शुक्रवार 23 फ़रवरी 2024 की दैनिक मुरली

23-02-2024 praatahmurli om shanti "baapdaada"' madhuban

“meethe bachche - apna chart rakho to pata lage ki ham aage badh rahe hain ya peechhe hat rahe hain, deh-abhimaan peechhe hataata hai, dehi-abhimaani sthiti aage badhaati hai''

prashn:- satayug ke aadi mein aane vaali aatma aur deri se aane vaali aatma mein mukhya antar kya hoga?

uttar:- aadi mein aane vaali aatmaayen sukh ki chaahna rakhengi kyonki satayug ka aadi sanaatan dharma bahut sukh dene vaala hai। deri se aane vaali aatma ko sukh maangana aayega hi nahin, woh shanti-shanti maangenge। behad ke baap se sukh aur shanti ka varsa har aatma ko praapta hota hai।

om shanti। bhagvaanuvaach। jab bhagvaanuvaach kaha jaata hai to bachchon ko shreekrishna buddhi mein nahin aata। buddhi mein shivbaaba hi aata hai। mool baat hai baap ka parichay dena kyonki baap se hi varsa milta hai। tum aise nahin kahenge ki ham shivbaaba ke followers hain। nahin, shivbaaba ke bachche hain। hamesha apne ko bachche samjho। aur koi ko yeh pata nahin hai ki woh baap-teacher-guru bhi hai। tum bachchon mein bhi bahut hain jo bhool jaate hain। yeh yaad rahe to bhi aho saubhaagya। baba ko bhool jaate hain phir laukik deh ke sambandh yaad aa jaate hain। vaastav mein tumhaari buddhi se aur sab nikal jaana chaahiye। ek baap hi yaad rahe। tum kehte ho - tvamev maataashch pita… agar doosra koi yaad aata hai to aise nahin kahenge ki sadgati mein ja rahe hain, deh-abhimaan mein hain to durgati hi hoti hai, dehi-abhimaani ho to sadgati hoti hai। kabhi neeche, kabhi oopar chadhte-utarte rehte hain। kabhi aage badhte hain, kabhi peechhe hatte hain। deh-abhimaan mein to bahut aate hain, isliye baba hamesha kehte hain chart rakho to pata pade ham aage badh rahe hain ya peechhe hat rahe hain? saara madaar hai yaad par। neeche-oopar hote hi rehte hain। bachche chalte-chalte thak jaate hain, phir radiyaan maarte hain - baba, yeh hota hai। yaad bhool jaati hai। deh-abhimaan mein aane se hi peechhe hatte hain। kuchh na kuchh paap karte hain। yaad par saara madaar hai। yaad se aayu badhti hai isliye yog akshar naameegraami hai। gyaan ki to bahut sahaj subject hain। bahut hain jinko gyaan bhi nahin hai to yog bhi nahin hai, isse nuksaan bahut hota hai। bahuton se mehnat hoti nahin hai। padhaai mein nambarvaar to hote hi hain। padhaai se samjha jaata hai ki yeh kahaan tak aur kiski service karte hain? sabko shivbaaba ka parichay dena hai। tum jaante ho behad ka varsa ek hi behad ke baap se milta hai। mukhya hai maat-pita aur tum bachche। yeh hua eeshvareey kutumba। aur koi ki bhi buddhi mein yeh nahin hoga ki ham shivbaaba ki santaan hain, unse hi varsa lena hai। ek baap ko hi yaad karna hai, woh bhi niraakaar shivbaaba, parichay hi aise do। woh to behad ka baap hai। unko sarvavyaapi kaise kah sakenge! bhala unse varsa kaise paayenge? paavan kaise banenge? ban hi nahin sakenge। baap ghadi-ghadi kehte hain - manamnaabhav, mujhe yaad karo। yeh koi bhi jaante nahin hain। shreekrishna ko bhi vaastav mein sab nahin jaante। woh mor-mukutdhaari yahaan kaise aayenge? yeh hai bahut ooncha gyaan। oonche gyaan mein zaroor thodi difficulty bhi hogi। sahaj naam bhi hai। baap se varsa lena to sahaj hai na। bachche difficult kyon samajhte hain? kyonki baap ko yaad nahin kar sakte।

baba ne bachchon ko durgati aur sadgati ka raaz bhi samjhaaya hai। is samay sab durgati mein ja rahe hain। manushya mat durgati mein le jaati hai, yeh hai eeshvareey mat, isliye baba contrast banvaate hain। harek manushya apne se poochhe ki ham narkavaasi hain va svarga-vaasi hain? ab satayug hai kahaan? parantu manushya kuchh bhi samajhte nahin। satayug ko bhi kalpana samajhte hain। anek mat hain, anek mat se durgati hoti hai। ek mat se sadgati hoti hai। yeh to bahut achha slogan hai - “manushya, manushya ko durgati mein le jaate hain, ek eeshvar sabhi ko sadgati dete hain।'' to tum shubh bolte ho na। baap ki mahima karte ho। woh sarva ka baap hai, sarva ki sadgati karte hain। bachchon ko baap ne bahut samjhaaya hai bhal prabhaat pheri nikaalo। bolo, heavenly god father hamko yeh pad praapta kara rahe hain, ab narka ka ant aane vaala hai। samjhaane mein mehnat to karni padti hai। aeroplane se parche gira sakte ho। ham to ek hi baap ki mahima karte hain, vo hi sarva ka sadgati daata hai। baap kehte - bachche, main tumko sadgati deta hoon। phir tumko durgati dene vaala kaun? kaha jaata hai aadha kalpa hai heaven, phir hell। raavan raajya maana hi aasuri raajya, neeche hi girte aate hain - ulti raavan ki mat se। patit-paavan ek hi baap hai, ham baap se vishwa ka maalik ban rahe hain। is shareer se bhi moh nikaal dena hai। agar hans-bagule ikatthe honge to moh kaise niklega? har ek ki circumstance dekhi jaati hai। himmat hai apna shareer nirvaah aapehi kar sakte ho to phir jyaada jhanjhat mein kyon phansate ho? pet bahut nahin khaata hai, bas do roti khaao aur koi phurna nahin। phir bhi apne se pran kar lena chaahiye ki baap ko hi yaad karna hai, jisse sab vikarma vinaash ho jaayen। iska matlab yeh nahin ki dhandha nahin karna hai। dhandha nahin karenge to paisa kahaan se aayega? bheekh to nahin maangana hai। yeh to ghar hai, shivbaaba ke bhandaare se khaate hain। agar service nahin karte hain to muphta mein khaate hain to goya bheekh par chalna hota hai। 21 janma phir service karni padegi। raaja se lekar rank tak sab yahaan hain, vahaan bhi hain parantu vahaan sadaiv sukh hai, yahaan sadaiv duhkh hai। position to hoti hai na। baap se poora yog rakhna hai। service karni hai। dil se poochhna hai ki ham yagya ki kitni seva karte hain? kehte hain eeshvar ke paas sab hisaab bana-banaaya hai। usko saakshi hokar dekha jaata hai ki is chalan se kya pad paayenge? yeh bhi samajh sakte hain ki shreemat par chalne se kitna oonch pad paayenge, na chalne se kitna kam pad ho jaata hai। yeh sab samajhne ki baaten hain। tumhaare paas pradarshani mein koi bhi dharma vaala aata hai, bolo behad ke baap se behad ke sukh-shanti ka varsa milta hai। behad ka baap hi shanti daata hai। unko hi kehte hain shanti deva। ab koi jad chitra thode hi shanti de sakega। baap kehte hain - tumhaara svadharma hai shant। tum shanti-dhaam mein jaana chaahte ho। kehte ho shivbaaba shanti do to baap kyon nahin denge? kya baap varsa nahin denge bachchon ko? kehte hain shivbaaba sukh do। woh to heaven sthaapan karne vaala hai, to sukh kyon nahi denge? unko yaad hi nahin karenge, unse maangenge hi nahin to woh denge bhi kya? shanti ka saagar to baba hi hai na। tum sukh chaahte ho, baap kehte hain shanti ke baad phir sukh mein aana hai। pahle-pahle jo aayenge woh sukh paayenge। deri se aane vaalon ko sukh maangana aayega hi nahin। woh mukti hi maangenge। pahle sab mukti mein jaayenge। vahaan to duhkh hoga hi nahin।

tum jaante ho ham muktidhaam mein jaakar phir jeevanmukti mein aayenge। baaki sab mukti mein chale jaayenge। isko kayaamat ka samay kaha jaata hai। sabka hisaab-kitaab chuktu hone vaala hai, jaanavron ka bhi hisaab-kitaab hota hai na। koi-koi raajaaon ke paas rehte hain, unhon ki kitni paalna hoti hai। race ke ghodon ki kitni sambhaal hoti hai kyonki ghode teekhe honge to kamaai achhi hogi। dhani zaroor pyaar karenge। yeh bhi drama mein noondh hai। vahaan yeh hote hi nahin। yeh race aadi baad mein shuru hui hai। yeh saara bana-banaaya khel hai। srishti ke aadi-madhya-ant ko bhi ab tum jaan gaye ho। aadi mein bahut thode manushya honge। ham vishwa par raajya karte rahenge। harek samajh sakte hain ki ham ban sakte hain va nahin? ham bahuton ka kalyaan karte hain? ismen mehnat karni pade jabki baap mila hai। duniya vaale to aapas mein ladte-jhagadte rehte hain, vinaash ke liye kya-kya banaate rehte hain? aise-aise bombs banaate hain, jisse aag lag jaaye। bhambhor ko aag koi kam thode hi lagegi। bujhaane vaala koi rahega nahin। dher bombs banaate rehte hain। usmein gas poison aadi daalte hain, jo hava chalne se hi sab khatma ho jaayenge। maut to saamne khada hai, isliye baap kehte hain varsa lena ho to lo। mehnat karo। too much dhandhe aadi mein mat jaao। kitna chintan rakhna padta hai। baba ne inko to chhuda diya। ab yeh chhi-chhi duniya hai। tum bachchon ko baap ko yaad karna hai, jo tumhaare vikarma vinaash ho jaayen aur baap se varsa le lenve। bahut pyaar se yaad karna hai। lakshmi-naaraayan ka chitra dekhne se hi dil khush ho jaata hai। yeh hamaara em object hai। bhal pooja karte the parantu yeh maaloom thode hi tha ki ham yeh ban sakte hain। kal pujaari the, aaj poojya ban rahe hain। baba aaya to pooja chhod di। baap ne vinaash aur sthaapna ka saakshaatkaar karaaya na। ham vishwa ke maalik bante hain। yeh to sab khatma hona hai phir ham kyon na baap ko yaad karen। andar mein ek ki hi mahima gaate rehte hain - baba, aap kitne meethe ho।

tum jaante ho ham sab aatmaon ka baap woh ek hi hai, unse hi varsa milta hai। ham bhakti maarga mein unko yaad karte the, woh paramdham mein rahne vaala hai, isliye to unka chitra bhi hai। agar aaya na ho to chitra kyon hota? shiv jayanti bhi manaate hain। unko kaha hi jaata hai parampita paramatma। baaki to sabko manushya ya devta kaha jaata hai। sabse pahle aadi sanaatan devi-devta dharma tha, peechhe aur dharma hue hain। to aise baap ko kitna pyaar se yaad karna chaahiye। bhakti maarga mein to bahut radiyaan maarte hain, arth kuchh bhi nahi jaante। jo aaya mahima karte rehte hain। anek stutiyaan hain। baap ki stuti kya karenge। tum hi krishna ho, tum hi vyaas ho, tum hi phalaana ho… yeh to glaani hui। baap ka kitna apkaar karte hain। baap kehte drama anusaar yeh sab mera apkaar karte hain phir main aakar sarva ka upkaar, sarva ki sadgati karta hoon। main aaya hoon nai duniya sthaapan karne। yahi haar-jeet ka khel hai। 5 hajaar varsha ka bana-banaaya drama hai, ismen zara bhi farka nahin ho sakta। yeh drama ka raaz baap bigar koi samjha na sake। manushya mat to anek nikalti rehti hain। devta mat to milti hi nahin। baaki hai manushya mat। harek apna akla nikaalte rehte hain। ab tumko aur koi ko bhi yaad nahin karna hai। aatma sirf apne baap ko yaad karti rahe। mehnat karni hai। jaise bhakta bhi mehnat karte hain na। bahut shraddha se bhakti karte hain। jaise woh bhakti hai, tumhaari phir hai gyaan ki mehnat। bhakti mein kam mehnat karte hain kya? guru log kehte roj 100 maala phero, phir kothri mein baith jaate hain। maala pherte-pherte ghanta lag jaata। bahut karke raam-raam ki dhuni lagaate hain, yahaan to tumko baap ki yaad mein rehna hai। bahut pyaar se yaad karna hai। kitna meethe se meetha baba hai। sirf kehte hain mujhe yaad karo aur daiveegun dhaaran karo। khud karenge tab doosron ko bhi raasta bataayenge। baap jaisa meetha aur koi ho nahin sakta। kalpa ke baad tumko meetha baba milta hai। phir pata nahin, aise meethe baap ko kyon bhool jaate ho! baap svarga ka rachayita hai to tum bhi zaroor svarga ke maalik bante ho। parantu kat (junk) utaarne ke liye baap ko yaad karo। na yaad karne ki aisi kaun-si museebat aati hai, kaaran bataao kya baap ko yaad karna difficult hai? achha!

meethe-meethe lucky sitaaron prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shareer nirvaah arth karma zaroor karo lekin too much jhanjhaton mein nahin phansana hai। aisa chintan dhandhe aadi ka na ho jo baap ki yaad hi bhool jaaye।

2) anek manushya maton ko chhod ek baap ki mat par chalna hai। ek baap ki mahima gaani hai। ek baap ko hi pyaar karna hai, baaki sabse moh nikaal dena hai।

vardaan:- behad ki vairaagya vritti dvaara puraane sanskaaron ke vaar se safe rahne vaale master knowledgeful bhav

puraane sanskaaron ke kaaran seva mein va sambandh-samparka mein vighna padte hain। sanskaar hi bhinna-bhinna roop se apni taraph aakarshit karte hain। jahaan kisi bhi taraph aakarshan hai vahaan vairaagya nahin ho sakta। sanskaaron ka chhipa hua ansh bhi hai to samay pramaan vansh ka roop le leta hai, parvash kar deta hai isliye knowledgeful ban, behad ki vairaagya vritti dvaara puraane sanskaaron, sambandhon, padaarthon ke vaar se mukta bano। to safe rahenge।

slogan:- maaya se nirbhay bano aur aapsi sambandhon mein nirmaan bano।