शनिवार 23 सितंबर 2023 की दैनिक मुरली

23-09-2023 praatahmurli om shanti "baapdaada"' madhuban

“meethe bachche - aatma aur paramatma ka yathaartha gyaan tumhaare paas hai, isliye tumhein lalkaar karni hai, tum ho shiv shaktiyaan''

prashn:- sabse oonchi manzil kaun si hai, jiska hi tum bachche purushaartha kar rahe ho?

uttar:- nirantar yaad mein rehna - yeh hai sabse oonchi manzil। yaad se hi karmabhog chuktu ho karmaateet avastha hogi। jis maat-pita se apaar sukh mil rahe hain, unke liye bachche kehte - baba, aapki yaad bhool jaati hai! wonder hai na। dehi-abhimaani rahne ka purushaartha chalta rahe to yaad bhool nahin sakti।

geet:- kisne yeh sab khel rachaaya…

om shanti। bhagvaanuvaach - bachche apne baap bhagwan ko jaante hain। abhi bachche aakarke baap dvaara aastik bane hain, kyonki baap dvaara baap ko jaana hai isliye aastik kahlaate hain। tumne jaana hai barobar ham aatma hain, woh ham aatmaon ka baap hai। bhal koi manushya apne ko aatma samajhte bhi hon parantu paramatma ko koi nahin jaante। jab baap khud aakar bachche paida kare aur unko apna parichay de, tab jaanen। baap ko hi apna parichay dena hai। woh hai aatmaon ka father। sammukh aakar batlaate hain ki tum aatmaayen ho, main tum aatmaon ka parampita hoon। tum nishchay karte ho। yeh to common baat hai। aatmaon ka baap zaroor hai। gaayan bhi hai aatma aur paramatma alag rahe bahukaal.......। baap ko bachche hi jaante hain। baap 5 hajaar varsha baad phir aaye hue hain। jab sab bachche naastik duhkhi ban jaate hain, ek bhi aastik nahin rehta hai tab baap aate hain। aastik banaakar phir chhip jaate hain। phir koi bhi baap ko jaante nahin। ab tum bachchon mein yeh nishchay nambarvaar purushaartha anusaar hai। sabko poora nishchay nahin hai। bhal yahaan sammukh baithe hain, jaante hain parampita paramatma, patit-paavan baap patit se paavan devta bana rahe hain। devtaaon ki to yahaan sirf moortiyaan hain। khud to hain nahin। jo bhi manushya maatra hain, sivaae tum braahmanon ke, aur koi bhi aatma aur paramatma ko nahin jaante। ham so paramatma kah dene se na aatma ko, na paramatma ko jaante। tum bachche jaante ho ki ek bhi manushya nahin jo apne ko yathaartha reeti aatma samajh aur paramatma ko apna baap samjhen। lekin ab yeh lalkaar kaun karen? shaktiyon ne hi lalkaar ki thi। parantu abhi tak woh shakti aai nahin hai jo tumhaare mein aani chaahiye। shiv shaktiyaan to mashhoor hain, naameegraami hain। jagat amba bhi shakti hai। ab conference mein religious heads sab aate hain, unhein bhi samjhaana hai।

baap samjhaate hain - bachche, tumko to dehi-abhimaani banna hai। ham aatma hain, parampita paramatma se varsa le rahe hain - yeh nishchay nahin hai, koi sanshay hai to oonch pad pa nahin sakenge। achhe-achhe bachche bhi chalte-chalte maaya ka toofaan lagne se gir padte hain। nishchaybuddhi se sanshaybuddhi ho padte hain। nahin to bachche kabhi bhi sanshaybuddhi nahin hote hain ki hamaara yeh baap nahin hai। yahaan yeh wonder hai। kehte bhi hain parampita paramatma ham sab aatmaon ka baap hai, woh hamko padhaate hain phir bhi baap ko bhool jaate hain। roz samjhaate rehte hain - bachche, apne baap ko yaad karo to tumhaare vikarma vinaash honge। vikarma to janma-janmaantar ke sir par bahut hain। tum jaante ho mama-baba, jisko brahma-sarasvati kehte ho, woh number one mein hain। woh bhi khud kehte hain - itna yog lagaate hain, mehnat karte hain to bhi anek janmon ke paap kate nahin hain। kuchh na kuchh bhogna padta hai। ant mein is bhogna se chhoot karmaateet avastha ko paana hai। purushaartha karna hai। maaya bhi kam rustam nahin hai, donon hi sarvashaktimaan hain। raavan maaya ne sab manushya maatra ko patit bana diya hai। gaate bhi hain patit-paavan, taaliyaan bajaate rehte hain, to zaroor patit hain na parantu apne ko samajhte nahin hain ki ham patit hain। yeh samjhaana bhi zaroori hai ki ab yeh patit duniya hai। paavan duniya satayug ko kaha jaata hai। paavan duniya mein aise patit-paavan ko nahin bulaayenge। vahaan to bhaarat bahut sukhi tha, ek hi dharma tha। abhi tum jaante ho parampita paramatma gyaan saagar hai, woh in sab vedon-shaastron aadi ke raaz ko jaante hain। vahi padha rahe hain parantu koi-koi aise hain jo yeh bhi bhool jaate hain ki hamko paramatma padhaate hain। behad ka baap humein padhaate hain, woh nasha nahin chadhta। yahaan se baahar ghar jaane se nasha chaknaachoor ho jaata hai। koi mushkil hain jo yuktiyukta purushaartha karte hain। maaya badi jabardasta hai। deh-abhimaan to number one hai। baba ne samjhaaya hai apne ko dehi samjho। ham aatma hain, is shareer dvaara ham karma karte hain। apne ko paramatma to kabhi nahin samajhna hai। baap kehte hain main tumko patit se paavan banaane aaya hoon। mujhe ghadi-ghadi yaad karo। parantu bahut achhe-achhe bachche bhi baap ko yaad nahin karte hain aur phir sach bhi nahin batlaate hain। chart jo likhkar bhejte hain, usmein bhi jhooth। sachcha chart likhte nahin। baba samjhaate hain apne ko aatma samjho, ham aatma 84 janma poore kar ab baba ke paas jaati hoon। savere uthkar baba ko yaad karo to uska nasha saara din rahega। manushya dhan kamaate hain to nasha rehta hai na ki aaj itna kamaaya। yeh bhi dhandha hai, vyaapaar hai to usmein kitni mehnat karni chaahiye। baba apna anubhav batlaate hain, kitni mehnat karte hain। savere uthkar apne se baaten karni hai। ab part poora hua, abhi ham gaye ki gaye, phir 21 janma raajya karna hai। kitna meetha, kitna pyaara wonderful baba hai। aise baap ko koi bhi manushya maatra jaante nahin hain। baap aakar bachchon ko apne se bhi oonch le jaate hain aur bachche phir baap ko sarvavyaapi kah apne se bhi neeche le gaye hain isliye baap kehte hain tum bahut duhkhi ban pade ho। main tum bachchon ko brahmaanda aur vishwa donon ka maalik banaata hoon aur phir tum bachche mujh baap ko sarvavyaapi kah dete ho। yeh bhi drama mein khel hai। ab baap direction dete hain - aise-aise samjhaao।

lakshmi-naaraayan aadi devi-devtaayen 100 percent solvent buddhi the, abhi nahin hain। farka dekho kitna hai - kahaan bhaarat svarga tha, abhi narka hai। yeh gyaan koi bhi manushya mein nahin hai। tum bachchon mein bhi woh taakat nahin hai। deh-abhimaan bahut hai। dehi-abhimaani ko to dhaarna honi chaahiye। baap direction dete hain - aise-aise lalkaar karo। aatma kya hai, paramatma kya hai - koi ko pata nahin hai। tum jaante ho ham aatma bindi hain, hamaara baap parampita paramatma bhi bindi hai। woh knowledgeful, patit-paavan hai। janma-maran mein nahin aate hain। ham aatmaayen janma-maran mein aati hain। parampita paramatma kehte hain mera bhi part hai, main aata hoon, tum sabko sukhi banaakar phir nirvaandhaam mein baith jaata hoon। manushya boodhe hote hain to vaanaprastha mein chale jaate hain, parantu arth nahin samajhte। vaanaprastha maana vaani se pare sthaan। woh thode hi vaani se pare baithte hain। abhi vaanaprasthi to sab hain। ham aatmaayen vaani se pare rahne vaali hain। parantu us sthaan ko bhi jaante nahin। tumhaare mein bhi koi-koi ki buddhi mein yeh baaten hain। deh-abhimaan bahut hai। baap ko follow nahin karte hain। maaya bhi bahut prabal hai। aatma aur paramatma ke sambandh ko koi bhi nahin jaante hain। baap ke sambandh ko hi nahin jaante। tum bhi ghadi-ghadi bhool jaate ho। baap ka bankar baap ko poora yaad karna chaahiye na। kehte hain - baba, ghadi-ghadi yaad karna bhool jaata hoon। are, tum maat-pita ko yaad karna bhool jaate ho! nirantar yaad karne ki hi manzil hai, jis maat-pita se svarga ka varsa le rahe ho, tum unko bhool jaate ho! wonder hai। maat-pita to ek hi hai। baap kehte hain main hi tumhaara maat-pita hoon। yeh hain badi guhya baaten। kai samajhte hain jagat amba maata hai, parantu nahin woh to saakaari hai na। tum maat-pita gaate ho niraakaar ko। yeh sab baaten pahle nahin batlaate the। din-pratidin guhya baaten sunaai jaati hain। koi bhi baat na samjha sako to bolo - baba ne ajun sunaaya nahin hai, baap se poochhenge। din-pratidin bahut nai-nai points milti rehti hain। knowledge to bahut badi hai। samajhne vaale koi samjhen। padhte-padhte thak jaate hain। baba ko likhte hain - main nahin chal sakoonga, tang ho gaya hoon। tang hokar padhaai ko chhod dete hain। vikaar mein jaate hain to padhaai chhoot jaati hai। yeh padhaai brahmacharya ki dhaarna se hi hogi। agar brahmacharya ko toda to dhaarna nahin ho sakegi। doosre ko kah nahin sakenge ki kaam mahaashatru hai। buddhi ka taala hi banda ho jaata hai। manzil bahut oonchi hai।

sannyaasi to grihastha dharma ko chhod bhaag jaate hain। vo hain hathayogi sannyaasi, yeh hai raajayog। baap hi aakar raajayog sikhlaate hain। hathayogi kabhi raajayog nahin sikhla sakenge। yeh baat poora samjhaane ka dhang nahin aaya hai। unhon ka hai hathayog sannyaas। woh patit ko paavan bana nahin sakte। tumhaara hai behad ka sannyaas, woh hai had ka sannyaas। tumhaari buddhi mein hai ki hamaare 84 janma poore hue, ab ham vaapis jaate hain। yeh behad ka sannyaas buddhi se kiya jaata hai। unka hai hathayog karma sannyaas। tumhaara hai raajayog, karmayog, jo bhagwan ne sikhlaaya hai। abhi tum achhi reeti samjha sakte ho ki woh hai hathayog aur yeh hai raajayog। shiv ko bhi koi samajhte nahin hain। jaise aatma bindi hai, vaise shiv bhi bindi hai। bindi ka nishaan bhi bhrakuti mein hi diya jaata hai aur koi jagah bindi nahin denge। bhrakuti mein hi bindi di jaati hai। aatma bhi yahaan hi nivaas karti hai - yeh kisko pata nahin hai। itni chhoti bindi mein 84 janmon ka avinaashi part noondha hua hai, yeh kitni deep baaten hain। koi ko samjhaane nahin aayengi। reality mein samjhaana hai। jaise aatma bindi hai, vaise paramatma bhi bindi hai। agar doosri aatma aayegi to woh bhi baaju mein aakar baithegi na। brahman mein aatma ko bulaate hain, aatma aakar bolti hai - hamne phalaani jagah janma liya hai, to woh aatma kahaan aakar baithegi? kya maathe mein? unmein apni bhi aatma hai na। baap kehte hain main bhi bindi hoon, mujhe parampita param aatma kehte hain। unki mahima badi bhaari hai। shivaae namah .... yeh kisne mahima ki? aatma saaligraam ne, to zaroor woh alag hai। duniya in baaton ko nahin jaanti, tum jaante ho unka ek hi naam shiv hai। brahma, vishnu, shankar ko brahma devtaae namah, vishnu devtaae namah kahenge। unko shiv parmaatmaae namah kahenge। to shiv oonch thahra na। yeh baaten tum samajh sakte ho। yeh knowledge bhi tumko abhi hai। tumhaara yeh heere jaisa janma hai। devtaayen to praalabdha bhogte hain। yeh praalabdha dene vaala baap wonderful hai। aise paarlaukik baap ka kitna regard rakhna chaahiye। buddhiyog is brahma mein nahin, unmein rakhna hai। woh baap padhaate hain is dvaara, yeh shareer loan liya hai। saari srishti mein kitna bada mehmaan hai। shivbaaba paramdham se aate hain। kitna bada bhaarat ka mehmaan hai। kahaan se aaya hua hai? un minister aadi ki kitni ijjat hoti hai। yeh gupta vesh mein kitna bada mehmaan patit ko paavan banaane aaya hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) savere-savere uth yaad mein baith kamaai jama karni hai। apne aap se baaten karni hain। dehi-abhimaani rehna hai।

2) raajayog, karmayog seekhna aur sikhlaana hai। kabhi bhi tang hokar padhaai nahin chhodni hai। baap ka regard zaroor rakhna hai।

vardaan:- baap samaan behad ki vritti rakhne vaale master vishwa kalyaankaari bhav

behad ki vritti arthaat sarva aatmaon ke prati kalyaan ki vritti rakhna - yahi master vishwa-kalyaankaari banna hai। sirf apne va apne had ke nimitta bani hui aatmaon ke kalyaan arth nahin lekin sarva ke kalyaan ki vritti ho। jo apni unnati mein, apni praapti mein, apne prati santushtata mein raazi hokar chalne vaale hain, woh sva-kalyaani hain। lekin jo behad ki vritti rakh behad seva mein busy rehte hain unhein kahenge baap samaan master vishwa kalyaankaari।

slogan:- ninda-stuti, maan-apmaan, haani-laabh mein samaan rahne vaale hi yogi tu aatma hain।