बुधवार 6 सितंबर 2023 की दैनिक मुरली

06-09-2023 praatahmurli om shanti "baapdaada"' madhuban

“meethe bachche - service ka shauk rakho, vishaal buddhi ban service ki bhinna-bhinna yuktiyaan nikaalo, jo baaten bigar arth hain, unhein correct karo''

prashn:- aatma jo ajaamil jaisi gandi ban gai hai usko saaph karne ka saadhan kya hai?

uttar:- use gyaan maan sarovar mein dubo do, agar gyaan saagar mein doobe rahe to aatma ki mail saaph ho jaayegi।

prashn:- braahmanon ke liye sabse bada paap kaunsa hai?

uttar:- - brahman agar baap ki aagya na maanen to yeh bahut bada paap hai। baap ki pahli aagya hai tum mujhe nirantar yaad karo lekin bachche ismen hi fail ho jaate hain। phir maaya koi na koi vikarma kara deti hai।

geet:- chhod bhi de aakaash sinhaasan…

om shanti। bachchon ki buddhi mein kya aata hai? kaun aaya hai? (baap, teacher, satguru) maat-pita akshar to zaroor chaahiye। maat-pita akshar bhaarat mein prachlit hai। tum maat-pita.... peechhe tum kah sakte ho baap-daada। vaise to maat-pita mein baap-daada aa jaata hai parantu nahin, yeh samjhaane ka tareeka hai kyonki baap hai maa bhi zaroor chaahiye। ab maata pahle kaun hai? yeh hai guhya te guhya baat, jo koi samajh na sake। kya prajaapita brahma hone se bhi maata chaahiye? prajaapita brahma ke saath koi prajaapatni bhi chaahiye? nahin। prajaapatni nahin chaahiye, kyonki yeh mukh vanshaavli hain isliye brahma ki patni koi ho nahin sakti। yeh bahut guhya aur gambheer baaten hain, ise samajhne aur dhaaran karne ke liye buddhi chaahiye। yeh ek hi baap hai jo bachchon ke sammukh aate hain। tum to samajhte ho maat-pita baap-daada sammukh aaya hai। bachche baahar mein service karte hain, centres par jo rehte hain woh yeh nahin samjhenge ki maat-pita, baap-daada sammukh aaye hain। woh samjhenge phalaani bi.ke. va brahmaakumaari aai hai। yeh mama adopt ki hui hai। sabse lucky sitaara jagat amba hai, yeh sambhaalne ke liye mukhya hai isliye in par kalash rehta hai aur yeh (brahma) to ho gai brahm putra, mel ke roop mein। to sarasvati zaroor chaahiye। sarasvati ko hi jagat amba kaha jaae। is mel ko to jagat amba nahin kahenge। yeh bada achha raaz hai jo koi bhi geeta-bhaagvat mein nahin hai। shaastron mein kahaaniyaan baith likhi hain। 5 hajaar varsha pahle va 2500 varsha pahle kya hua tha so baith likhte hain। woh naam, roop, desh, kaal to kuchh hai nahin। naatak bhi anek prakaar ke banaate hain। yeh baap baith sammukh achhi reeti samjhaate hain ki bachche, har ek baat ko poora samajh jaayen। in geeton mein bhi kai bigar arth akshar hain। ab aakaash tatva to yeh hai, ismen to ham baithe hain। jis paarlaukik baap ko sab yaad karte hain woh koi aakaash tatva se aate nahin hain। agar shreekrishna ki aatma kahen woh to yahaan hi hai। sab mukhya-mukhya aatmaayen, dharma sthaapak aadi yahaan hi hain। shreekrishna ki aatma bhi 84 ven janma mein yahaan hi hai। unki aatma ko to bula na saken। yeh parampita paramatma ko bulaaya jaata hai ki aao, apna mahtatva nirvaandhaam chhodkar vahaan se aao। tum aatmaon ka sinhaasan to mahtatva hai। aakaash mein to tum jeev aatmaayen rehti ho। yeh maandava hai, khel chalne ka। jab geet sunte ho, dil mein aapehi correct karte jaao। yeh to jinhonne naatak banaaye hain unhonne hi phir geet banaaye hain। film shoot karne vaalon ko bhi samjhaana chaahiye। ismen badi vishaal buddhi chaahiye। baba raay dete hain service karne liye। yeh drama jisne banaaya hai, unhein samjhaana chaahiye। unse milna chaahiye। itni samajh chaahiye। baap to direction denge। baap ko to jaakar nahin poochhna hai। baap tum bachchon ko direction denge - aise-aise karo, shreemat par chalo। (geet) vaastav mein dharti yeh bhaarat khanda hai। bhaarat mein hi unka aana hota hai। bhaarat hi unka birth place hai। sabhi us niraakaar father ko hi bulaate hain। shreekrishna to sabka father nahin hai। aur murli jo dikhaate hain woh koi kaath ki tutaari to nahin hai, jo shreekrishna ke haath mein dete hain। murli to vaastav mein gyaan ki hai।

goddess oph knowledge sarasvati ko kehte hain। raadhe ko nahin kahenge, shreekrishna ko bhi nahin kahenge। yeh to jodi hai baap aur bachche ki। sarasvati ko kaha jaata hai goddess oph knowledge। to zaroor prajaapita brahma brahmaputra bhi god oph knowledge hona chaahiye। lekin brahma ke liye to gaaya nahin jaata। god is knowledgeful kaha jaata hai। brahma knowledgeful nahin, god is knowledgeful। parampita paramatma gyaan saagar hai to zaroor apne bachchon ko gyaan denge। pahle-pahle inmen pravesh kar in dvaara doosron ko dete hain, inmen sab lucky sitaare aa jaate hain। gyaan soorya, phir gyaan chandrama yeh (brahma) hue, phir chaahiye gyaan chandrama ke nazdeek ek sitaara, jo chandrama ke saamne khada rehta hai। woh bahut teekha hota hai। unko gyaan lucky sitaara kahenge। unka naam sarasvati rakha hua hai। sarasvati beti ho gai na। yeh to baap bhi hua, badi nadi bhi hui। bahut badi nadi hai। sab nadiyon ka mel saagar mein hota hai। saagar aur nadiyon ka mela hota hai। sarasvati bhi saagar mein milti hai। unka mela nahin lagta hai। mela brahm putra nadi ka lagta hai। yeh nadi wonderful hai, mel hai। nadi to female ko kaha jaata hai। yeh guhya raaz bahut samajhne laayak hai। parantu yeh baaten pahle-pahle koi ko nahin bataani chaahiye। pahle to laukik maat-pita, paarlaukik maat-pita ka raaz samjhaana chaahiye। laukik maat-pita se alpakaal kshanbhangur sukh ka varsa milta aaya hai। yeh to pakka yaad rehna chaahiye। doosra koi do baap ka raaz samjha na sake। woh to jaante hi nahin। gaate hain - tum maat-pita..... ab pita sarvavyaapi hai to maata kahaan gai? yeh samajhne ki baat hai na। maat-pita chaahiye na। maat-pita kaha jaata hai niraakaar ko। parantu yeh samajhte nahin ki inko maat-pita kyon kaha jaata hai! woh to god father hai। phir kehte hain Adam aur Eve। Adam hi Eve hai, yeh nahin samajhte। prajaapita brahma vahi phir maata ho jaati hai। Adam aur Eve athva Adam-beebi kehte hain। parantu arth nahin samajh sakte hain। bachche samajh sakte hain Adam-beebi vaastav mein yeh hai। beebi so Adam hai। inko beebi-Adam donon kah dete hain। woh to hai baap। yeh badi pecheeli baaten hain। bhaarat mein gaate bhi hain tum maat-pita..... aise hi suni-sunaai par gaate rehte hain, arth kuchh nahin samajhte।

satayug ko bahut door le gaye hain। laakhon varsha kah dete hain। long long bhi kitna? kahaani to nazdeek ki hi sunaai jaati hai। tum samjha sakte ho long-long ago yaani 5 hajaar varsha pahle is bhaarat mein devi-devtaaon ka akhanda, atal, sukh-shaantimay raajya tha। aur koi raajya nahin tha। yeh akshar koi vidvaan, aachaarya kah nahin sakte। devi-devtaaon ka raajya tha, maaloom hona chaahiye kaise sthaapan hua? lakshmi-naaraayan kaise banen? kaise unhon ki raajaai sthaapan hui? unke pahle to kaliyug tha। barobar kaliyug ka ant ab hai aur kaliyug ke baad phir satayug hoga। satayug saamne aa gaya hai। jo long-long tha woh saamne aa gaya। 84 janma lete-lete ab kaliyug ka ant aakar hua hai। abhi tumko kahenge 5 hajaar varsha pahle in lakshmi-naaraayan ka satayug mein raajya tha, abhi nahin hai। abhi time aakar poora hua hai। phir se lakshmi-naaraayan ka raajya sthaapan ho raha hai, yeh tumhaari buddhi mein hai। jiske liye tum purushaartha kar rahe ho। yeh hai samjhaane ki baat। yeh to sachchi geeta aadi isliye likhi jaati hai ki koi padhkar refresh hote rahen। yeh jaante hain jo likha jaata hai woh phir praayahlop ho jaayega। yeh sachchi geeta bhi nahin rahegi। jo tum likhte ho woh sachcha gyaan praayahlop ho jaana hai aur saath-saath shaastra bhi sab praayahlop ho jaayenge। satayug-treta mein shaastra hote nahin। phir kalpa pahle jaise dvaapar se bane the vaise banne lag padenge। yeh hai bhakti maarga ki saamagri। rachna ki saamagri bahut badi hai। tum gyaan second mein le lete ho। saari rachna ke aadi-madhya-ant ko tum jaante ho। ange-akhre (tithi-taareekh sahit) poora hisaab-kitaab hai। 84 janma sab nahin lete hain। koi 70 lete, koi 60 lete, koi do bhi lete hain। woh saara minimum aur maximum ka hisaab hai। peechhe aane vaalon ke zaroor nambarvaar thode-thode janma honge। uska phir vistaar karna phaaltu ho jaata hai। tum bachche nutshell mein samajh sakte ho। 84 laakh janma to hain nahin, 84 janma bhi har ek nahin le sakte hain। aise hi sirf kah dete hain 84 ka chakra hai। 84 laakh janmon ka chakra nahin gaaya jaata। (geet) paap kapat ki chhaaya pad gai hai। ab raavan ka raajya hai na। aatma par mail ki chhaaya padte-padte ab bilkul hi ajaamil ho gaye hain। itni mail chadhi hai jo saaph hoti hi nahin। us mail ko nikaalne liye phir gaaya hua hai gyaan maanasrovar, usmein dooba rahe। jaise junk lagti hai to unko utaarne ke liye ghaaslet mein daala jaata hai। yeh bhi junk lagi hai isliye gyaan saagar mein doobe raho। koi paani ki nadi va saagar ki baat nahin hai। gyaan saagar jo gyaan dete hain us knowledge mein tatpar rehna hai। grihastha vyavhaar ko bhi sambhaalna hai। usmein koi mat chaahiye to lete raho। har ek ka karmabandhan apna-apna hai। surgeon sabke liye ek hi dava nahin dete hain। har ek ka karmabandhan, har ek ki beemaari apni-apni hai। yeh 5 vikaaron ki beemaari maha-bhaari hai। is beemaari ko koi jaante hi nahin hain। yeh kab se shuru hoti hai? aatma ko beemaari lagne se shareer ko bhi beemaari lag jaati hai। aatma mein duhkh padta hai to shareer mein bhi pad jaata hai। yeh baaten shaastron mein nahin hain। woh to bhakti maarga ka bhakti kaanda hai। bhakti ka bhi baba ne bataaya hai ki pahle hoti hai avyabhichaari bhakti phir rajo-guni vyabhichaari bhakti। phir vyabhichaari tamoguni bhakti। jaisi-jaisi bhakton ki avastha, vaisi bhakti bhi ho jaati hai। gyaan bhi aise utarta hai। pahle 16 kala phir 14 kala phir 12 kala ...praalabdha jo banti hai, woh phir utarti jaati hai। tum bachche jaante ho yeh kamaai hai। kamaai mein vighna padte hain। dashaayen badalti hain। poochhte hain hamaare oopar kaunsi dasha baithi hui hai? phir woh log batlaate hain। is sachchi kamaai mein bhi bachchon par dashaayen baithti hain। koi par raahu ki dasha baithti hai, kaala munh kar lete hain। brihspati ki dasha thi phir maaya ne thappad lagaaya to raahu ki dasha baith gai। kaam mein gira aur phat se raahu ka grahan laga। taala banda ho jaata hai। yeh hai gupta kadi saja। woh phir kabhi kah nahin sakenge ki bhagvaanuvaach kaam mahaashatru hai। sannyaasi bhi kaam mahaashatru ke kaaran hi stri ko chhod chale jaate hain। yeh bhi nivritti maarga ki pavitrata bhaaratvaasiyon ke liye achhi hai। bhaaratvaasi hi pavitra se apvitra bante hain to unhon ko thamaane ke liye yeh sannyaasi hain। marammat ke liye yeh pavitrata hai। pavitrata ki taakat se hi srishti itna chalti hai। abhi to ve bhi patit ban pade hain। tumhein unki bhi service karni hai। service ka tum bachchon ko bahut-bahut shauk rehna chaahiye।

bekaayde koi bhi chalan nahin chalni hai। bhal purushaarthi ho, sampoorn to koi nahin bana hai। kuchh na kuchh paap hote rehte hain। baap ki aagya na maana yeh bhi bada paap hai। baap ka farmaan hai nirantar mujhe yaad karo। jaanta hoon ki kar nahin sakenge। parantu tum poora purushaartha hi nahin karte ho। jo karenge woh achha pad paayenge। achha।

meethe-meethe sikeeldhe bachchon prati maat-pita baap-daada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) 5 vikaaron ki beemaari se mukta hone ke liye surgeon ki raay lete rehna hai। aatma par koi beemaari na lage, iski sambhaal karni hai।

2) sachchi kamaai karni aur karaani hai। koi bhi bekaayde chalan nahin chalni hai। raahu ki dasha kabhi na baithe iske liye baap ke farmaan par sada chalna hai।

vardaan:- yaad aur seva dvaara sab chakkaron ko samaapta kar shama par phida hone vaale sachche parvaane bhav

jo bachche yaad aur seva mein sada busy rehte hain woh sabhi chakkaron se sahaj hi mukta ho jaate hain। koi bhi chakra raha hua hoga to chakkar hi lagaate rahenge। kabhi sambandhon ka chakkar, kabhi apne svabhaav sanskaar ka chakkar, aise vyartha ke sabhi chakkar samaapta tab honge jab buddhi mein sivaae shama ke aur kuchh bhi na ho। shama par phida hone vaale shama ke samaan ban jaate hain। aise phida hone vaale arthaat sama jaane vaale hi sachche parvaane hain।

slogan:- jo sachche paaras bane hain unke sang mein lohe sadrishya aatmaayen bhi sona ban jaati hain।