बुधवार 8 नवंबर 2023 की दैनिक मुरली

08-11-2023 praatahmurli om shanti "baapdaada"' madhuban

“meethe bachche - deh sahit yeh sab kuchh khatma hone vaala hai, isliye tumhein puraani duniya ke samaachaar sunne ki darkaar nahin, tum baap aur varse ko yaad karo''

prashn:- shreemat ke liye gaayan kaun-sa hai? shreemat par chalne vaalon ki nishaani sunaao?

uttar:- shreemat ke liye gaayan hai - jo khilaayenge, jo pahnaayenge, jahaan bithaayenge… vahi karenge। shreemat par chalne vaale bachche baap ki har aagya ka paalan karte hain। unse sada shreshtha karma hote hain। ve kabhi shreemat mein apni manmat mix nahin karte। unmein right aur wrong ki samajh hoti hai।

geet:- banvaari re…

om shanti। yeh geet kiska hai? bachchon ka। koi geet aise bhi hote hain jismen baap bachchon ko samjhaate hain lekin is geet mein bachche kehte hain ki baba, ab to ham samajh gaye, duniya ko to pata nahin ki kaisi yeh jhoothi duniya hai, jhoothe bandhan hain। yahaan sab duhkhi hain tab to eeshvar ko yaad karte hain। satayug mein to eeshvar se milne ki baat hi nahin hai। yahaan duhkh hai tab aatmaon ko yaad padta hai parantu drama anusaar baap milte hi tab hain jab svayan aate hain। baaki aur jo bhi purushaartha karte hain sab vyartha hai kyonki eeshvar ko sarvavyaapi maante hain, eeshvar ka raasta galat bataate hain। agar kahen ki eeshvar aur unki rachna ke aadi, madhya, ant ko ham nahin jaante hain to yeh bolna sach hai। aage rishi-muni aadi sach bolte the, us samay rajoguni the। us samay jhoothi duniya nahin kahenge। jhoothi duniya narka, kaliyug ant ko kehte hain। sangam par kahenge - yeh narka hai, woh svarga hai। aise nahin dvaapar ko narka kahenge। us samay phir bhi rajopradhaan buddhi hai। abhi hai tamopradhaan। to hell aur heaven sangam par likhenge। aaj hell hai, kal heaven hoga। yeh bhi baap aakar samjhaate hain, duniya nahin jaanti ki is samay kaliyug ka ant hai। sab apna-apna hisaab-kitaab chuktu kar ant mein satopradhaan bante hain phir sato, rajo, tamo mein aana hi hai। jinka ek-do janma ka part hai, woh bhi sato, rajo, tamo mein aate hain। unhon ka part hi thoda hai। ismen badi samajh chaahiye। duniya mein to anek mat vaale manushya hain। sabki ek mat to nahin hoti। harek ka apna-apna dharma hai। mat apni-apni hai। baap ka occupation alag hai। harek aatma ka alag hai। dharma bhi alag hai। to unke liye samjhaani bhi alag chaahiye। naam, roop, desh, kaal sabka alag hai। dekhne mein aata hai yeh phalaane ka dharma hai। hindu dharma mein to sab kehte hain parantu unmein bhi sab bhinna-bhinna hain। koi aarya samaaji, koi sannyaasi, koi brahm samaaji। sannyaasi aadi jo bhi hain sabko hindu dharma mein maante hain। ham likhen ki ham brahman dharma ke hain athva devta dharma ke hain to bhi ve hindu mein laga dete hain kyonki aur koi section to unhon ke paas hai hi nahin। to harek ka form alag-alag hone se maaloom pad jaayega। aur koi dharma vaala hoga to in baaton ko maanega nahin। phir unko ikattha samjhaana mushkil hai। ve to samjhenge ki yeh to apne dharma ki mahima karte hain। inmen dvait hai। samjhaane vaale bachche bhi nambarvaar hain। sab ek samaan to hain nahin isliye mahaarthiyon ko bulaate hain।

baba ne samjhaaya hai - mujhe yaad karo, meri shreemat par chalo। ismen prerna aadi ki koi baat nahin। agar prerna se kaam ho to phir baap ke aane ki darkaar hi nahin। shivbaaba to yahaan hai। to unko prerna ki kya darkaar hai। yeh to baap ki mat par chalna hota hai। prarena ki baat nahin। koi-koi sandeshiyaan sandesh le aati hain, usmein bhi bahut mix ho jaata hai। sandeshi to sab ek jaisi hain nahin। maaya ka bahut interfere hota hai। doosri sandeshi se verify karaana hota hai। kai to kah dete hain hamaare mein baba aate hain, mama aati hai phir apna alag centre khol baithte hain। maaya ki praveshta ho jaati hai। yeh badi samajhne ki baat hai। bachchon ko bahut sensible banna chaahiye। jo serviceable bachche hain, vahi in baaton ko samajh sakte hain। jo shreemat par nahin chalte, woh in baaton ko nahin samjhenge। shreemat ke liye gaayan hai ki aap jo khilaayenge, jo pahnaayenge, jahaan bithaayenge, woh karenge। aise koi to baap ki mat par chalte hain, koi phir doosron ki mat ke prabhaav mein aa jaate hain। koi vastu nahin mili, koi baat pasanda nahin aai to jhat bigad padte hain। sab thode hi ek jaise sapoot bachche ho sakte hain। duniya mein to dher ki dher mat vaale hain। ajaamil jaisi paap aatmaaen, ganikaayen bahut hain।

yeh bhi samjhaana padta hai ki eeshvar sarvavyaapi kehna wrong hai। sarvavyaapi to paanch vikaar hain isliye baap kehte hain yeh aasuri duniya hai। satayug mein paanch vikaar hote nahin। kehte hain shaastron mein yeh baat aise hai। parantu shaastra to sab manushyon ne banaae hain। to manushya oonch hue ya shaastra? zaroor sunaane vaale oonch thahre na। likhne vaale to hain manushya। vyaas ne likha woh bhi manushya tha na। yeh to niraakaar baap baith samjhaate hain। dharma sthaapkon ne jo aakar ke sunaaya uska phir baad mein shaastra banta hai। jaise gurunaanak ne sunaaya, baad mein granth banta hai। to jisne sunaaya uska naam ho gaya। gurunaanak ne bhi unki mahima gaai hai - sabka baap woh ek hai। baap kehte hain jaakar dharma sthaapan karo। yeh behad ka baap kehte hain mujhe to koi bhejne vaala nahin। shivbaaba khud baith samjhaate hain woh hain message le aane vaale, mujhe koi bhejne vaala nahin। mujhe messenger va paigambar nahin kahenge। main to aata hoon bachchon ko sukh-shanti dene। mujhe koi ne kaha nahin, main to khud maalik hoon। maalik ko bhi maanne vaale hote hain, parantu unse poochhna chaahiye ki tumne maalik ka arth samjha hai। woh maalik hai, ham unke bachche hain to zaroor varsa milna chaahiye। bachche kehte hain - hamaara baba। to baap ke dhan ke tum maalik ho। “mera baba'' bachche hi kahenge। mera baba to phir baba ka dhan bhi mera। abhi ham kya kehte hain? hamaara shivbaaba। baap bhi kahenge yeh hamaare bachche hain। baap se bachchon ko varsa milta hai। baap ke paas property hoti hai। behad ka baap hai hi svarga ka rachayita। bhaaratvaasiyon ko bhi property kisse milti hai? shivbaaba se। shiv jayanti bhi manaate hain। shiv jayanti ke baad phir hogi shreekrishna jayanti, phir shreeraam jayanti। bas, mama-baba ki jayanti va jagdamba ki jayanti to koi gaate nahin। shivjayanti phir raadhe-krishna ki jayanti phir raam-seeta jayanti।

jab shivbaaba aaye tab shoodra raajya vinaash ho। yeh raaz bhi koi samajhte nahin। baap baith samjhaate hain। woh aate hain zaroor। baap ko kyon bulaate hain? shreekrishnapuri sthaapan karne। tum jaante ho shivjayanti barobar hoti hai। shivbaaba knowledge de rahe hain। aadi sanaatan devi-devta dharma ki sthaapna ho rahi hai। shivjayanti hai bade te badi jayanti। phir hai brahma, vishnu, shankar। ab prajaapita brahma to manushya srishti mein hai। phir rachna mein mukhya hai lakshmi-naaraayan। to shiv hai maat-pita, phir maat-pita brahma aur jagat amba bhi aa jaate hain। yeh samajhne aur dhaaran karne ki baaten hain। pahle-pahle samjhaana hai - baap parampita paramatma aate hain patiton ko paavan karne। woh naam-roop se nyaara ho to unki jayanti kaise ho sakti। god ko father kaha jaata। father ko to sab maante hain। niraakaar hai hi aatma aur paramatma। aatmaon ko saakaar shareer milta hai, yeh badi samajhne ki baaten hain। jo kuchh bhi shaastra aadi nahin padha hua ho to uske liye aur hi sahaj hai। aatmaon ka baap woh parampita paramatma svarga ki sthaapna karne vaala hai। svarga mein hoti hai raajaai, to zaroor unko sangam par aana pade। satayug mein to aa na sake। woh praalabdha, 21 janmon ka varsa sangam par hi milta hai। yeh sangamayug hai braahmanon ka। brahman hain choti, phir hai devtaaon ka yug। harek yug 1250 varsha ka hai। abhi 3 dharma sthaapan hote hain - brahman, devta, kshatriy kyonki phir aadha kalpa koi dharma nahin hota। sooryavanshi, chandravanshi poojya the phir pujaari ban jaate hain। woh brahman to kisma-kisma ke hote hain।

abhi tum achhe karma kar rahe ho jo phir satayug mein praalabdha paaoge। baap achhe karma sikhlaate hain। tum jaante ho ham shreemat par jaise karma karenge, auron ko aap samaan banaayenge to uski praalabdha milegi। abhi saari raajdhaani sthaapan hoti hai। aadi sanaatan devi-devta dharma ki raajdhaani hoti hai। yeh hai praja ka praja par raajya। panchaayti raajya hai, anek panch hain। nahin to 5 panch hote hain। yahaan to sab panch hi panch hain। so bhi aaj hain, kal nahin। aaj minister hain, kal unko utaar dete hain। agreement kar phir cancel kar dete hain। yeh hai alpakaal ka kshan bhangur raajya। kisko bhi utaarne mein deri nahin karte hain। kitni badi duniya hai। akhbaaron se kuchh na kuchh pata padta hai। itne sab akhbaar to koi padh nahin sakta। hamko is duniya ke samaachaar ki darkaar hi nahin। yeh to jaante hain deh sahit sab kuchh is duniya ka khatma ho jaane vaala hai। baba kehte hain sirf mujhe yaad karo to tum mere paas aa jaayenge। marne ke baad saara saakshaatkaar hoga। shareer chhodkar phir aatma bhatakti bhi hai। us samay bhi hisaab-kitaab bhog sakte hain। saakshaatkaar sab hota hai। andar hi saakshaatkaar karte hain, bhogna bhogte hain, bahut pachhtaate hain ki hamne naahek aisa kiya। pashchaataap hota hai na। koi jel bird hote hain, woh kehte hain jel mein khaana to milega। matlab khaana khaane se kaam hai, ijjat ki parvaah nahin karte। tumko to koi takleeph nahin। baap hai to baap ki shreemat par chalna hai। aise bhi nahin, kisko duhkh denge। woh to hai hi sukhdaata। aagyaakaari bachche to kahenge baba jo aap direction denge। tumheen se baithoon… yeh shivbaaba ke liye gaaya hua hai। bhaageerath athva nandeegan bhi mashhoor hai। likha hua hai na maataaon ke sir par kalash rakha। to woh phir gau dikhaate hain। kya-kya baaten bana di hain।

is duniya mein koi ever healthy ho nahin sakta। anek prakaar ke rog hain। vahaan koi rog nahin hai। na kabhi akaale mrityu hoti hai। samay par saakshaatkaar hota hai। budhon ko to khushi hoti hai। budhe jab hote hain to khushi se shareer chhodte hain। saakshaatkaar hota hai ki ham jaakar bachcha banoonga। abhi tum javaanon ko bhi itni khushi hai ki ham shareer chhod jaakar prince banenge। bachche ho va javaan ho, marna to sabko hai na। to sabko yeh nasha rehna chaahiye ki ham jaakar prince banenge। zaroor jab service karo tab to bano। khushi honi chaahiye - abhi ham puraana shareer chhod baba ke paas jaayenge, baba phir hamko svarga mein bhej denge। service karni chaahiye। bachchon ne geet suna। bansi vaala shreekrishna to hai nahin। murli to bahuton ke paas hoti hai। bahut achhi-achhi bajaate hain। ismen murli ki baat nahin। tum to kehte ho shreemat ek baap hi dete hain। jab tak koi bachcha nahin banta tab tak yeh baaten samajh bhi nahin sakta aur ismen phir shreemat par chalne ki baat hai। apni mat par chalne se thode hi oonch pad pa sakenge। baap ko jo jaante hain woh baap ka parichay auron ko bhi denge। baap aur rachna ka parichay dena hai। kisko baap ka parichay nahin dete to goya khud jaante nahin। apne ko nasha chadha hua hai to auron ko bhi chadhaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par sada shreshtha karma karne hain। doosron ki mat ke prabhaav mein nahin aana hai। sapoot ban har aagya ka paalan karna hai। jo baat samajh mein nahin aati hai, use verify zaroor karaana hai।

2) sada isi nashe va khushi mein rehna hai ki ham yeh puraana shareer chhod prince banenge। nashe mein rah eeshvareey seva karni hai।

vardaan:- nindak ko bhi apna mitra samajh sammaan dene vaale brahma baap samaan master rachayita bhav

jaise brahma baap ne svayan ko vishwa sevaadhaari samajh har ek ko sammaan diya, sada maalekam salaam kiya। aise kabhi nahin socha ki koi sammaan deve to main doon। nindak ko bhi apna mitra samajhkar sammaan diya, aise follow father karo। sirf sammaan dene vaale ko apna nahin samjho lekin gaali dene vaale ko bhi apna samajh sammaan do kyonki saari duniya hi aapka parivaar hai। sarva aatmaon ke tana aap brahman ho isliye svayan ko master rachayita samajh sabko sammaan do tab devta banenge।

slogan:- maaya ko sada ke liye vidaai dene vaale hi baap ki badhaaeeyon ke paatra bante hain।