बुधवार 3 जनवरी 2024 की दैनिक मुरली

03-01-2024 praatahmurli om shanti "baapdaada"' madhuban

“ meethe bachche - baap ka bankar baap ka naam baala karo , naam baala hoga sampoorn pavitra banne se , tumhein sampoorn meetha bhi banna hai ''

prashn:- sangamayug par tum bachchon ko kaun-si ek phikra hai jo satayug mein nahin hogi?

uttar:- sangam par tumhein paavan banne ki hi phikra hai, baap ne tumhein aur sab baaton se bephikra bana diya। tum purooshaartha karte ho ki yeh puraana shareer khushi-khushi se chhoote। tum jaante ho puraana vastra utaar naya lenge। harek bachche ko apni dil se poochhna hai ki humein kitni khushi rehti hai, ham baap ko kitna yaad karte hain।

om shanti। meethe-meethe sikeeldhe bachchon ko roohaani baap samjhaate hain। padhaate bhi hain, samjhaate bhi hain। padhaate hain rachta aur rachna ke aadi, madhya, ant ka raaz aur samjhaate hain sarvagun sampanna bano, daiveegun dhaaran karo। yaad karte-karte tum satopradhaan ban jaayenge। tum jaante ho is samay yeh tamopradhaan srishti hai, satopradhaan srishti thi jo ab 5 hajaar varsha mein tamopradhaan bani hai। yeh hai puraani duniya। sabke liye kahenge na। yeh nai duniya mein the ya shantidham mein the। baap roohon ko hi baith samjhaate hain - he roohaani bachche, tumhein satopradhaan zaroor banna hai। baap se varsa zaroor lena hai। mujh apne baap ko yaad zaroor karna hai। laukik bachche bhi yaad karte hain। jitna bade hote jaate had ka varsa paane ke hakdaar hote jaate hain। tum ho behad ke baap ke bachche। baap se behad ka varsa lena hai। abhi bhakti aadi karne ki darkaar nahin hai। yeh to bachche samajh gaye hain-yeh university hai। sab manushya maatra ko padhna hai। behad ki buddhi dhaaran karni hai। abhi yeh puraani duniya change honi hai। jo ab tamopradhaan hain woh satopradhaan honge। bachche jaante hain is samay ham behad ke baap se behad sukh ka varsa pa rahe hain। ab humein ek roohaani baap ki hi mat par chalna hai। is roohaani yaad ki yaatra se hi tumhaari aatma satopradhaan hoti jaati hai phir satopradhaan duniya mein jaana hai। tumhaari samajh mein aata hai ki ham brahman hain। ham baap ke bane hain। padhaai padh rahe hain aur padhne ko hi gyaan kaha jaata hai। bhakti alag hai। tum braahmanon ko baap gyaan sunaate hain aur koi ko is gyaan ka pata nahin hai। woh yeh nahin jaante ki gyaan saagar baap jo teacher bhi hai, woh kaise padhaate hain। baba topics to bahut samjhaate rehte hain। number one baat hai baap ka bankar baap ka naam baala karna। sampoorn pavitra banna। sampoorn meetha bhi banna hai। yeh hai hi eeshvareey vidya। bhagwan baith padhaate hain। us oonche se oonche baap ko yaad karna hai। hai second ki baat। apne ko aatma samjho। tum jaante ho ham aatmaayen shantidham mein nivaas karti hain phir yahaan aati hain part bajaane। punarjanma mein aate hi rehte hain। nambarvaar 84 janmon ka part hamne ab poora kiya hai। is padhaai ko bhi samajhna hai, part ko bhi samajhna hai। drama ka raaz bhi buddhi mein hai। jaante ho yeh hamaara antim janma hai, ismen baap mila hai। jab 84 janma poore karte hain to puraani duniya badalti hai। tum is behad ke drama ko, 84 janmon ko aur is padhaai ko jaante ho। 84 janma lete-lete ab pichhaadi mein aakar thahre ho। abhi padh rahe ho phir nai duniya mein jaayenge। naye-naye aate rehte hain। kuchh na kuchh nishchay hota rehta hai। koi to is padhaai mein lag jaate hain। buddhi mein hai ham satopradhaan, pavitra ban rahe hain। ham pavitra bante-bante unnati ko paate rahenge।

baba ne samjhaaya hai tum jitna yaad karte ho tumhaari aatma pavitra banti jaati hai। bachchon ki buddhi mein saara drama baitha hua hai। yeh bhi jaante ho ki is duniya ka tum sab kuchh chhodkar aaye ho। jo in aankhon se dekhte hain woh dekhne ka hai nahin। yeh sab khatma ho jaane vaala hai। ab tumhaara antim janma hai aur koi bhi is behad ke drama ko nahin jaante hain। tum abhi saare chakra ko jaante ho, baap aaye hain ab tumhein tamopradhaan se satopradhaan banaane। jaise woh imtahaan 12 maas ke baad hota hai। tumhaari yaad ki yaatra bhi abhi poori nahin hui hai। bahut kuchh yaad rehta hai phir pakka hota jaayega to kuchh bhi yaad nahin aayega। ekdam aatma ashareeri aai, ashareeri jaana hai। tum saare srishti ke manushya maatra ke part ko jaante ho। bahut manushya badhte jaate hain। karodon ho gaye hain। satayug mein to ham bahut thode hain। punarjanma lete-lete aur dharmon ke math-panth, taal-taaliyaan badhte-badhte jhaad bahut bada ho gaya hai। aadi sanaatan devi-devta dharma hi praayah lop ho gaya hai। ham hi devi-devta dharma mein the, satopradhaan the। ab woh dharma hi tamopradhaan ho gaya hai, ab phir satopradhaan banna hai aur banne ke liye hi ham padh rahe hain। jitna padhenge, padhaayenge, utna bahuton ka kalyaan hoga। bahut pyaar se samjhaana hai। aeroplane se parche giraane hain। usmein bhi yahi samjhaana hai ki tum janma-janmaantar bhakti karte aaye ho। geeta padhna bhi bhakti hai। aise nahin geeta padhne se koi manushya se devta banenge। draamaanusaar jab baap aate hain tab hi aakar yukti bataate hain satopradhaan banne ki। phir satopradhaan pad mil jaata hai।

tum jaante ho is padhaai se ham yeh banne vaale hain। yeh hai eeshvareey paathshaala। bhagwan padhaakar tumko nar se naaraayan banaate hain। ham satopradhaan the to svarga tha। tamopradhaan bane to narka hai। phir chakra ko phirna hai। baap hi aakar manushya se devta, vishwa ka maalik banaane ka purooshaartha karaate hain। baap ko yaad karna hai aur daivi gun dhaaran karne hain। ladna-jhagadna nahin hai। devtaayen kabhi ladte-jhagadte nahin। tumko bhi vahi banna hai। tum hi aise sarvagun sampanna the phir banna hai shreemat par। apne se poochhna pade ki hamko kahaan tak khushi hai? kahaan tak nishchay hai? yeh to saara din yaad rehna chaahiye। parantu maaya aisi hai jo bhula deti hai। tum jaante ho baap ke saath ham vishwa ke khidmatgaar hain। aage tum had ki padhaai padhte the, ab behad ki padhaai, behad ke baap dvaara padhte ho। yeh puraana shareer hai jo apne samay par chhootne ka hai, aapehi na chhoote, ham khushi se is shareer ko chhoden। ham is chhi-chhi shareer ko chhod, puraani duniya ko bhi chhod khushi se jaate hain। koi bada din hota hai to khushi se naye kapde pahante hain na। yahaan tum jaante ho hamko nai duniya mein naya shareer milega। hamko ek hi phurna hai paavan banne ka aur sab phikraaton se ham faarig ho jaate hain। yeh sab khalaas ho jaana hai, phikra kaahe ka rakhen। aadha kalpa ham bhakti maarga mein, phikra mein rahe। phir aadha kalpa koi phikraat nahin rahegi। baaki thoda samay hai। paavan banne ka thoda phikra hai। phir ek bhi phikra nahin rahega। yeh sukh-duhkh ka khel hai। satayug mein hai sukh, kaliyug mein hai duhkh। baba ne samjhaaya hai tum poochh sakte ho satayug sukhdhaam ke rahvaasi ho ya kaliyug duhkhadhaam ke? yeh tum nai-nai baaten sunaate ho। zaroor kahenge ab duhkhadhaam ke vaasi hain। bahut pyaar se poochha jaata hai jo manushya aapehi samjhen ki ham kahaan ke vaasi hain। kahenge inke prashn poochhne ki yukti to bahut achhi hai। bhal kitna bhi bada aadmi ho, dhanvaan ho, parantu hai to narkavaasi na। svarga to nai duniya ko kaha jaata hai। ab kaliyug puraani duniya hai। yeh prashn bahut achhe hain। seedhi mein bhi clear hai। tum sukhdhaam mein ho va duhkhadhaam mein ho? yeh hell hai ya heaven? deity ho ya devil ho? yeh poochhna hai। zaroor satayug ko deity world kahenge। kaliyug ko narka, devil world kahenge। to poochhna hai satayug svarga deity world ke vaasi ho ya kaliyug devil world ke vaasi ho? bhal kitna bhi dhanvaan ho parantu vaasi kahaan ke ho? abhi tumhaare mein gyaan aaya hai। pahle yeh baaten khyaal mein bhi nahin thi। abhi tum samajhte ho ki ham sangam par hain। jo kaliyug mein hain woh patit narkavaasi hain, phir paavan banna hai। tab to pukaarte hain - he patit-paavan aao, aakar hamko paavan banaao। yeh bhi samjhaana hai। tumhaare paas kitne dher manushya aate hain phir bhi koton mein koi nikalte hain। main jo hoon, jaisa hoon, jo sikhlaata hoon - us par koi virla hi chalta hai। prabhaat pheri mein bhi yahi dikhaao ki ham is padhaai se svargavaasi ban rahe hain। satayug-treta-dvaapar-kaliyug… yeh chakra phirta hai na। tumhaari buddhi mein saara chakra hai। phir se tum sukhdhaam-shantidham ke maalik bante ho। sukhdhaam mein duhkh ka naam bhi nahin। agar poora padhenge nahin to pad bhi kam paayenge। yeh to common baat hai isliye behad ki padhaai padhkar behad ka varsa le lo। sirf apne ko aatma samajh, behad ke baap ko yaad karna hai। bahut meetha baba hai। unka direction hai ki deh sahit deh ke sabhi bandhan khalaas kar do। aatma to avinaashi hai। abhi-abhi shareer liya, abhi-abhi chhoda। deri thode hi lagti hai। is samay to din-pratidin sab tamopradhaan bante jaate hain। jab ham satopradhaan the to ham badi aayu vaale the aur bahut thode the। doosra koi dharma hi nahin tha। tumhaari aayu abhi ke purooshaartha se hi badhti hai। jitna yaad karenge utna tumhaari aayu badhegi। jab tum satopradhaan the to tumhaari aayu bahut badi thi। phir jitna neeche utarte gaye to aayu kam hoti gai। rajo mein utre to aayu kam, tamo mein aaye to aur kam। jaise naar ka misaal hai (naar-rahat) kanganen (dabbe) bharte hain aur khaali hote jaate hain। (naar-kuen se paani nikaalne ka ek tareeka hai)। yeh bhi behad ka naar (rahat) hai। tum abhi bhar rahe ho। bharte-bharte poore bhar jaayenge phir dheere-dheere khaali honge। inki bhent battery se bhi ki jaati hai। abhi ham satopradhaan bankar jaate hain phir 84 janma lete hain। aadha kalpa ke baad raavan raajya shuru hota hai। raavan raajya mein sabko kahenge narkavaasi hain। peechhe jo aayenge woh narka mein hi aayenge। pahle tum svarga mein jaate ho। yeh baap se bhakti ka phal milta hai। samjha jaata hai isne bahut bhakti ki hai tab gyaan bhi lete hain। yeh sab raaz tumko baap ne samjhaaya hai। tumko phir doosron ko samjhaana hai। manushyon ne anek prakaar ke paap hi paap kiye hain। ab baap aaya hai, tumko gyaan de rahe hain। baap jab aate hain tab hi aakar padhaate hain। itna samay to pata hi nahin tha। paapaatma bante hi gaye hain। punya aatma kaise bante hain phir paap aatma kaise bante hain; kaun satayug ke nivaasi hote hain, kaun kaliyug ke nivaasi hote hain - kuchh bhi pata nahin tha। ab baap ne samjhaaya hai। baap ko shama bhi kehte hain। unmein light bhi hai aur might bhi hai। light mein aate ho arthaat jagte ho to might aa jaati hai। tumhaari life bhi badi ho jaati hai। tumko vahaan kaal kha na sake। khushi se ek shareer chhod doosra lete ho। duhkh ki koi baat nahin। jaise ek khel ho jaata hai। (sarpa ka misaal) tumne satayug se lekar kaliyug tak part bajaaya hai। yeh buddhi mein baith gaya hai।

baba tumhaara baap bhi hai, teacher bhi hai, satguru bhi hai। yeh sirf bachche hi nambarvaar purooshaartha anusaar jaante hain। punarjanma ko bhi tumne samjha hai ki tum kitne janma lete ho। brahman dharma mein tum kitne janma lete ho? (ek janma) koi do-teen janma bhi lete hain। samjho koi shareer chhodte hain, woh sanskaar braahmanpan ke le jaate hain। to sanskaar braahmanpan ke hone ke kaaran phir bhi sachche-sachche brahman kul mein aa jaayenge। brahman kul ki aatmaayen to vriddhi ko paati rahengi। brahman kul ke sanskaar to le jaate hain na। kuchh hisaab-kitaab hai to do-teen janma bhi le sakte hain। ek shareer chhod doosra lenge। aatma brahman kul se daiveekul mein jaayegi। shareer ki to baat nahin। ab tum baap ke bane ho, tum eeshvareey santaan ho phir prajaapita brahma ki bhi santaan ho। doosra tumhaara koi sambandh hai nahin। behad ke baap ka banna koi kam baat thode hi hai! tum sukhdhaam ke maalik ban jaate ho। sirf bade baap ko tumne pahchaan liya hai to bhi tumhaara beda paar ho jaayega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne aapse poochho ki - 1. humein khushi kahaan tak rehti hai? 2. sarvagun sampanna the, ab shreemat par phir banna hai, yeh nishchay kahaan tak hai? 3. ham satopradhaan kahaan tak bane hain? din-raat satopradhaan (paavan) banne ki phikraat rehti hai?

2) behad baap ke saath vishwa ki khidmat (seva) karni hai। behad ki padhaai padhni aur padhaani hai। deh sahit jo bhi bandhan hain unhein baap ki yaad se khalaas kar dena hai।

vardaan:- maalikpan ki smriti dvaara manmanaabhav ki sthiti banaane vaale master sarvashaktimaan bhav

sada yeh smriti emerge roop mein rahe ki main aatma “karaavanhaar'' hoon, maalik hoon, vishesh aatma, master sarvashaktimaan hoon - to is maalikpan ki smriti se man-buddhi aur sanskaar apne control mein rahenge। main alag hoon aur maalik hoon - is smriti se manamnaabhav ki sthiti sahaj ban jaayegi। yahi nyaarepan ka abhyaas karmaateet bana dega।

slogan:- glaani va disturbance ko sahan karna aur samaana arthaat apni raajdhaani nishchit karna।

avyakti silence dvaara double light pharishta sthiti ka anubhav karo

silence arthaat shant swaroop aatma, jab ekaanta mein rehti hai tab man buddhi ki ekaagrata ka anubhav hota hai, usi ekaagrata se vishesh do shaktiyaan praapta hoti hain - ek parakhne ki aur doosri nirnay karne ki yahi do vishesh shaktiyaan vyavhaar aur parmaartha donon ki sarva samasyaaon ko hal kar deti hai, isse sahaj hi double light pharishta sthiti ban jaati hai।