शनिवार 11 नवंबर 2023 की दैनिक मुरली

11-11-2023 praatahmurli om shanti "baapdaada"' madhuban

“meethe bachche - jitna tum baap ko yaad karenge utna tumhaari buddhi ka taala khulega, jinhen ghadi-ghadi baap ki yaad bhool jaati hai, woh hain unlucky bachche''

prashn:- khaata jama karne ka aadhaar kya hai? sabse badi kamaai kismen hai?

uttar:- khaata jama hota hai daan karne se। jitna tum doosron ko baap ka parichay denge utna aamadni vriddhi ko paati jaayegi। murli se tumhaari bahut badi kamaai hoti hai। yeh murli saanvare se gora banaane vaali hai। murli mein hi khudaai jaadu hai। murli se hi tum maalaamaal bante ho।

geet:- humein un raahon par chalna hai…

om shanti। roohaani baap samjha rahe hain bachchon ko ki bachche girna aur sambhalna hai। ghadi-ghadi baap ko bhoolte ho arthaat girte ho। yaad karte ho to sambhalte ho। maaya baap ki yaad bhulva deti hai kyonki nai baat hai na। aise to koi baap ko kabhi bhoolte nahin। stri kabhi apne pati ko bhoolti nahin। sagaai hui aur buddhiyog latka। bhoolne ki baat nahin hoti। pati, pati hai। baap, baap hai। ab yeh to hai niraakaar baap, jisko saajan bhi kehte hain। sajni kaha jaata hai bhakton ko। is samay sab hain bhakta। bhagwan ek hai। bhakton ko sajniyaan, bhagwan ko saajan ya bhakton ko baalak, bhagwan ko baap kaha jaata hai। ab patiyon ka pati va pitaaon ka pita woh ek hai। har ek aatma ka baap paramatma to hai hi। woh laukik baap har ek ka alag-alag hai। yeh paarlaukik parampita sabhi aatmaon ka baap ek hi god father hai, unka naam hai shivbaaba। sirf god father, mount aabu likhne se bataao chitthi pahunchegi? naam to likhna pade na। yeh to behad ka baap hai। unka naam hai shiv। shivkaashi kehte hain na। vahaan shiv ka mandir hai। zaroor vahaan bhi gaye honge। dikhaate hain na raam yahaan gaya, vahaan gaya, gaandhi yahaan gaya....... to barobar shivbaaba ka bhi chitra hai। parantu woh to hai niraakaar। unko father kaha jaata hai, aur kisko sabka father kah nahin sakte। brahma, vishnu, shankar ka bhi woh father hai। unka naam hai shiv। kaashi mein bhi mandir hain, ujjain mein bhi shiv ka mandir hai। itne mandir kyon bane hain, koi bhi nahin jaante। jaise lakshmi-naaraayan ki pooja karte hain, kehte hain yeh svarga ke maalik the parantu svarga kab tha, yeh maalik kaise bane, yeh koi nahin jaante। pujaari jiski pooja kare unke hi occupation ko na jaane to isko andhashradha kaha jaayega na। yahaan bhi baba kehte hain parantu poora parichay nahin hai। maat-pita ko jaante nahin। lakshmi-naaraayan ke pujaari pooja karte hain, shiv ke mandir mein jaakar mahima karte hain, gaate hain tum maat-pita....... parantu woh kaise maat-pita hai, kab bane the - kuchh bhi nahin jaante। bhaaratvaasi hi bilkul nahin jaante। Christian, bauddhi aadi apne Christ ko, buddha ko yaad karte hain। jhat unki biography ko bataayenge - Christ phalaane samay par Christian dharma ki sthaapna karne aaya tha। bhaaratvaasi kisko bhi poojte hain, unko pata nahin hai ki yeh kaun hain? na shiv ko, na brahma-vishnu-shankar ko, na jagat amba, jagatpita ko, na lakshmi-naaraayan ko jaante, sirf pooja karte rehte hain। unhon ki biography kya hai, kuchh bhi nahin jaante। baap aatmaon ko baith samjhaate hain - tum jab svarga mein the to tumhaari aatma aur shareer donon pavitra the, tum raajya karte the। tum jaante ho barobar ham raajya karte the, hamne punarjanma liye, 84 janma bhogte-bhogte baadshaahi ganva di। gore se kaale ban gaye hain। sundar the, ab shyaam ban gaye hain। aajkal naaraayan ko bhi saanvara dikhaate hain to siddha hota hai vahi shreekrishna, shreenaaraayan tha। parantu in baaton ko bilkul samajhte nahin।

yaadav hain moosal invent karne vaale aur kaurav-paandav bhaai-bhaai the। woh aasuri bhaai aur yeh daivi bhaai the। yeh bhi aasuri the, inhon ko baap ne oonch banaakar daivi bhaai banaaya hai। donon bhaaiyon ka kya hua? barobar paandavon ki jeet hui, kaurav vinaash ho gaye। yahaan baithe hue bhi bhal mama-baba kehte hain parantu jaante nahin hain। baap ki shreemat par nahin chalte hain। jaante nahin hain ki baba hamko raajayog sikhla rahe hain। nishchay nahin rehta। deh-abhimaani hone kaaran, deh ke mitra-sambandhiyon aadi ko yaad karte hain। yahaan to dehi baap ko yaad karna hai। yeh nai baat ho gai। manushya koi samjha na sake। yahaan maat-pita ke paas baithe hue bhi unko jaante nahin। yeh wonder hai na। janma hi yahaan hua। phir bhi jaante nahin kyonki niraakaar hai। unko achhi reeti samajh nahin sakte। uski mat par nahin chalte to phir aashcharyavat bhaaganti ho jaate hain। jisse svarga ka 21 janmon ka varsa milta hai, unko nahin jaanne se bhaag jaate hain। jo baap ko jaante hain unko bakhtaavar kaha jaata hai। duhkh se liberate karne vaala to ek hi baap hai। duniya mein duhkh to bahut hai na। yeh hai hi bhrashtaachaari raajya। drama anusaar phir bhi 5 hajaar varsha baad aisi hi bhrashtaachaari srishti hogi, phir baap aakar satayugi shreshthaachaari svaraajya sthaapan karenge। tum manushya se devta banne aaye ho। yeh hai manushyon ki duniya। devtaaon ki duniya satayug mein hoti hai। yahaan hain patit manushya, paavan devtaayen satayug mein hote hain। yeh tumko hi samjhaaya jaata hai jo tum brahman bane ho। jo brahman bante jaayenge unko samjhaate jaayenge। sab to brahman nahin banenge। jo brahman bante hain vahi phir devta banenge। brahman na bana to devta ban na sake। baba-mama kaha to brahman kul mein aaya। phir hai saara padhaai ke purushaartha par madaar। yeh kingdom sthaapan ho rahi hai aur ibraaham, buddha aadi koi kingdom sthaapan nahin karte hain। Christ akela aaya। kisi mein pravesh kar Christian dharma sthaapan kiya phir jo Christian dharma ki aatmaayen oopar mein hain, woh aati rehti hain। abhi sab christians ki aatmaayen yahaan hain। abhi ant mein sabko vaapis jaana hai। baap sabhi ka guide ban sabko duhkh se liberate karte hain। baap hi hai saari humanity ka liberator aur guide। sab aatmaon ko vaapas le jaayenge। aatma patit hone kaaran vaapis ja nahin sakti hai। niraakaari duniya to paavan hai na। abhi yeh saakaari srishti patit hai। ab in sabko paavan kaun banaaye, jo niraakaari duniya mein ja saken? isliye bulaate hain O god father aao। god father aakar batlaate hain ki main ek hi baar aata hoon, jab saari duniya bhrashtaachaari ban jaati hai। kitni goliyaan, baarud aadi banaate rehte hain - ek-do ko maarne ke liye। ek to bombs bana rahe hain doosre phir natural calamities, floods, arth quake aadi hongi, bijli chamkegi, beemaar pad jaayenge kyonki khaad to banni hai na। ganda ki hi khaad banti hai na। to is saari srishti ko khaad chaahiye jo phir first class utpatti ho। satayug mein sirf bhaarat hi tha। ab itne sabka vinaash hona hai। baap kehte hain main aakar daivi raajdhaani sthaapan karta hoon aur sab khatma ho jaayenge, baaki tum svarga mein jaayenge। svarga ko to sab yaad karte hain na। parantu svarga kaha kisko jaata hai - yeh koi ko pata nahin। koi bhi marega kahenge svargavaasi hua। are, kaliyug mein jo marenge to zaroor punarjanma kaliyug mein hi lenge na। itna bhi akla koi mein nahin hai। doctor aaph philosophy aadi naam rakhaate hain, samajhte kuchh nahin। manushya mandir mein rahne vaale the। woh hai ksheer saagar, yeh hai vishay saagar। yeh sab baaten baap hi samjhaate hain। padhaayenge to manushyon ko, jaanvar ko to nahin padhaayenge।

baap samjhaate hain yeh drama bana hua hai। jaisa saahookaar manushya vaisa furniture hoga। gareeb ke paas thikkar-thobar hoga, saahookaar ke paas to itne vaibhav honge। tum satayug mein saahookaar bante ho to tumhaare heere-javaahron ke mahal hote hain। vahaan par koi gandagi aadi nahin hoti, baans nahin hoti। yahaan to baans hoti hai isliye agarbatti aadi jagaai jaati hai। vahaan to phoolon aadi mein natural khushbu rehti hai। agarbatti jalaane ki darkaar nahin padti, unko heaven kaha jaata hai। baap heaven ka maalik banaane ke liye padhaate hain। dekho, kaise saadhaaran hai। aise baap ko yaad karna bhi bhool jaate hain! nishchay poora nahin to bhool jaate hain। jisse svarga ka varsa milta hai, aise maat-pita ko bhool jaana kaisi badkismati hai। baap aakar oonch te oonch banaate hain। aise maat-pita ki mat par na chale to 100 percent most unlucky kahenge। nambarvaar to honge na। kahaan padhaai se vishwa ka maalik banna, kahaan naukar chaakar banna! tum samajh sakte ho ham kahaan tak padhte hain। vahaan sirf dharma pitaayen aate hain dharma sthaapan karne, yahaan maat-pita hai kyonki pravritti maarga hai na। pavitra pravritti maarga tha। abhi hai apvitra pravritti maarga। lakshmi-naaraayan pavitra the to unhon ki santaan bhi pavitra thi। tum jaante ho ham kya banenge? maat-pita kitna oonch banaate hain to follow karna chaahiye na! bhaarat ko hi mother father country kaha jaata hai। satayug mein sab pavitra the, yahaan patit hain। kitna achhi reeti samjhaaya jaata hai parantu baap ko yaad nahin karte to buddhi ka taala banda ho jaata hai। sunte-sunte padhaai chhod dete hain to taala ekdam band ho jaata hai। school mein bhi nambarvaar hain। pattharbuddhi aur paarasbuddhi kaha jaata hai। pattharbuddhi kuchh bhi samajhte nahin, saare din mein 5 minute bhi baap ko yaad nahin karte। 5 minute yaad karenge to itna hi taala khulega। jaasti yaad karenge to achhi reeti taala khul jaayega। saara madaar yaad par hai। koi-koi bachche baba ko patra likhte hain - priy baba va priy daada। ab sirf priy daada post mein chitthi daalo to milegi? naam to chaahiye na! daada-daadiyaan to duniya mein bahut hain। achha!

aaj deepaavli hai। deepaavli par naya khaata rakhte hain। tum sachche sachche brahman ho। woh brahman log vyaapaariyon se naya khaata rakhaate hain। tumko bhi apna naya khaata rakhna hai। parantu yeh hai nai duniya ke liye। bhakti maarga ka khaata hai behad ghaate ka। tum behad ka varsa paate ho, behad ki sukh-shanti paate ho। yeh behad ki baaten behad ka baap baith samjhaate hain aur behad ka sukh paane vaale bachche hi yeh sab samajh sakte hain। baap ke paas koton mein koi hi aate hain। chalte-chalte kamaai mein ghaata padta hai to jo jama kiya hai woh bhi na ho jaati hai। tumhaara khaata vriddhi ko tab paata hai jab koi ko daan dete ho। daan nahin dete ho to aamadni ki vriddhi nahin hoti hai। tum purushaartha karte ho aamadni ki vriddhi ho। woh tab hogi jab kisko daan karenge, phaayda praapta karaayenge। koi ko baap ka parichay diya, goya jama hua। parichay nahin dete ho to jama bhi nahin hota hai। tumhaari kamaai bahut-bahut badi hai। murli se tumhaari sachchi kamaai hoti hai, sirf yeh maaloom pad jaae ki murli kiski hai? yeh bhi tum bachche jaante ho jo saanvare ban gaye hain unhon ko hi gora banne ke liye murli sunni hai। murli teri mein hai jaadu। khudaai jaadu kehte hain na। to is murli mein khudaai jaadu hai। yeh gyaan bhi tumko abhi hai। devtaaon mein yeh gyaan nahin tha। jab unmein hi gyaan nahin tha to pichhaadi vaalon mein gyaan kaise ho sakta? shaastra aadi bhi jo baad mein bante hain woh sab khatma ho jaayenge। tumhaari yeh sachchi geetaayen to bahut thodi hain। duniya mein to woh geetaayen laakhon ki andaaj mein hongi। vaastav mein yeh chitra hi sachchi geeta hain। us geeta se itna nahin samajh sakenge jitna in chitron se samajh sakenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) achhi reeti padhaai padhkar svayan ko bakhtaavar (takdeervaan) banaana hai। devta banne ke liye pakka brahman banna hai।

2) dehi baap ko yaad karne ke liye dehi-abhimaani banna hai। deh ko bhi bhoolne ka abhyaas karna hai।

vardaan:- sada apne ko saarthi aur saakshi samajh deh-bhaan se nyaare rahne vaale yogayukta bhav

yogayukta rahne ki saral vidhi hai - sada apne ko saarthi aur saakshi samajhkar chalna। is rath ko chalaane vaali ham aatma saarthi hain, yeh smriti svatah is rath athva deh se va kisi bhi prakaar ke deh-bhaan se nyaara bana deti hai। deh-bhaan nahin to sahaj yogayukta ban jaate aur har karma bhi yuktiyukta hota hai। svayan ko saarthi samajhne se sarva karmendriyaan apne control mein rehti hain। woh kisi bhi karmendriy ke vash nahin ho sakte।

slogan:- vijayi aatma banna hai to attention aur abhyaas - ise nizi sanskaar bana lo।