गुरुवार 28 सितंबर 2023 की दैनिक मुरली

28-09-2023 praatahmurli om shanti "baapdaada"' madhuban

“meethe bachche - baap se love aur regard rakho to baap ki aasheervaad milti rahegi, maaya ki junk utarti jaayegi''

prashn:- is chaitanya bageeche mein kai phool khilte hi nahin, kali ke kali rah jaate hain - kyon?

uttar:- kyonki purushaartha mein susti hai, yaad karne ka jo samay hai usmein soye rehte hain। sone vaale apna samay aise hi ganva dete hain। jin soya tin khoya। banda kali hi rah jaati। sada gulaab ke phool woh hain jo devi-devta dharma ke all-round paartadhaari hain।

geet:- yeh vakta ja raha hai…

om shanti। yeh kisne samjhaaya? behad ke baap ne samjhaaya bachchon ko। behad ki jo ghadi hai usmein abhi baaki thoda time athva kuchh minute rahe hain। ghante gaye, baaki kuchh minute rahe hain। jo achhe sensible bachche hain woh jaante hain, nambarvaar to hain na। gulaab ke phool hote hain unmein bhi nambarvaar hote hain। yahaan bhi gulaab ke phool hain lekin usmein koi banda kali hain, koi thoda khile hue hain। tumhaara devi-devta dharma bhi jaise sada gulaab hai, sada all-round part bajaane vaale। tum sabhi dharmon mein oonch te oonch dharma vaale sada gulaab ho। doosre dharma vaale phir nambarvaar hain, koi champa hain, koi chameli hain, koi taangar hain, koi ak hai। bageecha to hai na। sabhi dharmon ka bageecha hai। bachchiyaan jaanti hain oonch te oonch dharma hai hi devi-devtaaon ka। jab season nahin hoti hai tab mukhdi bhi nahin rehti, kali phool bhi nahin rehte hain। (baba ne aaj bageeche se ek bada gulaab ka phool, ek chhota phool, ek aadha khila hua phool, ek kali, ek banda kali, ek mukhdi... aise variety laakar sandali par rakha hai) ab dekho, mukhdi bhi koi kachchi hai, koi aadha khili hui hai। koi phool hai, koi band kaliyaan hain। koi murjha jaate hain, bilkul khilte hi nahin। barobar aisa hai na। to baap kehte hain purushaartha mein susti na karo। aise kali ke kali na rah jaao। koi aadha mein rah jaate, nambarvaar hain। samjha jaata hai is haalat mein yeh kya pad paayenge? samay bahut thoda hai। ghadi banaai hai, kaante ko ab badal to nahin sakte hain। yukti se aise banaana chaahiye, jo nishaani rahe। yahaan se shuru ho kaanta ab yahaan tak aakar pahuncha hai। zero se shuru ho phir kaanta 12 tak aakar poora hota hai। to is chakra mein bhi pahle devi-devta dharma nikla, abhi hai ant। jab se baap aaya hai tab se gina jaata hai।

to baap kehte hain - bachche, time vesta mat karo। baap ko yaad karte raho। jitna yaad karenge utna vikarma vinaash honge। vikarma to sabse hote rehte hain। aise koi mat samjhe ki hamse nahin hota hai। itna ahankaar koi mat rakhe। vikarma to bahut hi gupta bhi bante hain। unse badi sambhaal rakhni hai। is ghadi se tumko time ka to pata lag hi jaata hai। manushya to samajhte kaliyug abhi bachcha hai। bilkul ghor andhiyaare mein pade hue hain। abhi tumko murdon ko jagaana hai। savere uthkar baap ko yaad karna chaahiye। jin soya tin khoya। yaani yaad karne ka jo samay hai woh khona nahin hai, nahin to murde ke murde rah jaayenge। koi to kali hi rah jaate hain। bas, toofaan mein achhi-achhi kaliyaan bhi gir jaati hain। phool bhi girte hain to kaliyaan bhi girti hain। phir jaise ki kaante ke kaante rah jaate hain। daivi gharaane mein to aayenge parantu praja mein aayenge। tum ho hi gulaab ke jhaad ke, parantu ismen khush nahin hona chaahiye। bhal manushya gaate hain phalaana svarga padhaara, parantu kya bana? yeh bhi kaaran hoga na। yeh to bachche samajh sakte hain jitna baba ka most serviceable bachcha hoga utna woh beloved bhi most hoga। yeh to common baat hai। sapoot, aagyaakaari, imaandaar bachche maa-baap ko pyaare lagte hain। maaya bilkul hi be-imaandaar bana deti hai। pata bhi nahin padta hai ki hamse badi bhaari gaphlat hoti hai। baap kehte hain jo karenge unko paana hi hai। aisa vikarma nahin karna jo saja khaani pade। koi vikarmon ki yahaan bhi saja pa lete hain। karmabhog hai। garbhajel mein bhi karmabhog hai। unse bada khabardaari se chhootna hai, maaya badi shaitaan hai isliye beloved most baap ko to har vakta yaad karte rehna chaahiye। jaise laukik baap apne bachchon ko jaante hain vaise paarlaukik baap bhi har ek bachche ko jaante hain। baap khud baith batlaate hain - main ek hi is tan mein aata hoon। kitne dher bachche hain। ajun to dher aayenge। jhaad badhta hai। bhagwan ke aage bhakton ki bheed hogi। shiv ke mandir mein itni bheed nahin hoti। yahaan to tum samajhte ho kitni bheed hogi। sooryavanshi, chandra-vanshi raajdhaani sthaapan honi hai। in baaton mein buddhi badi vishaal chaahiye। barobar bhakta jo itni bhakti karte hain, unke sammukh bhagwan aayenge to kitni bheed hogi।

tum jaante ho baba hamko raajayog sikhla rahe hain parantu ghar mein rehte hue phir bhi bhool jaate hain। yeh aisi vichitra baat hai jo saath rehte bhi phir bhool jaate hain। itna love regard nahin rehta। sui ko kat lagi hui hogi to woh chumbak ko kheench nahin sakti। yog aur gyaan bhi ho tab kat nikal sake aur paramatma ki aasheervaad bhi chaahiye na। maaya ki junk lagi hui hai, koi cheez ko junk lagi hui hai to ghaaslet mein daalte hain। tumhaari bhi yog se junk nikalti hai। aatma pure ho jaati hai। to baap samjhaate hain - bachche, phool bankar dikhaao। woh samay bhi jaldi aayega jo tum kiske saamne baithenge aur jhat usko saakshaatkaar hone lagenge। brahma aur vishnu ka saakshaatkaar to bahuton ko hota hai। direction dete hain - jaao bi.ke. ke paas। brahma bhi baithe hain, brahmaakumaar-kumaariyaan bhi baithe hain। aage chalkar bahuton ko saakshaatkaar hoga। baba saakshaatkaar karaate hain tum vahaan jaao, main vahaan raajayog sikhla raha hoon, isse tum yeh pad pa sakte ho। hai bhi second ki baat। manamnaabhav। mujhe yaad karo to tum sooryavanshi ban jaayenge। vahaan hain daivi vanshi aur yahaan hain asur vanshi। kitna achhi reeti samjhaaya jaata hai। koi cheez ko maheen karne ke liye koota jaata hai na। makaan ka foundation pakka karne ke liye kitni mehnat karte hain। baap bhi kehte hain jitna ho sake mujhe yaad karo। shivpuri aur vishnupuri ko yaad karo। yeh andar apne saath baaten karni chaahiye। pahle apne se chintan kar phir baat karni hoti hai - samjhaane ke liye। tumko bhi samjhaana hai।

ab bachche exhibition mein kitni mehnat karte hain। hai saari samjhaane ki baat। sirf slogan se to koi samajh na sake। baap baith samjhaate hain devi-devtaaon ko raajya kaise mila? kisne raajayog sikhaaya? bhagvaanuvaach - main raajayog sikhlaata hoon, kehta hoon mujhe yaad karo। shivpuri aur vishnupuri ko yaad karo। ab pradarshani mein bhi bachchon ko achhi reeti samjhaana hai। meditation par bhi samjhaana hai। ham bhi meditation karte hain। chalte-phirte baap ko yaad karte baap se baaten karte rehte hain। jaise koi programme se kahaan jaana hota hai to buddhi mein rehta hai aaj phalaane ke paas hamko jaana hai। programme mila aur buddhi daudti rahegi। samay nazdeek aayega, samjhenge abhi hamko jaana hai। tumko bhi andar mein yeh rehna chaahiye - bas, abhi hamko jaana hai baba ke paas। yeh puraani khaal chhodni hai। shivpuri mein jaana hai। is raavanpuri ko chhodna hai। yeh badi chhi-chhi gandi duniya hai। abhi ham sangam par baithe hain। yeh iron aged shareer hai। baba kehte hain mujhe yaad karte raho to tum aatmaon ko shivpuri le jaaoonga। shreekrishna to nahin le jaayega। to yeh samjhaane ki baat hai।

ab baap kehte hain mujh shivbaaba ko yaad karo। abhi tum raajayog seekh rahe ho। tumko shivpuri mein aana hai, phir vishnupuri mein chale aayenge। yeh samjhaana to sahaj hai na। shiv puri mukti se hokar vishnupuri (jeevanmukti) mein jaana hai। sabhi ka baap ek hai। mukhya yeh samjhaana hai। baaki kitna bhi slogan aadi banaayenge, muphta kharcha hota hai। chitra to sab tumhaare paas hain। karaachi mein tumhaare paas kitne aate the। bade maidaan mein table-kursi rakhi rehti thi। jo aate the unko baith samjhaate the। aage to itna gyaan nahin tha। abhi to bilkul sahaj gyaan mila hai। baap ko bhi jaante ho। baap hai svarga ka rachayita। unka farmaan hai - mujhe aur varse ko yaad karo। chitra dikhaakar is par samjhaao। aage to samjhaane se sunte-sunte dhyaan mein chale jaate the। usi samay to tum chhoti-chhoti kaliyaan thi। baba ka saara chamatkaar tha। rassi kheench lete the। abhi to samjhaane ki bahut jaroorat hai। aajkal to aadmi bhi bade kharaab hain। form bharaane bigar occupation ka pata pad na sake। jaise woh bairistari aadi padhaane vaale teachers hote hain na। yeh behad ka baap kitna bada teacher hai। woh teacher to karke barrister banaayega। beech mein shareer chhoot gaya to bairistari bhi khatma। aise thode hi doosre janma mein woh chalegi। yahaan tum jo kuchh karte ho, woh saath le jaate ho। aatma mein sanskaar rehte hain। haan, chhote bachche ko organs chhote hain isliye bol nahin sakte hain। karmendriyon se kuchh kar nahin sakte parantu sanskaar to le jaate hain na। yeh hai avinaashi gyaan, bada hokar phir aae gyaan lenge। woh aatma phir se aayegi zaroor। kahaan na kahaan kiska kalyaan karegi। apne maat-pita ko bhi is taraph kheechengi। bhal chhota bachcha hoga to bhi mama-baba ko dekhne se hi unka pyaar kashish karega। organs chhote hone kaaran baat to nahin kar sakenge, parantu love jaayega hamjinsa taraph।

to yeh knowledge badi vichitra, ramneek aur simple hai। koi to bilkul hi aise hain jo kaante ka kaanta rah jaate hain। satayug hai gulaab ka jhaad। abhi to kaante hain। phir unse koi mukhdiyaan nikal rahi hain। sada gulaab to hain phir unmein nambarvaar hain। praja mein bhi aayenge na। kali ban phir murjhaakar khatma ho jaayen, yeh koi padhaai thode hi hui। mukhdi band ki band rahegi to praja mein chale jaayenge। jo phool bante hain woh raajaai mein aayenge। baba bageeche mein jaate hain to bachchon ko samjhaane ke liye phool bhi le aate hain। agar abhi purushaartha kar phool na banen to baad mein bahut pachhtaana padega। ek to vikarmon ka bojha sir par hai hi phir aur hi saja khaakar praja mein pad paana, woh kis kaam ka hua। yeh to samajhte ho hamaari daivi raajdhaani sthaapan ho rahi hai। har ek ko samajh sakte hain kaun-kaun kya banenge? dil mein rahega yeh kahaan tak padh rahe hain, kya banenge? achha padhne vaala hoga to andar pyaar karte rahenge। samjhenge, yeh raajaai mein aayenge। aage chalkar tumko bahut saakshaatkaar honge। na padhne vaale phir bahut pachhtaayenge। samay bahut thoda hai। phir itna gallop bhi kaise karenge। baap kehte hain bachche bankar aur phir agar vikarma karenge to sauguna danda bhogna padega। jel mein jaane vaale kai choron ka dhandha hi yeh ho jaata hai - saza khaana, jel jaana।

abhi tum purushaartha kar rahe ho oonch te oonch mahaaraaja-mahaaraani sooryavanshi banne ka। nambarvaar to hain na। jo bhaaganti ho jaayenge unka kya haal ho jaayega! baap kitna achhi reeti samjhaate hain parantu takdeer mein nahin hai to samajhte nahin phir to tadbeer karaane vaala kya kar sakta hai? baap to kehte hain phool bano, baap ko bhoolo mat। aise baap ka haath kabhi nahin chhodna। maaya ajgar kachcha kha jaayega। aisi gaphlat nahin karni hai jo apna raajya-bhaagya ganva baitho। phir kalpa-kalpaantar aisi chalan dekhne mein aayegi jaise abhi dekhte hain। koi ki satopradhaan chalan hai, koi ki rajo, koi ki tamo.....। grahchaari bhi achhe-achhe bachchon par badi kadi baithti hai। andar ke kaale, baahar ke achhe। gaphlat hogi to aatma kaali ho padegi। parchhaaya kaala padta hai isliye baba kehte hain - ek kaan se sun, doosre kaan se phir nikaal do, evil baaton ke liye kaan banda kar do। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada vikarma vinaash karne ki lagan mein rehna hai। koi bhi vikarma abhi na ho, iski sambhaal karni hai।

2) maaya ki grahchaari se bachne ke liye evil baaton se kaan banda kar lene hain। apni chalan satopradhaan banaani hai। andar baahar saaph rehna hai।

vardaan:- balance dvaara blissful jeevan ka saakshaatkaar karaane vaale sarva ki blessing ke paatra bhav

balance sabse badi kala hai। yaad aur seva ka balance ho to baap ki blessing milti rahegi। har baat ke balance se sahaj hi number one ban jaayenge। balance hi anek aatmaon ke aage blissful jeevan ka saakshaatkaar karaayega। balance ko sada smriti mein rakhte hue sarva praaptiyon ka anubhav karte raho to svayan bhi aage badhte rahenge aur anya aatmaon ko bhi aage badhaayenge।

slogan:- mahaaveer woh hai jo har mushkil ko sahaj kar, pahaad ko raai va rui bana de।