शनिवार 16 सितंबर 2023 की दैनिक मुरली

16-09-2023 praatahmurli om shanti "baapdaada"' madhuban

“meethe bachche - ghar-ghar ko svarga banaane ki jimmevaari tum bachchon par hai, sabko patit se paavan hone ka lakshya dena hai, daiveegun dhaaran karne hain''

prashn:- eeshvareey god mein aane se tum bachchon ko kaun sa anubhav hota hai?

uttar:- mangal milan manaane ka anubhav eeshvareey god mein aane vaale bachchon ko hota hai। tum jaante ho sangamayug hai eeshvar se milan manaane ka yug। tum eeshvar se milan manaakar bhaarat ko svarga bana dete ho। is samay tum bachche sammukh milte ho। saara kalpa koi bhi sammukh milan nahin mana sakte। tumhaara yeh bahut chhota sa eeshvareey kul hai, shivbaaba hai daada, brahma hai baba aur tum bachche ho bhaai-behen, doosra koi sambandh nahin।

geet:- nai umar ki kaliyaan…

om shanti। baba jab aate hain to pahle kuchh samay silence mein baithna chaahiye kyonki pahle-pahle daan diya jaata hai yaad ka। yaad se hi patiton ko paavan banaana hai। tum bachche daan de rahe ho aur le rahe ho। baap aakar kaanton se kaliyaan banaate hain phir kaliyon se phool bante hain। tum jaante ho hamaari service hi hai - har ek ko svarga ke laayak banaana। jaise tum ban rahe ho।

baap aakar pahle health, peechhe wealth dete hain। pahle shanti phir sukh। vaastav mein sukh donon mein hai। tum bachchon ko sukh aur shanti donon chaahiye aur jo sannyaasi aadi hain woh sirf shanti chaahte hain। sannyaasi sukh nahin chaahte hain। sukh to woh de na saken। agar shanti deven to bhi alpakaal kshan bhangur sukh ke liye। kehte hain ki sukh to kaag vishta samaan hai। sannyaasi bahut karke shanti chaahte hain mukti ke liye। mukti doosra koi to de nahin sakta। isko behad ki mukti, behad ki jeevanmukti kaha jaata hai, so behad ka baap hi de sakte hain। tum jaante ho is samay sab kaante hain। kaante chubhte hain। baap kehte hain sab ek-do ko kaam kataari se maarte hain। unko pata nahin hai ki kaam kataari ko hinsa kaha jaata hai। tum vikaar mein jaate ho to aadi-madhya-ant ek-do ko duhkh dete ho। yeh hai duhkh ki duniya। sukh ki duniya svarga ko kaha jaata hai - jabki nai srishti naya bhaarat hai। bhaaratvaasi jo devi-devtaaon ke pujaari hain, jaante hain ki in devtaaon ka raajya tha jisko svarga kaha jaata hai। yeh bhi mahsoosta aati hai। lakshmi-naaraayan ke mandir mein jaakar unki mahima gaate hain। samajhte hain bhaarat ke yeh maalik the। bhaarat svarga tha - yeh bhi mahsoosta aati hai, parantu hava ke muaaphik। samajhte to hain bhaarat mein lakshmi-naaraayan ke itne mandir banaate hain to unhon ki raajdhaani thi। mahaaraaja-mahaaraani kaha jaata hai। parantu kab the so bhool gaye hain। kitni saadhaaran bhool hai। koi jaasti time nahin hua hai। paanch hajaar varsha ki baat hai। Christ, buddha aadi ko do-adhaai hajaar varsha hue hain। unke liye aise kehte hain ki reincarnation kiya। yoon to reincarnate harek karte hain। aatma aakar pravesh karti hai isko bhi ri-inkaarnet kahenge। parantu pahle badon ka naam gaaya jaata hai। kaha jaata hai - parampita paramatma reincarnate karenge, tab aakar shareer mein pravesh karenge। reincarnate ka arth yeh hai। to jo bade naameegraami hote hain unke liye yeh kaha jaata hai। jaise buddha ka reincarnation, Christ ka reincarnation। bauddhi aur Christian ka bhaarat se connection dekhne mein aata hai। guroonaanak ko 500 varsha ke lagbhag hi dikhaate hain। unka bhi chhota reincarnation hai। woh bade hain। to reincarnation sab karte hain। ab parampita paramatma ko bulaate hain। parantu woh kab aayega, kaise aayega - yeh nahin jaante। shareer mein to zaroor aana hota hai। parantu janma na lene kaaran unko reincarnation kaha jaata hai। chhota bachcha to nahin bante hain। sabse bada reincarnation parampita paramatma ka kahenge। gaate hain - paramatma 24 avtaar lete hain। ab kah dete patthar-patthar mein avtaar liya। girte jaate hain। jaise bhaarat girta jaata hai vaise unki kathni bhi girti jaati hai। baap nai duniya ka rachayita hai। so zaroor nai aur puraani ke sangam par aayenge। unko sabse bada reincarnation kahenge। shiv ka sabse bada reincarnation hai। parantu manushya samajhte nahin hain kyonki paramatma se bemukh hue hain। niraakaar se parichit zaroor hain parantu woh yeh nahin jaante ki paramatma kab aate hain, kya aakar karte hain? aise nahin ki vishnu ka reincarnation kahenge। devi-devta dharma ka reincarnation nahin kahenge। devi-devta dharma ki sthaapna kahenge।

vishnu avatran ka ek naatak bhi banaate hain। ab vaastav mein vishnu avatran ki to baat hi nahin। tum ab vishnu ke kul ke ban rahe ho। eeshvar ka kul hai na। yeh shiv ka bachcha brahma, brahma ke bachche tum। isko eeshvareey kul kaha jaata hai। parampita paramatma kehte hain main aakar tumko apna banaata hoon। main aakar tum bachchon ka baap banta hoon। hoon to sabka baap। parantu abhi tum brahma dvaara mere bane ho, isliye tum mujhe daada kehte ho। aatmaon ka baap to hai hi। sab jaante hain is samay main aaya hua hoon। tum hi abhi milte ho। behad ke baap se tab milte ho jab baap janma dete hain। abhi tumko dharma ka bachcha banaaya hai brahma dvaara। vikaar ke to bachche ho na saken। itni praja hai। behen-bhaai kitne hain to yeh sab mukh-vanshaavli thahre na। sannyaasiyon ki vanshaavli nahin hoti hai kyonki unmein daada-baba ka koi connection nahin hai। yahaan baap bhi hai, daada bhi hai। daada inko (bade bhaai ko) kaha jaata hai। baap aakar apna banaate hain। tum jaante ho ham eeshvar ki god mein aaye hain। yeh mangal-milan hai। kaliyug ka ant aur satayug ki aadi - isko hi sangam kaha jaata hai। sangam mein milan hota hai। jaise 3 nadiyon ka sangam hai। usmein kya hota hai? guru log aur jigyaasu ka mangal-milan hota hai। woh to ho gaya jismaani। gaaya bhi hua hai - aatma aur paramatma ka mangal-milan। yeh sabse achha hai। aatmaayen milti hain - parampita paramatma se। ismen paani ke nadi ki baat nahin hai। yahaan tum baithe ho। yeh tumhaara bahut bhaari mangal-milan hai। aatmaayen bhi chaitanya hain। parampita paramatma ka yeh loan liya hua shareer hai, inko mangal milan kaha jaata hai। kumbha ka mela kaha jaata hai na। kumbha ko bhi sangam kahenge। 3 nadiyon ke sangam ka naam kumbha rakh diya hai। sabse bada sangam kaun-sa hai? saagar aur nadiyon ka। sabse badi nadi hai brahmaputra। usmein baba aate hain isliye saagar aur brahmaputra nadi ka ikattha mela to hai hi। ab kumbha ka mela hai - sangam par। tum sab gyaan saagar baap se milte ho, isko eeshvareey kumbha ka mela kah sakte hain। yeh hai aatmaon aur paramatma ka sangam। kumbha va sangam, baat ek hi hai। to tum bachche jaante ho ham apne liye svarga ki sthaapna kar rahe hain। hamko ghar mein pavitra hokar rehna hai। jahaan pavitrata hai, vahaan hi svarga kahenge। bachche pavitra rehte hain to pavitrata sukh-shanti hai। tumhaari avastha aisi honi chaahiye jaise devtaaon ki hoti hai। koi bhi avgun nahin hona chaahiye, isko hi svarga kahenge। vahi phir sthaai svarga ban jaata hai। ghar mein aisa laayak banna hai, isliye kaha jaata hai ghar-ghar ko svarga banaao। tum manushyon ko svarga mein chalne laayak banaate ho। tumhaare liye hi geet hai - ghar-ghar ko svarga banaao। satayug mein ghar-ghar mein svarga tha, ab nahin hai। jo bachche baap se varsa lete hain unhon ko apne ghar baithe patit se paavan banne ka lakshya dena hai।

yeh bade te bada chaitanya teertha hai। jahaan shivbaaba saagar hai, vahaan tum aatmaayen gangaayen zaroor hongi। yeh sabse bada oonch te oonch mela hai। woh sab hain bhakti maarga ke mele, yeh hai gyaan maarga ka mela। bhakti maarga ke mele to janma by janma lagte rehte hain। gyaan maarga ka mela ek hi baar lagta hai। yeh hai roohaani milan। supreme rooh paramdham se aakar bachchon se milte hain। sabse achhi yaatra ya mela yeh hai। yeh chaitanya saagar to kahaan bhi ja sakte hain। woh jad saagar to kahaan nahin jaata। yeh saagar jaata hai। tum nadiyaan bhi jaati ho nimantran par। gyaan saagar is brahmaputra nadi ke saath chalte hain। tum bhinna-bhinna prakaar ki nadiyaan ho - koi pavitra hain, koi apvitra hain। koi-koi samay aise bahut aa jaate hain jo pavitra nahin rah sakte hain। phir bhi aate to hain na। baahar ke grihasthi bhi aate hain। allow kiya jaata hai। aise bhi nahin, sabko allow karenge। koi mitra-sambandhi aadi aate hain, jinhon ko uthaane ke liye allow karte hain। nahin to kaayde bahut hain। indraprastha mein koi patit aa na saken। koi bhi panda va sabjapri aadi koi bhi patit ko saath mein le aa nahin sakti isliye baap kehte hain khabardaar rehna, certificate tumko milta hai। kisko saath le aati ho ya bhej deti ho, responsibility tumhaare par hai। yoon to centres par to nimantran bhi dete hain। kitne patit aate honge। centre par patit aayen tab to unko paavan banaao। yahaan to saagar baitha hua hai to niyam rakhe hue hain। nabja dekhi jaati hai। doctors surgeon to bhinna-bhinna hote hain na। mama-baba va ananya bachche baat karenge to jhat pata lagega ki buddhi mein baithta hai va nahin। tum koi ko bhi samjhaayenge ki do baap hain to jhat maanenge। yukti batlaai jaati hai। parampita paramatma ko to sab yaad karte hain। ham phalaane baap ke bachche hain। sirf unke occupation ko nahin jaante। yeh to tum bachche samajh gaye ho ki jis-jis naam-roop se jo manushya aate hain, usi naam-roop se 5 hajaar varsha baad phir aana hai zaroor। Christ ka jo chitra hai, hoobhu phir usi samay hi ho sakta। aisa aur kisi manushya ka ho nahin sakta। krishna ka jo chitra hai woh phir aur kisi manushya roop mein ho na sake। aatma bhinna-bhinna naam, roop, desh, kaal mein janma lete-lete ab patit ho gai hai, usko phir paavan banaate hain।

tum jaante ho kalyaankaari baap hai, akalyaankaari raavan hai। sabko sadgati dene vaala baap hai। phir ismen manushya to kya sab cheezon ki sadgati ho jaati hai। narka ka vinaash, svarga ki sthaapna hoti hai। jo kalpa pahle aaye the - koi panjaabi, koi paarsi aate hain na, sabhi ko nimantran dena hai। baap aaya hua hai - dhindhora peetne mein bhi harja nahin hai। tumhaare chitra bhi bade achhe hain। abhi tum mandir laayak bante ho। ab bhooton ko nikaalne mein badi mehnat hai। lakshmi athva naaraayan ko varne liye vikaari avgun nikaalne mein kitni mehnat lagti hai। koi ko kaam ka bhoot, koi ko krodh ka bhoot, kisko moh ka bhoot thappad maar dete hain। ekdam gir padte hain। lobhvash bhi gir padte hain। achhe-achhe ghar ki bachchiyaan mithaai dekhengi to chhipaakar kha lengi। lobh ne bhi kitnon ko nuksaan pahunchaaya hai। lobh ke vash hi chori karte hain। pahle tum bhatthi mein the। abhi to sabko apne ghar mein bhatthi banaani pade। baap ne ek hi badi bhatthi banaai। abhi to kehte hain pahle 7 roj bhatthi mein rehna pade। aajkal kiska bhatthi mein baithna bada mushkil hai। centre mein bhi aate hain to rang chadhaate ho phir ghar mein jaane se ud jaata hai। sangadosh lag jaata hai। abhi to badi mehnat hai।

abhi tum bachche jaante ho ham eeshvareey kul mein baithe hain। daada, baba aur ham bhaai-behen hain। brahman kul sarvottam gaaya hua hai। un braahmanon ko bhi tum gyaan de sakte ho - brahman hain uttam choti, yeh sangamayugi brahman hi phir devta bante hain, pahle to devtaaon se bhi oonch brahman hain, choti to oonchi thahri na, tum brahman devtaaon ki pooja karte ho, apne ko pujaari, unko poojya samajhte ho। tum un pujaariyon, braahmanon ko bhi yeh samjha sakte ho। tum to ho sachche-sachche brahman sangamayugi। tum brahma mukh vanshaavli ho, phir tum so devta bante ho। svarga ka devta zaroor parampita paramatma hi banaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) andar ke avgunon ki jaanch kar unhein nikaalna hai। sangadosh se apni sambhaal karni hai। devtaai gun dhaaran kar svayan ko laayak banaana hai।

2) ghar-ghar ko svarga banaane ki seva karni hai। bhooton ko baap ki yaad se bhagaana hai। baap ke saath mangal milan manaate rehna hai।

vardaan:- apne anaadi sanskaaron ko emerge kar sarva samasyaaon ko paar karne vaale udta panchhi bhav

aap sab anaadi roop mein ho hi udne vaale, lekin bojh ke kaaran udta panchhi ke bajaae pinjade ke panchhi ban gaye ho। ab phir se anaadi sanskaar emerge karo arthaat pharishte roop mein sthit raho, isi ko hi sahaj purushaartha kaha jaata hai। udta panchhi banenge to paristhitiyaan neeche aur aap oopar ho jaayenge। yahi sarva samasyaaon ka samaadhaan hai।

slogan:- har kadam mein kalyaan samajh har aatma ko shanti ki shakti ka daan dena hi sachchi seva hai।