शनिवार 16 दिसंबर 2023 की दैनिक मुरली

16-12-2023 praatahmurli om shanti "baapdaada"' madhuban

“meethe bachche - avinaashi surgeon se kuchh bhi chhipaana nahin hai, avagya ho to kshama leni hai, nahin to bojh chadhta jaayega, nindak ban padenge''

prashn:- sachchi kamaai ka aadhaar kya hai? unnati mein vighna kyon padte hain?

uttar:- sachchi kamaai ka aadhaar padhaai hai। agar padhaai theek nahin to sachchi kamaai kar nahin sakte। unnati mein vighna tab hi padta jab sang theek nahin। kaha bhi jaata hai sang taare kusang bore। sang kharaab hoga to padhenge nahin, naapaas ho jaayenge। sang hi ek-do ko rasaatal mein pahuncha deta hai, isliye sangadosh se tum bachchon ko bahut hi sambhaal karni hai।

geet:- tu pyaar ka saagar hai…

om shanti। behad ke baap ki mahima bachche karte hain। yeh hai bhakti maarga ki mahima। tum sapoot bachche abhi sammukh mein baap ki mahima karte ho। samajhte ho behad ka baap aakar hamko gyaan de svarga ka maalik bana rahe hain kyonki gyaan ka saagar vahi hai। god mein knowledge hai। usko kehte hain godly knowledge। parampita paramatma knowledge dene vaala hai। kisko? bachchon ko। jaise tumhaari mama par goddess aaph knowledge naam rakha hua hai। to jab woh jagat amba goddess aaph knowledge hai to unke bachchon mein bhi vahi knowledge hogi। goddess aaph knowledge sarasvati ko god knowledge dete hain। parantu kis dvaara dete hain? yeh badi hi samajhne ki baaten hain। duniya nahin jaanti hai ki jagat amba kaun hai? yeh to bachche jaante hain jagat amba to ek hi hogi। naam bahut de diye hain। manushya to yeh jaante nahin ki yeh prajaapita brahma ki mukh vanshaavli sarasvati hai। unko knowledge dene vaala god father hai। srishti chakra kaise phirta hai - yeh knowledge god father dete hain। baap ne knowledge di bachchon ko। sarasvati ko kaise mili? zaroor prajaapita brahma ki mukh vanshaavli hai to parampita paramatma jo gyaan ka saagar hai, usne is mukh dvaara sarasvati ko gyaan diya hoga। vahi gyaan phir auron ko bhi diya hoga। god father padhaate hain to zaroor god father ke bachche master god hue na isliye naam rakha hua hai goddess aaph knowledge। bachche yeh jaante hain ki ham aur hamaari mama knowledge le rahi hai gyaan saagar ke dvaara, jisko hi geeta ka bhagwan kaha jaata hai। bhagwan to ek hai। koi devta ya manushya bhagwan nahin ho sakta। ab goddess aaph knowledge hai to kaun-si knowledge hogi? raajayog ki। is sahaj raajayog ki knowledge se goddess aaph knowledge sarasvati hi phir goddess aaph lakshmi banti hai। goddess aaph knowledge ki mahima hai to zaroor bachchon ki bhi hai। prajaapita ki sab santaan thahre। mama ki santaan nahin kahenge। prajaapita brahma ke mukh kamal ki yeh hain santaan। tum sab eeshvareey santaan nishchay karte ho। eeshvar baap kehte hain main bachchon ke hi sammukh hota hoon। vo hi mujhe jaante hain। to jagat amba hai goddess aaph knowledge। yeh sahaj raajayog ki knowledge hai, na ki shaastron ki। god ne inko knowledge di aur yeh goddess kahlaai। jagat amba to maata thahri। phir doosre janma mein goddess aaph wealth, lakshmi banti hai, jisse manushya bheekh maangate hain। to siddha hua baap dvaara jagat amba ko raajayog ka varsa milta hai। unko goddess aaph knowledge kaha jaata hai। knowledge source aaph income hai। yeh hai sachchi kamaai jo sachche baap dvaara hoti hai। tum ab nambarvaar purooshaartha anusaar sachchi kamaai kar rahe ho। agar padhaai nahin karte to unki sachchi kamaai nahin hoti। sang theek nahin hoga to padh nahin sakenge, unnati nahin hogi। sang taare kusang bore (duboye) sang kharaab hoga, padhenge nahin, to naapaas ho pichhaadi mein baithe rahenge। teacher jaanta hai inka kya kaaran hai। baap nahin jaanta hai। haan, itna baap zaroor samjhega ki padhaai kam ki hai, zaroor kharaab sang hai jiske kaaran naapaas ho padte hain। samjho aapas mein pyaar hai, donon nahin padhte hain to ek-do ko rasaatal mein pahuncha denge। baap samajhte hain ki yeh padhte nahin, inko alag karna chaahiye। padhaai bigar manushya ko kaha jaata hai besmajh। padhte hain to kahenge samajhdaar। bhagwan ki mat par nahin chalte to kaha jaayega yeh sautela bachcha hai। parantu woh arth ko nahin jaante hain। tum jaante ho - koi nahin padhte hain to phir patit ke patit hi rah jaayenge, naapaas ho bhaaganti ho jaayenge। baap kehte hain - aho raavan, tum hamaare bachchon ko bhi hap kar jaate ho। kitna shaktishaali ho। bachche shaitaan ki mat par chal padte hain। shreemat par nahin chalte hain। apne saath pran karna chaahiye - kadam-kadam ham baba ki mat par chalenge। jo shreemat par nahin chalte unko aasuri mat vaala kahenge। baba samajh jaate hain yeh itna oonch pad pa nahin sakega, kisko samjha nahin sakega to kahenge raavan ke vash hai। yog nahin hai jo buddhi shuddh ho jaae। buddhi ka yog bhi chaahiye। eeshvareey bachchon ki chalan badi royal honi chaahiye। jamte jaam (janma lete hi hoshiyaar raaja) to koi ho nahin sakta। is kaaran baba kehte hain 5 vikaar roopi raavan par jeet paani hai, shreemat par। jo shreemat par nahin chalte to baba kah dete yeh aasuri mat par hain। phir usmein koi 5 percent shreemat par chalte, koi 10 percent chalte। woh bhi hisaab hai।

to jagat amba ek hi hai। jagat amba hai brahma mukh vanshaavli sarasvati, yeh unka poora naam hai। sarasvati ko hi sitaar dete hain। yeh hai goddess aaph knowledge, zaroor unki santaan bhi honge। unko bhi tamboora hona chaahiye। dekho, jhaad mein yeh sarasvati baithi hai, raajayog seekh rahi hai phir yeh jaakar lakshmi banti hai, goddess aaph wealth। ismen health, wealth, happiness sab aa jaati hai। yeh to sivaae parampita paramatma ke koi de na sake। heavenly god father woh hai। ab dekho, mama service kar rahi hai। samjho, kahaan mama ko nimantran den to pahle mama ke occupation ko jaanen। pahle knowledge chaahiye - yeh kaun hai? duniya to nahin jaanti। kehte hain shreekrishna ko gaali mili। parantu yeh to ho nahin sakta, impossible hai। sabse jaasti gaali khaane vaala hai shivbaaba, second number mein gaali khaane vaala hai brahma। shreekrishna aur brahma। parantu shreekrishna ko gaali de na saken। manushyon ko yeh pata nahin ki sarasvati goddess aaph knowledge bhavishya mein raadhe banti hai। svayanvar baad lakshmi banti hai, goddess aaph wealth। unmein health, wealth, happy sab aa jaata hai। tumko samjhaane ka bada nasha chaahiye। mama kaun hai - yeh samjhaana pade na। yeh hai sarasvati, brahma ki beti mukh vanshaavli। bhaaratvaasi kuchh bhi jaante nahin। knowledge hai nahin। andhashraddha bahut hai। blind faith mein bhaaratvaasi bahut hain। pooja kiski karte hain, yeh bhi nahin jaante। Christian apne Christ ko jaante hain। sikkha log jaante hain ki guroonaanak ne sikkha dharma sthaapan kiya। apne dharma sthaapak ko jaante hain। sirf bhaaratvaasi hindu nahin jaante। andhashraddha se pooja karte rehte hain, occupation ka kuchh bhi pata nahin hai। kalpa ki aayu badi karne se kuchh bhi samajhte nahin। islaami, bauddhi aadi baad mein aaye hain। unhon ke aage zaroor yeh devtaayen honge। unhon ka bhi itna samay hoga। itne aur sab dharmon ko aadhaakalpa lagta hai to is ek dharma ko bhi aadhaakalpa dena pade। laakhon varsha to kah nahin sakte। tum jagat amba ke mandir mein jaakar samjhaayenge - is goddess aaph knowledge ko yeh knowledge kisne di? aise to nahin kahenge shreekrishna ne jagat amba ko knowledge di। parantu yeh bhi samjha woh sakenge jinki practice achhi hai। koi-koi ko to deh-abhimaan bahut hai। koi na koi mitra sambandhi aadi yaad padte rehte hain। baap kehte hain auron ko yaad karenge to meri yaad bhool jaayenge। tum gaate bhi ho aur sang tod ek sang jodenge। woh to ab yahaan baithe hain। baba ham aapke hain, aapki mat par chalenge। aisa koi karma nahin karenge jismen naam badnaam ho। bahut bachche aise-aise kaam karte hain, jisse naam badnaam hota hai। jab tak koi samjhe tab tak gaali dete rehte hain। naam bhi to baala hua hai। aho, prabhu teri leela gaai hai na। parantu bachche samajh sakte hain, aur koi jaante nahin। baap kehte hain - bachche, main to nishkaam seva karta hoon। apkaariyon par bhi upkaar karta hoon। bhaarat ko hi sone ki chidiya banaata hoon। number one upkaar karne vaala hoon। parantu manushya mujhe sarvavyaapi kah bahut gaali dete hain। main to tum bachchon ko knowledge deta hoon। to is gyaan yagya mein aasuri sampradaay ke vighna bahut padte hain। baap to samjhaate hain jo bachche achhi tarah nahin samajhte hain unke kaaran hi kichda padta hai। glaani karaate hain। kai bachche to bahut achhi service karte hain, kai disservice bhi karte hain। ek taraph kai construction karte hain to ek taraph phir destruction bhi karte hain kyonki gyaan nahin hai। yeh sooryavanshi, chandravanshi raajdhaani sthaapan ho rahi hai। jo poori reeti nahin samajhte hain unko samjhaana hai। taras to padta hai na। baap ka bankar aur varsa nahin liya to woh kya kaam ka raha। baap mila hai to poora purooshaartha kar varsa lena chaahiye, shreemat par chalna chaahiye। aisa kartavya nahin karna hai jisse baap ki glaani ho। baap jaante hain kaam, krodh yeh mahaashatru hain। yeh naak-kaan se pakadte rehte hain। yeh to hoga। unse paar jaana hai। koi to naam-roop mein phans padte hain। sab bachche to ek jaise nahin hote। baap phir bhi saavdhaan karte hain - khabardaar rehna! aise akartavya kaarya kar agar ninda karaayenge to pad bhrashta ho padenge। roostam ke saath maaya bhi roostam ho ladti hai। baap ko yaad karte-karte maaya ka toofaan kahaan le jaata hai। bachche koi sach bataate nahin hai। raay bhi nahin lete hain। avinaashi surgeon se kuchh bhi chhipaana nahin hai। agar bataate nahin hain to aur hi gande ho jaate hain। aise nahin, baba jaani jaananhaar hai, sab samajhte hain। nahin, tum jo avagya karte ho woh aakar bataao - shivbaaba mere se yeh bhool hui hai, kshama chaahta hoon। kshama nahin lete to bhoolen hoti rahengi। goya apne sir par paap chadhaate rehte ho। baap to samjhaate hain kalpa-kalpaantar ke liye apne pad ko bhrashta na karo। agar abhi oonch pad nahin banaayenge to kalpa-kalpaantar aisa haal hoga। yeh knowledge hai। baba jaanta hai kalpa pahle muaaphik raajaai sthaapan ho rahi hai। baapdaada jaasti samajh sakte hain। yeh phir bhi murabbi bachcha hai। maataaon ki mahima badhaani hai, maataaon ko aage rakha jaata hai। gopon ko samjhaate hain unko aage le aao। gop bhi bahut service kar sakte hain। chitra lekar samjhaao - oonch te oonch yeh bhagwan hai। phir hai trimoorti - brahma-vishnu-shankar। unmein bhi oonch kaun hai, kiska naam hai? sab kahenge prajaapita brahma, jiske dvaara varsa milta hai। shankar va vishnu ko pita nahin kahenge। unse koi varsa nahin milta hai। prajaapita brahma inko kaha jaata hai, inse kya varsa milta hai? brahma hai shiv-baba ka bachcha। shivbaaba hai gyaan ka saagar, heaven sthaapan karne vaala। to zaroor heaven ke liye shiksha milti hai। yeh raajayog ke liye mat hai। brahma dvaara baap shreemat dete hain। yeh hai devta banne ke liye। brahmaakumaari so shri lakshmi goddess aaph wealth। woh brahman, woh devi-devta। niraakaari duniya mein sab aatmaayen hain। bachchon ko samjhaate to bahut hain, parantu samajhne vaale koi samjhen। manushya to blind faith se sannyaasi guru ke followers bante hain। unse kya milega, yeh bhi nahin jaante hain। teacher to phir bhi jaante hain ki padvi paayenge। baaki jiske followers bante hain unse kya praapti hai, kuchh bhi nahin jaante। yeh hai andhashraddha, followers to hai hi nahin। na woh banaate aur na tum unke jaisa bante ho। em object kya hai - kuchh bhi nahin jaante। achha!

meethe-meethe sikeeldhe bachchon prati maat-pita ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sang dosh se sada bache rehna hai। sachchi padhaai padhkar sachchi kamaai ka stock jama karna hai।

2) kadam-kadam par baba ki shreemat par chalenge - yeh apne saath pran karna hai।

vardaan:- sarva phariyaadon ke file ko samaapta kar fine banne vaale karmayogi bhav

jaise aatma aur shareer combined hai to jeevan hai, aise karma aur yog combined ho। 2-3 ghanta yog lagaane vaale yogi nahin, lekin yogi jeevan vaale। unka yog svatah aur sahaj hota hai, unka yog tootta hi nahin jo mehnat karni pade। unhein koi bhi phariyaad karne ki aavashyakta nahin। yaad mein rahne se sab kaarya svatah saphal ho jaate hain। fine banne vaale ke sab file khatma ho jaate hain, kyonki yogi jeevan sarva praaptiyon ki jeevan hai।

slogan:- har samay karaavanhaar baap yaad rahe to nirantar yogi ban jaayenge।