मंगलवार 27 फ़रवरी 2024 की दैनिक मुरली

27-02-2024 praatahmurli om shanti "baapdaada"' madhuban

“meethe bachche - sada baap ki yaad ka chintan aur gyaan ka vichaar saagar manthan karo to nai-nai points nikalti rahengi, khushi mein rahenge''

prashn:- is drama mein sabse bade se badi kamaal kiski hai aur kyon?

uttar:- 1- sabse badi kamaal hai shivbaaba ki kyonki woh tumhein second mein pareezaada bana dete hain। aisi padhaai padhaate hain jisse tum manushya se devta ban jaate ho। duniya mein aisi padhaai baap ke sivaae aur koi padha nahin sakta। 2- gyaan ka teesra netra de andhiyaare se roshni mein le aana, thokar khaane se bacha dena, yeh baap ka kaam hai isliye un jaisi kamaal ka wonderful kaarya koi kar nahin sakta।

om shanti। roohaani baap roz-roz bachchon ko samjhaate hain aur bachche apne ko aatma samajh baap se sunte hain। jaise baap gupta hai vaise gyaan bhi gupta hai, kisko bhi samajh mein nahin aata hai ki aatma kya hai, parampita paramatma kya hai। tum bachchon ki pakki aadat pad jaani chaahiye ki ham aatma hain। baap ham aatmaon ko sunaate hain। yeh buddhi se samajhna hai aur act mein aana hai। baaki dhandha aadi to karna hi hai। koi bulaayenge to zaroor naam se bulaayenge। naam roop hai tab to bol sakte hain। kuchh bhi kar sakte hain। sirf yeh pakka karna hai ki ham aatma hain। mahima saari niraakaar ki hai। agar saakaar mein devtaaon ki mahima hai to unhon ko bhi mahima laayak baap ne banaaya hai। mahima laayak the, ab phir baap mahima laayak bana rahe hain isliye niraakaar ki hi mahima hai। vichaar kiya jaata hai, baap ki kitni mahima hai aur kitni unki service hai। woh samartha hai, woh sab-kuchh kar sakte hain। ham to bahut thodi mahima karte hain। mahima to unki bahut hai। musalmaan log bhi kehte hain allaah miya ne aise farmaaya। ab farmaaya kiske aage? bachchon ke aage farmaate hain, jo tum manushya se devta bante ho। allaah miya ne kiske prati to farmaaya hoga na। tum bachchon ko hi samjhaate hain, jiska koi ko pata hi nahin। abhi tumko pata pada hai phir yeh knowledge hi gum ho jaayegi। bauddhi bhi aise kahenge, Christian bhi aise kahenge। parantu kya farmaaya tha, yeh kisko pata hi nahin। baap tum bachchon ko alpha aur be samjha rahe hain। aatma ko baap ki yaad bhool nahin sakti। aatma avinaashi hai to yaad bhi avinaashi rehti hai। baap bhi avinaashi hai। gaate hain allaah miya ne aise kaha tha parantu woh kaun hain, kya kehte the-yeh kuchh bhi nahin jaante। allaah miya ko thikkar-bhittar mein kah diya hai to jaanenge phir kya? bhakti maarga mein praarthana karte hain। ab tum samajhte ho jo bhi aate hain, unko sato, rajo, tamo mein aana hi hai। Christ bauddha jo aate hain, unke peechhe sabko utarna hai। chadhne ki baat nahin। baap hi aakar sabko chadhaate hain। sarva ka sadgati daata ek hai। aur koi sadgati karne nahin aate। samjho Christ aaya, kisko baith samjhaayenge। in baaton ko samajhne liye achhi buddhi chaahiye। nai-nai yuktiyaan nikaalni chaahiye। mehnat karni hai, ratna nikaalna hai isliye baba kehte hain vichaar saagar manthan karke likho, phir padho ki kya-kya miss hua? baba ka jo part hai, woh chalta rahega। baap kalpa pahle vaali knowledge sunaate hain। yeh bachche jaante hain ki jo dharma sthaapan karne aate hain unke peechhe unke dharma vaalon ko bhi neeche utarna hai। woh kisko chadhaayenge kaise? seedhi neeche utarni hi hai। pahle sukh, peechhe duhkh। yeh naatak bada fine bana hua hai। vichaar saagar manthan karne ki jaroorat hai, woh koi ki sadgati karne nahin aate। woh aate hain dharma sthaapan karne। gyaan ka saagar ek hai aur koi mein gyaan nahin hai। drama mein duhkh-sukh ka khel to sabhi ke liye hai। duhkh se bhi sukh jaasti hai। drama mein part bajaate hain to zaroor sukh hona chaahiye। baap duhkh thode hi sthaapan karenge। baap to sabko sukh dete hain। vishwa mein shanti ho jaati hai। duhkhadhaam mein to shanti ho na sake। shanti tab milni hai jab vaapis shantidham mein jaayenge।

baap baith samjhaate hain। yeh kabhi bhoolna nahin chaahiye ki ham baba ke saath hain, baba aaya hua hai asur se devta banaane। yeh devtaayen sadgati mein rehte hain to baaki sab aatmaayen mool vatan mein rehti hain। drama mein sabse badi kamaal hai behad ke baap ki, jo tumko pareezaada banaate hain। padhaai se tum pari bante ho। bhakti maarga mein samajhte kuchh bhi nahin, maala pherte rehte hain। koi hanumaan ko, koi kisko yaad karte hain, unko yaad karne se phaayda kya? baba ne kaha hai ‘mahaarthi', to unhonne baith haathi par savaari dikha di hai। yeh sab baaten baap hi samjhaate hain। bade-bade aadmi kahaan jaate hain to kitni aajayaan (aavabhgat) karte hain। tum aur kisko aajayaan nahin denge। tum jaante ho is samay saara jhaad jad jadeebhoot hai। vish ki paidaais hai। tumko ab feeling aani chaahiye ki satayug mein vish ki baat nahin। baap kehte hain main tumko padmaapadmapti banaata hoon। sudaama padmaapadmapti bana na। sab apne liye hi karte hain। baap kehte hain is padhaai se tum kitne oonch bante ho। woh geeta sab sunte, padhte hain। yeh bhi padhta tha parantu jab baap ne baith sunaaya to wonder khaaya। baap ki geeta se sadgati hui। yeh manushyon ne kya baith banaaya hai। kehte hain allaah miya ne aise kaha। parantu samajhte kuchh bhi nahin-allaah kaun? devi-devta dharma vaale hi bhagwan ko nahin jaante hain to jo peechhe aate hain woh kya jaanen। sarva shaastra mai shiromni geeta hi wrong kar di hai to baaki phir shaastron mein kya hoga? baap ne jo ham bachchon ko sunaaya woh praayah lop ho gaya। ab tum baap se sunkar devta ban rahe ho। puraani duniya ka hisaab to sabko chuktu karna hai phir aatma pavitra ban jaati hai। unka bhi kuchh hisaab-kitaab hoga to woh chuktu hoga। ham hi pahle-pahle jaate hain phir pahle-pahle aate hain। baaki sab sajaayen khaakar hisaab-kitaab chuktu karenge। in baaton mein jaasti na jaao। pahle to nishchay karaao ki sabka sadgati daata baap hai। teacher guru bhi woh ek hi baap hai। woh hai ashareeri। us aatma mein kitna gyaan hai। gyaan ka saagar, sukh ka saagar hai। kitni unki mahima hai। hai woh bhi aatma। aatma hi aakar shareer mein pravesh karti hai। sivaae parampita paramatma ke to koi aatma ki mahima kar nahin sakte। aur sab shareerdhaariyon ki mahima karenge। yeh hai supreme aatma। bigar shareer aatma ki mahima sivaae ek niraakaar baap ke koi ki ho nahin sakti। aatma mein hi gyaan ke sanskaar hain। baap mein kitne gyaan ke sanskaar hain। pyaar ka saagar, gyaan ka saagar… kya yeh aatma ki mahima hai? koi manushya ki yeh mahima ho na sake। shreekrishna satayug ka pahla number prince hai। baap hi aakar bachchon ko varsa dete hain isliye unki mahima gaai jaati hai। shiv jayanti heere tulya hai। dharma sthaapak aate hain, kya karte hain? samjho Christ aaya, us samay Christian to hain nahin। kisko kya knowledge denge? karke kahenge achhi chalan chalo। yeh to bahut manushya samjhaate rehte hain। baaki sadgati ki knowledge koi de na sake। unko apna-apna part mila hua hai। sato, rajo, tamo mein aana hi hai। aane se hi Christian ki church kaise banengi। jab bahut honge, bhakti shuru hogi tab church banaayenge। usmein bahut paise chaahiye। ladaai mein bhi paise chaahiye। to baap samjhaate hain yeh manushya srishti jhaad hai। jhaad kabhi laakhon varsha ka hota hai kya? hisaab nahin banta। baap kehte hain - he bachche, tum kitne besmajh ban gaye the। abhi tum samajhdaar bante ho। pahle se hi taiyaar hokar aate ho, raajya karne। woh to akele aate hain phir baad mein vriddhi hoti hai। jhaad ka foundation devi-devta, unse phir 3 tube nikalti hain। phir chhote-chhote math-panth aate hain। vriddhi hoti hai phir unki kuchh mahima ho jaati hai। parantu phaayda kuchh bhi nahin। sabko neeche aana hi hai। tumko abhi saari knowledge mil rahi hai। kehte hain god is knowledgeful। parantu knowledge kya hai-yeh kisko maaloom nahin hai। tumko abhi knowledge mil rahi hai। bhaagyashaali rath to zaroor chaahiye। baap saadhaaran tan mein aate hain tab yeh bhaagyashaali bante hain। satayug mein sab padmaapadma bhaagyashaali hain। ab tumko gyaan ka teesra netra milta hai, jisse tum lakshmi-naaraayan jaise bante ho। gyaan to ek hi baar milta hai। bhakti mein to dhakke khaate hain। andhiyaara hai। gyaan hai din, din mein dhakke nahin khaate। baap kehte hain bhal ghar mein geeta paathshaala kholo। bahut aise hain jo kehte hain ham to nahin uthaate, doosron ke liye jagah dete hain। yeh bhi achha।

yahaan bahut silence honi chaahiye। yeh hai holiest oph holi class। jahaan shanti mein tum baap ko yaad karte ho। hamko ab shantidham jaana hai, isliye baap ko bahut pyaar se yaad karna hai। satayug mein 21 janma ke liye tum sukh-shanti donon paate ho। behad ka baap hai behad ka varsa dene vaala। to aise baap ko follow karna chaahiye। ahankaar nahin aana chaahiye, woh gira deta hai। bahut dhairyavat avastha chaahiye। hath nahin। deh-abhimaan ko hath kaha jaata hai। bahut meetha banna hai। devtaayen kitne meethe hain, kitni kashish hoti hai। baap tumko aisa banaate hain। to aise baap ko kitna yaad karna chaahiye। to bachchon ko yeh baaten baar-baar simran kar harshit hona chaahiye। inko to nishchay hai ki ham shareer chhod yeh (lakshmi-naaraayan) banenge। em object ka chitra pahle-pahle dekhna chaahiye। woh to padhaane vaale dehdhaari teacher hote hain। yahaan padhaane vaala niraakaar baap hai, jo aatmaon ko padhaate hain। yeh chintan karne se hi khushi hoti hai। inko yeh nasha rehta hoga ki brahma so vishnu, vishnu so brahma kaise bante hain। yeh wonderful baaten tum hi sunkar dhaaran kar phir sunaate ho। baap to sabko vishwa ka maalik banaate hain। baaki yeh samajh sakte hain ki raajaai ke laayak kaun-kaun banenge। baap ka farja hai bachchon ko ooncha uthaana। baap sabko vishwa ka maalik banaate hain। baap kehte hain main vishwa ka maalik nahin banta hoon। baap is mukh dvaara baith knowledge sunaate hain। aakaashvaani kehte hain parantu arth nahin samajhte। sachchi aakaashvaani to yeh hai jo baap oopar se aakar is gaoomukh dvaara sunaate hain। is mukh dvaara vaani nikalti hai।

bachche bahut meethe hote hain। kehte hain baba aaj toli khilaao। jhajhi (bahut) toli bachche। achhe bachche kahenge ham bachche bhi hain to ham servant bhi hain। baba ko bahut khushi hoti hai bachchon ko dekhkar। bachche jaante hain samay bahut thoda hai। itne jo bombs banaaye hain, woh aise hi phenk denge kya? jo kalpa pahle hua tha so phir bhi hoga। samajhte hain vishwa mein shanti ho। parantu aise to ho na sake। vishwa mein shanti tum sthaapan karte ho। tumko hi vishwa ke baadshaahi ki prize milti hai। dene vaala hai baap। yogbal se tum vishwa ki baadshaahi lete ho। shaareerik bal se vishwa ka vinaash hota hai। silence se tum vijay paate ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni avastha bahut dhairyavat banaani hai। baap ko follow karna hai। kisi bhi baat mein anhakaar nahin dikhaana hai। devtaaon jaisa meetha banna hai।

2) sada harshit rahne ke liye gyaan ka simran karte raho। vichaar saagar manthan karo। ham bhagwan ke bachche bhi hain to servant bhi hain - isi smriti se seva par tatpar raho।

vardaan:- manmanaabhav ke saath madhyaaji bhav ke mantra swaroop mein sthit rahne vaale mahaan aatma bhav

aap bachchon ko manmanaabhav ke saath madhyaaji bhav ka bhi vardaan hai। apna svarga ka swaroop smriti mein rahe isko kehte hain madhyaaji bhav। jo apne shreshtha praaptiyon ke nashe mein rehte hain vahi madhyaaji bhav ke mantra swaroop mein sthit rah sakte hain। jo madhyaaji bhav hain woh manmanaabhav to honge hi। aise bachchon ke har sankalp, har bol aur har karma mahaan ho jaate hain। smriti swaroop banna maana mahaan aatma banna।

slogan:- khushi aapka special khajaana hai, is khajaane ko kabhi nahin chhodna।