शुक्रवार 15 सितंबर 2023 की दैनिक मुरली

15-09-2023 praatahmurli om shanti "baapdaada"' madhuban

“meethe bachche - tum roodra gyaan yagya mein baithe ho, roodra shivbaaba tumhein jo sunaate hain woh sunkar doosron ko zaroor sunaana hai''

prashn:- baap ne bhi yagya racha hai aur manushya bhi yagya rachte hain - donon mein kaun sa mukhya antar hai?

uttar:- manushya roodra yagya rachte hain ki shanti ho arthaat vinaash na ho lekin baap ne roodra yagya racha hai ki is yagya se vinaash jvaala nikle aur bhaarat svarga banen। baap ke is roodra gyaan yagya se tum nar se naaraayan arthaat manushya se devta ban jaate ho। us yagya se to koi bhi praapti nahin hoti hai।

geet:- tumhaare bulaane ko ji chaahta hai…

om shanti। yeh kitna meetha geet hai aur kitna arth sahit hai, jo vishaal buddhi vaale honge woh achhi reeti samajh sakenge। buddhi bhi nambarvaar hai na। uttam-madhyam-kanishta hote hain। uttam buddhi vaale iska arth achhi reeti samajh sakte hain। tumhaare bulaane ko ji chaahta hai, yeh kaun yaad karte hain? (bachche) kaun se bachche? bachche to dher hain। jo brahman bane hain, jo devta the, jinhonne hi poore 84 janma liye hain unhonne hi jaasti bulaaya hai। vahi shiv athva somnaath ke mandir ki sthaapna karte hain। siddha hota hai ham jo poojya devi-devta the, abhi pujaari bane hain। barobar ham poojya the phir pujaari bane to somnaath shiv ki pooja karte hain। roodra yagya bahut rachte hain, roodra gyaan yagya kabhi nahin rachte। roodra yagya naam rakhte hain। abhi bhi roodra yagya rach rahe hain। tum bahut achha samjha sakte ho - roodra kaun hai? kya roodra ne kabhi yagya racha tha? kaise racha phir kya uski siddhi hui? yeh to koi nahin jaante। tumko abhi gyaan ka teesra netra mila hai। parampita paramatma ke sivaae gyaan ka teesra netra koi de nahin sakta। gyaan saagar param-pita paramatma ko hi gaaya jaata hai। manushya ko gyaan saagar nahin kah sakte। abhi tum jaante ho hamko daade ka varsa mil raha hai jisko hi yaad karte hain ki baba aakar avinaashi gyaan ratnon ka daan karo। phir ham bhi daan lekar auron ko karenge। bahut sahaj hai। sirf yaad dilaayenge ki tumhaare do baap hain। bhakti maarga mein do baap ho jaate hain। satayug-treta mein laukik baap hi hota hai। vahaan varsa bhi tum is samay ke purushaartha anusaar paate ho। to tum bachchon ka maatha phirna chaahiye। aisi-aisi jagah jaakar poochhna chaahiye ki roodra yagya kisne racha tha? kya roodra gyaan yagya hai ya roodra yagya hai? asul naam hai roodra gyaan yagya। roodra to hai niraakaar। woh kaise yagya rachega? zaroor shareer dhaaran karna pade। daksha prajaapti ka yagya bhi manaate aate hain। dikhaate hain daksha prajaapti yagya mein ashva ko svaaha karte hain। ghode ko tukde-tukde kar jalaate hain। unko daksha prajaapti yagya kehte hain। yeh tum abhi jaante ho to vahaan likhna chaahiye yeh kaun sa yagya hai? bada bhabhke se yagya karte hain। bahut paise ikatthe karte hain। bade-bade aadmi daan karte hain। koi 100 nikaalte, koi 500 nikaalte। is roodra gyaan yagya mein to tum saare svaaha hote ho। usmein to thoda-thoda paisa nikaal ikattha karte hain phir brahman ko dakshina milti hai। yahaan to tumko svaaha hona padta hai। vahaan svaaha hone ki baat nahin। yahaan bachche kehte hain baba tan-man-dhan sahit main aata hoon, vahaan aise nahin kahenge। aahuti mein kabhi aise nahin daalenge। aarti aadi hogi, chanda cheera hoga। badon-badon se lete hain। tum bachche jaante ho is roodra gyaan yagya se hi vinaash jvaala prajjavlit hui hai। woh yagya rachte hain shanti ke liye, vinaash ke liye nahin। vahaan shanti ka bada aavaaz karte hain। shanti to saari duniya mein chaahiye na। paramatma hai shanti ka saagar। tum bachchon ko arth samjhaaya jaata hai। akhbaar padhte ho to khyaal chalna chaahiye - kaise ham sabko samjhaayen?

baap jaante hain kaise bi.ke. dukaan sambhaal rahe hain। seth ka kaun sa dukaan achha chalta hai, kaun sa manager achha hai, woh to gud jaane gud ki gothri jaane। yeh brahma hai gothri। yeh badi ramneek baaten hain। to roodra gyaan yagya ke liye to likha hua hai isse vinaash jvaala nikli। woh yagya karte hain shanti ke liye। yeh hai sachcha-sachcha yagya। un braahmanon ke to anek seth hote hain। yeh tum braahmanon ka ek hi seth hai। baap hai roodra। roodra baap kaho, shiv kaho, somnaath kaho, usne gyaan yagya racha hai, jismen tum baithe ho। woh yagya to do-chaar din chalega। tumhaara yeh roodra gyaan yagya to bahut bada hai। usmein time lagta hai। yeh hai nar se naaraayan athva manushya se devta banne ka yagya। woh to aise nahin kahenge। baap baith samjhaate hain kaise unhon ko saavdhaan karo। badon-badon ko bolo - yeh tum jo yagya rachte ho, usmein bhool hai। parampita paramatma kalpa-kalpa sangam par aate hain। shaastron mein yuge-yuge likh diya hai। yeh bhool kar di hai। vaise hi roodra yagya rachte hain। vaastav mein roodra gyaan yagya hai। shiv ka naam hai roodra, usne hi gyaan yagya racha hai। jaise ibraaham ne apna islaam dharma sthaapan kiya, buddha ne bauddhi dharma sthaapan kiya, vaise roodra ka hai gyaan yagya jisse vinaash jvaala prajjavlit hogi। to goya vo log shanti ke liye yagya rachte hain arthaat vinaash nahin chaahte। svarga ki sthaapna ke liye narka ka vinaash ho, to achha hi hai na।

bhaarat hai avinaashi khanda। zaroor bhaarat ke manushya sampradaay bahut jyaada hone chaahiye। aadi sanaatan devi-devta dharma tha। unko saara kalpa hua hai। shaastron mein 33 karod likh diya hai। parantu yeh to samjhaana chaahiye - zaroor aur dharma vaalon se devta dharma ki aadamshumaari jaasti hogi, lekin woh convert ho gaye hain to kaise niklen। bauddhi, Christian, musalmaan aadi jaakar dher bane hain, isliye thodi sankhya ho jaati hai। yeh bhi drama। ismen samajhne ki badi vishaal buddhi chaahiye। jab tak buddhi mein gyaan nahin baitha hai to sirf arpanmay hone se kya phaayda? arpanmay to dher bante hain parantu jo achhi reeti dhaarna kar aur karaate hain, praja banaate hain vahi achha pad pa sakte hain।

to yeh geet accurate hai - bulaane ko ji chaahta hai…। sabse pahle 84 janma kisne liye honge? jo pahle-pahle the, woh the hi devi-devtaayen। so bhi bhaarat mein the। abhi to koi kahaan, koi kahaan convert ho gaye hain। kai to bhaarat se baahar chale gaye hain। nahin to vaastav mein bhaarat jaisa bade te bada teertha aur koi hai nahin। aur sabhi dharma sthaapak jo hain unhon ko bhi paavan banaane ke liye bhagwan ko bhaarat mein aana padta hai kyonki sab patit hain, sabko paavan banaane vaala ek hai। yeh tum jaante ho। tumhaare mein bhi nambarvaar yathaartha reeti jaan sakte hain। tum kahenge ham roodra gyaan yagya mein baithe hain, aisa koi yagya hota hai kya, jismen itna samay baithe hon? kya baith karte ho? roodra jo gyaan sunaate hain woh sunte hi rehte ho। jahaan tak roodra baba is shareer mein hai, sunaate hi rahenge। prajaapita brahma bhi to zaroor yahaan hoga na। brahma ka din aur brahma ki raat gaai hui hai। sookshmavtanvaasi brahma ka thode hi din aur raat banaayenge। woh to sookshmavtanvaasi devta hai। din aur raat ka prashn yahaan ka hai। brahma ki raat maana patit। phir vahi paavan bante hain to din hota hai। brahma ko bhi paavan banaane vaala woh ek satguru hai। sat baba, sat teacher, satguru teenon ikatthe hain। pahle zaroor baap ke bachche honge phir pad teacher se paayenge। nambarvaar hain na। yeh bhi buddhi mein rahe to kitni khushi rahe। tum pahle behad ke baap ke the na। yahaan aaye ho part bajaane। bhakti maarga mein behad ke baap ko yaad karte aaye ho kyonki woh hai svarga ka rachayita। zaroor svarga ki raajaai dene vaala hoga। yeh samjhaana to bada sahaj hai। sensible hi samjha sakenge। vaastav mein sensible tum brahman ho। tumhaare mein jo aklamand hain, unmein bhi nambarvaar hain। duniya ke aklamand bhi nambarvaar hain na। yahaan bhi jo sensible bante jaayenge woh zaroor achha number paayenge। har ek apni dil se poochhe ham kahaan tak sensible bana hoon? jaise baba murli chalaate hain vaise vahaan bhi tumhaari murli chal sakti hai। tum unhein samjhaao ki roodra yagya aur roodra gyaan yagya mein raat-din ka farka hai। roodra gyaan yagya racha to usse vinaash jvaala nikli, bhaarat svarga bana aur yeh phir yagya rachte hain vinaash na ho arthaat svarga sthaapan na ho। yeh to ulti baat ho gai। tab to baba kehte hain main in sabka uddhaar karne aata hoon। roodra gyaan yagya rachta hoon। to tum pratigya karte ho - baba, ham aapse sunkar aur sunaayenge। achha, auron ko sunaao। pahle yahaan to repeat karo। ghadi-ghadi repeat karo jo phir kahaan samjha sako। first class point hai। us yagya mein to jau-til aadi daalte hain, mere roodra gyaan yagya mein to saari puraani duniya ki saamagri svaaha hui thi। parantu yeh sab baaten koi ki buddhi mein achhi reeti dhaaran nahin hoti। baap ko yaad nahin karte hain to buddhi ka taala nahin khulta। baba kehte hain - ham bhi kya karen? is samay sabki buddhi patit hai, unko paavan banaata hoon। jo mere ko yaad nahin karte, unmein dhaarna nahin ho sakti। buddhi ka taala kaise khule? yaad se hi khulega। most beloved baap hai, unki badi mahima karte hain। shivbaaba ki kitni mahima hai! shiv ki pooja bhi hoti hai, to zaroor aata hoga na। bigar organs kya aakar karenge? to ab brahma mein aaya hua hoon। tum bachche baapdaada ke saamne baithe hue ho parantu deh-abhimaan hone kaaran itna love, baap ke liye regard nahin rehta। direction par mushkil chalte hain। ahankaar mein aa jaate hain। baap kehte hain - main nirhankaari hoon, tumko itna ahankaar kyon aata hai? bas, samajhte hain main hi hoshiyaar hoon। itna deh-abhimaan aa jaata hai।

ab koi ka pati mar jaata hai to uski deh khatma ho gai। baaki aatma nikal gai phir brahman mein aatma ko bulaate hain। deh ko to nahin bulaate। bhaavna rakhte hain to bhaavna ka bhaada milta hai। pati ko yaad karte rahe to pati ka saakshaatkaar kar lenge। baba saakshaatkaar to karaate hain na। aise bahuton ka pyaar hota hai। aayegi to aatma na। koi ka stri mein pyaar hai to bhaavna ka bhaada mil jaata hai। stri ko dekh lete hain। cheez le aate hain, khud unko pahnaate hain। aise bahut kuchh hota aaya hai। aage bahut vidhi se khilaate the। jaise ganesh ko athva naanak aadi ko yaad karte hain to saakshaatkaar ho jaata hai, aise bahuton ko ho sakta hai। parantu woh chaabi ek hi baap ke haath mein hai। baap kehte hain yeh saakshaatkaar ki baaten bhi drama mein noondhi hui hain। saakshaatkaar karaaya, drama chala, thaharta nahin hai। drama ko bhi achhi reeti jaanna hota hai। are, baba ka to achhi reeti regard rakho। baap mein itna regard pyaar rakhna bada mushkil samajhte hain, samajhte hain woh to niraakaar hai। kehte hain yeh to unka rath hai, inko ham kya karenge? ham to niraakaar ko hi yaad karenge। achha, niraakaar ki god mein jaakar dikhaao? niraakaar saath khaao, piyo। tum inke paas kyon aate ho? kehte hain - nahin baba, aap ismen ho, aapko hi ismen viraajmaan samajh chalte hain। yeh bada mushkil kiski buddhi mein rehta hai। aise bahut hain jo gapode lagaate hain - hamaara baba mein bahut pyaar hai, ham itne ghante baba ko yaad karte hain। baba kehte hain main bhi poora yaad nahin karta hoon। main to ek hi sikeeldha bachcha hoon phir bhi main purushaartha bahut karta hoon। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) arpan hone ke saath-saath apni buddhi ko vishaal banaana hai। oonch pad ke liye achhi reeti dhaarna karni aur karaani hai।

2) baap samaan nirhankaari banna hai। ahankaar chhod baap se ati love va regard rakhna hai। deh-abhimaan mein nahin aana hai।

vardaan:- maalik ban karmendriyon se karma karaane vaale karmayogi, karmabandhanmukta bhav

brahman jeevan karmabandhan ka jeevan nahin, karmayogi jeevan hai। karmandriyon ke maalik ban jo chaaho, jaise chaaho, jitna samay karma karne chaaho vaise karmendriyon se karaate chalo to brahman so pharishta ban jaayenge। karmabandhan samaapta ho jaayenge। yeh deh seva ke arth mili hai, karmabandhan ke hisaab-kitaab ki jeevan samaapta hui। puraani deh aur deh ki duniya ka sambandh samaapta hua, isliye ise marjeeva jeevan kehte hain।

slogan:- dilaaraam ke saath ka anubhav karna hai to saaksheepan ki sthiti mein raho।