शुक्रवार 12 जनवरी 2024 की दैनिक मुरली

12-01-2024 praatahmurli om shanti "baapdaada"' madhuban

“meethe bachche - apne ko aatma samajh, aatma bhaai se baat karo, aisi drishti pakki karo to bhoot pravesh nahin karenge, jab koi mein bhoot dekho to usse kinaara kar lo''

prashn:- baap ka banne ke baad bhi aastik aur naastik bachche hain, woh kaise?

uttar:- aastik woh hain jo eeshvareey kaaydon ka paalan karte, dehi-abhimaani rahne ka purushaartha karte aur naastik woh hain jo eeshvareey kaaydon ke khilaaph bhooton ke vash ho aapas mein ladte jhagadte hain। 2- aastik bachche deh sahit deh ke sab sambandhon se buddhiyog tod apne ko bhaai-bhaai samajhte hain। naastik deh-abhimaan mein rehte hain।

om shanti। pahle-pahle baap bachchon ko samjhaate hain ki he bachche buddhi mein sada yeh yaad rakho ki shivbaaba hamaara supreme baap bhi hai, supreme shikshak bhi hai, supreme satguru bhi hai। yeh pahle-pahle buddhi mein zaroor aana chaahiye। har ek apne ko jaan sakte hain ki hamaari buddhi mein aaya va nahin। agar buddhi mein yaad aata to aastik hain, nahin aata hai to naastik hain। student ki buddhi mein phat se aana chaahiye ki teacher aaya hai। ghar mein rehte hain to woh bhool jaata hai। us roohaab se bahut koi mushkil samajhte hain ki hamaara supreme baba aaya hua hai। woh teacher bhi hai aur vaapis le jaane vaala satguru bhi hai। yaad aane se khushi ka paara chadhega। nahin to apne hi duhkh darda duniya ki chhi-chhi baaton mein, bhinna-bhinna khyaalaat mein baithe rehte hain। doosri baat bahut karke bachchon se poochhte hain ki vinaash mein baaki kitna samay hai। bolo, yeh poochhne ki baat nahin hai। pahle to yeh hamko kisne samjhaaya hai, unko jaano। pahle baap ka parichay do। aadat padi hui hogi to samjhaayenge, nahin to bhool jaayenge। baap kitna kehte hain apne ko aatma samjho। doosre ko aatma ki drishti se dekho, parantu woh drishti nahin thaharti। roopaye se ek aana bhi mushkil baithta। jaise buddhi mein thaharta hi nahin hai। yeh koi baap shraap nahin dete। yeh to baap samjhaate hain ki gyaan bahut ooncha hai। raajaai sthaapan hoti hai। rank se lekar raav bante hain। raav thode bante hain। baaki rank nambarvaar hote hain। last number vaale ki buddhi mein kabhi koi baat baith na sake। to pahle jab kisko bhi samjhaate ho to shivbaaba ka jo 32 gunon vaala chitra banaaya hai us par samjhaana chaahiye। usmein bhi likha hua hai supreme father, supreme teacher, satguru hai।

pahle jab yeh nishchay hoga ki samjhaane vaala supreme father hai to phir sanshay nahin laayenge। baap bigar yeh sthaapna koi kar na sake। tum jab samjhaate ho ki yeh sthaapna ho rahi hai to unhon ki buddhi mein yeh zaroor aana chaahiye ki inhon ko samjhaane vaala koi hai। koi manushya maatra to aise kah na sake ki yeh raajya sthaapan ho raha hai। to pahle-pahle baap ka nishchay pakka karaana hai। hamko paramatma baap padhaate hain। yeh koi manushya mat nahin hai, yeh eeshvareey mat hai। nai duniya to zaroor baap dvaara hi sthaapan hogi। puraani duniya ka vinaash, yeh bhi baap ka hi kaam hai। yeh nishchay jab tak nahin hoga to poochhte hi rahenge ki kaise hota hai isliye pahle-pahle to shreemat ki baat buddhi mein bithaani pade tab aage samajh saken। nahin to manushya mat samajh lete hain। har ek manushya ki mat alag hai। manushyon ki mat ek ho na sake। is samay tumko mat dene vaala ek hi hai। unki shreemat par kaaydesir chalna woh bhi bada mushkil hai। baap kehte hain dehi-abhimaani bano। aisa samjho ki ham bhaai-bhaai se baat karte hain to phir ladna jhagadna kabhi ho na sake। deh-abhimaan mein aaya samjho naastik। dehi-abhimaani nahin hai to woh naastik hai। dehi-abhimaani banen to samjho aastik hai। deh-abhimaan bahut nuksaan kaarak hai। jara bhi ladte jhagadte hain to samjho naastik hain। baap ko jaante hi nahin। krodh ka bhoot hai to naastik thahra। baap ke bachchon mein bhoot kahaan se aaya। woh aastik nahin thahra। bhal kitna bhi kahe hamaara baap mein pyaar hai। parantu eeshvareey kaayde ke khilaaph baat karte to unhein raavan sampradaay ka samajhna chaahiye। deh-abhimaan mein hain। koi mein bhoot dekho va drishti kharaab dekho to hat jaana chaahiye। bhoot ke aage khada rahne se bhoot ki praveshta ho jaayegi। bhoot, bhoot mein lad padte hain। bhoot aaye to poora naastik hai। devtaayen to sarvagun sampanna hote hain woh gun nahin hain to naastik hai। naastik varsa thode hi lenge। jara bhi khaami nahin honi chaahiye। nahin to bahut saja khaakar praja mein jaana padega। bhoot se door rehna chaahiye। bhoot ka saamna kiya to bhoot aa jaayega। bhoot se kabhi saamna nahin kiya jaata hai। unse jaasti baat bhi nahin karni chaahiye। baap kehte hain - yeh hai bhooton ki duniya। bhoot jab tak nikle nahin hain to sajaayen bhi khaani padengi। pad bhi pa nahin sakenge। ladaai to ek hi hai। koi raav ban jaate hain, koi rank ban jaate hain। raav ki duniya thi, abhi rankon ki duniya hai। sabmen bhoot hain। bhoot nikaalne ka poora purushaartha karna chaahiye। baba murli mein bahut samjhaate hain। kisam-kisam ke svabhaav hote hain। baat mat poochho।

to pradarshani aadi mein pahle-pahle baap ka parichay dena hai। baap kitna lovely hai। woh hamko aisa devta banaate hain। gaayan bhi hai manushya se devta kiye… devtaayen the satayug mein to zaroor unse pahle kaliyug tha। yeh srishti chakra ka gyaan bhi tum bachchon ki buddhi mein ab hai। vahaan yeh gyaan in devtaaon mein nahin rahega। ab tum knowledgeful bante ho phir pad mil gaya to knowledge ki darkaar nahin। yeh hai behad ka baap, jisse 21 peedhi tumko svarga ka varsa milta hai। to aise baap ko kitna yaad karna chaahiye। baba sadaiv samjhaate hain ki hamesha samjho ki shivbaaba hamko samjha rahe hain। shivbaaba is rath dvaara hamko padha rahe hain। woh hamaara baap teacher guru hai। yeh hai behad ki padhaai। tum samajhte ho pahle ham tuchchha buddhi the। is college ka koi ko zara bhi pata nahin hai isliye samjhaane ke samay achhi tarah se ghot-ghot kar samjhaao। shreekrishna ki to baat hi nahin। baap ne samjhaaya hai shreekrishna ka koi charitra hai hi nahin। sivaae shivbaaba ke। brahma, vishnu, shankar ke bhi charitra ho na saken। charitra hai hi ek ka jo manushya se devta banaate hain। vishwa ko heaven banaate hain। tum us baap ki shreemat par chalte ho। baap ke madadgaar ho। baap nahin hota to tum kuchh bhi kar nahin sakte। tum abhi worth not A penny se worth pound ban rahe ho। ab nambarvaar purushaartha anusaar tum sab jaan gaye ho। to pahle-pahle hai baap ka parichay। satayug mein devtaaon ki behad ki baadshaahi hai। unke raajya mein aur koi tha nahin। abhi to kaliyug hai, kitne dher dharma hain। yeh ek hi aadi sanaatan devi-devta dharma kab sthaapan hua, yeh koi ki buddhi mein nahin hai। tum bachchon ki bhi buddhi mein nambarvaar purushaartha anusaar hai। to pahle baap ki mahima par achhi tarah se samjhaana chaahiye। ham jaante hain zaroor baap se hamko pahchaan mili hai। baap kehte hain sarva ka sadgati daata bhi main hoon। kalpa-kalpa main tum bachchon ko raay deta hoon ki apne ko aatma samjho aur mujhe yaad karo। to aatma patit se paavan ban jaayegi। aatma-abhimaani bhav। doosre ko bhi aatma samajhne se tumhaari criminal aai nahin hogi। aatma hi shareer dvaara karma karti hai - ham aatma hain, yeh aatma hai - yeh pakka karna hai। tum jaante ho pahle-pahle ham 100 percent paavan the, phir patit bane। aatma hi bulaati hai ki baba aao। aatma ka abhimaan pakka rehna chaahiye aur sambandh sab bhool jaane chaahiye। ham aatma sweet hom mein rahne vaali hain। yahaan part bajaane aaye hain। yeh bhi tum bachche hi samajhte ho। tumhaare mein bhi nambarvaar hain jinko yaad rehti hai। bhagwan padhaate hain, kitni khushi rahni chaahiye। bhagwan hamaara baap bhi hai, teacher bhi hai, satguru bhi hai। tum kahenge ham unke sivaae aur koi ko yaad nahin karte। baap kehte hain deh sahit deh ke sabhi sambandh tod maamekam yaad karo। tum sab brothers ho। koi maante hain, koi nahin maante hain to samjho naastik hain। ham shivbaaba ke bachche hain to paavan hone chaahiye। baap ko bulaate hi hain baba aakar hamko paavan vishwa ka maalik banaao। satayug mein to paavan hone ki baat hi nahin hai। pahle to yeh samjho ki yeh shivbaaba hai, inse nai duniya sthaapan hoti hai। agar poochhe ki vinaash kab hoga, to bolo pahle alpha ko samjho। alpha ko nahin samjha to peechhe ki baat buddhi mein kaise aayegi। ham satya baap ke bachche satya bolte hain। ham koi manushya ke bachche nahin hain। ham shivbaaba ke bachche hain। bhagvaanuvaach, bhagwan unko kaha jaata hai jo sabhi brothers ka baap hai। manushya apne ko bhagwan kahla na saken। bhagwan to niraakaar hai। woh baap teacher satguru hai। koi manushya baap, teacher, satguru ho na sake। koi bhi manushya kiski sadgati kar nahin sakte। bhagwan ho na saken।

baba hai patit-paavan। patit banaata hai raavan। baaki yeh sab hain bhakti ke guru। yeh bhi tum samajhte ho jo yahaan aate hain woh aastik to bante hain। behad ke baap paas aakar nishchay karte hain yeh hamaara baap teacher guru hai। jab complete daiveegun aa jaayenge to ladaai bhi lagegi। samay anusaar tum khud samjhenge ki ab karmaateet avastha ko pahunch rahe hain। abhi karmaateet avastha hui kahaan hai। abhi bahut kaam hai। bahuton ko paigaam dena hai। baap se varsa lene ka to sabko hak hai। ab to ladaai jor se hogi। phir yeh hospital doctor aadi kuchh nahin rahenge। baap bachchon ko sammukh samjha rahe hain ki tum aatmaayen 84 janma shareer dhaaran kar apna part bajaati ho। kisi ke 70-80 janma bhi honge। abhi jaana to sabko hai, vinaash hona hi hai। apvitra aatma ja na sake। paavan hone liye baap ko zaroor yaad karna hai, mehnat hai। 21 janmon ke liye svargavaasi banna hai। koi kam baat hai kya। manushya to kah dete phalaana svargavaasi hua। are svarga hai kahaan? kuchh bhi samajhte nahin। tum bachchon ko badi khushi rahni chaahiye ki bhagwan hamko padhaate hain, vishwa ka maalik banaate hain। khushi ek hoti hai sthaai doosri hoti hai alpakaal ki। padhenge padhaayenge nahin to khushi kya hogi? aasuri gunon ko bhagaana hai। baap kitna samjhaate hain, karmabhog kitna hai। jab tak karmabhog hai to yeh nishaani hai abhi tak karmaateet avastha hui nahin hai। abhi mehnat karni hai। koi bhi maaya ke toofaan na aayen। bachchon ko yeh nishchay hai ki baap ne hamko anek baar manushya se devta banaaya hai। yeh buddhi mein aaye to bhi aho saubhaagya। yeh behad ka bada school hai। woh hota hai had ka chhota। baap ko to bahut taras padta hai, kaise samjhaaoon - koi se to ab tak bhi bhoot nikle nahin hain। dil par chadhne badle gir padte hain। kai bachchiyaan to taiyaar ho rahi hain, anekon ka kalyaan karne ke liye। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi baat eeshvareey kaayde ke khilaaph nahin karni hai। kisi mein bhi agar bhoot ki praveshta hai ya drishti kharaab hai to uske saamne se hat jaana hai, unse jaasti baat nahin karni hai।

2) sthaai khushi mein rahne ke liye padhaai par poora dhyaan dena hai। aasuri gunon ko nikaal daiveegun dhaaran kar aastik banna hai।

vardaan:- nishchay aur nashe ke aadhaar se har paristhiti par vijay praapta karne vaale siddhi swaroop bhav

yog dvaara ab aisi siddhi praapta karo jo apraapti bhi praapti ka anubhav karaaye। nishchay aur nasha har paristhiti mein vijayi bana deta hai। aage chalkar aise paper bhi aayenge jo sookhi roti bhi khaani padegi। lekin nishchay, nasha aur yog ke siddhi ki shakti sookhi roti ko bhi narma bana degi। pareshaan nahin karegi। aap siddhi swaroop ki shaan mein raho to koi bhi pareshaan nahin kar sakta। koi bhi saadhan hain to aaraam se use karo lekin samay par dhokha na den - yeh check karo।

slogan:- nimitta ban yathaartha part bajaao to sarva ke sahayog ki madad milti rahegi।

avyakti silence dvaara double light pharishta sthiti ka anubhav karo

kisi bhi kaarya mein naveenta ki invention ke liye ekaagrata ki aavashyakta hoti hai। chaahe laukik duniya ki invention ho, chaahe aadhyaatmik invention ho। ekaagrata arthaat ek hi sankalp mein tik jaana। ek hi lagan mein magan ho jaana। apni shant swaroop sthiti mein sthit ho jaana, isse buddhi ka bhatakna sahaj hi chhoot jaayega। deh aur deh ki duniya sahaj bhool joygi aur double light pharishta sthiti ka anubhav hone lagega।