शुक्रवार 19 जनवरी 2024 की दैनिक मुरली

19-01-2024 praatahmurli om shanti "baapdaada"' madhuban

“meethe bachche - sada khushi mein raho aur doosron ko bhi khushi dilaao, yahi hai sab par kripa karna, kisi ko bhi raasta bataana yeh sabse bada punya hai।''

prashn:- sada khushmizaaz kaun rah sakte hain? khushmizaaz banne ka saadhan kya hai?

uttar:- sada khushmizaaz vahi rah sakte jo gyaan mein bahut hoshiyaar hain, jo drama ko kahaani ki tarah jaante aur simran karte hain। khushmizaaz banne ke liye sada baap ki shreemat par chalte raho। apne ko aatma samjho aur baap jo bhi samjhaate hain uska achhi tarah manthan karo। vichaar saagar manthan karte-karte khushmizaaz ban jaayenge।

om shanti। roohaani baap roohaani bachchon ke saath roohrihaan kar rahe hain। yeh to aatmaayen jaanti hain ki ek hi hamaara baap hai aur shiksha bhi dete hain, teacher ka kaam hain shiksha dena। guru ka kaam hai manzil bataana। manzil ko bhi bachche samajh gaye hain। mukti jeevanmukti ke liye yaad ki yaatra bilkul zaroori hai। hain donon sahaj। 84 janmon ka chakra bhi phirta rehta hai। yeh yaad rehna chaahiye abhi hamaara 84 ka chakra poora hua hai, ab vaapis jaana hai। parantu paap aatmaayen mukti jeevanmukti mein vaapis ja nahin sakti। aise-aise vichaar saagar manthan karna hai। jo karenge so paayenge। khushi mein bhi vahi aayenge aur doosron ko bhi khushi mein vahi laayenge। auron par bhi kripa karni hai - raasta bataane ki। tum bachche jaante ho yeh purooshottam sangamayug hai। yeh bhi koi ko yaad rehta hai, koi ko nahin। bhool jaata hai। yeh bhi yaad rahe to khushi ka paara chadha rahe। baap teacher guru ke roop mein yaad rahe to bhi khushi ka paara chadha rahe। parantu chalte-chalte kuchh rola pad jaata hai। jaise pahaadon par neeche oopar chadhna hota hai, vaise bachchon ki avastha bhi aise hoti hai। koi bahut oonch chadhte hain phir girte hain to aage se bhi jaasti gir padte hain। ki kamaai chat ho jaati hai। bhal kitna bhi daan punya karte hain parantu phir punya karte-karte agar paap karne lag padte hain to sab punya khatma ho jaate hain। sabse bada punya hai - baap ko yaad karna। yaad se hi punya aatma banenge। agar sang ke rang se bhool hi bhool karte jaayen to aage se bhi jaasti neeche gir jaate। phir woh khaata jama nahin rahega। na (ghaata) ho jaayega। paap ka kaam karne se na ho jaata। bahut paap ka khaata chadh jaata hai। muraadi sambhaali jaati hai na। baap bhi kehte hain tumhaara khaata punya ka tha, paap karne se woh sau guna ho jaata hai aur hi ghaate mein aa jaayega। paap bhi koi bahut bada, koi halka hota hai। kaam hai bahut kada, krodh hai second number, lobh unse kam। sabse jaasti kaam vash hone se jo jama hua woh na ho jaata hai। phaayde ke badle nuksaan ho jaata hai। satguru ka nindak thaur na paaye। baap ka bankar phir chhod dete hain। kya kaaran hua? aksar karke kaam ki chot lagti hai। yeh hai kada dushman। unka hi but banaakar jalaate hain। krodh, lobh ka but nahin banaayenge। kaam par hi poori jeet paani hai tab jagatjeet banenge। bulaate bhi hain ki ham jo raavan raajya mein patit bane hain, hamko aakar paavan banaao। gaate to sab hain patit-paavan। he patiton ko paavan banaane vaale seetaaon ke raam aao। parantu arth nahin samajhte hain। yeh bhi jaante hain ki baap zaroor nai duniya sthaapan karne aayenge। parantu bahut time dene se ghor andhiyaara ho gaya hai। gyaan aur agyaan hai na। agyaan hai bhakti jiski pooja karte unko jaante hi nahin। to unke paas pahunchenge kaise? isliye daan punya aadi nishphal ho jaata hai। karke kuchh alpakaal ke liye kaag vishta ke samaan sukh milta hai। baaki to duhkh hi duhkh hai। ab baap kehte hain maamekam yaad karo to tumhaare sab duhkh door ho jaayenge। ab dekhna hai ham kitna yaad karte hain, jo puraana khatma ho naya jama ho। koi to kuchh bhi jama nahin karte। saara madaar hai yaad par। yaad bigar paap kaise mite athva katen। paap to bahut hain - janma-janmaantar ke। is janma ki jeevan kahaani sunaane se koi janma-janmaantar ke paap kat nahin jaayenge। sirf is janma ki halkaai ho jaati hai। baaki to mehnat bahut karni hai, itne janmon ka jo hisaab kitaab hai - vo yog se hi chuktu hone vaala hai। vichaar karna chaahiye ki hamaara yog kitna hai? hamaara janma satayug ke aadi mein ho sakega? jo bahut purooshaartha karenge vahi satayug ke aadi mein janma lenge। woh chhipe nahin rah sakte। sab to satayug mein nahin aayenge। pichhaadi mein jaakar thoda pad paate hain। agar pahle aate bhi hain to naukri karte hain। yeh to common baat hai samajhne ki, isliye baap ko bahut yaad karna hai। tum jaante ho ham nai duniya ke liye vishwa ka maalik banne aaye hain। jo yaad karenge unko zaroor khushi rahegi। agar raaja banna hai to praja bhi banaani pade। nahin to kaise samjhenge ki ham raaja banne vaale hain। jo centre kholte hain, service karte hain unki bhi kamaai hoti। unko bhi bahut phaayda milta hai। unko bhi ujoora mil jaata hai। koi 3-4 centre bhi kholte hain na। jo jo karte hain unka hissa to aata hai na। milkar maaya ke duhkh ka chhappar uthaate hain to ismen kandha sab dete hain। to sabko ujoora milta hai। jo bahuton ko raasta bataate hain, jitni mehnat karte hain utna oonch pad paate hain। unko khushi bahut hoti hai। dil jaanti hai hamne kitnon ko raasta bataaya hai? kitnon ka uddhaar kiya hai? sab kuchh karne ka samay to yahi hai। khaan-paan to sabko milta hi hai। koi to kuchh bhi kaam nahin karte hain। jaise mama ne kitni service ki। service se unka bahut kalyaan ho gaya। ismen bhi service bahut chaahiye। yog ki bhi service hai na। kitne deep direction milte rehte hain। abhi to aage chalkar kya-kya points niklengi। din pratidin unnati hoti jaayegi। nai-nai points niklegi। jo service mein tatpar rehte hain, woh jhat pakad lete hain। jo service nahin karte unki buddhi mein kuchh baithega nahin। bindi roop kaise samjhen? tum koi se poochho aatma kitni badi hai? aatma ka desh kaal bataao to kabhi nahin bata sakenge। manushya paramatma ka naam roop desh kaal poochhte hain। tum aatma ka poochho to moonjh jaayenge। kisko bhi maaloom nahin hai। aatma itni chhoti bindi usmein itna saara part bhara hua hai। yahaan bhi bahut hain jo aatma paramatma ko jaante hi nahin। sirf vikaaron ka sanyaas kiya hai, woh bhi kamaal hai। sannyaasiyon ka dharma alag hai। yeh gyaan tumhaare liye hai। baap samjhaate hain tum pavitra the phir apvitra bane, ab phir pavitra banna hai। tum hi 84 ka chakra lagaate ho। duniya mein zara bhi in baaton ko nahin jaante। gyaan alag, bhakti alag hai। gyaan chadhaata hai bhakti giraati hai। to raat din ka farka hai। manushya bhal kitna bhi apne ko vedon shaastron ki authority samajhte hain parantu jaante kuchh nahin। tumko bhi abhi maaloom pada hai। tumhaare mein bhi nambarvaar hain। bhoolne kaaran hi khushi gum hoti hai। nahin to athaah khushi honi chaahiye। baba se tumko yeh varsa mil raha hai। baba saakshaatkaar kara dete hain। parantu saakshaatkaar kiya, shreemat par nahin chale to phaayda hi kya! baap ko duhkh mein simran karte hain। baap ko kehte hain liberator, he raam, he prabhu kehte hain। parantu woh kaun hai, jaante nahin। bhakti mein koi aise nahin kehte hain ki apne ko aatma samajh baap ko yaad karo। bilkul nahin। agar kehte hote to parampara chala aata। bhakti to chali aati hai na। bhakti athaah hai। gyaan hai ek। manushya samajhte hain bhakti se bhagwan milega। parantu kaise, kab? yeh nahin jaante। bhakti kab shuru hoti hai, kaun jaasti bhakti karte hain - yeh koi nahin jaante। kya itna 40 hazaar varsha aur bhakti karte rahenge? ek taraph manushya bhakti kar rahe hain doosre taraph tum gyaan pa rahe ho। manushyon se kitna maatha maarna padta hai। itni pradarshani karte ho phir bhi nikalte koton mein koi hain। kitnon ko aap samaan banaakar le aate hain। sachche-sachche brahman kitne hain - yeh hisaab abhi nikaal nahin sakte। bahut jhoothe bachche bhi hain। brahman log katha sunaate hain। baba geeta ki katha sunaate hain। tum bhi sunaate ho yatha baba tatha bachche। bachchon ka bhi kaam hai sachchi-sachchi geeta sunaana। shaastra to sabke hain। vaastav mein jo bhi shaastra aadi hain woh sab hain bhakti maarga ke। gyaan ka pustak ek hi geeta hai। geeta hai maai baap। baap hi aakar sabki sadgati karte hain। manushya phir aise baap ki hi glaani karte hain। shivbaaba ki jayanti hai heere tulya। oonch te oonch bhagwan hi sadgati daata hai। baaki aur kisi ki mahima kaise ho sakti hai। devtaaon ki mahima karte hain parantu devta banaane vaala ek baap hi hai। hamaara construction bhi hota hai to destruction bhi hota hai। bahut hain jo kuchh samjha nahin sakte to sthool kaam karo। military mein sab kaam karne vaale hote hain। kaha bhi jaata hai padhe ke aage anapdhe ko bhari dhoni pade। mama baba jo karte hain unse seekho। tum bhi samajh sakte ho ananya bachche kaun hain। baba se poochhenge to baba bhi naam bataayenge ki phalaane ko follow karo। jo serviceable nahin woh auron ko kya sikhlaayenge। woh to aur hi time vesta kar denge। baba samjhaate hain apni unnati karne chaahte ho to yahaan kar sakte ho। chitra rakhe hain hamne 84 janma kaise liye, yeh ab samjha hai to doosron ko samjhaao। kitna sahaj hai - yeh banna hai। kal inki bhakti karte the, aaj nahin। knowledge mil gai। aise bahut aakar knowledge lenge। jitna tum centre ka jaasti gheraav daalenge to bahut aakar samjhenge। sunne se unko khushi ka paara chadh jaayega। nar se naaraayan banna hai। sachchi satya naaraayan ki katha bhi hai, bhakti se to girte hi jaate hain। unko pata hi nahin padta - gyaan kya cheez hai। tumko behad ka baap yathaartha samjhaate hain। baba kehte hain kal tumko raajaai di phir tumhaari raajaai kahaan gai? yeh to khud jaante hain। yeh to khel hai। ek hi baap hai jo saare khel ka raaz bataate hain। ham kehte hain baba aap baandhele ho drama mein, aapko aana hi pade, patit duniya aur patit shareer mein। eeshvar ki bahut mahima karte hain। bachche kahenge baba hamne aapko bulaaya to aapko aana hi pada - hamaari service karne athva hamko patit se paavan banaane। kalpa-kalpa hamko so devta banaakar aap chale jaate ho। yeh jaise ek kahaani hai, jo hoshiyaar hain unhon ke liye to ek kahaani hai। tum bachchon ko khushmijaaz hona chaahiye। baba bhi drama anusaar servant bana hai। baap kehte hain meri mat par chalo। apne ko aatma samjho। deh-abhimaan chhodo। nai duniya mein tumko naya shareer milega। baap jo samjhaate hain unko achhi tarah manthan karo। buddhi se samajhte ho ham aaye hain - yeh banne ke liye। em object saamne khadi hai। bhagvaanuvaach, vo log bhagwan ko manushya samajh lete hain ya niraakaar kehte hain। tum aatmaayen bhi sab niraakaari ho। shareer lekar part bajaati ho, baba bhi part bajaate hain। jo achhi service karenge unko hi nishchay hoga ki ham maala ka daana avashya banenge। nar se naaraayan banna hai। bhagwan padhaate hain to achhi tarah padhna chaahiye। parantu maaya ka opposition bahut hota hai। maaya toofaan mein laati hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vichaar saagar manthan kar apaar khushi ka anubhav karna hai। auron ko bhi raasta bataane ki kripa karni hai। sang ke rang mein aakar koi bhi paap karma nahin karna hai।

2) maaya ke duhkhon ka chhappar uthaane ke liye mil karke kandha dena hai। centres khol anekon ke kalyaan ke nimitta banna hai।

vardaan:- apne bol ki value ko samajh uski economy karne vaale mahaan aatma bhav

jaise mahaan aatmaon ko kehte hain - sat vachan mahaaraaj। to aapke bol sada sat vachan arthaat koi na koi praapti karaane vaale vachan ho। braahmanon ke mukh se kabhi kisi ko shraapit karne vaale bol nahin nikalne chaahiye। isliye yuktiyukta bolo aur kaam ka bolo। bol ki value ko samjho। shubh shabd sukh dene vaale shabd bolo, hanseemjaak ke bol nahin bolo, bol ki economy karo to mahaan aatma ban jaayenge।

slogan:- yadi shreemat ka haath sada saath hai to saara hi yug haath mein haath dekar chalte rahenge।

avyakti silence dvaara double light pharishta sthiti ka anubhav karo

jaise light ke connection se badi-badi machinery chalti hai। aap sabhi har karma karte connection ke aadhaar se svayan bhi double light ban chalte raho। jahaan double light ki sthiti hai, vahaan mehnat aur mushkil shabd samaapta ho jaata hai। apne-pan ko samaapta kar trasteepan ka bhaav aur eeshvareey seva ki bhaavna ho to double light ban jaayenge।