सोमवार 11 मार्च 2024 की दैनिक मुरली

11-03-2024 praatahmurli om shanti "baapdaada"' madhuban

“meethe bachche - baap aur bachchon ki activity mein jo antar hai use pahchaano, baap tum bachchon ke saath khel sakta, kha nahin sakta''

prashn:- sat ka sang taare, kusang bore - iska bhaavaartha kya hai?

uttar:- tum abhi sat ka sang karte ho arthaat baap se buddhiyog lagaate ho to paar ho jaate ho। phir dheere-dheere kusang arthaat deh ke sang mein aate ho to utarte jaate ho kyonki sang ka rang lagta hai isliye kaha jaata - sat ka sang taare, kusang bore। tum deh sahit deh ke sab sambandhon ko bhool baap ka sang karo arthaat baap ko yaad karo to baap samaan paavan ban jaayenge।

om shanti। ab bachchon ki do class ho gai। yeh achha hai, ek yaad ki yaatra, jisse paap katte jaate hain, aatma pavitra banti jaati hai aur doosra class hota hai gyaan ka। gyaan bhi sahaj hai। koi difficulty nahin। tumhaare centre aur yahaan mein farka rehta hai। yahaan to baap baithe hain aur bachche hain। yeh mela hai baap aur bachchon ka। aur tumhaare centres mein mela lagta hai bachchon ka aapas mein, isliye bachche sammukh aate hain। bhal yaad karte hain parantu tum sammukh dekhte ho - tumheen se baithoon, tumheen se baatcheet karoon…। baap ne samjhaaya hai baap aur bachchon ki activity mein farka hai। khyaal karo, ismen baba ka part kya hai aur rath ka part kya hai? kya baap rath dvaara khel sakte hain? haan khel sakte hain। jab kehte hain tumheen se baithoon, aise hi tumheen se khaaoon… kyonki khud to woh khaate nahin। bachchon saath khelna koodna woh to baap khud samajhte hain, donon khelte hain। karte to sab kuchh yahaan hi tumhaare saath hain kyonki woh supreme teacher bhi hai। teacher ka to kaam hai bachchon ko bahlaana। indoor game hoti hai na। aajkal to games bhi bahut nikal gai hain bhinna-bhinna prakaar ki। sabse naameegraami hai chaupad ka khel, jiska mahaabhaarat mein varnan hai। parantu woh jua ke roop mein hai। jua vaalon ko pakadte hain। yeh sab bhakti maarga ki pustakon se baaten nikaali hain।

tum jaante ho ki yeh vrat nem aadi sab bhaktimaarga ki baaten hain। nirjal rakhte, khaana bhi nahin khaate to paani bhi nahin peete। agar bhakti maarga mein praapti hoti bhi hai to alpakaal ki। yahaan to tum bachchon ko sab samjhaaya jaata hai। bhakti maarga mein dhakke bahut khaate hain। gyaan maarga hai sukh ka maarga। tum jaan gaye ho ham sukh ka varsa baap se le rahe hain। bhakti maarga mein bhi yaad karna hota hai ek ko। ek ki pooja bhi avyabhichaari pooja hai, woh bhi achhi hai। bhakti bhi sato-rajo-tamo hoti hai। sabse oonch te oonch satoguni hai shivbaaba ki bhakti। shivbaaba hi aakar sab bachchon ko sukhdhaam mein le jaate hain। jo sabse jaasti bachchon ki seva karte, paavan banaate unko pukaarte bhi hain। phir kehte thikkar bhittar mein hai, yeh glaani hui na। tum bachchon ko behad ke baap dvaara raajya bhaagya mila tha, phir milna hai zaroor। tum gyaan ko alag, bhakti ko alag samajhte ho। raam raajya aur raavan raajya kaise chalta hai - yeh bhi tum nambarvaar purooshaartha anusaar jaante ho isliye parche aadi bhi chhapaate rehte hain kyonki manushyon ko sachchi samjhaani bhi chaahiye na। tumhaara sab kuchh hai sach।

bachchon ko service karni chaahiye। service to bahut hai। yeh badge hi kitna achha hai service ke liye। sabse bada shaastra hai yeh badge। ab yeh hai gyaan ki baaten, ismen samjhaana padta hai, yeh yaad ki yaatra alag hai। isko kaha jaata hai ajpaajaap। japna kuchh nahin hai। andar mein bhi shiv-shiv nahin kehna chaahiye। sirf baap ko yaad karna hai। yeh to jaante ho shivbaaba baap hai, ham aatmaayen unki santaan hain। vahi sammukh aakar kehte hain - main patit-paavan hoon, main kalpa-kalpa aata hoon paavan banaane। deh sahit deh ke sab sambandh chhod apne ko aatma samjho। mujh apne baap ko yaad karo to tum paavan ban jaayenge। mera part hi hai patiton ko paavan banaane ka। yeh hai buddhi ka yog athva sang baap ke saath। sang se rang lagta hai। kaha jaata hai sang taare kusang bore.... baap se buddhiyog lagaane se tum paar ho jaate ho। phir utarne shuru kar dete ho। unke liye gaaya jaata hai sat ka sang taare.... uska arth bhi bhakti maarga vaale nahin jaante। tum samajhte ho hamaari aatma patit hai, woh paavan ke saath buddhi ka yog lagaane se paavan banti hai। aatma ko paramatma baap ko yaad karna padta hai। jab aatma pure bane tab shareer bhi pavitra bane, sachcha sona bane। yeh hai yaad ki yaatra। yog agni se vikarma bhasma hote hain, khaad nikal jaati hai। tum jaante ho satayugi nai duniya mein ham pavitra sampoorn nirvikaari the, 16 kala sampoorn bhi the। abhi koi kala nahin rahi hai, isko kaha jaata hai raahu ka grahan। saari duniya, khaas bhaarat par raahu ka grahan laga hua hai। tan bhi kaale hain, jo kuchh tum in aankhon se dekhte ho sab kaale hain। yatha raaja raani tatha praja। shyaam sundar ka arth bhi koi nahin jaante hain। kitne naam manushyon ke rakh diye hain। ab baap ne aakar arth samjhaaya hai। tum hi pahle sundar phir shyaam bante ho। gyaan chita par baithne se tum sundar ban jaate ho phir bhi yeh banna hai - shyaam se sundar, sundar se shyaam। unka arth baap ne aatmaon ko samjhaaya hai। ham aatmaayen ek baap ko hi yaad karti hain। buddhi mein aa gaya hai ham bindi hain। isko kaha jaata hai aatma ki realisation। phir dekhne ke liye insight। yeh to hain samajhne ki baaten। aatma ko samajhna hai। main aatma hoon, yeh mera shareer hai। ham yahaan shareer mein aakar part bajaate hain। pahle-pahle ham aate hain, drama ke plan anusaar। aatmaayen to sab hain - koi mein part kitna hain, koi mein kitna। yeh bada bhaari behad ka naatak hai। ismen nambarvaar kaise aate hain, kaise part bajaate hain - yeh tum jaante ho। pahle-pahle devi-devta gharaana hai। yeh knowledge bhi tumko abhi hai is purooshottam sangamayug par। baad mein phir yeh kuchh bhi yaad nahin rahega। baap khud kehte hain yeh gyaan praayah lop ho jaata hai। kisko bhi yeh pata nahin hai ki devi-devta dharma ki sthaapna kaise hui। chitra to hain parantu woh kaise sthaapan hua, kisko bhi pata nahin। tum bachchon ko pata hai phir tum auron ko aap samaan banaate ho। bahut ho jaayenge to zaroor phir laaud-speaker bhi rakhna padega। koi zaroor yukti niklegi। bahut bade haal ki bhi darkaar padegi। jaise kalpa pahle jo kuchh act ki thi vahi phir hogi। yeh samajh mein aata hai। bachche vriddhi ko paate rahenge। baba ne samjhaaya tha shaadi ke liye jo haal aadi banaate hain unko bhi samjhaao। yahaan bhi shaadi ke liye dharmashaala aadi bana rahe hain na। koi apne kul ke hain to jhat samajh jaate hain, jo is kul ke nahin honge woh vighna daalenge। jo is kul ke honge woh maanenge ki yeh satya kehte hain, jo is dharma ke nahin honge woh ladenge, kahenge yeh to rasma chali aa rahi hai। abhi apvitra pravritti maarga hai, phir baap aaye hain paavan banaane। tum pavitrata par jor dete ho isliye kitne vighna padte hain। aagaakhaan hai, unka kitna maan hai। pope ka bhi maan hai। tum jaante ho pope kya aakar karte hain। laakhon-karodon shaadiyaan karaate hain, bahut shaadiyaan hoti hain। pope aakar hathiyaala bandhavaate hain, ismen vo log ijjat samajhte hain। mahaatmaaon ko bhi shaadi par bulaate hain। aajkal sagaai bhi karaate hain। baap kehte hain kaam mahaashatru hai। yeh ordinance nikaalna maasi ka ghar nahin hai, ismen samjhaane ki badi yukti chaahiye। aage chalkar dheere-dheere samajhte jaayenge। aadi sanaatan hindu dharma vaale jo hain unko samjhaao। woh jhat samajh sakte hain ki barobar aadi sanaatan devi-devta dharma tha, na ki hindu। jaise tum baap dvaara jaan gaye ho vaise aur bhi samajh kar vriddhi ko paate rahenge। yeh bhi pakka nishchay hai, yeh kalam lagta jaayega। tum baap ki shreemat par yeh devta bante ho। yeh hain nai duniya mein rahne vaale। pahle tumko yeh thode hi maaloom tha ki baap sangamayug par aakar hamko transfer karenge। jara bhi pata nahin tha। abhi tum samajhte ho sachcha-sachcha purooshottam sangamayug isko kaha jaata hai। ham purooshottam ban rahe hain। ab jitna purooshaartha karenge utna banenge।

har ek ko apne dil se poochhna hai। school mein jis subject mein kachche hote hain to samajh jaate hain ham naapaas honge। yeh bhi paathshaala hai, school hai। geeta paathshaala to mashhoor hai। phir unka naam thoda-thoda phira diya hai। tum likhte ho ‘sachchi geeta, jhoothi geeta' to bhi bigadte hain। zaroor khitkhit hogi, ismen darne ki baat nahin। aajkal to yeh fashion pad gaya hai, bason aadi ko jalaate, aag lagaate rehte hain। jisne jo sikhaaya, vahi seekhe hain। aage se bhi jaasti sab seekh gaye hain। sab picketing aadi karte rehte hain। government ko bhi har varsha khot (ghaata) padti hai to phir tax badhaaye jaate hain। ek din bank aadi sabke khaane khol degi। anaaj aadi ke liye bhi jaanch karte hain - kahaan jaasti to nahin rakha hai। in sab baaton se tum chhoote hue ho। tumhaare liye mukhya hai hi yaad ki yaatra। baap kehte hain mera in baaton se koi vaasta nahin। mera to sirf kaam hai raasta bataana। to tumhaare duhkh sab door ho jaayenge। is samay tumhaare karmon ka hisaab-kitaab chuktu hota hai। rahi-khuhi (bachi hui) beemaari aadi sab baahar niklegi। pichhaadi ke rahe hue karmon ka hisaab-kitaab chuktu hona hai। darna nahin hai। beemaari mein bhi manushyon ko bhagwan ki yaad dilaai jaati hai na। tum hospital mein bhi jaakar knowledge do ki baap ko yaad karo to vikarma vinaash ho jaayenge। sirf is janma ki baat nahin, bhavishya 21 janma ke liye ham guarantee karte hain, kabhi beemaar nahin honge। ek baap ko yaad karne se tumhaari aayu bhi badi hogi। bhaaratvaasiyon ki aayu badi thi, nirogi the। ab baap tum bachchon ko shreemat dete hain shreshtha banne ke liye। purooshottam akshar to kabhi bhi bhoolo nahin। kalpa-kalpa tum hi bante ho। aise aur koi kah na sake। to aisi-aisi service bahut kar sakte ho। doctors se to koi bhi samay time le sakte ho। naukri karne vaale bhi bahut service kar sakte hain। mareejon ko bolo - hamaara bhi bada doctor hai, avinaashi behad ka surgeon hai। ham unke bane hain jisse ham 21 janma nirogi bante hain। health minister ko samjhaao ki health ke liye itna maatha kyon maarte ho। satayug mein manushya bahut kam the। shanti, sukh, pavitrata sab thi।

saari duniya mein tum hi sabka kalyaan karne vaale ho। tum pande ho na। paandav sampradaay ho। yeh kiski buddhi mein nahin hoga। food minister ko samjhaao - pahle-pahle sabse bada food minister to shivbaaba hai। itna anaaj dete jo svarga mein kabhi khot nahin hogi। abhi tum ho sangamayug par। saara chakra tumhaari buddhi mein hai isliye tumko svadarshan chakradhaari kaha jaata hai। baaki bhaarat insolvent ban gaya hai। akla vaale aakar akla sikhlaate rehte hain, yeh bhi tum bachche jaante ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek baap ko saathi banaakar tumheen se baithoon, tumheen se sunoon, tumheen se khaaoon.... yeh anubhav karna hai। kusang chhod sat ke sang mein rehna hai।

2) karmon ka hisaab-kitaab yaad ki yaatra aur karmabhog se chuktu kar sampoorn paavan banna hai। sangamayug par svayan ko poora transfer karna hai।

vardaan:- dil se “mera baba'' kahkar sachcha sauda karne vaale surrender va marjeeva bhav

brahmaakumaar kumaari banna maana surrender hona। jab dil se kehte ho “mera baba'' to baba bhi kehte bachche sab kuchh tera। chaahe pravritti mein ho, chaahe centre par ho lekin jisne dil se kaha mera baba, to baap ne apna bana liya, yeh dil ka sauda hai, mukh ka sthool sauda nahin। surrender maana shreemat ke andar rahne vaale। aise surrender hone vaale hi marjeeva brahman hain।

slogan:- agar mera shabd se pyaar hai to anek mere ko ek mere baba mein sama do।

aaj ham sabki ati snehi, baapdaada ke naynon ki noor, apne dil mein dilaaraam baap ko basaane vaali, baapdaada ka rath, (chhota nandi) daadi gulzaar ji 11 march 2021 ko avyakt-vatanvaasi bani। aaj unke punya smriti divas par ham sab unke anmol vachan apne jeevan mein utaar kar unke sneh aur baapdaada ki paalna ka return karen, yahi unke prati sachchi shradhaanjali hai।

guljaar daadi ji dvaara uchchaarit kuchh anmol vachan

1) apni sab jimmevaariyaan baba ko dekar double light raho to khushi mein naachte rahenge।

2) man-buddhi ko ek baap mein lagaana, ekaagra karna hi sachchi saadhna hai।

3) parmaatma pyaar hi nihsvaartha pyaar hai, iske return mein sirf samaan bano।

4) baba ke saath ka anubhav karne ke liye man-buddhi ko clean aur clear rakho।

5) sarvashaktivaan baap saath hai to sada mauj mein raho, na moonjho, na ghabraao, na kabhi dilshikasta ho।

6) antahvaahak shareer dvaara seva karne ke liye double light bano।

7) baba ko dil ka haal sunaao, naynon mein basaao to kisi mein aankh nahin doobegi।

8) antim samay mein mansa seva karne ke liye sarvashaktiyon ka stock jama karo।