo svarga ki sthaapna karne vaala hai। tum jaante ho ham hi phir svarga ke maalik banenge।

satayug ke lakshmi-naaraayan aadi ko kaha jaata hai deity religion, woh hai shreshtha dharma। unhon ka dharma bhi shreshtha hai to karma bhi shreshtha hai। vahaan bhrashtaachaari koi nahin rehte। dvaapar-kaliyug mein phir ek bhi shreshthaachaari nahin rehte। baap ko bhoolne ke kaaran hi buri gati hoti hai। phir baap aakar patit se paavan banaate hain। dharma sthaapak koi patit se paavan banaane nahin aate। patit-paavan to ek hi baap hai। vahi sachcha guru hai। baaki woh to aakar apna dharma sthaapan karte hain। oopar se paavan aatmaayen aati hain phir patit banti hain। is samay sab patit hain। sabko paavan banaana baap ka hi kaam hai। vahi patit-paavan hai। guroonaanak ne bhi us satguru ki mahima ki hai। is puraani duniya ke vinaash liye hi yeh mahaabhaarat ladaai hai। baaki aise nahin, tumko ladaai ke maidaan mein gyaan dete hain। gyaan ke liye to ekaanta chaahiye। 7 roj bhatthi mein rehna pade। baaki to hai bhakti ki saamagri। bhakton mein bhi koi bade teekhe-teekhe hote hain। roodra maala bhi hai to bhakta maala bhi hai। woh hai bhakton ki maala, yeh hai gyaan maala। oopar mein shiv phir yugal daana phir hai unki vanshaavli jo maala manushya simarte hain। raam-raam kehte rehte hain kyonki duhkhi hain, raavan sampradaay raam ko yaad karte hain ki aakar apna banaao। abhi tum eeshvareey god mein aaye ho। vaastav mein sab aatmaayen parampita paramatma ki santaan hain। manushya srishti prajaapita brahma ki santaan hai। prajaapita brahma dvaara manushya srishti rachi hai। aatma to avinaashi hai। aatmaon ka avinaashi baap hai। abhi tumko do baap hain - ek vinaashi, doosra avinaashi। brahma bhi shareer chhod dete hain। shivbaaba ko to apna shareer hai nahin। woh to janma-maran rahit hai। janma-maran mein tum bachche aate ho। tum aadi sanaatan devi-devtaaon ke hi 84 janma hain। hisaab hai na। guroonaanak ko to 500 varsha hue। to itne mein 84 janma kaise lenge। baaki laakhon janma ki to baat hi nahin। baap samjhaate hain abhi sabke janma aakar poore hue hain। phir nayesir khel satayug se shuru hoga। satayug mein to thode chaahiye। baaki itne sab kahaan jaayenge? unhon ke liye hi yeh bhambhor ko aag lagni hai। in bombs natural calamities aadi se sab khatma ho jaayenge। baaki aatmaayen sab chali jaayengi muktidhaam। yeh kayaamat ka samay hai, sabko vaapis jaana hai। bhaarat ko avinaashi khanda kaha jaata hai kyonki bhaarat hi baap ka janma sthaan hai। shivbaaba bhaarat mein hi aate hain। patit-paavan baap yahaan janma lete hain to goya sabhi dharma vaalon ke liye bhaarat bade te bada teertha sthaan hai। itna bhaarat ka mahatva hai parantu mahatva ko uda diya hai। yeh bhi drama ka khel hai jo baap hi aakar samjhaate hain। baap kehte hain main hi gyaan ka saagar hoon। lakshmi-naaraayan ko gyaan saagar nahin kaha jaata। unmein rachayita aur rachna ke aadi-madhya-ant ka gyaan nahin hai।

woh gyaan zaroor tumhaare mein hai। tum hi manushya se devta bante ho। tum yahaan aate ho patit se paavan ban paavan duniya ka maalik banne। baap aatmaon se baith baat karte hain। niraakaar baap inke organs ka loan lekar padhaate hain। tumhaari aatma bhi in organs se sunti hai। baba ne samjhaaya hai aatma star hai, jo bhrakuti ke beech rehti hai aur woh baap hai supreme aatma। woh supreme aakar inko aap samaan supreme banaae saath le jaate hain। sab aatmaon ka guide hai। unko hi duhkh harta, sukh karta kaha jaata hai। duhkh se tumko liberate kar le jaayenge। satayug mein duhkh hota nahin। nav-yug ki knowledge bhi nai hai na। yeh baaten manushyon ne kabhi suni nahin hain। bhal achhe aur bure manushya hain। parantu hain sab patit, tab to ganga par snaan karne, paavan banne jaate hain। ganga ka patit-paavni naam rakh diya hai। vaastav mein patit-paavan to baap ko hi kaha jaata hai। patit duniya ke baad phir paavan duniya ki sthaapna hoti hai। satayug ko viceless world kaha jaata hai। aur woh hai silence incorporeal world। aatmaayen yahaan aakar part bajaati hain। part hai 84 janmon ka। tum all-round part bajaate ho। yeh hai bana-banaaya drama। harek mein apna-apna part avinaashi hai। woh kabhi mitta nahin hai। tum 84 janma bhogte rahenge। chakra ka aadi, ant nahin hai। drama kab shuru hua - yeh prashn nahin uthta। na aadi hai, na ant hai। satayug aadi sat, hai bhi sat, hosi bhi sat......। is chakra ko samajhne se tum svarga ke chakravarti mahaaraaja mahaaraani bante ho। usko world almighty authority raajya kaha jaata hai, jo world almighty baap se milta hai। tum behad ke baap se 21 peedhi ke liye sada sukh ka varsa paate ho। baap ko kaha jaata hai heavenly god father। heaven ka varsa dene vaala baap kehte hain main kalpa ke sangamayug par aakar svarga ka varsa deta hoon। jo purushaartha karenge woh sooryavanshi raajaai mein aayenge। yeh koi common satsang nahin। yeh hai godly university। bhagvaanuvaach hai na। bhagwan padhaakar manushya ko devta banaate hain। aisa koi satsang nahin hoga jismen kahen ki ham manushya se devta banaayenge।

abhi tum bachche nai duniya mein devi-devta pad paane ke liye purushaartha kar rahe ho। samjhaana chaahiye do baap hote hain - ek behad ka baap, ek had ka। ham behad ke baap se varsa le rahe hain। tumko bhi raay dete hain varsa lo। shreshtha te shreshtha parampita paramatma ki mat par chalne se tum svarga ka maalik banenge। sachcha hai hi ek baap। woh aakar padhaate hain। inke organs dvaara kehte hain brahma tan se brahma mukh vanshaavli ko varsa deta hoon। brahma dvaara tumko daade ka varsa milta hai। daade ke varse par sabhi aatmaon ka hak hai। laukik sambandh mein sirf mel ko varsa milta hai। tum to aatmaayen ho। sab brothers thahre। sabko shivbaaba se varsa milta hai। tumko daade se varsa mil raha hai।

baap kehte hain ham tumko mandir laayak banaate hain। manushyon mein dekho krodh kitna hai। ek-do ka vinaash kar dete hain। yeh hai veshyaalay। shivaalay tha, so phir ab banna hai। parampita paramatma shiv aakar shivaalay banaate hain। veshyaalay se liberate kar phir guide ban sabko vaapis shivaalay mein le jaate hain। sabhi apne puraane shareeron se mukta ho mere saath chalenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) daivi gun dhaaran kar svayan ki jeevan ko paltaana hai। sachkhanda mein chalne ke liye sachche baap se sachcha rehna hai।

2) ek sat baap ke sang mein rehna hai। manushya se devta banne ki padhaai achhi tarah padhkar behad ka varsa lena hai।

vardaan:- har ek ke svabhaav-sanskaar ko jaan, takraane ke bajaae safe rahne vaale ma. knowledgeful bhav

koi bhi baat ko chhota ya bada karna - yeh apni buddhi par hai। jabki ek do ke svabhaav-sanskaar ko jaan gaye ho to knowledgeful kabhi kisi ke svabhaav-sanskaar se takkar nahin kha sakte। jaise kisko pata hai ki yahaan khadda hai va pahaad hai to jaanne vaala kabhi takraayega nahin, kinaara kar lega। aise aap bhi kinaara karo arthaat apne ko safe rakho। kisi kaam se kinaara nahin karo lekin apni safety ki shakti se doosre ko bhi safe karna - yahi kinaara karna hai।

slogan:- udti kala ka anubhav karna hai to sada bhaagya aur bhaagya vidhaata ki smriti mein raho।