गुरुवार 11 जनवरी 2024 की दैनिक मुरली

11-01-2024 praatahmurli om shanti "baapdaada"' madhuban

“meethe bachche - sada isi nashe mein raho ki bhagwan hamko padhaate hain, hamaari yeh student life di best hai, hamaare oopar brahaspati ki dasha hai''

prashn:- kin bachchon ko sabhi ka pyaar praapta hota hai?

uttar:- jo bahuton ke kalyaan ke nimitta bante hain, jinka kalyaan hua woh kahenge tum to hamaari maata ho। to apne aapko dekho ham kitnon ka kalyaan karte hain? baap ka message kitni aatmaon ko dete hain? baap bhi paigambar hai। tum bachchon ko bhi baap ka paigaam dena hai। sabko bolo do baap hain। behad ke baap aur varse ko yaad karo।

geet:- tu pyaar ka saagar hai…

om shanti। roohaani baap baith roohaani bachchon ko roz-roz samjhaate hain ki bachche aatma-abhimaani hokar baitho। aise nahin buddhi baahar mein bhatakti rahe। ek baap ko hi yaad karna hai। vahi gyaan ka saagar hai, prem ka saagar hai। kehte hain ek gyaan ki boond bhi bas hai। baap kehte hain meethe-meethe bachche roohaani baap ko yaad karo to tumko yeh varsa mil jaayega। amarpuri vaikuntha mein chale jaayenge। baaki is samay jo sir par paapon ka bojh hai woh utaarna hai। kaayde pramaan, vivek anusaar tum bachchon ko samjhaaya jaata hai। jo oonch te oonch the vahi phir ant mein neeche tapasya kar rahe hain। raajayog ki tapasya ek baap hi sikhlaate hain। hathayog bilkul alag hai। woh hai had ka, yeh hai behad ka। woh hai nivritti maarga, yeh hai pravritti maarga। baap kehte hain tum vishwa ke maalik the। yatha raaja raani tatha praja.. pravritti maarga mein pavitra devi-devta the phir devtaayen vaam maarga mein jaate hain। uske bhi chitra hain। bahut gande chitra banaate hain jo dekhne mein bhi lajja aati hai kyonki buddhi hi ekdam khatma ho jaati hai। baap ka hi gaayan hai tu pyaar ka saagar hai। ab pyaar ki boond nahin hoti। yeh hai gyaan ki baat। tum baap ko pahchaankar baap se varsa lene aate ho। baap sadgati ka hi gyaan dete hain। thoda hi suna aur sadgati mein aa gaye। yahaan se tum bachchon ko jaana hai nai duniya mein। tum jaante ho ham vaikuntha ke maalik bante hain। is samay saare vishwa par raavan raajya hai। baap aaya hai vishwa ka raajya dene। tum sab vishwa ke maalik the। ab tak chitra khade hain। baaki laakhon varsha ki koi baat nahin। yeh wrong hai। baap ko hi sadaiv righteous kaha jaata hai। baap dvaara saari vishwa righteous ban jaati hai। abhi hai unrighteous। abhi tum bachche baap se varsa le rahe ho। parantu yeh bhi drama mein noondh hai। jo gyaan sunte-sunte aashcharyavat sunanti, kathanti, bhaaganti ho jaate hain। aho mam maaya tum kitni jabardasta ho jo baap se bemukh kara deti ho। kyon nahin jabardasta hogi, aadhaakalpa unka raajya chalta hai। raavan kya hai, yeh bhi tum jaante ho। yahaan bhi koi bachche samajhdaar hain, koi besmajh hain।

tum jaante ho abhi hamaare oopar brihaspati ki dasha hai, tab ham svarga mein jaane ka purooshaartha kar rahe hain। manushya jo marte hain woh to koi svarga mein jaane ka purooshaartha nahin karte hain। sirf aise hi kah dete hain svarga padhaara। tum jaante ho sach-sach svarga mein jaane ka purooshaartha ham kar rahe hain athva svarga ka maalik banne ka purooshaartha kar rahe hain। aise kabhi koi nahin kahenge ki yeh svarga ja rahe hain। kahenge yeh kya kehte ho, mukh banda karo। manushya to had ki baaten sunaate hain। baap tumhein behad ki baaten sunaate hain। tum bachchon ko bahut purooshaartha karna chaahiye। bahut nasha chadhna chaahiye। jinhonne kalpa pahle purooshaartha kiya, jo pad paaya hai vahi paayenge। anek baar tum bachchon ko maaya par jeet pahnaai hai। phir tumne haar bhi khaai hai। yeh bhi drama bana hua hai। to bachchon ko badi khushi honi chaahiye। mrityulok se amarlok mein ja rahe ho। student life is di best। is samay tumhaari best life hai, ise koi bhi manushya nahin jaante। bhagwan khud aakar padhaate hain, yeh hai di best student life। aatma hi padhaati hai phir kahenge inka naam phalaana hai। aatma hi teacher hai na। aatma hi sunkar dhaaran karti hai, aatma hi sunti hai। parantu deh-abhimaan ke kaaran samajhte nahin। satayug mein bhi samjhenge ki ham aatma ko yeh shareer mila hai, ab vriddha avastha hui hai। jhat saakshaatkaar hoga - abhi ham yeh puraana chola chhod naya lete hain। bhramri ka misaal bhi abhi ka hai। ab tum jaante ho ham braahmaniyaan hain। drama plan anusaar jo bhi tumhaare paas aate hain un par bhoon-bhoon karte ho phir unmein bhi koi kachche koi sad jaate hain। sanyaasi log to yeh misaal de na sake। vo thode hi aap samaan banaayenge। tumhaare paas to em object hai। yeh satya naaraayan ki katha, amraktha... yeh sab tumhaari hai। ek hi baap satya sunaate hain। baaki sab hai jhooth। vahaan satya naaraayan ki katha sunaakar prasaad khilaate rehte hain। kahaan woh had ki baaten, kahaan yeh behad ki baaten। tumko baap direction dete hain। tum note karte ho baaki kitaab shaastra aadi to sab khatma ho jaayenge। puraani koi bhi cheez nahin rahegi। manushya samajhte hain kaliyug mein ajun 40 hazaar varsha pade hain isliye bade-bade makaan aadi banaate rehte hain। kharcha karte rehte hain। kya samudra chhodega? ek hi lahar se hap kar lega। na yeh baambe thi, na rahegi। abhi 100 varsha ke andar yeh sab kya-kya nikla hai। aage viceroy bhi 4 ghode ki gaadi mein aate the। ab thode samay mein kya-kya ho gaya hai। svarga to bahut chhota hai। nadi ke kinaare par tumhaare mahal honge।

abhi tum bachchon par brihaspati ki dasha hai। bachchon ko khushi honi chaahiye ham itne saahookaar bante hain। koi devaala maarte hain to raahu ki dasha kaha jaata hai। tum apni dasha par harshit raho। bhagwan baap hamko padhaate hain। bhagwan kisko padhaate hain kya? tum bachche jaante ho hamaari yeh student life di best hai। ham nar se naaraayan vishwa ke maalik bante hain। yahaan ham raavan raajya mein aakar phanse hain। phir jaate hain sukhdhaam mein। tum sangamayugi brahman ho। brahma dvaara sthaapna hoti hai। ek thode hi hoga। bahut honge na। tum khudaai khidmatgaar bante ho। khuda jo khidmat karte hain svarga sthaapan karne ki, usmein tum madad karte ho। jo jaasti madad karenge woh oonch pad paayenge। koi bhookh nahin mar sakte। yahaan phakeer logon ke paas bhi jaanch karte hain to hazaaron roopaye nikal aate hain। bhookh koi mar na sake। yahaan bhi tum baap ke bane ho। bhal baap gareeb hote hain parantu bachchon ko jab tak khaana na mile to khud nahin khaate kyonki bachche vaaris hain। un par love rehta hai। vahaan to gareeb ki baat nahin। athaah anaaj rehta hai। behad ki saahookaari rehti hai। vahaan ki paharvaais dekho kitni sundar hai। tab baba kehte hain jab phursat mile to lakshmi-naaraayan ke chitra ke saamne jaakar baitho। raat ko bhi baith sakte ho। in lakshmi-naaraayan ko dekhte-dekhte so jaao। aho baba humein aisa banaate hain! tum aisa abhyaas karke dekho, kitna maja aata hai। phir subah ko uthkar anubhav sunaao। lakshmi-naaraayan ka chitra aur seedhi ka chitra sabke paas hona chaahiye। student jaante hain, hamko kaun padhaate hain। unka chitra bhi hai। saara madaar hai padhaai ke oopar। svarga ka maalik to banenge। baaki pad ka madaar hai padhaai par। baba kehte hain yeh purooshaartha karo - main aatma hoon shareer nahin। main baba se varsa leta hoon। koi bhi takleeph nahin। maataaon ke liye to bahut sahaj hai। puroosh log to dhandhe par chale jaate hain। is em object ke chitra par tum bahut service kar sakte ho। bahuton ka kalyaan karenge to tumko bahut pyaar karenge। kahenge tum to hamaari maata ho। jagat ke kalyaan ke liye tum maataayen nimitta ho। apne ko dekhna hai hamne kitnon ka kalyaan kiya hai। kitnon ko baap ka paigaam diya hai। baap bhi paigambar hai aur koi ko bhi paigambar nahin kahenge। tumko baap message dete hain jo tum sabko sunaao। behad ke baap aur varse ko yaad karo, 84 ke chakra ko bhi yaad karo। tum paigambar baap ke bachche paigaam dene vaale ho। sabko bolo do baap hain। behad ke baap ne sukh aur shanti ka varsa diya hai। ham sukhdhaam mein the to baaki sab shantidham mein the। phir jeevanmukti mein aate hain। ab hamko vaapis jaana hai phir vahaan ham hi vishwa ke maalik honge। ek geet bhi hai baba tumse hamko saare vishwa ki baadshaahi milti hai। saara dharti, samudra, aakaash hamaare haath mein hoga। is samay ham baap se behad ka varsa le rahe hain। tum ho gupta warriors, shiv shakti sena। yeh hai gyaan kataari, gyaan baan। unhon ne deviyon ko sthool hathiyaar de diye hain। bhakti maarga mein kitne mandir banaaye hain, kitne chitra aadi hain, tab baap kehte hain bhakti maarga mein tumne sab paise aadi khatma kar die hain। ab yeh sab khatma hone vaale hain, doob jaayenge। tumko saakshaatkaar bhi karaaya tha ki vahaan kaise jaakar khaaniyon se heere javaahar le aate hain kyonki yeh sab dab jaate hain। bade-bade raajaaon ke paas tahkhaane (underground) hote hain। woh sab dab jaayenge phir tumhaare kaareegar log jaakar le aayenge। nahin to itna sona aadi kahaan se aayega। svarga ki scene ajmer mein dekhte hain na। baba ne kaha tha museum bhi aisa hi banaao। svarga ka first class model banaana chaahiye। tum bachche jaante ho abhi ham apni raajdhaani sthaapan kar rahe hain। aage kuchh bhi nahin jaante the, ab jaante ja rahe hain। aise nahin ham har ek ke andar ko jaante hain। koi-koi vikaari bhi aate the। kaha jaata tha kyon aate ho? to kehte the aayenge tab to vikaaron se chhootenge। main bahut paap aatma hoon। baap kahega achha kalyaan ho jaaye। maaya badi dustar hai। baap kehte hain bachche tumhein in vikaaron par jeet paani hai tab hi jagatjeet banenge। maaya bhi kam nahin hai। abhi tum purooshaartha kar in lakshmi-naaraayan jaisa bante ho। in jaisi beauty aur kisi ki ho na sake। yeh hai natural beauty। har 5 hazaar varsha ke baad svarga ki sthaapna hoti hai phir 84 janmon ke chakra mein aate hain। tum likh sakte ho yeh university kam hospital hai। woh health ke liye woh wealth ke liye। health, wealth, happiness - 21 janma ke liye aakar praapta karo। dhandhe vaale bhi apna board lagaate hain। gharon mein bhi board lagaate hain। aise-aise likhenge bhi vahi jo nashe mein rehte honge। jo bhi aaye unko samjhaao - tumne behad ke baap se varsa liya tha phir 84 janma le tum patit bane ho। ab paavan bano। apne ko aatma samjho। baap ko yaad karo। baba bhi aise karte hain। yeh hain pahle number ke purooshaarthi। kai bachche likhte hain baba toofaan aate hain, yeh hota hai। main likhta hoon mere paas to sab toofaan pahle aate hain। main pahle anubhvi banoon tab to samjha sakoon। yeh to maaya ka dhandha hai।

ab baap kehte hain meethe laadle bachche, ab tumhaare oopar brihaspati ki dasha hai। tumhein kisi ko bhi apni janmapatri aadi dikhaane ki zaroorat nahin। baba sab kuchh bata dete hain। vahaan aayu bhi badi hoti hai। shreekrishna ko bhi yogeshvar kehte hain। inko yogeshvar ne yog sikhaaya to yeh bana। koi manushya maatra sanyaasi aadi ko yogeshvar nahin kah sakte hain। tumko eeshvar yog sikhaate hain isliye yogeshvar aur yogeshvari naam rakha hai। gyaaneshvar gyaaneshvari bhi is samay tum hi ho। phir jaakar raaj-raajeshvar bhi tum hi bante ho। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) em object ko saamne rakh purooshaartha karo। lakshmi-naaraayan ke chitra ko saamne dekhte hue apne aapse baaten karo oho baba aap humein aisa banaate hain! hamaare oopar abhi brahaspati ki dasha baithi hai।

2) aap samaan banaane ke liye bhramri ki tarah gyaan ki bhoon-bhoon karo। khudaai khidmatgaar ban svarga ki sthaapna mein baap ki madad karo।

vardaan:- deh-bhaan se nyaare ban parmaatma pyaar ka anubhav karne vaale kamal aasandhaari bhav

kamal aasan brahman aatmaon ke shreshtha sthiti ki nishaani hai। aisi kamal aasandhaari aatmaayen is dehbhaan se svatah nyaari rehti hain। unhein shareer ka bhaan apni taraph aakarshit nahin karta। jaise brahma baap ko chalte phirte pharishta roop va devta roop sada smriti mein raha। aise natural dehi-abhimaani sthiti sada rahe isko kehte hain deh-bhaan se nyaare। aise deh-bhaan se nyaare rahne vaale hi parmaatma pyaare ban jaate hain।

slogan:- aapki visheshtaayen va gun prabhu prasaad hain, unhein mera maanna hi deh-abhimaan hai।

avyakti silence dvaara double light pharishta sthiti ka anubhav karo

brahma baap se pyaar hai to ab brahma baap samaan pharishta bano। sadaiv apna light ka pharishta swaroop saamne dikhaai de ki aisa banna hai aur bhavishya roop bhi dikhaai de, ab yeh chhoda aur woh liya। jab aisi anubhooti ho tab samjho ki sampoornata ke sameep hain।