मंगलवार 12 सितंबर 2023 की दैनिक मुरली

12-09-2023 praatahmurli om shanti "baapdaada"' madhuban

“meethe bachche - tumhein 100 percent sarvagunon mein sampanna banna hai, dil darpan mein dekhna hai ki ham kahaan tak paavan bane hain''

prashn:- tum bachche kaunsa utsav roz manaate ho aur manushya kaunsa utsav manaate hain?

uttar:- tum daivi dharma ki sthaapna ka arthaat bhaarat ko svarga banaane ka utsav roz manaate ho। roz tumhein manushya ko devta banaane ki sapling lagaani hai। ve manushya to jangal ke kaanton ki sapling lagaate aur naam dete hain vanotsav। tum kaanton se phool banaane ka utsav roz manaate ho। tumhaare jaisa utsav aur koi mana nahin sakta।

geet:- mukhda dekh le praani…

om shanti। yeh kisne kaha? yahaan to hai hi baap aur bachchon ka sammukh milan। bachchon ko ab divya chakshu, gyaan ka teesra netra mila hai - dekhne ke liye kyonki patit athva paap aatmaayen to sab the। patiton ko paavan banaane ke liye baap shreemat dete hain। yeh shreemat dene vaala kaun hai, unko bhi samajhna chaahiye। vahi bolte hain aatmaon ko। aatma jaanti hai mainne is shareer se achhe karma kiye hain ya bure karma kiye hain। baba tum bachchon ko samajh dete hain। yeh to zaroor hai sab patit the। abhi tum dekho ham kahaan tak paavan bane hain aur daivi gun dhaaran kiye hain? daivi gun dhaaran karaane vaala hai sarvagunon ka saagar baap, woh baith samjhaate hain। manushya to gaate hain mujh nirgun haare mein koi gun naahi। khud kehte hain hamaare mein gun nahin hain। ab tum bachchon ko phir 100 pratishat sarvagun sampanna banna hai। kehte hain apne dil darpan mein dekho। jab sarvagun sampanna banenge tab hi tum shri lakshmi va shri naaraayan ko var sakenge। pahle-pahle to baap ka parichay dena chaahiye। aisa jo behad ka baap hai jiske liye gaate hain tum maat-pita… us parampita ki badi mahima hai। kehte hain shivaae namah, ab woh to svarga ka rachayita hai। zaroor hamko baap se svarga ka varsa lene ka hak hai। behad ke baap ka varsa svarga ki baadshaahi hai jo hamko dete hain। bhaarat ko svarga ki baadshaahi thi, abhi nahin hai। zaroor baap se hi mili thi। bhaarat hi sachkhanda banta hai। sach shivbaaba ka yeh janma sthaan hai - yeh koi nahin jaante। shiv raatri gaai jaati hai woh kaunsi? shreekrishna ki bhi raatri, shiv ki bhi raatri dikhaate hain। shreekrishna ka to maa ke garbha se janma hua hai। shivbaaba ke liye janmaashtami to vaastav mein nahin kahenge। shivbaaba aate hi tab hain jab brahma ki raat hoti hai। raat ke baad din arthaat kaliyug ka ant aur satayug ki aadi hoti hai। isko kaha jaata hai ghor andhiyaari raat। yeh behad ki baat ho gai। had ki raat to hoti hi hai parantu kaliyug ant ko ghor andhiyaara kaha jaata hai। gyaan anjan satguru diya......। satguru gyaan soorya baap ko kaha jaata hai। pahle-pahle to baap aur varse ka parichay dena hai। samjho koi baadshaah ko bachcha nahin hai, kisi gareeb ke bachche ko god mein leta hai to bachcha dil mein jaanta hai na ki main gareeb tha, ab main baadshaah ka bachcha hoon। tum bhi jaante ho ham raavan ka banne se bahut gareeb, kangaal ban gaye the। abhi ham behad ke baap ke bane hain। unse humein svarga ka varsa milta hai। yeh achhi tarah parichay dena hai aur phir likhaakar lena hai hamko behad baap se behad ka varsa milta hai। yeh gyaan aur koi de nahin sakta। sanyaasi to gharbaar chhod jaate hain। woh phir maa, baap, chaacha, maama aadi kahlaane se nikal gaye, khalaas। yahaan to grihastha dharma ki baat hai। woh grihastha dharma ka tyaag karte hain।

tum bachchon ko baap samjhaate hain - tum so devi-devta grihastha dharma mein the, sarvagun sampanna, sampoorn nirvikaari the aur tum svarga ke maalik bhi the। phir poojya se tum pujaari ban apni pooja bhi karte ho। jab tum poojya so devi-devta ho to tumko vahaan pooja karne ki darkaar nahin hai। vaise hi bhaarat devi-devtaaon ka poojya kul tha। abhi poojya se pujaari bane ho। phir tum bachchon ko pujaari se poojya devi-devta banna hai isliye hi gaaya jaata hai aapehi poojya, aapehi pujaari। baap poojya aur pujaari nahin bante। baap to sada poojya hai hi। bhakti maarga mein brahman log mandir mein shivling rakhte hain phir baap ki baith pooja karte hain। ham unke bachche hain। he parampita paramatma, aise kahenge na। woh to hai niraakaar, aatma bhi hai niraakaar। shiv ke paas jaate hain to kehte hain parampita paramatma niraakaar shiv। yeh aatma ne kaha in organs dvaara। abhi tum bachche yeh bhi jaan gaye ho ki jo achhe kartavya karke jaate hain to unhon ki mahima ki jaati hai। abhi tum maat-pita us niraakaar ko hi kehte ho। tumhaare sahaj raajayog aur gyaan ki shiksha se ham sukh ghanere paayenge। uske liye tum purushaartha kar rahe ho। kitni sahaj baat hai। tum prajaapita brahma ke bachche bi.ke. practical mein ho, sammukh baithe ho। shivbaaba aur brahma baba donon ke sammukh ho। shivbaaba ko apna shareer to hai nahin। tum jaante ho shivbaaba inke mukh dvaara raajayog sikhla rahe hain। shreekrishna to chhota bachcha hai, woh kaise kahega ki deh sahit deh ke sabhi sambandhon ko bhoolo, apne ko aatma samjho। yeh shreekrishna to kah na sake। yeh to baap hi kah sakte hain। to yeh badi bhool hui hai na। lakshmi-naaraayan se lekar yatha raaja-raani tatha praja un sabko to sukh mila hua tha। vahi sab 84 janma le tamopradhaan bane hain। mool lakshmi-naaraayan hue na। yatha raaja raani tatha praja। abhi phir tum aakar shoodra se brahman bane ho। yeh tumhaara leap janma hai। leap kaha jaata hai dharmaau ko। tum jaante ho hamaara yeh eeshvareey janma hai।

din-pratidin baba nai-nai points samjhaate rehte hain। jahaan tak jeena hai ant tak tumko padhna hai। points nikalti rahengi, add hoti jaayengi। gyaan yagya bhi ant tak chalna hai। roodra yagya rachte hain, mitti ke saaligraam banaakar unki baith pooja karte hain। aatma ki pooja hoti hai। tum jeev aatmaon ne hi bhaarat ko sirtaaj banaaya hai, to aatmaon ki pooja karte hain। parampita paramatma baap ke saath tum bhi service kar rahe ho to shivling ke saath saaligraam bhi banaate hain। to mukhya pahle-pahle baap ka parichay dena hai। shivbaaba ne janma liya parantu maata ke garbha se thode hi janma lete hain। woh hai hi niraakaar।

jaise koi shareer chhod deta hai phir unki aatma ko bulaate hain - shraadh khaane ke liye। to aatma ko khilaate hain na। aatma hi svaad leti hai। kaduva, meetha, duhkh-sukh yeh aatma ko bhaasta hai। aatma mein hi sanskaar hain। aatma ko sukh va duhkh tab bhaasta hai jabki shareer hai। baba ne samjhaaya hai saza kaise milti hai। sookshm shareer bhi nahin, sthool shareer dhaaran karaae saja dete hain। garbhajel mein saza khaate hain। traahi-traahi karte hain। bas, mujhe baahar nikaalo। garbha mahal ka bhi misaal diya hua hai। baahar nikalne nahin chaahte the। yeh drishtaanta hai। satayug mein garbha bhi mahal ban jaata hai। vahaan koi paap hota nahin।

abhi tum jaante ho patit kaise hue hain। naam hi hai ajaamil jaise patit। bahut paap karte hain। paavan maana nirvikaari। mool baat hi vikaar ki hai isliye paavan banne ke liye sanyaasi gharbaar chhod dete hain to unko mahaatma kehte hain। manushya sab patit hain isliye gaate rehte hain patit-paavan seetaaraam, raghupti raaghav raaja raam...... ab raaja raam to shivbaaba ko nahin kahenge। raam parampita paramatma ko kaha jaata hai। raaja raam nahin। main to raaja-mahaaraaja banta nahin hoon। shri lakshmi mahaaraani, naaraayan mahaaraaja tum bante ho, ham nahin। main to niraakaar punarjanma rahit hoon। shareerdhaari jo hain woh sab punarjanma lete rehte hain। baap kehte hain main hoon niraakaar। mujhe bhi prakriti ka aadhaar lena padta hai। main garbha mein pravesh nahin karta hoon, main inmen pravesh karta hoon। yeh apne janmon ko nahin jaante hain।

baap baith samjhaate hain tum so devi-devta the, phir shoodra bane, abhi tum so brahman bane ho। main tumko samjhaata hoon। tum apne janmon ko nahin jaante। jo brahman banenge vahi aakar samjhenge। baap kehte hain is prakaar tumne 84 janma poore kiye hain। kaha jaata hai 21 peedhi ka varsa। behad ka baap, behad sukh ka varsa denge na। laukik baap se to alpa-kaal ka sukh milta hai। amarlok mein aadi-madhya-ant sukh hai। yahaan aadi-madhya-ant duhkh hai। tum paarvatiyon ko amarnaath shivbaaba amraktha sunaate hain। satya naaraayan ki katha bhi woh sunaate hain। gyaan ka teesra netra dene ki katha hai। bhaaratvaasi sada sukhi the, bahut pavitra the। pavitrata, health, wealth thi। kabhi koi beemaar nahin padte the। naam hi hai svarga। bhaarat praacheen svarga tha aur koi dharma khanda aadi vahaan nahin the। jhaad ka thur to hoga na। thur mein kaun rehte the? barobar devi-devtaaon ke chitra hain। woh tha foundation। parantu apne ko devi-devta dharma vaale kahlaate nahin। abhi unhon ki raajdhaani sthaapan ho rahi hai। tum satayug ka, raadhe-krishna ka joda ban sakte ho। aao to ham aapko samjhaayen - tum sach-sach svarga ka prince kaise ban sakte ho! is samay to sab patit hain, koi bhi yukti se likh sakte ho। kehte hain sab dharma milkar ek ho jaaen parantu yeh kaise ho sakta? ek dharma to satayug mein hi tha, ek mat ek bhaasha thi। taali nahin bajti thi। vishwa ke maalik the, aur koi dharma nahin tha। woh kaise bane, phir aur dharma kaise aaye - yeh koi bhi buddhi nahin chalaate hain। jab bilkul hi patit ban jaate hain tab hi patit-paavan baap aate hain aur dharmon ki paavan aatmaayen oopar se aati hai। pahle dharma sthaapak khud aate hain phir apne pichhaadi auron ko bulaate hain, aao। unko to sato, rajo, tamo mein aana hai। jo bhi aate hain sabko sato, rajo se phir tamo banna hi hai। parantu abhi tum patit se paavan bante ho। sab bulaate hain - god father aao, aakarke hamko heaven mein le jaao। woh heaven koi mukti ko, koi jeevanmukti ko samajhte hain। tum samajhte ho heaven jeevanmukti ko kaha jaata hai। tumhaara sapling lag raha hai। woh phir jangal ke kaanton ka sapling laga rahe hain। raat-din ka farka hai। unka bhi utsav manaate hain। vanotsav, jhaad ugaane ke liye utsav manaate hain। tum daivi dharma sthaapna ka arthaat bhaarat ko svarga banaane ka roz utsav manaate ho। roz manushya se devta banaane ka purushaartha karte ho। kaanton se phool banaana - yeh tumhaara roz ka utsav hota hai। baagvaan phir zaroor itna inaam bhi denge।

bachchon ne geet suna - he praani apne dil darpan mein dekho - tum svarga ke devi-devta banne athva lakshmi ko varne laayak bane ho? koi avgun to nahin hai? bhal toophaan to khoob aayenge। maaya chhodti koi ko nahin hai। bade-bade deepkon ko bhi bujha deti hai। ulte-sulte sankalp to khoob vaar karenge। majboot rehna hai। ismen murjhaane ki baat nahin hai। baap se yog tod nahin dena hai। sabka khivaiya woh baap hai। vishay vaitarni ki badi khaadi hai। use tum yogbal se paar karte ho। vishay saagar se paar hokar tum ksheersaagar mein chale jaayenge। vishnu ka raajya ksheersaagar mein hai arthaat ghi ki nadi bahti hai। yahaan to ghaaslet ki, rakta ki nadiyaan bahti hain।

tum bachche jaante ho shivbaaba ki shreemat se ham shivaalay mein ja rahe hain, jahaan ham sadaiv sukhi rahenge। tum sada sukhi the, maaya ne duhkhi banaaya hai। grihastha vyavhaar ko adharmi bana diya hai। vahaan hai grihastha vyavhaar dharmi। abhi tumko baap shreshthaachaari daivi grihastha dharma vaala bana rahe hain। pahle-pahle mukhya hai baap ka parichay। tum baap ka banne se svarga ka maalik ban sakte ho। yeh to duhkhadhaam hai। tum svarga mein jaate ho via muktidhaam isliye shivpuri, vishnupuri ko yaad karo। yaad karte-karte ant mati so gati ho jaayegi। yeh yaad rakho - hamaare 84 janma poore hue। phir ham kal aakar raajya karenge, dil darpan mein apni shakla dekhte raho, koi avgun to hamaare mein nahin hai? achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yogbal se vishay vaitarni ki badi khaadi ko paar karna hai। ulte sankalpon mein murjhaana nahin hai। majboot rehna hai।

2) poojyaneey banne ke liye baap ke saath bhaarat ko sirtaaj banaane ki seva karni hai।

vardaan:- trustee ban laukik jimmevaariyon ko nibhaate hue athak rahne vaale double light bhav

laukik jimmevaariyon ko nibhaate hue seva ki bhi jimmevaari nibhaana iska double laabh milta hai। double jimmevaari hai to double praapti hai। lekin double jimmevaari hote bhi double light rahne ke liye svayan ko trustee samajhkar jimmevaari sambhaalo to thakaavat ka anubhav nahin hoga। jo apni grihasthi, apni pravritti samajhte hain unhein bojh ka anubhav hota hai। apna hai hi nahin to bojh kis baat ka।

slogan:- sada gyaan soorya ke sammukh raho to bhaagya rupi parchhaai aapke saath rahegi।